A Z
R B A Y C A N
X Z R D N Z G M
L Y
И
ИЧИ И И
26 oktyabr 2017-ci il № 73-76 (9167)
5
www.seanews.az
Avropa Yenidənqurma və İnkişaf
Bankı (EBRD) Trans-Anadolu qaz boru
kəməri (TANAP) layihəsi üçün Azərbay-
cana 500 milyon dollar kredit ayırıb.
Kredit layihəsinin yekun icmalı ok-
tyabrın 18-də EBRD-nin idarə heyəti
tərəfindən təsdiq olunub. Bu vəsait “Cə-
nub Qaz Dəhlizi”nin ən böyük hissəsini
təşkil edən TANAP layihəsində istifadə
edilməsi üçün “Cənub Qaz Dəhlizi” Qa-
palı Səhmdar Cəmiyyətinə (CQD) ayrılıb.
Kredit CQD-nin TANAP üzrə öhdəliklə-
rinin bir hissəsinin maliyyələşdirilməsinə
yönəldiləcək.
Qeyd edək ki, EBRD ilə yanaşı, bir
sıra digər beynəlxalq maliyyə institutları
da TANAP layihəsini dəstəkləyib. Ümu-
mi dəyəri 8,6 milyard dollar olan TANAP
üçün daha əvvəl Dünya Bankı 800 mil-
yon dollar kredit ayırıb. Bu kreditin 400
milyon dolları Azərbaycanın zəmanəti
ilə “Cənub Qaz Dəhlizi” QSC-yə, qalan
hissəsi isə Türkiyənin zəmanəti ilə “Bo-
taş” şirkətinə verilib. Asiya İnfrastruktur
İnvestisiya Bankı isə TANAP-a 600 mil-
yon dollar maliyyə vəsaiti ayırıb. Avropa
İnvestisiya Bankı da TANAP layihəsinin
maliyyələşdirilməsini nəzərdən keçirir.
Xatırladaq ki, “Cənub Qaz Dəhlizi”
QSC Azərbaycan Prezidentinin “Şahdəniz
qaz-kondensat yatağının istismarının ikin-
ci mərhələsi və “Cənub Qaz Dəhlizi”nin
yaradılmasına dair digər layihələrlə bağlı
bəzi tədbirlər haqqında” 2014-cü il tarixli
25 fevral Sərəncamı əsasında yaradılmış
və səhmlərinin 51 faizi dövlət mülkiyyəti
olmaqla İqtisadiyyat Nazirliyinə, 49 faizi
isə SOCAR-a məxsus olan qapalı səhm-
dar cəmiyyətidir.
TANAP Avropa İttifaqı üçün prioritet
enerji layihələrindən biri olan “Cənub Qaz
Dəhlizi”nin tərkib hissəsidir. “Cənub Qaz
Dəhlizi”nin digər seqmentlərini isə “Şah-
dəniz-2”, Cənubi Qafqaz Boru Kəmərinin
Genişləndirilməsi və “Trans-Adriatik”
(TAP) layihələri təşkil edir. Bu boru xətti
Xəzər dənizinin Azərbaycan sektorundakı
“Şahdəniz-2” yatağından hasil olunacaq
qazı Türkiyəyə və bu ölkədən də Avropaya
çatdıracaq. Uzunluğu 3 min 500 kilometr
olan “Cənub Qaz Dəhlizi” vasitəsilə ilkin
mərhələdə Türkiyəyə 6 milyard kubmetr,
Avropaya 10 milyard kubmetr qaz nəqli
nəzərdə tutulur. Azərbaycan təbii qazının
2018-ci ilin ortalarında Türkiyəyə, 2020-
ci ilədək isə Avropaya çatdırılması plan-
laşdırılır.
“Bakı Beynəlxalq Dəniz Ticarət
Limanı” QSC-nin dəstəyi ilə Gəncə
şəhərində Azərbaycan Texnologiya
Universitetinin Yüngül Sənaye Mü-
həndisliyi və Logistika Fakültəsində
yaradılan Logistika - Təlim-Tədris
Mərkəzinin açılış mərasimi olub.
Bu barədə “Bakı Beynəlxalq Dəniz
Ticarət Limanı” QSC-nin mətbuat xidmə-
tindən məlumat verilib.
Rəsmi açılış mərasimindən öncə qo-
naqlar təlim mərkəzi ilə tanış olublar.
Azərbaycan Texnologiya Universite-
tinin (ATU) rektoru Akif Süleymanov la-
yihənin uğurla tamamlanması ilə bağlı öz
məmnunluğunu bildirərək, logistika sahə-
sinin Azərbaycan iqtisadiyyatı üçün çox
böyük əhəmiyyət kəsb etdiyini vurğulayıb
və Bakı Limanı ilə ATU-nun əlaqələrinin
yalnız Təlim-Tədris Mərkəzi çərçivəsində
deyil, digər sahələrdə də inkişaf etdirilmə-
sinə ümid bəslədiyini deyib.
O, həmçinin qeyd edib ki, bu layihə
Bakı Limanının təcrübəsinin universitet-
də təhsil alan gənc və perspektivli tələ-
bələrlə bölüşməsi üçün böyük təşəbbüs-
dür.
Bakı Limanının baş direktorunun
müavini Fərid Əhmədov layihə haqqında
məlumat verərək bildirib ki, “Həm təhsi-
lin, həm də sənayenin inkişafı məqsədilə
sənaye ilə təhsilin əlaqəsi qaçılmazdır.
Bunlardan heç biri ayrılıqda inkişaf edə
bilməz və hər ikisi bir-birini qidalandır-
malıdır. Məhz bu səbəbdən bu cür logis-
tika mərkəzlərinin, hətta logistika sahə-
sində yeni ixtisasların yaranması təsadüfi
deyil”.
Bakı Limanının İstismar Xidmətinin
müdiri Yevgeni Si bu cür əməkdaşlıqların
yalnız Gəncəyə deyil, eyni zamanda digər
ətraf regionların inkişafına da öz töhfəsini
verəcəyinə inandığını vurğulayıb.
AVRoPA YENİDƏNQURMA VƏ İNKİŞAF BANKI TANAP LAYİhƏSİ
üçüN AZƏRBAYcANA 500 MİLYoN DoLLAR KREDİT AYIRIB
BAKI LİMANININ DƏSTƏYİ İLƏ LogİSTİKA -
TƏLİM-TƏDRİS MƏRKƏZİ FƏALİYYƏTƏ BAŞLAYIB
“Azərbaycan Xəzər Dəniz
Gəmiçiliyi” QSC-nin Nəq-
liyyat donanmasına məxsus
“Bərdə” gəmi-bərəsinin
təmiri yekunlaşıb. Gəmi sınaq
üzüşündən uğurla çıxıb.
Gəmi-bərənin sükan və
köməkçi qurğusu, hərəkət mexa-
nizmləri, müxtəlif təyinatlı nasos-
lar, köməkçi və baş mühərriklər
əsaslı təmir olunub. Bəzi detallar
yeniləri ilə əvəzlənib. Eyni za-
manda gəmi qazanı, mühərriklə-
rin soyutma boruları, lövbər qur-
ğusu da sazlanıb. Bərənin sualtı
və suüstü hissəsi, vaqon göyərtəsi
rənglənib.
Gəminin avtomatika, naviqa-
siya avadanlıqları və elektrik his-
sələrində də bütün zəruri yoxlama
və təmir işləri həyata keçirilib.
Sınaq üzüşündən uğurla çıxan gə-
mi-bərənin registrə dair müvafiq
sənədləri də artıq hazırdır.
“Bərdə” gəmi-bərəsinin ye-
nidən Transxəzər Beynəlxalq Nəq-
liyyat Marşrutunda istismarına
start verilib. Qeyd edək ki, üzən
vasitə Bakı-Türkmənbaşı-Bakı,
Bakı-Aktau-Bakı, Bakı-Kurık-Ba-
kı xətlərində müntəzəm çıxdığı
səfərlərdə dəmir yolu vaqonları
daşıyır.
Məlumat üçün bildirək ki,
uzunluğu 154.50, eni isə 17.0
metr olan gəminin maksimal sürə-
ti 13.9 uzeldir. Bərə göyərtəsinə
54 vaqon götürmək qabiliyyətin-
dədir.
Qeyd edək ki, “Azərbaycan
Xəzər Dəniz Gəmiçiliyi” QSC
Xəzərdə yeganə bərə operatoru-
dur. Hazırda Gəmiçiliyin donan-
masında 13 gəmi-bərə var.
“BƏRDƏ” gƏMİ-BƏRƏSİNİN YENİDƏN
TRANSXƏZƏR BEYNƏLXALQ NƏQLİYYAT
MARŞRUTUNDA İSTİSMARINA START VERİLİB
Azərbaycan təbii qazının Avropaya
nəqlini nəzərdə tutan “Trans-Adriatik”
(TAP) qaz boru kəmərinin tikintisində
istifadə olunacaq boruların hamısı Yu-
nanıstan, Albaniya və İtaliyaya çatdırı-
lıb.
Bu barədə TAP konsorsiumu məlu-
mat yayıb. Bildirilir ki, TAP-ın inşasında
istifadə ediləcək boruların son partiyası
Yunanıstanın Saloniki şəhərinə gətirilib.
TAP-ın inşasında istifadə olunacaq ümu-
milikdə 55 min borunun nəqli təxminən
il yarıma tamamlanıb. İlk borular 2016-cı
ilin aprelində Albaniyanın Durres şəhə-
rinə, bir ay sonra isə Yunanıstana gətirilib.
TAP-ın Yunanıstan hissəsində 32 min,
Albaniyada 13 min, dəniz hissəsində 9
min 150 və İtaliyada isə 670 borudan is-
tifadə olunacaq. Boruların çəkisi ümumi-
likdə 520 min ton təşkil edir. Bir 18 metr-
lik borunun çəkisi 9,3 tondan 16,3 tona
qədər dəyişir.
Borular
tikinti
meydançalarına
müxtəlif ölçülü 79 gəmi və Yunanıstan
ərazisində isə 158 blok qatarla çatdırılıb.
Borular Yunanıstan “Corinth Pipeworks”
şirkəti və Almaniyanın “Salzgitter Man-
nesmann” şirkətində istehsal edilib.
Qeyd edək ki, TAP qaz boru kəmə-
ri layihəsinin 57 faizi icra edilib. Boru
kəmərinin keçdiyi ölkələrdə ümumilikdə
5 min 500 nəfər işçi çalışır. TAP-ın ötürü-
cülük qabiliyyəti ildə 10 milyard kubmetr
olan ilkin layihəsi üzrə biri Yunanıstanın
şərqində - Kipoidə, digəri isə Albaniyanın
qərbində - Fierdə olmaqla ümumilikdə iki
kompressor stansiyasının tikintisi davam
etdirilir. Həmçinin Albaniyanın şərqində
Bilisht regionuna yaxın ərazidə bir ölçmə
stansiyasının inşası aparılır.
TAP Avropa İttifaqı üçün prioritet
enerji layihələrindən olan “Cənub Qaz
Dəhlizi”nin bir seqmentini təşkil edir.
Boru kəmərinin təməli keçən il mayın 17-
də Yunanıstanın Saloniki şəhərində qoyu-
lub. Layihənin ümumi dəyəri 4,5 milyard
avro olacaq. Buraya 2009-cu ildən bəri
davam edən dizayn və mühəndislik işləri
də daxil edilib. “Şahdəniz” konsorsiumu
ilk qaz satışını 2018-ci ilin sonunda Tür-
kiyəyə və Gürcüstana həyata keçirəcək.
Avropaya ilk qazın verilməsi isə bundan
təxminən 1 il sonra 2020-ci ilin əvvəllə-
rində planlaşdırılır. Bu ilin ilk rübündə
layihə üzrə kompressor stansiyalarının ti-
kintisinə də başlanılacaq. Boru kəmərinin
dəniz hissəsi isə 2018-2019-cu illərdə inşa
ediləcək.
Xəzər dənizinin Azərbaycan sekto-
rundakı “Şahdəniz-2” yatağından hasil
olunacaq qazı Türkiyəyə və bu ölkədən
də Avropaya daşıyacaq 3 min 500 kilo-
metr uzunluğundakı “Cənub Qaz Dəh-
lizi”nin tərkib hissəsi olan TAP layihə-
si Cənubi Qafqaz Boru Kəmərinin və
TANAP-ın davamı olub, “Şahdəniz-2”-
dən hasil olunacaq qazın Yunanıstan və
Albaniya vasitəsilə, Adriatik dənizindən
keçməklə İtaliyanın cənubuna, oradan
da Qərbi Avropaya nəqlini nəzərdə tutur.
TAP boru kəməri TANAP ilə birləşəcək
və Yunanıstanın Türkiyə ilə sərhəddə
yerləşən Kipoi ərazisindən başlayacaq.
Buradan TAP boru kəməri Yunanıstan
və Albaniya ərazisini qət edərək şərqdən
qərbə Adriatik dənizi sahillərinə doğru
istiqamətlənəcək və İtaliyanın Puqlia
bölgəsində sahilə çıxacaq. Boru kəməri
burada “Snam Rete Gas” şirkətinin is-
tismar etdiyi İtaliyanın qaz nəqliyyatı
şəbəkəsinə birləşəcək. Bu layihə Azər-
baycan qazının İtaliya, Almaniya, Fran-
sa, Böyük Britaniya, İsveçrə və Avstriya
kimi böyük Avropa bazarlarına çatdırıl-
ması üçün böyük imkanlar yaradır. TAP-
ın ilkin ötürücülük qabiliyyəti ildə 10
milyard kubmetr olacaq və bu həcmin
gələcəkdə 20 milyard kubmetrədək artı-
rılması nəzərdə tutulub.
Boru kəmərinin uzunluğu 878 kilo-
metr (Yunanıstan–550 kilometr, Alba-
niya–215 kilometr, Adriatik dənizi–105
kilometr, İtaliya–8 kilometr), diametri isə
48 düymdür (sualtı hissə-37 düym). Boru
kəmərinin ən aşağı hissəsi dəniz səviyyə-
sindən təxminən 820 metr dərinlikdə, ən
yüksək hissəsi Albaniya dağlarında 1800
metr hündürlükdən keçəcək. 2020-ci ilə-
dək layihə üzrə Azərbaycan şirkətlərinin
xərclərinin 1,2 milyard dollar olması göz-
lənilir.
TAP-ın səhmdarları belədir: BP (20
faiz), SOCAR (20 faiz), “Snam S.p.A.”
(20 faiz), “Fluxys” (19 faiz), “Enagás” (16
faiz) və “Axpo” (5 faiz).
TAP-IN İNŞASINDA İSTİFADƏ EDİLƏcƏK BoRULARIN hAMISI
YUNANISTAN, ALBANİYA VƏ İTALİYAYA çATDIRILIB
“Şimal-Cənub” Bey-
nəlxalq Nəqliyyat Dəhlizi tam
formalaşdıqdan sonra Azər-
baycanla İran arasında ticarət
dövriyyəsində kəskin artım
müşahidə ediləcək.
AZƏRTAC xəbər verir ki,
bunu Azərbaycanın İrandakı səfiri
Bünyad Hüseynov İran İslam Res-
publikasının iqtisadi məsələlər və
maliyyə naziri Məsud Kərbasian
ilə görüşündə deyib.
Səfir həmsöhbətini Azərbaycan
Respublikası ilə İran İslam Res-
publikası arasında iqtisadi, ticarət
və humanitar sahələr üzrə Dövlət
Komissiyasının həmsədri təyin
olunması münasibəti ilə təbrik
edib.
Diqqətə çatdırılıb ki, son dörd
ildə Azərbaycan və İran prezident-
ləri 9 dəfə görüşüb. Ölkələrimiz
arasında ticari-iqtisadi əlaqələr in-
kişaf edir, ötən il ticarət dövriyyə-
sində 70 faiz artım olub. Dövlət və
hökumət nümayəndələrinin qarşı-
lıqlı səfərləri intensiv xarakter da-
şıyır. Həyata keçirilən birgə iqtisadi
layihələrdən konkret nəticələr əldə
olunur. Qarşılıqlı olaraq biznes-fo-
rum və sərgilər təşkil olunur. Azər-
baycan və İran şirkətləri Neftçala
Sənaye Məhəlləsində avtomobil və
Pirallahı Sənaye Parkında dərman
istehsalı zavodunu müştərək inşa
edirlər. Vurğulanıb ki, Azərbaycan
Respublikasının Prezidenti İlham
Əliyevin tapşırıq və Sərəncamları
ilə ölkəmizdə nəqliyyat infrastruk-
turunun inkişafı, tranzit potensia-
lının artırılması istiqamətində bir
sıra irimiqyaslı layihələr həyata
keçirilir. Bu sahəyə irihəcmli döv-
lət investisiyaları yönəldilir. Səfir
diqqətə çatdırıb ki, Azərbaycanın
müxtəlif bölgələrində müasir logis-
tik mərkəzlərin yaradılması is-
tiqamətində işlər aparılır. Qazaxıs-
tanın Aktau şəhərində Azərbaycan
tərəfinin qurduğu müasir logistik
mərkəz fəaliyyət göstərir və İran
şirkətləri sözügedən mərkəzin im-
kanlarından yararlana bilərlər.
“Şimal-Cənub”
Beynəlxalq
Nəqliyyat Dəhlizinin əhəmiyyətinə
toxunan səfir Bünyad Hüseynov
qeyd edib ki, sözügedən nəqliyyat
dəhlizi tam formalaşdıqdan sonra
iki ölkə arasındakı ticarət dövriyyə-
sində kəskin artım müşahidə edilə-
cək. Astara (Azərbaycan)-Astara
(İran) dəmir yolu xəttinin istismara
verilməsi ilə Fars Körfəzi ilə Avro-
panın ucqar limanları arasında bir-
başa əlaqə yaranacaq. İranı Azər-
baycan vasitəsilə Rusiya və Avropa
ilə birləşdirəcək Rəşt-Astara dəmir
yolunun inşası hər iki dövlətin iq-
tisadi və ticarət əlaqələrini daha da
möhkəmləndirəcək.
İki ölkənin qarşılıqlı əmək-
daşlıq əlaqələrinin inkişafını müs-
bət qiymətləndirən B.Hüseynov
diqqətə çatdırıb ki, həyata keçirilən
tədbirlər qarşılıqlı faydalı əmək-
daşlığın bariz nümunəsidir. İki ölkə
arasında turizm sahəsində əmək-
daşlıq inkişaf edir, belə əlaqələr tu-
rizm sənayesinin inkişafına böyük
təkan verir, həmçinin xalqlarımızı
bir-birinə daha da yaxınlaşdırır.
Azərbaycana gələn turistlər üçün
viza rəsmiləşdirilməsi prosedu-
runun sadələşdirilməsi məqsədilə
Azərbaycan Respublikasının Pre-
zidenti İlham Əliyevin müvafiq
Fərmanı ilə “ASAN viza” sistemi
yaradılıb. 2017-ci il yanvarın 10-
dan başlayaraq İran vətəndaşları
sözügedən sistem ilə 3 gün ərzində
elektron vizalar ala bilirlər.
Həmçinin 2017-ci il avqustun
30-dan başlayaraq “ASAN viza”
portalı vasitəsilə təcili elektron vi-
zaların rəsmiləşdirilməsinə başla-
nılıb. İki ölkə Prezidenti arasında
çox yaxşı qarşılıqlı etimadın ya-
ranmasından məmnun olduğunu
bildirən Məsud Kərbasian Azər-
baycan Respublikası ilə İran İslam
Respublikası arasında ikitərəfli
əlaqələrin yüksək səviyyədə oldu-
ğunu qeyd edib. Ölkə prezidentləri-
nin görüşlərinin əhəmiyyətli oldu-
ğunu vurğulayıb.
Qarşılıqlı səfərlərin ölkələri-
miz arasındakı əlaqələrin daha da
inkişaf etməsinə zəmin yaradacağı-
nı vurğulayan M.Kərbasian yaxın
vaxtlarda Azərbaycan Respublika-
sına səfər edəcəyini məmnunluqla
qeyd edib. Bunu ölkələrimiz ara-
sında əlaqələrin yüksək səviyyədə
olmasının və dinamik inkişaf etmə-
sinin yaxşı göstəricisi kimi dəyər-
ləndirib. İranlı nazir ölkələrimiz
arasında münasibətlərin inkişafı
kontekstində vətəndaşlarımızın ge-
diş-gəlişinin nəzərəçarpacaq dərə-
cədə artığını vurğulayaraq Azər-
baycan tərəfinin dövlət sərhədinin
buraxılış məntəqələrinin 24 saatlıq
iş rejiminə keçməsi təklifinə müs-
bət baxılacağını söyləyib.
Görüş zamanı, həmçinin iki
ölkə arasında energetika, gömrük,
nəqliyyat, kənd təsərrüfatı və bank
sektorunda əməkdaşlığın perspek-
tivləri və qarşılıqlı maraq doğuran
digər məsələlər ətrafında fikir mü-
badiləsi aparılıb.
Rabil Kətanov
SƏFİR: “ŞİMAL-cƏNUB” NƏQLİYYAT DƏhLİZİ TAM FoRMALAŞDIQDAN SoNRA
AZƏRBAYcANLA İRAN ARASINDA TİcARƏT DöVRİYYƏSİ KƏSKİN ARTAcAQ