58
SUDAN RESPUBLİKASININ PREZİDENTİ
ZATİ-ALİLƏRİ
CƏNAB ÖMƏR HƏSƏN ƏHMƏD ƏL-BƏŞİRƏ
Hörmətli cənab Prezident!
Milli bayramınız – Müstəqillik günü münasibətilə Sizə və
xalqınıza ən səmimi təbriklərimizi yetirirəm.
Ümidvaram ki, Azərbaycan ilə Sudan arasında münasibətlər
dostluq və əməkdaşlıq istiqamətində öz inkişafını davam
etdirəcəkdir.
Sizə möhkəm cansağlığı, işlərinizdə uğurlar, dost xalqınıza
əmin-amanlıq və firavanlıq arzulayıram.
Hörmətlə,
İLHAM ƏLİYEV
Azərbaycan Respublikasının Prezidenti
Bakı, 25 dekabr 2007-ci il
59
KUBA RESPUBLİKASI DÖVLƏT ŞURASININ VƏ
NAZİRLƏR ŞURASININ SƏDRİ
ZATİ-ALİLƏRİ CƏNAB FİDEL KASTRO RUSA
Hörmətli cənab Sədr!
Kubanın milli bayramı – Azadlıq günü münasibətilə Sizi
və Sizin simanızda bütün xalqınızı öz adımdan və Azərbaycan
xalqı adından təbrik edirəm.
Əminəm ki, ölkələrimiz arasındakı dostluq münasibətləri
əməkdaşlıq imkanlarımızın genişlənməsi üçün daim möhkəm
zəmin olacaqdır.
Sizə möhkəm cansağlığı, işlərinizdə uğurlar, dost Kuba
xalqına sülh və rifah diləyirəm.
Hörmətlə,
İLHAM ƏLİYEV
Azərbaycan Respublikasının Prezidenti
Bakı, 25 dekabr 2007-ci il
60
KOREYA RESPUBLİKASININ PREZİDENTİ
ZATİ-ALİLƏRİ
CƏNAB Lİ MEN BAKA
Hörmətli cənab Prezident!
Koreya Respublikasının Prezidenti vəzifəsinə seçilmə-
yiniz münasibətilə Sizi ürəkdən təbrik edirəm.
Azərbaycan–Koreya münasibətləri bu gün dinamik və
hərtərəfli inkişaf yolundadır. Ümidvaram ki, dost ölkələrimiz
arasındakı əlaqələrin, qarşılıqlı maraq doğuran əmək-
daşlığımızın daha da genişləndirilməsi üçün bundan sonra da
səylərimizi davam etdirəcəyik.
Sizə möhkəm cansağlığı, xoşbəxtlik, dost xalqınızın rifahı
naminə qarşıdakı məsul işinizdə uğurlar diləyirəm.
Hörmətlə,
İLHAM ƏLİYEV
Azərbaycan Respublikasının Prezidenti
Bakı, 25 dekabr 2007-ci il
61
SLOVENİYA RESPUBLİKASININ PREZİDENTİ
ZATİ-ALİLƏRİ
CƏNAB DANİLO TYURKA
Hörmətli cənab Prezident!
Sloveniya Respublikasının Prezidenti vəzifəsinə seçil-
məyiniz münasibətilə Sizi ürəkdən təbrik edirəm.
Azərbaycan–Sloveniya münasibətlərində müşahidə olunan
ardıcıl inkişaf meyilləri razılıq hissi doğurur. Ümidvaram ki,
ikitərəfli
əlaqələrimizin,
habelə
beynəlxalq
qurumlar
çərçivəsində əməkdaşlığımızın genişlənməsi prosesləri bundan
sonra da müvəffəqiyyətlə davam edəcəkdir.
Sizə möhkəm cansağlığı, xoşbəxtlik, dost Sloveniya xalqının
rifahı naminə qarşıdakı fəaliyyətinizdə uğurlar arzulayıram.
Hörmətlə,
İLHAM ƏLİYEV
Azərbaycan Respublikasının Prezidenti
Bakı, 25 dekabr 2007-ci il
62
ÖZBƏKİSTAN RESPUBLİKASININ PREZİDENTİ
ZATİ-ALİLƏRİ
CƏNAB İSLAM KƏRİMOVA
Hörmətli İslam Abduqəniyeviç!
Sizi Özbəkistan Respublikasının Prezidenti vəzifəsinə
yenidən seçilməyiniz münasibətilə ürəkdən təbrik edirəm.
Əminəm ki, Azərbaycan və Özbəkistan arasındakı ənənəvi
dostluq münasibətləri və əməkdaşlıq xalqlarımızın mənafeyi
naminə, regionda sülh, sabitlik və təhlükəsizlik naminə bundan
sonra da inkişaf edəcək və möhkəmlənəcəkdir.
Hörmətli İslam Abduqəniyeviç, Sizə möhkəm cansağlığı,
xoşbəxtlik və dost Özbəkistan xalqının rifahı naminə dövlətçilik
fəaliyyətinizdə uğurlar diləyirəm.
Hörmətlə,
İLHAM ƏLİYEV
Azərbaycan Respublikasının Prezidenti
Bakı, 25 dekabr 2007-ci il
63
AZƏRBAYCAN PREZİDENTİ İLHAM ƏLİYEV
DÖVLƏT KUKLA TEATRI BİNASININ ƏSASLI
TƏMİRDƏN SONRA AÇILIŞ MƏRASİMİNDƏ
İŞTİRAK ETMİŞDİR
26 dekabr 2007-ci il
Dekabrın 26-da Abdulla Şaiq adına Azərbaycan Dövlət
Kukla Teatrı binası əsaslı təmir və yenidənqurmadan sonra isti-
fadəyə verilmişdir.
Azərbaycan prezidenti İlham Əliyev mərasimdə iştirak
etmişdir.
Dövlətimizin başçısı İlham Əliyevə və xanımı Mehriban Əli-
yevaya gül dəstələri təqdim olundu. Milli geyimli oğlan və
qızlar sülh rəmzi olan ağ göyərçinləri havaya buraxdılar.
Prezident İlham Əliyev əvvəlcə teatr binasının ətrafını gəzdi,
abadlıq və yaşıllaşdırma işləri ilə tanış oldu. Dövlətimizin
başçısı açılış mərasiminə toplaşan inşaatçıları, teatrın
əməkdaşlarını salamlayaraq dedi ki, gözəl iş görmüsünüz. İndi
bina tamamilə yeni görkəm almış və gözəlləşmişdir. Əlbəttə,
içəridə də bütün lazımi avadanlıq, istilik sistemi, kondisioner –
hər şey var.
Dövlətimizin başçısı rəmzi açılışı bildirən lenti kəsdi, teatr
binasının fasadına, binanın əvvəlki və indiki görünüşünü, təmir
və yenidənqurma işlərinin gedişini əks etdirən fotoşəkillərə
baxdı.
Mədəniyyət və Turizm naziri Əbülfəs Qarayev dedi ki, əsaslı
təmir və yenidənqurma işləri prezidentin «Azərbaycan teatr
sənətinin inkişaf etdirilməsi haqqında» 2007-ci il 19 fevral
tarixli sərəncamına uyğun olaraq həyata keçirilmişdir.
Dostları ilə paylaş: |