İNKİŞaf – MƏQSƏDİMİZDİR İYİRMİ ÜÇÜNCÜ Kİtab
Yüklə 2,32 Mb. Pdf görüntüsü
|
13
Azərbaycan vətəndaşları olacaqdır. Su kəmərinin ümumi uzun- luğu 267 kilometr, diametri 2 metr, məhsuldarlığı isə saniyədə 5 kubmetr olacaqdır. Dövlətimizin başçısı suötürücü qovşağın və su kəməri layi- həsi, qazılacaq istismar quyularının konstruksiyası, su kəməri- nin şərti sxemi, təzyiqnizamlayıcı qurğular, Oğuz suqəbuledici qurğular kompleksinin Baş planı, eləcə də Abşeron qurğular kompleksinin Baş planı və su kəmərinin marşrutunun profili ilə tanış oldu. Bildirildi ki, Bakı şəhərinin içməli suya olan tələba- tının ödənilməsi üçün çəkiləcək bu kəmərin təşəbbüskarı ulu öndər Heydər Əliyev olmuşdur. Suyun mənbəyində, yəni başlan- ğıc nöqtəsində hündürlük dəniz səviyyəsindən 410 metr, Bakıda son nöqtədə – Yeni Yasamal ərazisində isə 110 metrdir. Ona görə də su öz təzyiqi ilə nəql olunacaqdır. Yolboyu təzyiq- nizamlayıcı qurğular quraşdırılacaq, tutumu 10 min kubmetr olan iki su anbarı tikiləcəkdir. Hansısa fövqəladə hal baş verərsə, Müşfiqabad qəsəbəsində yerləşəcək yolüstü su anba- rından suyu subölüşdürücü qurğular vasitəsilə Ceyranbatan su anbarına yönəltmək mümkün olacaqdır. Bu məqsədlə əlavə boru xətti çəkiləcəkdir. Su kəmərinin marşrutu 12 çaydan keçir, 8 yerdə avtomobil və 2 yerdə dəmir yolu ilə kəsişir. Kəmərdə SCADA tipli nəzarət sistemi yaradılacaq, suyun nəqlində elektrik enerjisindən istifadə olunmayacaqdır. Prezident İlham Əliyev layihə ilə tanışlıqdan sonra gilizi təmələ qoydu və beton qarışığını tökdü. Sonra bu münasibətlə təntənəli mərasim keçirildi. Prezident İlham Əliyev mərasimdə nitq söylədi.
14
OĞUZ–QƏBƏLƏ–BAKI SU KƏMƏRİNİN TƏMƏLQOYMA MƏRASİMİNDƏ NİTQ 1 mart 2007-ci il Əziz oğuzlular! Əziz bacılar və qardaşlar! Mən sizin hamınızı ürəkdən salamlayıram. Bu gün çox gözəl, çox tarixi bir gündür. Çox böyük, Azərbaycan üçün çox önəmli layihə bu gün həyata keçirilməyə başlayır. Bu gün biz Oğuz–Qəbələ–Bakı su kəmərinin təməlini qoyduq və əminəm ki, qısa müddət ərzində bu kəmər inşa olunacaq və Bakı şəhərini içməli su ilə təmin edəcəkdir. Bildiyiniz kimi, bu kəmərin tikintisi üçün əvvəllər çox böyük səylər göstərilmişdir, tədqiqat işləri aparılmışdır. Ancaq maliyyə vəziyyəti bunu həyata keçirməyə imkan vermirdi. İndi isə Azərbaycanın iqtisadi inkişafı o qədər sürətlə gedir ki, biz istənilən layihəni həyata keçirməyə qadirik. İlk növbədə, biz insanları daha çox narahat edən məsələlərə diqqət göstəririk, əsas vəsaiti oraya yönəldirik. Sosial məsələlərin həlli, infrastruktur layihələrin həyata keçirilməsi bizim üçün prioritet məsələdir. O cümlədən su təchizatı. Su sağlamlıq deməkdir, həyat deməkdir. Bu bölgədə mövcud olan su ən yüksək keyfiyyətə malikdir. Deyə bilərəm ki, dünyanın ən yüksək standartlarına uyğundur və bəlkə də bu standartlardan da yüksəkdir. Əlbəttə ki, bu kəmərin tikintisi nəticəsində Azərbaycanda xeyli böyük işlər görüləcək, yeni iş yerləri açılacaqdır. Nəticədə Bakı şəhəri içməli su ilə tam şəkildə təmin olunacaqdır. Bakının su təminatı bizi qane edə bilməz. Bu vaxta qədər 4 kəmər tikilibdir. Birinci kəmər 1917-ci ildə Hacı Zeynalabdin Tağıyev tərəfindən çəkilmişdir. 50-ci illərdə bir kəmər tikilibdir. Bundan sonra iki kəmər ulu öndər Heydər 15
Əliyevin təşəbbüsü ilə tikilibdir. Əminəm ki, bu beşinci kəmər Bakının bütün su problemlərinin həllinə imkan yaradacaqdır. Bunu etmək üçün, əlbəttə ki, hər bir böyük layihəni həyata keçirmək üçün ilk növbədə maliyyə imkanları lazımdır və biz bunları yaradırıq. Son illər ərzində Azərbaycanın uğurlu iqtisadi siyasəti, aparılan iqtisadi islahatlar imkan yaradır ki, bu gün biz infrastruktur layihələrə böyük həcmdə vəsait qoyaq. Elektrik stansiyaları, məktəblər, xəstəxanalar tikilir, yollar salınır, su kəmərləri çəkilir. Bu da çox böyük əhəmiyyətə malikdir ki, biz Bakı–Tbilisi–Ceyhan neft kəmərinin fəaliyyəti nəticəsində əldə edilmiş gəlirləri su kəmərinin tikintisinə yönəltmişik. Azərbaycanın uğurlu neft strategiyası öz konkret nəticələrini verməkdədir. Biz bunu bugünkü tədbirdə də görürük. Biz bunu Azərbaycanda tikilən məktəblərin simasında görürük, maaşların, pensiyaların artırılmasında görürük, yeni yolların salınmasında görürük. Bütün bu işlərin təməli 1994-cü ildə qoyulmuşdur. Ulu öndər Heydər Əliyevin təşəbbüsü ilə Azərbaycanda başlanmış uğurlu neft strategiyamız bu imkanları bizə yaradır. İndi Azərbaycanın iqtisadiyyatı ən yüksək sürətlə inkişaf edir. Ardıcıl iki ildir bizim iqtisadiyyatımız dünyada ən sürətlə inkişaf edən iqtisadiyyatdır. 2005-ci ildə artım 26 faiz, 2006-cı ildə isə 34 faiz olmuşdur. Yəni bunlar dünyada analoqu olmayan göstəricilərdir. Bununla bərabər, yoxsulluğun səviy- yəsi kəskin şəkildə aşağı düşür, işsizlik aradan qaldırılır. Bilirsiniz ki, regionların sosial-iqtisadi inkişafı bizim üçün ən prioritet məsələlərdən biridir. Təsadüfi deyil ki, böyük layihələr, infrastruktur layihələr, ilk növbədə bölgələrdə reallaşdırılır. Bu yaxınlarda beş yeni elektrik stansiyası tikilmişdir. Onların dördü bölgələrdədir. Bakını bölgələrlə birləşdirən yollar salınır. Xəstəxanalar ilk növbədə bölgələrdə tikilir. İdman qurğuları da rayonlarda yaradılır. Yeni turizm obyektləri, mehmanxanalar – bütün bunlar imkan yaradır ki, işsizlik aradan qaldırılsın, insanlar işlə təmin olunsunlar, daha da yaxşı yaşasınlar və bölgələr dirçəlsin,
Yüklə 2,32 Mb. Dostları ilə paylaş:
|