|
İNKİŞaf – MƏQSƏDİMİZDİR İYİRMİ ÜÇÜNCÜ Kİtab«APRA» istirahət və sağlamlıq kompleksinin
22
«APRA» istirahət və sağlamlıq kompleksinin
tikintisi ilə tanışlıq
Azərbaycan Respublikasının Prezidenti İlham Əliyev
martın 1-də Oğuz rayonunda «Apra» istirahət və sağlamlıq
kompleksinin tikintisi ilə tanış olmuşdur.
Prezident İlham Əliyevə məlumat verildi ki, tikintisinə 2006-cı
ilin iyulunda başlanan kompleks ilin sonunadək tam istifadəyə
veriləcəkdir. Dövlətimizin başçısının sahibkarlığın, regionların
sosial-iqtisadi inkişafına diqqət və qayğısının daha bir təzahürü
olan bu kompleksin ərazisi 1,5 hektar təşkil edir. Tikinti sahəsinin
ərazisi isə 4200 kvadratmetrdir. 2,2 milyon dollara başa gələcək
kompleksə indiyədək 1,6 milyon manat xərclənmiş, bunun 400 min
manatı işçilərə maaş kimi verilmişdir.
Burada 31 otaqlı beşulduzlu mehmanxana, 4 kottec, sağ-
lamlıq mərkəzi, gənclərin istirahəti üçün diskoklub olacaq,
idmanla məşğul olmağa şərait yaradılacaqdır. Beşmərtəbəli
mehmanxanada 70 nəfərlik konfrans salonu, restoran, internet
otağı, beynəlxalq tədbirlərin keçirilməsi üçün sinxron tərcümə
mərkəzi fəaliyyət göstərəcəkdir. Burada üçulduzlu mehman-
xananın da tikintisi nəzərdə tutulur.
Prezident İlham Əliyev inşaatçılarla görüşdü, layihə ilə
tanış oldu, tikinti sahələrinə baxdı.
Dövlətimizin başçısı binanın yuxarı mərtəbəsindən ətraf
mənzərəni, gözəl təbiəti seyr etdi və bu cür obyektlərə gələcəkdə
tələbatın çox olacağını bildirdi. Turistlərin bu bölgəyə gəlməsi
üçün bütün işlərin yüksək səviyyədə görülməsinin zəruriliyini
söylədi.
Oğuz Mərkəzi Rayon Xəstəxanasının
tikintisi ilə tanışlıq
Prezident İlham Əliyev sonra Səhiyyə Nazirliyinin
sifarişi ilə Oğuz şəhərinin Heydər Əliyev prospektində inşa
olunan mərkəzi rayon xəstəxanasının tikintisi ilə tanış oldu.
23
Səhiyyə naziri Oqtay Şirəliyev prezidentə məlumat verdi ki,
100 çarpayılıq bu xəstəxanada hər cür müasir şərait yaradıla-
caqdır. İnşaat işlərini «Oğuztikintimexanizasiya» Açıq Səhmdar
Cəmiyyəti yerinə yetirəcəkdir. Bura bir növ səhiyyə şəhərciyi
olacaqdır. Gündə 250 nəfəri qəbul edə bilən poliklinika, təcili
yardım stansiyası, infeksion və təsərrüfat korpusları,
nasosxana, qazanxana tikiləcəkdir.
Layihə ilə tanış olan prezident İlham Əliyev dedi ki, bu cür
xəstəxanalar ölkəmizin bir çox regionlarında, o cümlədən Şama-
xıda, Şəkidə, Balakəndə, Göyçayda və digər rayonlarda artıq inşa
olunur. Dövlətimizin başçısı ölkəmizdə əhalinin sağlamlığının
qorunması üçün görülən tədbirlərdən danışdı və bu sahəyə bundan
sonra da diqqət göstəriləcəyini xüsusi vurğuladı.
Olimpiya kompleksinin tikintisi ilə tanışlıq
Prezident İlham Əliyev martın 1-də Oğuz şəhərində Olim-
piya kompleksinin tikintisi ilə tanış olmuşdur.
İnşaatçılar dövlətimizin başçısını böyük hörmət və ehtiramla
qarşıladılar. Prezidentə məlumat verildi ki, tikintiyə 2006-cı il
sentyabrın 1-də başlanmışdır və kompleks 2008-ci il sentyabrın
1-dək tam hazır olacaqdır. Obyektin sifarişçisi Gənclər və
İdman Nazirliyi, podratçı təşkilat «Rövşən Oğuz» inşaat
şirkətidir. Bu obyektin istifadəyə verilməsi regionda idmanın
inkişafına yeni təkan verəcək, burada respublika və beynəlxalq
miqyaslı yarışların keçirilməsi mümkün olacaqdır.
Prezident İlham Əliyev layihə ilə tanış oldu, inşaatçılara
təşəkkürünü bildirdi. Dövlətimizin başçısı ölkəmizin artıq 10-
dan çox rayonunda Olimpiya İdman Kompleksinin tikildiyini
xatırladaraq, bu cür tədbirlərin gələcəkdə davam etdiriləcəyini
söylədi.
Prezidentə idmançılara göstərdiyi diqqət və qayğıya görə
təşəkkür bildirildi.
Bununla da prezident İlham Əliyevin Oğuz rayonuna səfəri
başa çatdı.
24
AZƏRBAYCAN PREZİDENT İLHAM ƏLİYEVİN
QƏBƏLƏ RAYONUNA SƏFƏRİ
2 mart 2007-ci il
Heydər Əliyev muzeyinin açılış mərasimi
Azərbaycan prezidenti İlham Əliyev martın 2-də Qəbələ
rayonuna gəlmişdir.
Dövlətimizin başçısını və xanımı Mehriban Əliyevanı rayon
sakinləri böyük hörmət və ehtiramla, gül-çiçəklə, hərarətli
alqışlarla qarşıladılar. Onların əllərində Azərbaycanın Dövlət
bayraqları, ulu öndər Heydər Əliyevin və prezident İlham
Əliyevin portretləri, xalqımızın ümummilli liderinin müdrik
kəlamları yazılmış transparantlar var idi.
Prezident əvvəl Qəbələdə Heydər Əliyev muzeyinin təntənəli
açılış mərasimində iştirak etdi.
Dövlətimizin başçısı rəmzi açılışı bildirən lenti kəsdi, ulu
öndərin muzeydə qoyulmuş büstü önünə gül dəstəsi qoydu.
200-dən artıq fotoşəkil, arxiv sənədləri və müxtəlif kitablar
toplanmış muzey həm də Heydər Əliyev Fondunun Qəbələ fi-
lialı kimi də fəaliyyət göstərəcəkdir. Burada kitabxana, sənədli
filmin nümayişi üçün salon var. Ekspozisiya ulu öndərin uşaqlıq
və gənclik illərindən, ailə həyatından, Dövlət Təhlükəsizlik
Komitəsində işlədiyi illərdən, Azərbaycana rəhbərliyinin hər iki
dövründən, Moskvada SSRİ-nin ali rəhbərliyində işlədiyi,
habelə sonralar Naxçıvanda yaşadığı illərdən bəhs edir. Eyni
zamanda, muzeydə ümummilli liderin 1978-ci və 2002-ci illərdə
Qəbələ rayonuna səfərləri və burada keçirdiyi görüşləri əks
etdirən fotoşəkillər toplanmışdır.
Bildirildi ki, Heydər Əliyev Fondunun təşəbbüsü ilə 2004-cü
il mayın 10-da «Heydər Əliyev İrsi Beynəlxalq Elektron
Dostları ilə paylaş: |
|
|