Izlanishlar, yechimlar muammolar

45
XALQ TA’LIMI:
MUAMMOLAR, IZLANISHLAR, YECHIMLAR
Maktablarning an’anaviy shaklda ochilishi to‘g‘risidagi qarorlar har bir
maktab bo‘yicha individual tarzda mahalliy Kengashlar deputatlari ruxsatidan
so‘ng qabul qilingan. Bunda ularning haqiqiy tayyorgarligi, hududdagi yoxud
maktabdagi sanitariya-epidemiologik vaziyat, o‘qituvchilar orasida koronavirus
kasalligining qayd etilishi va sog‘liqni saqlash tizimi xulosalari hisobga olingan.
Shu bois, maktablar vaziyatdan kelib chiqib, bosqichma-bosqich faoliyatini
tiklagan.
Maktabda ta’lim 3 ta ssenariy bo‘yicha tashkil etilgan:
1)
an’anaviy ta’lim;
2)
onlayn maktab orqali o‘qitish;
3)
aralash (gibrid) ssenariy — ham an’anaviy, ham onlayn.
“Farzandingizni pandemiya sharoitida maktabga yuborishga tayyormisiz?”
nomli so‘rovnomada telegram orqali qatnashgan deyarli 1 mln. foydalanuvchidan
70% ota-ona bola sog‘lig‘idan xavotirda bo‘lib, uyda o‘zi onlayn o‘qitishi
mumkinligi, 30% esa pandemiya sharoitida ham farzandini maktabga yuborishini
bildirgan.
An’anaviy shaklda ta’lim olib borgan maktablar maxsus sanitariya qoidalariga
amal qilgan holda faoliyat yuritgan. Xususan,
- shaxsiy gigiyena, suv ta’minoti va sanitariya;
- umumta’lim maktabining sanitariya holati va ularga xizmat ko‘rsatish;
- maktabga tashqaridan infeksiyaning kirishiga yo‘l qo‘ymaslik;
- o‘qituvchilar, o‘quvchilar va boshqa maktab xodimlari orasida COVID-19
tarqalishining oldini olish choralarini ko‘rish.
Shu bilan birga, niqob-respiratorsiz maktabga kirish ta’qiqlangan. Niqob
kamida har 3 soatda, respiratorlar kamida har 8 soatda o‘zgartirilishi lozim bo‘lgan.
Maktabga kirishdan avval, maktabning tibbiy xodimlari – mas’ul xodimlari
tomonidan «ertalabki filtrlash» bo‘yicha ishlar amalga oshirilib, o‘quvchilar kirish
joylarida o‘rnatilgan maxsus dispanserdan antiseptik vosita yordamida qo‘llarini
zararsizlantirish tartibi o‘rnatilgan. Shuningdek, sanitariya talablari qatorida
sinflarda har bir o‘quvchiga 2 m² dan kam bo‘lmagan maydon belgilab qo‘yilgan.
Barcha o‘quvchilar bitta binoda ta’lim oladigan kam sonli o‘quvchilari bo‘lgan
maktablarda, binoning 1 va 2-qavatlari boshlang‘ich sinf o‘quvchilari uchun, 3 va
4-qavatlar yuqori sinf o‘quvchilari uchun ajratilgan.
Shuningdek, pedagoglar va o‘quvchilarning xavfsizligini ta’minlash
maqsadida, 1 oktabrga qadar grippga va mart oyidan COVID-19ga qarshi
to‘liq bepul emlangan hamda o‘quvchi va pedagoglar salomatligini saqlash
maqsadida maktablarni zarur tibbiy va antiseptik vositalar bilan ta’minlangan.

---

---

46
A.AVLONIY NOMIDAGI XALQ TAʼLIMI

MUAMMOLARINI O‘RGANISH VA ISTIQBOLLARINI

BELGILASH ILMIY-TADQIQOT INSTITUTI