58
IV BÖLÜM
TELEXƏBƏRİN HAZIRLANMASI /
TELEXƏBƏRDƏ İNAM, BALANS VƏ ƏDALƏTİN
QORUNMASI
TELEXƏBƏRDƏ İNAM, BALANS VƏ ƏDALƏTİN QORUNMASI
Açıq və demokratik cəmiyyətdə (toplumda) güvən
məsələsi jurnalist fəaliyyətinin önəmli və danılmaz
atributudur. Hər hansı TV-yə və orada çalışan
jurnalistə inam dərəcəsini bir-birindən ayırmaq
olmaz. Telereportyor öz materialını dəqiq və doğru-
dürüst hazırlasa da, onun kimlərlə ünsiyyətdə olub-
olmaması həmin materialın qərəzsizlik dərəcəsindən
şübhələnməyə əsas verə bilər. Günün olaylarını
işıqlandıran əməkdaşların kimliyi çox önəmli məsələdir.
Xəbər buraxılışının prodüseri yaradıcı-texniki heyəti
işə götürərkən, gələcək əməkdaşların siyasi baxışları,
hansı təşkilatlara üzv olub-olmamaları barədə də bilgili
olmalıdır. Söhbət konkret
məhdudiyyət və yasaqlardan
getmir. Sadəcə, xəbər komandasının hər hansı
qüvvədən asılılığını və qərəzli davranışlarını önləmək,
cəmiyyət həyatını ədalətli və balanslı xəbərləmək
vəzifəsi bunu tələb edir. Xəbər buraxılışında çalışanlara
– canlı efirdə olanlara, redaktorlara, texniki heyətə
və menecerlərə inamın itməməsi üçün bütün bunlar
qaçılmaz addımlardır. Telexəbər komandası mübahisəli
məsələlər barədə qərəzli açıqlama və davranışlardan
çəkinməlidir.
Teleseyrçilər baş verən olaylar haqqında öz baxışlarını
formalaşdırmaq üçün zəruri məlumat almalıdırlar.
Reportyor və ya hər hansı TV jurnalisti öz şəxsi fikrini
deyil, bir peşəkar kimi mülahizələrini seyrçilərlə bölüşə
bilər.
DİQQƏT!
• xəbər buraxılışı auditoriyasını bilgiləndirir, amma
yönəltmir;
• bu bilgilər əsasında teleseyrçilərin şəxsi baxışları və
həmin baxışlar əsasında ictimai rəy formalaşır;
• reportyorlar, müxbirlər, şərhçi və icmalçılar olaylara
şəxsi baxışlarını deyil,
peşəkar jurnalist kimi münasibətlərini
bildirməlidirlər
və bu münasibət dəqiq və qərəzsiz olmalıdır;
• seyrçilər olaya jurnalist baxışını onun şəxsi fikri kimi
qavramamalıdırlar.
Burası danılmazdır ki, jurnalistin də bir vətəndaş kimi
şəxsi fikri olur. Ancaq peşəkar jurnalist olmaq onun
boynuna mütləq bir öhdəlik qoyur.
DİQQƏT!
Peşəkar jurnalist yadda saxlamalıdır ki, peşəkar olmaq
öz fikrinin olmaması demək deyil, əksinə, bunun
fərqinə varmaq və diqqətə yetirdiyi məlumatın aydın
və qərəzsiz olmasına can atmaqdır.
Bütün bu incəliklər hər hansı telexəbər proqramının
bəlli jurnalist prinsplərinə cavab verməsini şərtləndirir.
Hansı prinsiplərdən söhbət getdiyini yadda saxlayaq.
Telexəbər proqramında bu jurnalist prinsiplərinə əməl
edilir:
1. Dəqiqlik: xəbərdə balans gözlənilməli və heç bir
halda seyrçiləri çaşdıracaq və ya onlarda yanlış rəy
formalaşdıracaq səs və görüntülərə yer verilməməlidir.
Bu, olayın ehtiyatla və
dolğun dəyərləndirilməsini, söz
və çəkiliş texnikasından dəqiq yararlanmağı tələb edir;
2. Bütövlük: xəbər gerçəkliyi əks etdirməli və hər
hansı öncədən məlum qənaətə tabe tutulmamalıdır.
Jurnalistlər şəxsi qərəzlərini büruzə verə bilməzlər;
3. Ədalət: seyrçilərə bütün fakt və baxışlar barədə
məlumat verilir. Bu, ədalət və etika prinsipləri nəzərə
alınmaqla, insanlara, təşkilatlara, problem və olaylara
aiddir.
Telexəbərlərdə balansın gözlənməsi
Ölçü-biçili və ədalətli yayım
ən geniş və ən müxtəlif
baxış diapazonunun əks etdirilməsini şərtləndirir.
Kütləvi auditoriyanın istəkləri xəbər buraxılışının
mövzu və problem seçimini məhdudlaşdıra bilməz.
Vətəndaşların bilmək hüququ olduğu və bilməyə
məcbur qaldıqları məsələlər gözardı edilməməlidir.
Yayılmış bir mövqeni bəyənməyənlərin də fikirləri
xəbər proqramlarında səslənməli, heç bir problem
yeganə çözüm variantında təqdim ediləcək dərəcədə
bəsitləşdirilməməlidir.
Balans belə saxlanılır:
• telexəbər proqramı olayların dərinliyinə varır. Heç bir
problemə tək baxış bucağından baxılmır;
• jurnalist olayı bütövlükdə cəmiyyətin fonunda
işıqlandırır.
Ümummilli, bölgə və yerli maraqlar
arasında tarazlıq gözlənir. Tutalım, hər hansı bölgənin
mövqeyinə öncəlik tanımaq olmaz;
• siyasi və ya istehsalat ziddiyyətləri zamanı toqquşan
başlıca fikirlər diqqətə yetirilir. Problem sürəkli
işıqlandırma tələb edirsə, növbəti buraxılışlarda da ona
yer ayrılır;
59
IV BÖLÜM
SSENARİNİN YAZILMASI
• ictimai xarakterli mübahisəli məsələlərdə
diskussiyanın bütün yönləri əksini tapır. Baxış
müxtəlifliyinə eyni buraxılışda yer ayırmaq
mümkün
olmadıqda, ağlabatan zaman dilimi əsas götürülür və
problem bir neçə buraxılışda işıqlandırılır;
• Tərəflərdən hər hansı birinin mövqeyini bildirəcək
şəxsin süjetə (proqrama) qatılmaq imkanı olmayanda
jurnalist və ya prodüser bu baxış bucağını açıqlayacaq
uyğun adamın tapılması üçün var qüvvəsini əsirgəmir.
Belə bir adam tapılmasa, onun səsləndirəcəyi fikir
mütləq seyrçilərin diqqətinə yetirilir.
Olaya bütün baxışları diqqətə yetirməyə can atan
jurnalistlər, olur ki, bir çox seyrçini incik sala biləcək
müsahibələrə də yer ayırırlar. Bənzər müsahibələri
efirə verən prodüser və
redaktorlar buna ciddi
əsasların və ictimai marağın olub-olmadığını dərindən
götür-qoy etməyə borcludurlar. Əks halda, onlar
jurnalistin niyə belə davrandığını heç cür doğrulda
bilməyəcək, qanun və etika komissiyası (və ya öz
vicdanları) önündə cavab verməli olacaqlar.
Ssenari yazmaq bir məktub və ya hekayə yazmaq və
ya kitab hazırlamaq deyil. TV üçün ssenari yazırsansa,
seyrçinin nə görəcəyi, nə eşidəcəyi, nə yaşayacağı çox
önəmlidir. Hər şey anlaşıqlı, sadə və təsirli olmalıdır
(təbii ki, məqsədin seyrçini çaşdırmaq, yanıltmaq,
yormaq deyilsə).
Beləliklə, telessenari üzərində düşünərkən 2 incəliyi
yaddan çıxarmamalısan:
1. Ssenari kiminsə
səsləndirəcəyi mətn və ya
kimlərinsə ifasında canlandırılacaq dialoq yazmaq
demək deyil;
2. Seyrçi səsləndirilən mətni elə ilk dəfədən anlamalıdır
(yenidən qulaq asmaq üçün texniki imkan varmı? Hətta
olsa belə, buna neçə seyrçi həvəs göstərəcək?).
Sual: Balanslı xəbər hazırlamaq istəyən jurnalist necə
davranmalıdır?
Cavab: Peşəkarlığa can atan hər bir jurnalist balansı
qorumaq üçün –
• bütün tərəflərə sual verməli və bütün baxışların
açıqlanmasına imkan yaratmalıdır;
• alternativ baxışların yanlış ifadə edilməməsinə əmin
olmalıdır;
• mütləq ayrıca xəbər və ya silsilə xəbər şəklində
qərəzsizliyə can atmalı və bunu seyrçilərə tam
açıqlamalıdır;
• qərəzsiz olduğunun alternativ üsulları kimi,
telefon sorğularından, videobağlantılardan və
digər elementlərdən faydalanaraq, diskussiyalar
planlaşdırmalıdır.
TELEXƏBƏRİN HAZIRLANMASI /
TELEXƏBƏRDƏ İNAM, BALANS VƏ ƏDALƏTİN QORUNMASIHAMIYA ƏLÇATIMLI / SSENARİ