Ziddiyat -
ijtimoiy-psixologik muammo bo‟lib, konfliktologiyaning asosiy
tushunchalaridan biri. Ziddiyat- muhokama yuritishda, matnda, nazariyada va
umuman predmet, hodisalarda biri ikkinchisini inkor etadigan ikki mulohazaning
mavjudligi va ular o‟rtasidagi munosabatlar. U obyektiv olamning va bilishning
o‟z-o‟zidan harakati va taraqqiyotida namoyon bo‟ladi. Fan tarixida dastlabki
ziddiyatlar konsepsiyasi Geraklitga taalluqlidir, ya‟ni «abadiy vujudga kelish»
faqat ziddiyatlarning birligi sifatidagina mumkin. Bundan ko‟rinadiki, «ziddiyat»
tushunchasi «nizo» tushunchasiga qaraganda kengroq ma‟noni kasb etib, o‟zida
hodisa, voqea, jarayon, narsa va predmetlar hamda insonlar fikri o‟rtasidagi o‟zaro
nomutanosiblikni, ya‟ni qarama-qarshilikni aks ettiradi.
Nizo esa, o‟zaro kelishmovchilik yoki qarama-qarshilik orqasida tug‟ilgan
holat, munosabat, ixtilof.
Nizo jamiyatdagi guruhlar yoki individlar o‟rtasidagi antoganizm, u ikki xil
bo‟lishi mumkin. Birinchisi, ikki yoki undan ortiq individ yoki guruhlar o‟rtasida
manfaatlar to‟qnashuvi yuz berishi, ikkinchisi, o‟zaro kurashga faol jalb etilishi.
Manfaatlar zidligi har doim ham ochiq kurashga olib kelavermaydi.
Ziddiyatlarning psixologik xususiyatlarini o‟rganish tashkilot xodimlari
uchun ham muhim ahamiyat kasb etadi. Tashkilot idoralari xodimlari o‟z xizmat
faoliyatida maishiy ziddiyatlardan tortib, to jinoyatchilar o‟rtasidagi
ziddiyatlargacha duch keladilar. Shuning uchun ular ziddiyatli holatlarda
sharoitdan tez chiqib ketishi, chiqqanda ham to‟g‟ri yo‟l topishi, ziddiyatni
yechishi shart, chunki ziddiyat yo ijobiy, yo salbiy natija bilan tugaydi.
78
Ziddiyat ijtimoiy psixologiyada muomalaning buzilishi yoki psixologik
jihatdan ichki ruhiy kelishmovchilikdir. Umuman olganda, ziddiyat insonlar
o‟rtasida ijtimoiy va shaxsiy masalalarni yechishda vujudga keladigan holat, lekin
har qanday qarshilik ziddiyat bo‟lavermaydi.
Odamlar bir-birining fikri bilan kelishmasligi, tortishishi mumkin, har biri o‟z
fikrida qoladi va baribir ko‟p hollarda kelishib ishlashga majbur bo‟ladilar. Qarama
- qarshilik, ba‟zan yoqtirmaslik, salbiy emotsiya, tushunmaslik, ko‟ra olmaslik va
boshqa sabablar ziddiyatning kelib chiqishiga sabab bo‟ladi. Ziddiyat nafaqat
qarama-qarshilik, shuningdek, o‟ziga xos kurashish hamdir. Har ikkala tomon ham
bunday holatda o‟zlarini haq deb bilishadi va o‟z qarashlari uchun kurashadilar.
Ziddiyat qarama-qarshiliklar negizida yuzaga keladi, uni albatta hal qilish kerak,
chunki busiz hayot me‟yorda davom etmaydi.
Umuman olganda, ziddiyat shaxslarning psixologik tuzilishiga bog‟liq bo‟lsa-
da, ammo hayotning o‟zi ziddiyatsiz bo‟lishi mumkin emas. Ziddiyatlarni baholash
va tahlil etish ularni turlariga ko‟ra guruhlash va tizimlashtirishni taqozo etadi.
Ziddiyatlarni ijtimoiy hayotda namoyon bo‟lish shakliga qarab quyidagi
turlarga ajratish mumkin:
a) iqtisodiy ziddiyatlar (insonlarning moddiy iqtisodiy faoliyati doirasida
vujudga keladi);
b) ijtimoiy ziddiyatlar (sotsial guruhlarning ijtimoiy xususiyatlaridan kelib
chiqadi);
c) sinfiy ziddiyatlar (ijtimoiy sinflar o‟rtasidagi tafovut asosiy nizo manbai);
d) siyosiy ziddiyatlar (ma‟lum guruhlarning manfaatlari doirasidagi kurash);
e) mafkuraviy ziddiyatlar (dunyoqarashlar o‟rtasidagi tavofutlar asosida
vujudga keladi);
f) madaniy ziddiyatlar (turli madaniyat vakillari o‟rtasidagi to‟qnashuvlar
jarayonida vujudga keladi);
g) aksiologik ziddiyatlar (qarama-qarshi qadriyatlarga ega har xil guruhlarni
boshqarish oqibati tarzida);
h) pozitsiyali ziddiyatlar (tashkiliy munosabatlar tuzilishidagi o‟rniga qarab
79
farq qiluvchi manfaatlari bir-biriga zid ijtimoiy guruh yoki shaxslar o‟rtasida
vujudga keluvchi nizolar).
Odamlar o‟rtasidagi o‟zaro munosabatning turli vaziyatlariga qarab, nizolarni
ketirib chiqaruvchi sabablarni quyidagi uch guruhga ajratish mumkin:
a)
mehnat jarayonidagi;
b)
shaxslararo munosabatlardagi psixologik xususiyatlar, simpatiya va
antipatiya, madaniy va etnik tafovutlar, rahbarning yomon kommunikatsiyaga
egaligi va boshqalar;
c)
jamoa a‟zolarining o‟ziga xosligi, masalan, emotsional holatlarini boshqara
olish holatiga ega emasligi, agressivligi, kommunikabellik va taktning
yetishmasligi.
Ziddiyatning o‟ziga xos xususiyati buzish va buzilish xarakteriga egaligidir.
Ziddiyatli holat jamoaning buzilishiga, undagi ijtimoiypsixologik sharoitning
yomonlashuviga olib keladi. Ziddiyatli holatni hal qilish uchun uning tuzilishini
o‟rganib chiqish kerak.
Qishloq ho`jaligi hodimlari faoliyatida ham ziddiyatli holatlarni kuzatish
mumkin. Ushbu holatlar ma‟lum bir nosog‟lom psixologik muhit, masalan
xodimlarning biri-birlari yoki rahbarlar bilan o‟zaro kelisha olmasligi asosida
yuzaga kelishi mumkin. Shu ma‟noda ziddiyatli harakatlarning ham o‟z diapazoni
bor, ba‟zi ziddiyatli holatlarda shaxs raqibini yengish uchun hamma imkoniyatini
ishga soladi, xizmatdagi shaxslarni aralashtiradi, o‟zlarining strategiyasi va
taktikasini ishlab chiqadi. Ziddiyatli vaziyat esa, ijtimoiy psixologik muhitni
yuzaga keltiradi. Ijtimoiy psixologik nuqtai nazaridan qaraganda ziddiyatning
yuzaga kelishida shaxslarining alohida qarashlari, shaxslararo va ijtimoiy guruhlar
o‟rtasidagi munosabatlar sabab bo‟lishi mumkin. Ijtimoiy psixologik yo‟nalishda
(aspektda) ziddiyat har xil sabab bilan bog‟liq bo‟ladi. Masalan, maqsad,
dunyoqarash to‟g‟ri kelmaydi, natijada antipatiya yuzaga keladi:
Birinchi bosqich - ziddiyatning yuzaga kelishigacha bo‟lgan holat va
ziddiyatning yuzaga kelishida ichki qarama-qarshiliklarning paydo bo‟lish davri.
Bu bosqichda ikkala tomonda ham ichki ruhiy kuch yig‟ilib boradi va ular buni bir-
80
birlariga bildirmaydilar.
Ikkinchi bosqich - ziddiyatning qaror topishida tashqi ta‟sir kuchlari
maydonga chiqadi. Bu davrda ziddiyatni ikkala tomon ham biladi, lekin ular ongli,
aqlli harakat qilishadi. Har xil ma‟lumotlar yig‟ilgan sari ziddiyat kuchayib boradi
va bu ularning ish faoliyatiga salbiy ta‟sir ko‟rsatadi.
Uchinchi bosqichda ikkala tomon ham ochiq kurashga o‟tib oladi, ikkalasidan
biri xayrixohlik bildirsa, ziddiyat ma‟lum ma‟noda yumshayadi, ammo ma‟lum
vaqtgacha ichki ruhiy ziddiyat saqlanib qoladi. Agar har ikki tomon ham
xayrixohlik bildirmasa, u holda psixologik portlash yuzaga keladi va ikkalasidan
birortasi g‟alaba qozongunga qadar kurash davom etadi. Bu bosqichda ham ikki
tomon hamma imkoniyatlarini ishga soladi.
To‟rtinchi bosqichda bir-birlarining harakatlarini tahlil qilib norasmiy
baholaydi. Agar ulardagi qiziqish bir-biriga to‟g‟ri kelsa, o‟rtadagi ziddiyat
susayadi va vaziyatdan chiqsa bo‟ladi.
Beshinchi bosqich - o‟tib ketadigan, turg‟un holat. Bu bosqichda jarayon o‟tib
ketgandan keyin unga rasmiy va norasmiy baho beriladi. Bo‟lib o‟tgan voqealarini
eslashda tomonlar o‟zlarida noxush holatni sezishadi.
Oltinchi bosqich - tamoman yangi psixologik holat bo‟lib, ziddiyat
rivojining nihoyasida, ya‟ni jazo qo‟llanilganidan keyin hodimlarning jamoadagi
mavqei o‟zgarishidan so‟ng paydo bo‟ladi. Bu davrda ijobiylik yuzaga keladi,
faqat haqiqatni yuzaga chiqarish uchun harakat qilinadi.
Hodimlar faoliyatida uchraydigan ziddiyatlarni quyidagicha tasniflash
mumkin:
1)
mazmuniga ko‟ra;
2)
chuqurlashganligi va o‟tkirligiga qarab;
3)
davomiyligiga ko‟ra (qancha vaqt davom etadi);
4)
ijtimoiy holatiga qarab;
5)
izohlashning shakliga qarab.
Ziddiyatda kishilarning axloqiy sifatlari, shart-sharoitlar hisobga olinadi.
Xodim ba‟zi shaxslar yoki rahbarlarning tartib-qoidalarini, haqoratlarini ko‟tara
81
olmaydi, natijada ziddiyat kelib chiqadi.
Ziddiyat xodimning o‟zini o‟zi baholashi, shuningdek, uni boshqalar, ya‟ni
boshliq yoki jamoatchilik tomonidan baholanishi. Inson hamisha o‟zini o‟zi yuqori
baholashga harakat qiladi, rahbar tomonidan ba‟zi salbiy tomonlari (kamchiliklari)
aytilsa, ular o‟rtasida ziddiyat kelib chiqadi. Agar shaxs o‟z imkoniyatlarini
ko‟proq baholasa, bunday holatda ham ziddiyat yuzaga keladi.
Ziddiyatni yuzaga keltiruvchi bir qancha omillar mavjud:
1)
rahbar tomonidan xodimga berilgan baho bilan xodimning o‟ziga o‟zi
bergan bahosi o‟rtasidagi tafovut.
2)
rahbar va jamoatchilik tomonidan baholashning to‟g‟ri kelmasligi;
3)
shaxsning o‟zini o‟zi baholashi bilan uni jamoatchilik tomonidan
baholanishining to‟g‟ri kelmasligi;
4)
shaxsning boshqalar tomonidan baholanishi.
Ziddiyat oddiy va o‟tkir (chuqur) ziddiyatga bo‟linadi:
a)
oddiy ziddiyat yomon psixologik vaziyatda yuzaga keladi, inson o‟zini
tushuntira olmay qoladi, bunday holatda ko‟pincha kayfiyati yo‟q, deb
tushuntiriladi.
b)
o‟tkir ziddiyatda shaxs yuqori emotsional, o‟zini boshqara bilmaslik,
muloqotdagi qo‟polligi bilan ajralib turadi. Eng qizig‟i, bu shaxslar tabiatida
qo‟rqitish asosiy o‟rinni egallaydi. Bu ziddiyatda, nima bo‟lishidan qat‟iy nazar,
raqibni mag‟lubiyatga uchratishi muhim hisoblanadi.
Ziddiyat qisqa muddatli va uzoq muddatli bo‟ladi:
a)
qisqa muddatli ziddiyat ma‟lum vaqt - uch kungacha davom etadi, uzoq
muddatli ziddiyat bir yoki bir necha yilga cho‟zilishi mumkin.
b)
uzoq muddatli ziddiyat maishiy xarakterda bo‟lib, ularning 70 foizi 6
oygacha davom etadi.
Ziddiyat ijtimoiy mohiyatiga ko‟ra arzigulik yoki arzimas bo‟ladi:
Agar ziddiyat ataylab qilinsa va jamoatchilikka qarshi bo‟lsa, bu arzigulik
ziddiyatdir. Arzimas ziddiyat masalaning mohiyatiga chuqur tushunmaslik
oqibatida kelib chiqadi. Buni shunday izohlash mumkin: shaxs xarakteridagi
82
kamchiliklarni tushunsa va ularni to‟g‟rilashga harakat qilsa, bu arzimaydigan
ziddiyat deyiladi. Masalan, shaxs bilmasdan ikkinchi bir shaxsning oyog‟ini bosib
olsa yoki turtib yuborsa, ikkinchi shaxsning bundan jahli chiqsa va oyog‟ini
bosgan odam undan kechirim so‟rasa, bunday ziddiyat qisqa muddatli bo‟lib
arzimas hisoblanadi.
Ziddiyat o‟zi ko‟rinishga ko‟ra, ochiq va yopiq bo‟ladi:
Ochiq ziddiyatda hamma ushbu holatni bilishadi, ziddiyatlashgan tomonlar
esa, bir-biridan o‟z niyatlarini yashiradi, lekin kerak vaqtda o‟z qarashlarini oshkor
qiladilar.
Ziddiyatni yuzaga keltiruvchi obyektiv va subyektiv sabablar mavjud:
a)
obyektiv sabablarga ishni tashkil qilishdagi kamchiliklar, normativ
hujjatlarning mukammal emasligi, xizmatdagi (ishdagi) qiyin sharoitlar,
qarashlarning to‟g‟ri kelmasligi va hokazolar kiradi.
b)
subyektiv sabablar shaxsning o‟ziga xosligi, madaniyatning pastligi,
tarbiyaning yetishmasligi, shaxs xarakteridagi kamchilik, o‟ziga yuqori baho
berish, psixologik jihatdan tomonlarining bir-biriga to‟g‟ri kelmasligi, jamoaning
o‟ziga xosligi bilan bog‟liq holatlar, psixologik sharoitlarni noqulayligi, salbiy
ko‟rinishga ega bo‟lgan kichik guruhlar, salbiy emotsial guruhlar va hokazolarni
qamrab oladi.
Ishlab chiqarishdagi kamchiliklarga mehnat jamoasida mehnatni taqsimlash,
moddiy va ma‟naviy rag‟batlantirishdagi tengsizliklar kiradi. Odamlarni
mutaxassisligiga qarab joylashtirmaslik ham boshqarishdagi kamchilik bo‟lib,
psixologik jihatdan jamoadagi muhitni buzadi. Jamoadagi kishilar (guruhlar)
orasida ham kelishmovchiliklar bo‟lish i mumkin.
Ziddiyatni tasniflash xususiyatlariga asoslanib ajratiladi. To‟qnashish
darajasi va shakliga ko‟ra ziddiyatlarni ochiq (munozara-tortishuv, janjal va
boshqalar) va yopiq turdagi (asl maqsadlarni yashirib, zimdan ta‟sir o‟tkazish);
tasodifiy paydo bo‟lib qoluvchi (stixiyali) va oldindan rejalashtirilgan nizolarga
ajratish mumkin.
Ziddiyatlar kommunikativ jihatdan yo‟nalganligi, bir-biriga bog‟liq yoki
83
tobeligiga qarab gorizontal va vertikal nizolarga ajratiladi. Bo‟ysunish va
bo‟ysunmaslik munosabatiga muvofiq aralash turda ham bo‟lishi mumkin. Asosiy
ziddiyat vertikal yo‟nalish olib, unda («yuqoridan quyiga yoki quyidan yuqoriga»)
nizolashuvchi tomonlar o‟rtasida ancha tafovutlar va tengsizlik hukmronlik qiladi
(masalan, rahbar bilan xodim, ish beruvchi bilan ishchi). Bunday holatlarda
ularning kuchlari (status) bir xilda bo‟lmaydi.
Masshtabi va davomiyligiga ko‟ra ziddiyatlar o‟zida tashkilotning bir qism
xodimlari, biror-bir mintaqa yoki alohida olingan tarmoqdagi, shuningdek,
tashkilotning butun xodimlari, xalq xo‟jaligining ma‟lum tarmoqdagi ishchilari
nizoga ishtirok etishiga ko‟ra lokal nizoga ajratiladi.
Odatda bunday nizolar tashkilotdagi yetishmovchiliklar tufayli fikr va
qarashlar o‟rtasidagi ziddiyatlar, xavfsizlik, mehnat shartnomalarini bajarish va
boshqa turdagi jamoa shartnomalari, ish haqi va mehnat sharoitlari tufayli vujudga
kelishi kuzatiladi.
Ziddiyatlar hal etilish va boshqarilish usuliga ko‟ra yon bermaslik va tan
olmaslik oqibatida yuz beruvchi antogonistik hamda manfaat, maqsad, qarashlarni
yaqinlashtirish, fikrlar xilma-xilligini bartaraf etish maqsadida yo‟l qo‟yiladigan
kompromistik (murosasozlik) turlarga ajratiladi.
Ziddiyatlarni bunday turlarga ajratish shartli bo‟lib, ularning turlanishi
o‟rtasida keskin chegara qo‟yish mavjud emas, ammo amaliyotda nizolar tashkiliy,
vertikal, shaxslararo, gorizontal, ochiq, guruhlararo va boshqalar tarzida vujudga
keladi.
Psixologik muhit guruh manfaatlarini qondirish, shaxslararo va guruh
o‟rtasidagi nizolarni hal etishda amalga oshiriladigan muloqotda vujudga keladi va
namoyon bo‟ladi. Shu bois ushbu munosabatlar farqli xususiyatga ega bo‟lib, ular
ba‟zan do‟stona, hamkorlik ko‟rinishda, musobaqa yoki raqobat, hamjihatlik yoki
uyaltirish, qo‟pollik yoki ongli tartib-intizom tarzida ko‟zga tashlanadi. Psixologik
adabiyotlar tahlilidan kelib chiqib, aytish mumkinki, ta‟lim oluvchilarning bir-
biriga o‟zaro ta‟siri ko‟pchilik hollarda to‟rtta asosiy ta‟sir ko‟rsatish usuli orqali
amalga oshiriladi: e‟tiqod, taqlid, ta‟sir, majburlash. Ta‟kidlab o‟tilgan usullardan
84
ham ma‟lumki, pedagogik jamoada o‟qituvchi va ta‟lim oluvchilar o‟rtasidagi
o‟zaro ta‟sir shakllarida ham ular o‟z aksini topishi tabiiy. Chunki ba‟zi hollarda,
o‟qituvchi tomonidan topshiriq va vazifalarni ta‟lim oluvchilarning
dunyoqarashiga mos kelish-kelmasligiga qarab berilishi nizoli holatlarni vujudga
keltirishi tabiiy. Agar o‟qituvchi pedagogik jamoada yetarli mavqega ega bo‟lsa,
bunday sharoitda beriladigan vazifa va topshiriqlarning bajarilish tartibi ta‟sir
ko‟rsatishning e‟tiqod darajasini namoyon qilishi mumkin. Ishonch va nufuzning
yo‟qolishi, yetkazilayotgan ma‟lumotlarning to‟liq va aniqligi, muloqot jarayonida
shubhaning paydo bo‟lishi va boshqalar ham jamoada aynan nizoli vaziyatlarning
kechishiga zamin hozirlaydi.
Ruhiy zo‟riqish holatining fiziologik belgilaridan quyidagi: uyqusizlik, bosh
og‟rig‟i, yurakning tez urishi, bel, oshqozon, yurakdagi og‟riqlar, siqilish holatlari
yuzaga keladi.
Ruhiy zo‟riqish holatlarining psixologik belgilari: parishonxotirlik, xotira
buzilishi, xavotirlanish, yig‟loqilik, ortiqcha xavotirlanish, sababsiz qo‟rquv,
jizzakilikdan iborat.
Bu o‟ziga ishonchni yo‟qotishga olib keladi. Ta‟lim olishga ham salbiy ta‟sir
ko‟rsatadi, shu sababdan ham ruhiy zo‟riqish holatini tezroq yo‟qotish kerak.
Hozirgi kunda jamoada muvaffaqiyatga erishish rahbariyat va xodimlar
faoliyatini to‟g‟ri tashkil etish asosida ma‟naviy-axloqiy muhit yaratishni taqozo
etmoqda.
Tashkilot idoralari jamoalarida har bir xodim ijtimoiy psixologik muhit
yaxshi bo‟lishiga mas‟ul va majbur sanaladi. Faqat shunday sharoitdagina
qo‟yilgan muammolar maqsadga muvofiq, topshiriqlar o‟z vaqtida bajarilishi va
shaxsning shakllanishi me‟yorda kechishi ta‟minlanadi.
Ammo tashkilot idoralari jamoalarida ham ba‟zi yuqoridagi kabi nizoli
holatlar ro‟y berib turadi.
Nizolarning salbiy oqibatlarini bartaraf hal etish ularni atroflicha o‟rganishni
talab etadi. Bunga esa, jamoani yaratish o‟zaro iliq ijtimoiy psixologik muhitni
yaratish orqali erishish mumkin.
85
Hozirgi kunda nizolarni samarali bartaraf etish jamoadagi psixologik muhitni
yaxshilashga, hamkorlikda ishlash samaradorligini ta‟minlashga qaratilmoqda.
Muammo nizoli vaziyat hosil bo‟lgandagina uning boshqa elementlari
o‟rtasidagi bog‟liqlikni keltirib chiqaradi. Ushbu modelni har qanday faoliyatdagi
nizolarni izohlashga asos qilib olish mumkin. Tashkilot jamoalaridagi nizolarni
tahlil qilish va uni hal etish zarurati tug‟ilganda, nizo tarkibidagi har bir
elementning o‟rnini aniq baholashga to‟g‟ri keladi. Psixologik muhit guruhiy
manfaatlarni qondirish, shaxslararo va guruhiy nizolarni hal etishda amalga
oshiriladigan muloqotda vujudga keladi va namoyon bo‟ladi. Shu bois ushbu
munosabatlar turlicha xarakter kasb etib, ular do‟stona, hamkorlik, musobaqa yoki
raqobat, hamjihatlik, qo‟pollik yoki ongli tartib-intizom tarzida kechadi.
Psixologik adabiyotlar tahlilidan kelib chiqib aytish mumkinki, odamlarning
o‟zaro munosabatlari ko‟pchilik holatlarda beshta asosiy ta‟sir ko‟rsatish usuli
orqali amalga oshiriladi: e‟tiqod, ishontirish, taqlid, ta‟sir o‟tkazish, majburlash.
Ta‟kidlab o‟tilgan usullar tashkilot idoralari jamoalarida boshliq va xodimlar
o‟rtasidagi o‟zaro munosabatda ham o‟z aksini topishi tabiiy. Chunki ba‟zi
holatlarda, favqulodda vaziyatlarda boshliq tomonidan berilayotgan topshiriq va
buyruqlarning berilish tartibi belgilangan tashkilot Nizomiga, muassasaning ichki
tartib-qoidalariga mos kelish va kelmasligiga qarab nizoli holatlarni vujudga
kelishi bilan baholanadi.
Agar boshliq jamoada yetarlicha mavqega ega bo‟lsa, beriladigan buyruq va
topshiriqlarning bajarilish tartibi ta‟sir ko‟rsatishning e‟tiqod darajasini namoyon
qilishi mumkin. Aks holda boshliqqa qo‟l ostidagilarning bo‟ysunishi anchagina
sustlashadi.
Ishonch va nufuzning yo‟qolishi, muloqot jarayonlarida shubha paydo
bo‟lishi va boshqalar ham aynan nizoli vaziyatlarning vujudga kelishiga zamin
hozirlaydi.
Tashkilot jamoalaridagi nizoli vaziyatlarning kelib chiqishi bilan bog‟liq uch
guruh sabalarni keltirib o‟tish mumkin:
1)
ishchi muhitni tashkil etishdagi kamchiliklar;
86
2)
boshqaruvchi xodimlar faoliyatidagi nuqsonlar, xodimlarning bilim
darajasi, individual-psixologik xususiyatlari, salohiyatiga ko‟ra ishni taqsimlay
bilmaslik;
3)
jamoa ichidagi shaxslararo munosabatlar bilan bog‟liq kamchiliklar.
Jamoadagi psixologik muhitning buzilishi va ziddiyatlarga moyillik asosida
bir qator ko‟rsatkichlar yotadiki, ularni psixologlar quyidagilarga ajratganlar:
-
rahbariyatning ish faoliyati va jamoa a‟zolari o‟rtasidagi munosabatdan
qoniqmasligi;
-
kayfiyatning buzilishi;
-
rahbar bilan xodimlar o‟rtasida o‟zaro tushunishning yo‟qligi, rahbar
yoki xodimning obro‟ga ega emasligi;
-
jamoa a‟zolarida boshqaruv va o‟zini o‟zi boshqarishdagi faollik
darajasining yetishmasligi;
-
jamoa a‟zolarining bir maqsad yo‟lida jipslashmaganligi;
-
ongli tartib-intizomning yo‟qligi;
-
faoliyat natijalaridan qoniqmaslik.
Ko‟rinib turibdiki, jamoada nizoli vaziyatlarning kam va psixologik
muhitning me‟yorda bo‟lishi boshliq shaxsi, xodimlarning bilimi, yuqoridan
berilgan
topshiriq
va
buyruqlarni
bajarishdagi
ijrochilik
intizomi
va
hamjihatliklariga bog‟liq ekan. Agar tashkilot idoralari jamoalaridagi nizo nizoning
psixologik va ijtimoiy psixologik tabiati, funksiyalari, tipologiyasi va tuzilmasidan
kelib chiqqan holda baholansa, amaliy jihatdan nizoga xos barcha xususiyatlar
namoyon bo‟lishi mumkinligini tasdiqlasa bo‟ladi.
Har qanday kasbiy faoliyat kundalik muomala jarayonidan iborat.
Tashkilot idoralari xodimlari o‟rtasidagi munosabatlar rasmiy-ma‟muriy
qurilganligi bois nizoli vaziyatlar uchun shart-sharoitning namoyon bo‟lish i
anchagina qulaydir. Berilgan buyruqni bajarish, boshliq bilan munosabatda nizoli
holatlarning oldini olishga shay turish, jazolashning murakkab ko‟rinish olishi
xodimlarda ancha qiyinchiliklar tug‟diradi. Agar tashkilot idoralarida faoliyat
ko‟rsatuvchi xodimlar o‟rtasidagi munosabat ma‟muriy ko‟rinish bilan
87
hamkorlikda ishlash ko‟rinishini olgan sharoitlarda rahbar bilan xodim o‟rtasidagi
munosabatlarda subordinatsiya saqlangan taqdirda ham o‟zaro hurmat tamoyiliga
asoslansa maqsadga muvofiq bo‟ladi.
Dostları ilə paylaş: |