76
Tarixdə bu gün
Gənclər Günü
1997
FEVRAL
2 fevral tarixinin Gənclər Günü kimi
qeyd olunması ulu öndər Heydər Əliyevin
adı ilə bağlıdır. Ümummilli liderin 1995-
ci ildə irəli sürdüyü Gənclər Forumu ilə
bağlı təşəbbüsündən sonra 1996-cı ildən
başlayaraq Azərbaycan gənclərinin fo-
rumları keçirilmişdir. Forumlarda ulu
öndər Heydər Əliyevin proqram xarakter-
li nitqlərində gənclərin qarşısında duran
vəzifələr müəyyənləşdirilmiş, gənc nəslin
hərtərəfli inkişafı, problemlərinin həlli
sahəsində tədbirlərin görülməsi əlaqədar
təşkilatların qarşısında mühüm vəzifə
kimi qoyulmuşdur. 1996-cı il fevralın 2-də
keçirilən I Forumda Heydər Əliyev gənclər
qarşısında tarixi bir vəzifə qoydu: “Hər bir
Azərbaycan gənci hər şeydən çox müstəqil
Azərbaycanın bugünü, gələcəyi haqqında
düşünməlidir”. Bu forum Azərbaycanda
gənclər hərəkatının vüsət almasına təkan
verdi. İndiyədək gənclərin 5 forumu ke-
çirilmişdir. Ulu öndər gənclərlə aparılan
işin nəzərəçarpacaq dərəcədə canlandığı-
nı nəzərə alaraq, 1997-ci ildə imzaladığı
sərəncamla tədbirin keçirildiyi günü - fev-
ralın 2-ni Azərbaycan Gənclər Günü elan
etmişdir. II forumda gənclərə müraciət
edən ümummilli liderimiz demişdir: “Biz
müstəqil Azərbaycanın taleyini gələcəkdə
sizə tapşıracağıq. Ona görə də Azərbaycanı,
Azərbaycan dövlətini yaşatmaq, inkişaf
etdirmək üçün hazır olun!” Ulu öndərin
gənclərlə bağlı imzaladığı bir çox sənədlər
isə respublikanın ictimai-siyasi həyatında
gənclərin daha da fəal iştirakı üçün şərait
yaratmış, gənclər siyasətinin məqsəd,
prinsip və istiqamətlərini, təşkilati-hüquqi
əsaslarını müəyyən etmişdir. Bütün bunlar
Heydər Əliyevin gənclərə böyük qayğısı-
nın sübutu idi. Azərbaycanda hər il Gənclər
Günündə bütün istiqamətlər üzrə fəaliyyət
göstərən gənclər yekun hesabat verirlər.
Əsası Ulu Öndər Heydər Əliyev
tərəfindən qoyulan siyasi kurs bu gün ölkə
Prezidenti cənab İlham Əliyev tərəfindən
uğurla davam etdirilir. Prezident İlham
Əliyevin rəhbərliyi ilə həyata keçirilən
dövlət gənclər siyasəti Azərbaycan
gəncliyinin inkişafına təkan vermiş, onla-
rın özlərini cəmiyyətdə təsdiq etməsində
mühüm rol oynamışdır. Prezident 2005-ci
il avqustun 30-da “Azərbaycan Gəncliyi
Dövlət Proqramının (2005-2009-cu illər)
təsdiq edilməsi haqqında” Sərəncam im-
zaladı. Proqram çərçivəsində görülən işlər
gənclərin potensialından ölkənin mənafeyi
naminə tam və düzgün istifadə olunma-
sı, onların faydalı məşğulluğunun təmin
edilməsi, dövlət idarəçiliyi sistemində iş-
tirakının gerçəkləşdirilməsi yönündə ciddi
irəliləyişə gətirib çıxardı. 2011-ci ilin 6
aprel tarixində prezidentin “Azərbaycan
gəncliyi 2011-2015-ci illərdə” Dövlət
Proqramı haqqında Sərəncamı ölkəmizdə
gənclər siyasətini daha da inkişaf etdirmək,
gənclərin menecment sahəsində fəal iştira-
kına şərait yaratmaq, gənc mütəxəssislərin
işlə təminatı və digər sosial-iqtisadi
problemlərinin həllini təmin etmək idi.
Gənclərin hərtərəfli inkişafını, cəmiyyətin
həyatında fəal iştirakını bir qədər də sti-
mullaşdırmaq məqsədi ilə Prezident İl-
ham Əliyev 19 dekabr 2011-ci il tarixində
Azərbaycan Respublikasının Prezidenti ya-
nında Gənclər Fondunun yaradılması barədə
sərəncam verdi. Fondun qarşısında gənclər
siyasəti ilə bağlı elm, təhsil, mədəniyyət və
digər sosial sahələrə yönəlmiş ictimai və
sosial əhəmiyyətli, o cümlədən beynəlxalq
səviyyədə həyata keçirilən layihə və proq-
ramları qrant şəklində maliyyələşdirmək
məqsədi qoyuldu. Prezident İlham
Əliyevin gənclərə dəstək yönündə verdiyi
mühüm və əlamətdar qərarlardan biri də
ölkədə ilk dəfə “Gənclər üçün Prezident
Mükafatı”nın təsis edilməsi oldu.
Ə d ə b i y y a t
Azərbaycanın gənclər
siyasəti dünyada
örnək və uğurlu model
kimi qəbul olunur
//İki sahil.- 2016.- 3
fevral.- S.11.
Hüseynov, F. Gənclik
millətin gələcəyidir
//Mədəniyyət.- 2016.-
3 fevral.- S.3.
Qasımova, M. Gənclər
müstəqil dövlətimizin
gələcəyi və qarantıdır
//Palitra.- 2016.- 2
fevral.- S.13.
Təşəbbüskar gənclər
ölkənin gələcəyidir
//Mədəniyyət.- 2016.-
3 fevral.- S.5.
2
77
Tarixdə bu gün
Beynəlxalq Təhlükəsiz İnternet Günü
2004
FEVRAL
Beynəlxalq Təhlükəsiz İnternet
Günü (İnternational Safer Internet
Day) Avropa Komissiyasının qərarı
ilə 2004-cü ildə təsis edilmişdir. Bu
əlamətdar hadisə dünyanın 60-dan çox
ölkəsində müxtəlif şüarlar altında (“İn-
ternet və uşaqlar”, “Qlobal şəbəkədə
kibercinayət: qanunsuz kontentlərdən
müdafiə” və s.) qeyd olunur. Tədbirlər
qeyri-hökumət təşkilatı olan INSAFE
(European Safer Internet Network -
Avropa Təhlükəsiz İnternet Şəbəkəsi)
tərəfindən koordinasiya edilir.
INSAFE - Avropa Komissiyasının
iştirakı ilə yaradılan milli təşkilatlar
şəbəkəsidir. Təşkilatın əsas missiya-
sı təhlükəsiz İnterneti təbliğ etmək,
xüsusən də gələcək nəsilləri qlobal
şəbəkədəki mövcud təhdidlərlə bağlı
məlumatlandırmaq, maarifləndirmə
işləri aparmaqdır. INSAFE təşkilatı Av-
ropanın 26 ölkəsinin təhsil nazirlikləri
nümayəndələrinin daxil olduğu Euro-
pean Schoolnet konsiliumu tərəfindən
idarə edilir.
Ənənəvi olaraq hər il fevral ayı-
nın ikinci həftəsinin çərşənbə axşamı
günündə təşkil edilən və bu il “İnter-
net adi bir oyun vasitəsi deyil, İnter-
net bizim həyatımızdır” sloqanı ilə
keçirilən müxtəlif səpkili tədbirlərdə
- konfrans, elmi seminar, dəyirmi
masa, forum, sərgi, kiberməkanda
təhlükəsizlik məsələlərinə həsr edilmiş
saytların təqdimatı və müsabiqələrdə
informasiya texnologiyaları sahəsi
üzrə mütəxəssis və alimlər, gənc
nəslin nümayəndələri bir araya gəlir,
“Təhlükəsiz İnternet - mədəniyyət:
uşaq və yeniyetmələr üçün pozitiv və
təhlükəsiz İnternet”, “Təhsil və infor-
masiya təhlükəsizliyi”, “Təhlükəsiz
İnternetin yaradılmasında peşəkar
cəmiyyətlərin rolu”, “İnternetdə ne-
qativ kontentdən texniki müdafiə me-
todları”, “İnternet məhdud fiziki im-
kanlı insanlar üçün” və s. mövzularda
məruzələr dinlənilir, müzakirələr apa-
rılır, müxtəlif fikirlər səsləndirilərək
təklif və tövsiyələr bildirilir. Həmin
gün televiziya və radiolarda verilişlərin
qayəsini də məhz bu səpkidə olan möv-
zular təşkil edir.
Aqressiv İnternet-kontentin cəmiy-
yət tərəfindən qəbul edilməməsi,
qlobal şəbəkənin təhlükəsizliyinin
mühafizəsi, uşaqlara rəqəmsal dün-
yanın
imkanlarından
təhlükəsiz
istifadə qaydalarının aşılanması ilə
bağlı məsələlərə həsr edilmiş 7 fevral
Beynəlxalq Təhlükəsiz İnternet Günü
ölkəmizdə də müvafiq qurum, elmi
müəssisə və təşkilatlarda geniş şəkildə
qeyd olunur və bütün istifadəçilərə
təhlükəsiz interneti tərənnüm edən
qlobal aksiyadır.
2004-cü ildən qeyd olunan bu gün,
Avropa İttifaqı tərəfindən dəstəklənir.
Ə d ə b i y y a t
Ələkbərova, İ. İnformasiya
müharibəsi texnologiya-
ları /İ.Ələkbərova; elmi
red. T.Kazımov; AMEA,
İnformasiya Texnologiyaları
İn-tu.- Bakı: [İnformasiya
texnologiyaları], 2012.-
107 s.
Gündüz, O. İnternet.
Azərbaycanın İnter-
net Resursları: İnter-
net haqqında ümumi
məlumat. Azərbaycan
İnterneti /O.Gündüz;
red. C.Məmmədli.- Bakı:
Multimedia Mərkəzi, 2004.-
200 s.
İ n t e r n e t d ə
www..anl.az
www.rabitadunyasi.info.az
www.ict.az
7