72
Mədəniyyət.Maarif.Təhsil
110
illiyi
Hadi Mirzəzadə
1908-1965
FEVRAL
Hadi İsmayıl oğlu Mirzəzadə 1908-
ci il fevral ayının 28-də Bakı şəhərində
anadan olmuşdur. 1929-cu ildə ADU-
nun Şərq fakültəsini bitirmiş, bir il
Şamaxıda ikiillik Pedaqoji Texniku-
munda, 1930-1931-ci dərs ilində isə
Naxçıvan Pedaqoji Texnikumunda dil
və ədəbiyyat müəllimi işləmişdir. 1932-
33-cü illərdə Bakıda fəhlə fakültəsində,
1935-40-cı illərdə Azərbaycan Qiyabi
Pedaqoji İnstitutunda dərs demişdir.
1943-44-cü illərdə Qazax Pedaqoji
institutunda kafedra müdiri və dekan
vəzifələrində çalışmışdır. 1944-45-ci
illərdə Bakıya qayıdaraq Ali Partiya
məktəbində müəllim və kafedra müdiri
işləmişdir.
H.Mirzəzadə 1947-ci ildə “XIX
əsr nəşr dili” mövzusunda namizədlik
dissertasiyası müdafiə etmişdir. 1950-
ci ildən ADU-nun Ümumi dilçilik ka-
fedrasının dosenti, sonra professoru
olmuş, bu kafedrada ömrünün axırı-
na kimi “Azərbaycan dilinin tarixi”
fənnindən dərs demişdir. 1953-1955-
ci illərdə Bolqarıstan hökumətinin
dəvəti ilə Sofiya universitetində müa-
sir türk dilindən mühazirələr oxumuş-
dur. Hadi Mirzəzadə Azərbaycanda
dil tarixi bəhsinin, “Azərbaycan
dili tarixi” tədris kursunun yaradı-
cılarındandır. Tədqiqatlarında Cəlil
Məmmədquluzadə, Mirzə Ələkbər Sa-
bir və ümumən “Molla Nəsrəddin”in
Azərbaycan dili tarixindəki mövqeyi
dəyərləndirilir. Uzun müddət apardığı
tədqiqatları ümumiləşdirərək 1960-cı
ildə “Azərbaycan dilinin tarixi morfo-
logiyası” mövzusunda doktorluq dis-
sertasiyası müdafiə edərək filologiya
elmləri doktoru elmi adına layiq görül-
müşdür.
Onun 1953-cü ildə “Azərbaycan di-
linin tarixi qrammatikasına aid materi-
allar”, 1956-cı ildə “Azərbaycan dilinin
tarixi qrammatikasına aid xülasələr”,
“Azərbaycan dilinin tarixi qramma-
tikasına aid qeydlər”, 1959-cu uldə
“Azərbaycan dilinin tarixi qrammati-
kası”, 1962-ci ildə “Azərbaycan dilinin
tarixi morfologiyası” adlı kitabları nəşr
edilmişdir.
Kiçik fasilələr nəzərə alınmasa öm-
rünün 30 illik elmi-pedaqoji fəaliyyəti
Azərbaycan Dövlət Universiteti (indi-
ki Bakı Dövlət Universiteti) ilə bağ-
lı olmuşdur. 1961-ci ildən həmin ali
məktəbin Ümumi dilçilik kafedrasının
professoru seçilən H.Mirzəzadə ömrü-
nün sonuna qədər bu vəzifədə çalışmış-
dır.
Professor Hadi Mirzəzadə məzmunlu
mühazirələri, aspirant və tələbələrinə
göstərdiyi qayğıkeşliliyi ilə həmişə se-
çilmiş, öz həmkarları arasında nümunə
olmuşdur.
Hadi Mirzəzadə 1965-ci ildə Bakı
şəhərində vəfat etmişdir.
Ə d ə b i y y a t
Azərbaycan dilinin tarixi
qrammatikası: dərslik
/H.Mirzəzadə; red.
T.Hacıyev; tərtibçilər:
T.Hacıyev, Ç.Mirzəzadə;
rəyçi. A.Qurbanov,
Z.Hacıyev.- Bakı:
Azərbaycan Universiteti,
1990. - 374, [2] s.
Azərbaycan dilinin
tarixi morfologiyası: ali
məktəb tələbələri üçün
dərslik /H.Mirzəzadə;
red. M.Hüseynzadə,
Ə.Rəcəbov.- Bakı:
Azərtədrisnəşr, 1962. -
369, [3] s.
Babayev, A. Hadi İsmayıl
oğlu Mirzəzadə: (həyat
və yaradıcılığı haqqında)
//Babayev A. Dilçiliyimi-
zin məbədi: (BDU-nun
Ümumi dilçilik kafedrası-
nın tarixi).- Bakı, 2002.-
S.235-237.
Mustafayeva, Q. Bir
əsrdən o biri əsrə:
Həmişəyaşar alim
/Q.Mustafayeva
//Respublika.- 2013.- 18
dekabr.- S.10.
28
Dilçi
73
Coğrafiya.Geologiya
90
illiyi
Budaq Budaqov
1928-2012
FEVRAL
Budaq Əbdüləli oğlu Budaqov
1928-ci il fevral ayının 23-də Qərbi
Azərbaycanda Zəngibasar bölgəsinin
Çobankərə kəndində anadan ol-
muşdur. 1943-1947-ci illərdə Yere-
vanda Azərbaycan Dövlət Pedaqoji
məktəbində oxumuşdur. 1947-ci ildə
Azərbaycan Dövlət Pedaqoji İnstitutu-
nun coğrafiya fakültəsinə daxil olmuş-
dur. Moskvada SSRİ EA Coğrafiya
İnstitutunda aspiranturanı bitirdikdən
sonra, 1955-ci ildə namizədlik, 1967-
ci ildə doktorluq dissertasiyalarını
müdafiə etmişdir. Azərbaycan Elmlər
Akademiyasının Coğrafiya İnstitutun-
da Landşaftşünaslıq şöbəsinin müdiri
(1967-1974), elmi işlər üzrə direk-
tor müavini (1974-1988) işləmişdir.
1988-ci ildən ömrünün sonunadək
həmin institutun direktoru vəzifəsində
çalışmışdır. 1976-cı ildə Azərbaycan
EA-nın müxbir üzvü, 1989-cu ildə
akademiki seçilmişdir.
Ədəbi, elmi yaradıcılığa tələbəlik
illərindən başlamışdır. Elmi əsərləri
Azərbaycanda, həmçinin xaricdə -
Rusiya, Hindistan, Polşa, Türkiyə və
İran elmi və dövri mətbuatlarında çap
olunmuşdur. “Cənub-Şərqi Qafqazın
geomorfologiyası və yeni tektonikası”
(1973) elmi əsəri keçmiş SSRİ Coğra-
fiya Cəmiyyətinin N.Prjevalski adına
qızıl medalına layiq görülmüşdür.
Budaq Budaqov coğrafi təkanın,
sel ocaqlarının təsnifatını ver-
miş, təbiətin dağıdıcı hadisələrini
sistemləşdirmiş, Böyük Qafqazın
Azərbaycan hissəsinin geomorfolo-
giyasını, yeni tektonik hərəkətlərini,
qədim buzlaşmasını öyrənmiş, ərazinin
xəritələrini (1:200000) tərtib etmişdir.
İlk dəfə 1956-cı ildə Qafqazda 3600
m mütləq yüksəklikdə Üst Sarmaq
yaşlı dəniz faunasını aşkara çıxar-
mışdır. Azərbaycanın təbii və antro-
pogen landşaftını, orada baş verən
səhralaşmanı, landşafın geokimyası-
nı öyrənmişdir. Azərbaycanda təbii-
dağıdıcı hadisələrin intensivliyinə
görə ekoloji-coğrafi şəraiti tədqiq et-
miş və ərazinin 1:500000 xəritəsini
tərtib etmişdir.
1051 adda elmi əsəri çapdan çıx-
mışdır. Yaradıcılığında elmi-kütləvi,
elmi-publisistik məzmunlu məqalələr
də geniş yer tutur.
1995-ci ildə akademik Y.Məm-
mədəliyev adına medal və mükafat,
2000-ci ildə İslam xeyriyyəçiliyinə
görə H.Z.Tağıyev mükafatı, “Şöhrət”
ordeni, 2008-ci ildə dövlət başçısı-
nın digər sərəncamı ilə Azərbaycan
elminin inkişafındakı xidmətlərinə
görə Azərbaycan Respublikasının
“Əməkdar elm xadimi” fəxri adına la-
yiq görülmüşdür.
Budaq Budaqov 2012-ci il noyabr
ayının 1-də Bakı şəhərində vəfat et-
mişdir.
Ə d ə b i y y a t
Ağsaqqal dünya-
sı /B.Budaqov; red.
R.Kərimova; АМЕА
H.Ə.Əliyev ad. Coğrafiya
İn-tu.- Bakı: İsmayıl NPM,
2002.- 70 s.
Azərbaycan Respublika-
sının fiziki coğrafiyası:
8-ci sinif üçün dərslik
/B.Budaqov, Y.Qəribli; red.
M.Müseyibov.- Bakı: Тəhsil,
2003.- 184 s.
Böyük İpək (karvan) yolu
/B.Budaqov.- Bakı: Nafta-
Press, 2006.- 15 s.
Çay kimi çağlayan ömür
/B.Budaqov; elmi red.
Q.Məmmədov; AMEA ak.
H.Ə.Əliyev ad. Coğrafiya
İn-tu.- Bakı: Elm, 2007. -
200 s.
Heydər Əliyev fenomeni
/B.Budaqov.- Bakı: İsmayıl
NPM, 2002. -136 s.
Budaq Əbdüləli oğlu
Budaqov: Biblioqra-
fiya /Azərbaycan EA
Akademik H. Ə.Əliyev
ad. Coğrafiya İn-tu;
tərt. ed.: A.A.Sadıxova,
E.F.Qasımova.- Bakı: Elm,
2000.- 303 s.
www..anl.az
www.adam.az
www.az.wikipedia.org
23
Akademik