346
Tarixdə bu gün
Milli Dirçəliş Günü
1992
NOY
ABR
1988-ci ilin ilk günlərində Ermənis-
tanın Azərbaycana qarşı açıq təcavüzü
başlanmışdı. Moskvanın, xüsusən
də SSRİ-nin rəhbəri M.Qorbaçovun
buna biganə münasibətini görən
ermənilər planlı şəkildə, Ermənistan
hökumətinin tapşırığı və göstərişilə
Ermənistanda yaşayan 200 mindən
çox azərbaycanlını öz ata-baba yurd-
larından kütləvi surətdə qovmuşdu-
lar. Ermənilər azərbaycanlıları təkcə
öz ev-eşiklərindən qovmayırdılar,
həm də onları cismən öldürmüş,
diri-diri yandırmışdılar. Ermənilərin
tarixdə görünməmiş bu vandalizminə
M.Qorbaçov və onun ətrafı heç bir reak-
siya verməmişdilər. Ermənilər bunun-
la da kifayətlənməmiş, 1988-ci il fev-
ral ayının əvvəllərində Azərbaycanın
Dağlıq Qarabağ bölgəsində ixtişaşlar
törətmişdilər. Onlar Azərbaycanın ta-
rixi torpağı olan Dağlıq Qarabağın
Azərbaycandan qoparılıb Ermənistana
birləşdirməsi haqqında məsələ qaldır-
mışdılar.
Belə bir vaxtda Azərbaycan xal-
qı ayağa qalxmış, xalq öz etirazını
şəkildə rəhbərliyə bildirmiş, respubli-
kanın hər yerindən insanlar axın-axın
Bakıya gəlir, Azadlıq meydanına (o
vaxt V.İ.Lenin adını daşıyırdı) topla-
şır, ermənilərin və Sovet hökumətinin
belə münasibətinə qarşı mitinqlər ke-
çirir, öz etirazlarını bildirirdilər.
1988-ci ilin noyabrın 17-də Bakının
əsas meydanı sayılan Azadlıq meyda-
nında Sovet dövlətinin xalqımıza qar-
şı apardığı antiazərbaycan siyasətinə
etiraz əlaməti olaraq Azərbaycan
ictimaiyyətinin sonu bilinməyən mi-
tinqi başlanmışdı. O, vaxt bütün xalq
bir yumruq kimi düyünlənmişdi. Bu,
əsl xalq hərəkatı, milli azadlıq hərəkatı
idi. Dekabrın əvvəllərində sovet qo-
şunları tərəfindən ümumxalq mitinqi
dağıdılmışdı. 1992-ci ildən 17 noyabr
Milli Dirçəliş Günü kimi qeyd olunur.
Ə d ə b i y y a t
Cəfərli,R.Müstəqilliyimizin
banisi 17 noyabr Milli
Dirçəliş Günüdür /R.Cəfərli
//Azərbaycan .-2014.- 16
noyabr.- S.5.
Əhmədov, A.17 noyabr milli
birliyimizin əsasını qoydu
[Mətn] /A.Əhmədov//Olim-
piya dünyası .-2014.- 18-20
noyabr.- S.5.
Rəhimzadə, A.15 İyun-Milli
Qurtuluş Günü ölkəmizə və
xalqımıza dirçəliş, intibah
gətirdi: /A.Rəhimzadə //
Yeni Azərbaycan .-2014.- 14
iyun.- S.6.
İ n t e r n e t d ə
www.anl.az
www.az.wikipedia.org
www.azadliq.org
17
“XX əsri sona vuraraq, 2000-ci ilə gedərək qü-
rur hissi ilə deyə bilərəm ki, həyatımızın nə qədər
çətin, faciəli bir dövrünü yaşadıqsa, eyni zaman-
da ölkəmizin dirçəlişini, inkişafını, daha da gözəl
gələcəyini təmin edə bildik”.
Heydər Əliyev, ümummilli lider
347
Tarixdə bu gün
Qarakənd faciəsi
1991
NOY
ABR
Qarakənd faciəsi və ya 20 noyabr faciəsi - 1991-
ci il 20 noyabrda Xocavənd rayonunun Qarakənd
kəndinin yaxınlığında, Ağdam rayonunun Mərzili
kəndi ərazisində hərbi vertolyotun erməni quldur-
ları tərəfindən vurulduğu gündür. Faciə haqqında
ilkin məlumat Prezident Aparatına saat 19:55-də
çatmış, lakin nə qədər maraqlı olsa da bu faciə
haqqında xəbər Xankəndindən erməni dilində ya-
yımlanan “Vətən və vətəndaş” verlişinin xəbərlər
bölümündə, saat 15:30-də yayımlanmışdır. Həmin
gün bu məlumatı saat 16:15-də Tehran radiosu,
17:00-da Moskva radiosu açıqlamışdır.
1991-ci il noyabr ayının 20-də Xocavənd ra-
yonunun Qarakənd kəndi yaxınlığında Mİ-8 N72
hərbi helikopterinin erməni silahlıları tərəfindən
atəşə tutulması nəticəsində heyət və sərnişinlər
– Azərbaycanın görkəmli dövlət və hökumət
nümayəndələri, Rusiya və Qazaxıstandan olan
müşahidəçilər – dövlət katibi Tofiq Kazım oğlu
İsmayılov, Baş prokuror İsmət İsmayıl oğlu Qa-
yıbov, dövlət müşaviri Məhəmməd Nəbi oğlu
Əsədov, Baş nazirin müavini Zülfi Saleh oğlu Ha-
cıyev, deputatlar Vaqif Cəfər oğlu Cəfərov və Vəli
Hüseyn oğlu Məmmədov, Prezidentin İcra Apara-
tının şöbə müdiri Osman Hüseyn oğlu Mirzəyev,
nazir müavini Qurban Hüseyn oğlu Namazəliyev,
DQMV prokuroru İqor Aleksandroviç Plavski,
DQMB Daxili İşlər İdarəsinin rəisi Vladimir Vla-
dimiroviç Kovalyov, Dağlıq Qarabağ üzrə milli
təhlükəsizlik şöbəsinin rəisi Sergey Semyonoviç
İvanov, fövqəladə vəziyyət rayonunun komendan-
tı Nikolay Vladimiroviç Jinkin, Qazaxıstan daxili
işlər nazirinin müavini Sanlal Dasumoviç Serikov,
milis general-mayoru Mixail Dmitriyeviç Luka-
şov, polkovnik-leytenant Oleq Nikoloyeviç Ko-
çerev, dövlət katibinin köməkçisi Rafiq Məmməd
oğlu Məmmədov, telejurnalist Alı Mustafa oğlu
Mustafayev, AzTV-nin işıqçısı Arif İsmayıl oğlu
Hüseynzadə, videooperator Fəxrəddin İbrahim
oğlu Şahbazov, vertolyot heyətinin komandiri Vya-
çeslav Vladimiroviç Kotov, heyət üzvləri Gennadi
Vladimiroviç Domov, Dmitri Borisoviç Yaroven-
ko həlak olmuşlar.
Əvvəlcə rəsmi olaraq helikopterin dumana
düşərək qayaya çırpılması ehtimalı irəli sürülsə
də, bir neçə gündən sonra onun vurulması faktı
təsdiqlənmişdir.
Üstündən iyirmi dörd il keçməsinə baxmaya-
raq, hadisə ilə bağlı bir sıra qaranlıq məqamlara
bu günə qədər aydınlıq gətirilməmişdir. Məsələn,
nə üçün bu qədər dövlət rəsmisi eyni zamanda
bir helikopterdə toplanmışdır? Nə üçün döyüş
zonasında mühafizə üçün onu hərbi helikopter
müşayiət etməmişdir? Uçuşun dəqiq marşrutu-
nu ermənilər haradan bilmişdir? Yeri gəlmişkən,
həmin məlumata yalnız Qarabağda sovet silahlı
qüvvələrinin komandanlığı malik olmuşdur. He-
likopterin vurulduğu raketin mənbəyi də məlum
deyil. Qarabağda o zaman ən çox istifadə edilən
silah təyyarəvuran zenit raketləri və eyninövlü
“Alazan” raketləri idi. İstilik raketlərindən istifadə
edilmirdi. Aviaqəzalarda bütövlüyünü saxlayan və
zədəsiz qalan qara qutudakı lentin “yanması” da
qaranlıq məsələ olaraq qalmışdır.
Bu terror aktı ilə erməni separatçıları özlərinin
terrorçu mahiyyətini bir daha sübut etmişdilər.
Faktla bağlı 1991-ci ildə Azərbaycanın Hərbi Qar-
nizon Prokurorluğu tərəfindən cinayət işi açılmış,
istintaqın aparılması Respublika Prokurorluğuna
verilmişdir. Hazırda isə cinayət işi üzrə istintaq
dayandırılmış və buna səbəb terror aktının baş ver-
diyi ərazinin Ermənistan silahlı qüvvələrinin işğalı
altında olmasıdır.
Ə d ə b i y y a t
Alıoğlu, S.20 noyabr faciəsindən 23 il ötür Jurnalist Salman Alıoğlu:”Vertolyot Qarakənd üzərində olarkən ruslarla bizimkilər arasında
atışma baş verib” /S.Alıoğlu; Müsahibəni apardı Ceyhun Abbasov //525-ci qəzet .-2014.- 20 noyabr- S. 4.
Verdizadə, S.Qarakənd səmasında donan kadr:Azərbaycanın milli qəhrəmanı, şəhid operator Fəxrəddin Şahbazovun xatirəsinə
/S.Verdizadə//Zaman .-2015.- 25 iyul.- S.6.
20