26
Mən onu addım səslərindən tanıyırdım. Və zəngi çalmamış qapını onun üzünə
açırdım. O evdə olduğu günləri ən gözəl istirahət hesab edirdi.
Zabit müəllim mənə ailələrindən, çətin keçən uşaqlıq illərindən, anası Əminə
xanımın onları necə əziyyətlə saxladığından danışardı. O anasını həddindən çox
sevirdi. Və deyirdi yəqin ki heç zaman anamın əziyyətini, bounu qaytara bilmərəm.
Anası sağ olan zamanlar hər həftənin sonunda kəndə gedirdik. Maşın kəndə
yaxınlaşanda onun uşaq kimi necə sevindiyini, anasıın yanına necə tələsdiyini
görürdüm. Zabit müəllim bacı və qardaşlarını da çox sevirdi. Həmişə onlara baş
çəkir, daima bacı və qardaşlarının ailələrinin qayğısına qalırdı. Ailənin son beşiyi
olmasına baxmayaraq bacı və qardaşlarının məclisinin başında oturardı. Bütün
qohumlar onu özülərinə ağsaqqal seçmişdilər. Bacı və qardaşlarının uşaqlarını tez-
tez evimizə dəvət edər, onları bir yerə toplayar, bir-birinizə həmişə dayaq olun
deyə məsləhət verərdi. Zabit müəllim Məhəbbətlə, qardaşı oğlanları Alik və
Ramizlə fəxr edər, hər bir işdə onlarla məsləhətləşərdi. Onun qohumlarla əlaqələrə
xüsusi münasibəti var idi. Bu münasibətin mənim qohumlarıma olan rəftarında da
görürüdüm. Zabit müəllimin mənim ailəmə də hörməti var idi, mənim
qardaşlarımala möhkəm dostluq edirdi. Atam üçünsə həmişə “mən ata görməsəm
də Süleyman müəllim mənim nəzərimdə ən nümunəvi atadır” deyirdi. Zabit
müəllim qohum-əqrabanın bütün cavanları ilə çox səmimi münasibət yaratmışıdı.
Zabitin qəfil ölümü bu cavanların hər birini sarsıtmışdı.
Zabit müəllim ailəcanlı insan idi. O övladlarını, nəvələrini hədsiz çox
sevirdi. Teymur və Seymurun toylarını edəndə onun necə sevindiyini gözlərindən
oxuyurdum. Zabit müəllim kiçik oğlu Seymurla həmişə dost kimi danışırdı. Zabitin
xəstəliyi ilə əlaqədar birinci dəfə Ankarada olanda Seymurun Dubaydan bizim
yanımıza gəlişi onu çox sevindirmişdi. O mənə “Qeysər sən indi dincəl, daha
həkimlərin dalınca Seymur qaçar” dedi. Xəstaxanadan mehmanxanaya qayıdan
kimi Seymura kompyuteri aç Xədicə ilə İslamla daışım deirdi. Biz Dubayda
Seymurgildə olanda da bütün vaxtını Zabit nəvələri Xədicə və İslamla keçirirdi.
Yorulana qədər onlarla uşaq kimi oynayırdı. Zabit ilk nəvəsi Teymurun qızı
Almazı çox sevir onunla fəxr edirdi. Almazın bütün ad günlərini təbiətin qoynunda
keçirər, onunla böyük qız kimi söhbət edərdi. Hansı gün telefonla danışmasa
“Almaz babanı yaddan çıxarmısan?” deyirdi. Zabit Almazın gələcəkdə onun
davamçışı olmasını arzulayıdı və deyirdi “Almaz sən mənim yolumu davam
etdirsən kitabxanamı sənə verəcəm”. Zabit müəllim gəlinləri Mehparə və Naidəni
doğma qızı kimi sevirdi. Onlarla söhbəti, müraciəti çox doğma və səmimi idi.
Teyurun və Seymurun ailələri demək olar ki, çox tez-tez birlikdə bizdə olardılar.
Həmin gün Zabit örünün ən sevincli günlərini yaşayırdı.
Zabit doğulduğu torpağa bağlı bir insan idi. Hər il məzuniyyətinin bir
hissəsini mütləq kənddə qardaşı Cavad müəllimin yanında keçirirdi. Onda yaşamaq
eşqi çox güclü idi. Kəndə gedəndə evdə az oturar, vaxtının çoxunu meşələrdə,
bulaq başında təbiətin qoynunda keçirərdi. O qədər şən, mehriban insan idi ki,
hamı onunla gəzməyə getməyi sevirdi. Və gəzməyə gedəndə bizi bütöv bir ordu,
başda qardaşı Cavad müəllim, onun həyat yoldaşı Fərqiyyə xanım olmaqla evdə
kim vardısa müşayət edirdi.
27
O dostları ilə də tez-tez doğulduğu Diyallı kəndinə gəzməyə gedərdi.
Yadımdadır Teymurun toyunda rəhmətlik prafessor Həsən Balıyev çox gözəl çıxış
etdi və dedi Zabit bizim üçün o qədər doğma, o qədər əzizdir ki, hətta onun
doğulduğu İsmayıllı rayonunu rayonumuz hesab edirik. Və zarafatla əlavə etdi ki,
inistitutn çox müəllimləri özünü İsmayıllı rayonundan hesab edir.
Mən də Zabitin 70 yaşını təbiətin qoynunda keçirməyi arzu etmişdim. Çox heyif o
70 yaşına çatmadı.
Zabit müəllimin gözəl insani keyfiyyətlərinin nəticəsi idid ki. Tükiyənin
Ankara şəhərində istər yaşadığı mehmanxananın rəhbərlik və işçiləri tərəfindən,
istərsə də müalicə olunduğu Hacettepe xəstəxanasının həkimləri tərəfindən xüsusi
qayğı ilə əhtə olunmuşdu. Mehmanxana işçiləri onun necə bi əfəndi insan
olduğunu söyləyirdilər və bəziləri onu özlərinə mənəvi ata götürmüşdülər.
Bizim ailə həyatımızda az da olsa inciklik olmamışdı. Bunun səbəbi bir-
birimizi tam başa düşməyimiz, aramızda olan hörmət və istək olmuşdu. Zabit
həmişə mənə deyərdi Qeysər sən mənim gözəl həyat yoldaşım olmaqla bərabər
həm də həyatda ən etibarlı dostumsan. Zabit müəllim mənim üçün əziz adam idi.
Ailə qurduğumuz vaxtdan örünün sonuna qədər bir gün də ayrı yaşamamışdıq. O
həyatının ən çətin anlarında mənimlə məsləhətləşərdi. Zabit müəllim özünün
yüksək mədəniyyəti və intellektual səviyyəsi ilə mənim iş kollektivimin arasında
böyük hörmətə malik idi. Onun xəstələndiyini eşidəndə bütün qohumların və onun
iş yoldaşlarının nə qədər narahat olduğunu və ona necə qayğı ilə yanaşdıqlarını
gördüm. Göstərdikləri qayğı və ehtirama görə universitet rəhbərliyinə, onun yaxın
dostlarına xüsusən Nəsrəddin müəllimə, Soltan müəllimə, Fərrux müəllimə,
qohumlardan Ramizə, Ədalətə, Alikə, Ülviyə, Məhəbbətə minnətdarlığımı
bildirirəm. Teymura Semura sağ ol deyirəm. Atasına göstərdiyi qayğıya görə
Seymura ayrıca sağ ol deyirəm. Mən pedaqoji fakültənin kollektivinə dərin
minnətdarlığımı bildirirəm. Onlar 40 gün evimizdə yas mərasimində iştirk etməklə
bərabər, hər cümə axşamı günü universitetdə Zabit müəllimə anım günü
keçirmişlər.
Zabit mənim həyatımın mənası idi. Mən ömrümün sonuna qədər ona qayğı
göstərməyə hazır idim, təki o məni həyatda tək qoymasın. Amma neynəmək olar
İlahinin işidir. O məni Hacettepe xəstəxanasında tək tənha qoydu və əbədi olaraq
gözlərini yumdu. Mən Ankarada möcüzə, batmaqda olan günəşin doğmasını
gözləyirdim. Hələ də gözlərim qapıya dikilib. Onun addım səslərini, qapıya
çatanda gəlişini xəbər verən “siqnalını”, öskürək səsini eşitmək istəyirəm. Amma o
addım səsləri. O “siqnal” artıq xəyala çevrilib. Hər gün qəbrini ziyarət edirəm,
xəyalı ilə söhbət edib dərdləşirəm. Hər dəfə onu ziyarət edəndə qulağıma sanki bir
səs deyir mən həmişə səninləyəm.
Zabit müəllim haqqında xatirə kitabı hazırlayan Pəri xanıma, onun haqqında
dəyərli sözlər yazan qohumlara. Ziyalılara, universitetin prafessor-müəllim
heyyətinə, pedaqoji fakültənin əməkdaşlarına ailəmiz adında dərin minnətdarlıq
bildirir, Zabit müəllimlə bərabər onların da dünyasını dəyişənlərinə Allahdan
rəhmət diləyirəm.
Dostları ilə paylaş: |