28
Oğlu Seymur.
XoĢbəxtəm ki Zabitin oğluyam.
Atam haqqında mən çox şey deyə bilərəm amma məncə deyilənlər bəs
etməz. Ən birincisi o ailəsini sevən bir ata olub və onun yoxluğunu sözlə ifadə
edə bilmirəm. Həmişə mənə və qardaşıma düzgün olmağı tövsiyə edərdi.
Yadımdadı mən məktəbdə aşağı siniflərdə oxuyarkən,biza atalar sözləri yazmaq
üçün ev tapşırığı verilmişdi. Hərə mənə bir atalar sözü deyirdi , amma atamın
mənə dediyi atalar sözü heç yadımdan çıxmır. Hər zaman xatırlıyıram:”Ac ol ,
amma kişi ol!” Indiyənə kimi o səhnə gözümün önündədi.Mən böyükkən də onun
yadına salardım bu səhnəni.
Atam bizim kəndi çox sevərdi və mən kiçikkən hər yay biz kəndə
gedərdik,həyətdə böyük tut ağacı var idi. Onun altında oturmağı xoşlardı. Zabit
Müəllim
“yeyib-içməyi”
sevərdi,hamını
başına
yığar
Lahıca,Garanohura,Badoya,Əmrəkiya
və
başqa-başqa
yerlərə
aparardı.Gülümsünərək deyərdi: “Bizə qalan elə bu olacaq.”Hamişə mənə öz
uşaqlığından danışardı,qışda ayağıyalın məktəbə getməyindən,odun daşımağından
və yadima gəlir mənə deyirdi ki,mən tələbə ikən yay ayaqqabısı ilə bütün fəsilləri
keçirirdim.Uşaq ikən çox əziyyət görmüşdü,ona görə də bizi əziyyət çəkməyə
qoymamışdı.
Işlədiyi universitetə tez- tez gedərdim və şahidi olduğum bir şey də yadıma
düşdü, həmişə kasıb tələbələrə kömək edədi,deyərdi onları görəndə öz tələbəliyim
yadıma düşür.
Çox diqqətli, ailə və qohum sevən bir insan idi.Hamının ad günlərini yadda
saxlar və təbrik edərdi. Bayramlarda istərdi hamı yanında olsun. Mən Ərəb
əmirliklərində yaşarkən əgər hər həftə zəngləşməsəydik özü zəng vurardı və
zarafatla deyərdi:- konturun yoxdusa de yükləyim.Əlbətdəki söhbət puldan
getmirdi.Bir şeydə yadıma düşdü,mən hər dəfə Azərbaycana gələndə atama
deyərdim :-Ata, mənə bir az pul ver. O isə zarafatla məni yüngül söyərək deyərdi:-
Pulun yoxdu? Mən isə:- Var amma, sənin verdiyin pul şirin olur -deyərdim. O bizə
həm ata , həm də analıq etmişdir.Biz kiçik ikən anamız rəhmətə getdiyindən o
bizə hər seydə dayaq olmuşdur.Atam mənə bir az böyüdükdən və həyati bir az
genis anladıqdan sonra hər şeyi anlayan yaxın bir dost olmuşdur.
O Azərbaycanı çox sevərdi,harasa gedən də tez geri dönmək istərdi.Bir dəfə
atamgili
Ərəb
Əmirliklərinə
qonaq
çağırdım,bir
yerdə
ailəliklə
gəzdik,dincəldik.Mən onun yanıma daha çox gəlməyini istəyirdim, amma o
deyərdi ki, mən burda darıxıram, Azərbaycana geri dönmək istəyirəm,on gün
nəvələrini gördükdən sonra geri dönmək istədi. Atam mənim üçün bir nümunə
olub və olacaqdır, mən hər bir seydə onun kimi olmağa çalişacağam. Çox sey
demək olar onun haqqında, nəinki oğlu onu tanıyan hər bir şəxs onun haqqında
ancaq gözəl sözlər deyir. Mən xoşbəxtəm ki mən Zabitin oğluyam və bununla fəxr
edirəm.
ATA, ALLAH SƏNƏ RƏHMƏT ELƏSIN!!!!!!!!!!!
29
Gəlini Məmmədova Mehparə
O, səmimi və mehriban qayınata idi.
Zabit müəllim haqqında xatirə yazmaq mənim üçün çox çətin oldu. Dönə-
dönə fikirləşməli, götür-qoy etməli oluram. Necə etməliyəm ki, dediklərim,
yazdıqlarım bu nəcib insanın əməllərinə, xarakterinə uyğun olsun, onun ürəklərdə
yuva salmış parlaq obrazına azacıq da
olsa yeni cizgilər, strixlər əlavə etsin.
Zabit müəllimi ADPU-ində oxuduğum illərdən tanıyırdım. Mən onun
rəhbərlik etdiyi fakültədə təhsil alırdım. O bütün tələbələrin sevimlisi idi. Çünki o
bütün tələbələri öz doğma övladları kimi sevər, hamıya eyni qayğı və məhəbbətlə
yanaşardı. Tələbələrin bütün dərdlərinə
şərik olur, problemləri ilə maraqlanardı.
Müəllimlik dünyada ən çətin, lakin həm də ən şərəfli gözəl peşədir. Müəllim
öz xalqı, vətəni, millətinin gələcəyi üçün qəlbini məşəl kimi yandıran, varını,
dövlətini on minlərlə tələbənin yetişməsində görən bu yolda şəxsi
məhrumiyyətlərinə dözən fədakar insan olmalıdır. Müəllim zəkalarda, qəlblərdə
müqəddəslik toxumu səpən bir qüvvə olmalıdır. Zabit müəllim məhz belə
ziyalılardan idi.
Dərin təəssüf və ürək ağrısı ilə də olsa demək lazımdır ki, bu gün
cəmiyyətimizdə Zabit müəllim kimi şəxsi mənafedən uzaq, insanlara təmənnasız
xidmət edən, fəaliyyətləri, xeyirxah əməlləri insanlar üçün nümunə, örnək olan
ziyalıların, işıqlı şəxsiyyətlərin sayı olduqca azalıb.
Universiteti bitirdikdən sonra onun onun başçılıq etdiyi ailənin bir üzvünə
çevrildim və Zabit müəllimi daha dərindən tanıdım. Onun səmimi, gözəl ailə
başçısı, qayğıkeş ata, mehriban, gülərüz baba, qohum-əqrəbaya qarşı çox diqqətli
bir insan olduğunun şahidi oldum. O, ailəyə, ocağa bağlı bir insan idi. Ailə
üzvlərinə qarşı çox səmimi və mehriban idi. O mənə ata qayğısı ilə yanaşı,
övladlarından seçməzdi.
Zabit müəllimin simasını, xarakterini müəyyənləşdirən əsas ali
keyfiyyətlərdən biri, bəlkədə birincisi onun sadəliyi idi. Kimliyindən, yaşından,
tutduğu vəzifəsindən asılı olmayaraq hamı ilə olduqca səmimi, mehriban rəftar
edərdi.
Zabit müəllim gözəl, qayğıkeş baba idi. Nəvələrini sevər, onlarla söhbət
etməkdən yorulmazdı. Onların arzu və istəklərini yerinə yetirməyə çalışardı.
O daim nəcib, ülvi arzularla yaşayırdı. Arzularının böyük hissəsi nəvələrinin
elmli, savadlı olması, onun sənətini davam etdirməsi ilə bağlı idi.
Özünü amalı uğrunda şam kimi yandıran, başqasının yoluna işıq saçmaq
üçün özü nura dönən adamlar heç vaxt unudulmur. İllər keçsə də Zabit müəllimin
əziz xatirəsi unudulmayacaq, yaxınlarının, əzizlərinin, dərs dediyi tələbələrin
qəlbində daim yaşayacaq!