54
Qədim və müasir Azərbaycan, o cümlədən türk ədəbiyyatı Zabit müəllimin ruhuna
hopmuşdu, aşıq poeziyasının vurğunu idi. Bu mənada onun “Klassik aşıq
poeziyasının leksik-semantik xüsusiyyətləri” adlı monoqrafiyasını təsadüfi hesab
etmək olmaz;
O, ADPU-da ən çox dostu olan müəllimlərdən biri, hətta birincisi statusunu
qazanmışdı. Burada onun bir avtoqrafını xatırlatmaq yerinə düşür: “...gözəl insan,
əziz dostum Əzizxan müəllimə ən səmimi arzularla. 22.02.07”.
Zabit Məmmədovun adı yaxınlarının, dostlarının və tələbələrinin qəlbində yaşayır.
Ruhu şad olsun!!!
Fərahim Sadıqov
pedaqoji elmlər doktoru, professor
Zabit müəllimi xatırlayarkən
Mən Zabit müəllimi hələ Zabit Məmmədov olmamışdan çox-çox əvvəllər
tanımışam. Biz 1965-ci ildə birinci kursda oxuyanda Zabit Məmmədov
dördüncü kurs tələbəsi idi. O zaman V.İ.Lenin adına APİ yeganə pedaqoji
təmayüllü institut idi. İnstitutun isə ən şöhrətli fakültəsi filoloji fakultəsi idi. Bu
fakültədə Əbdüləzəl Dəmirçizadə, Zeynal Tağızadə, Feyzulla Qasımzadə, Paşa
Əfəndiyev kimi görkəmli professorlar, İsmayıl Şıxlı, Xəlil Rza kimi ədiblər,
Əhəd Əhmədov, Kamal Qəhrəmanov, özü demişkən Mirzə Əlli Əkbər Sabir
oğlu, Məhəmməd Səlim Tahirli kimi alimlər bizə dərs deyirdilər. O zaman
bizim yataqxana ADPU-nun indiki A.Bakıxanov küçəsində yerləşən korpusunda
idi. Zabit Məmmədov da yataqxanada qalırdı. Mən yaxşı qarmon çalırdım. Ona
görə məni tez-tez ad günlərinə dəvət edirdilər. Bir dəfə Zabit məni həmyerlisi,
yəni İsmayıllı rayonunun Diyallı kəndindən olan və bizimlə eyni birləşmədə
oxuyan Rima adlı bir qızın ad gününə dəvət etdi. Mən qarmonumla onları
yaxşıca şənləndirdim, yubilyarın şərəfinə yaxşı poetik nümunələr söylədim. Bir
sözlə, məclisi əla apardım. Çox razı qaldılar. Zabit mənim istedadımı xüsusi
qiymətləndirdi və həmişə təqdir edəcəyinə söz verdi. Bir dəfə institutun akt
zalında bayram konserti idi. Filarmoniyadan xalq artisti Xan Şuşinskini dəvət
etmişdilər. Konsertdə bizim İnstitutun özfəaliyyət kollektivinin üzvlərindən bir
neçə tələbə də çıxış etdi. Onlardan biri də mən oldum. O zamanlar üçün dəbdə
olan və məşhur qarmonçalan Teyyub Dəmirovun repertuarından olan "Solmazı"
rəqsini ifa etdim. Məni çox alqışladılar. Konsertdən sonra məni ilk təbrik
edənlərdən biri Zabit oldu. Zabit o qədər təəssübkeş idi ki, onu sözlə ifadə
etmək belə mümkün deyil. Təsəvvür edin ki, həm Zabitin oxuduğu fakültədə
oxuduğum və onun yaşadığı yataqxananın sakini olduğum üçün mənim uğuruma
hamıdan çox sevinirdi. Mənə ünvanlanan alqışlardan qürur duyurdu. Beləcə
mənimlə çox mehriban dostluq əlaqələri yaratdı. İki ildən sonra Zabit İnstitutu
bitirdi və onu İnstitutda saxladılar. Əvvəlcə İnstitut komsomol komitəsinin
katibi oldu. Zabit komsomol komitəsinin katibi olmasına baxmayaraq bizdən
ayrılmadı. Yəni yataqxanada bizimlə yanaşı yaşamağa davam etdi. Zabitin
təşəbbüsü ilə fakültə ansamblı yarandı və çox məşhur bir kollektiv oldu. Hətta
1967-ci ildə ansamblımız Ukrainanın Berdyansk şəhərində keçirilən
"Tələbələrin VII ümumittifaq festivalı"nın iştirakçısı oldu. Özü də bizi festivala
55
Zabit Məmmədovun rəhbərliyilə göndərdilər. Nümayəndə heyətimizin sədri
Zabit Məmmədov olduğu üçün biz çox fəxr edirdik. Təsəvvür edin ki, Zabitin
hesabına bütün festivalın örnəklərinə çevrildik. Ona görə ki, plenar iclasında
Zabit çox uğurlu bir çıxış elədi. O, qısa və yığcam çıxışının əvvəlində "Sizə
günəşli Azərbaycandan, Bakının füsunkar İçəri şəhərindən, Xəzər dənizindən,
Qız qalasından Salam gətirmişik", sonunda isə "Sizi Göy-Gölə, Maral-Gölə
qonaq dəvət edirik" dedi. İnanın ki, Zabiti bütün zal sürəkli alqışladı. Bu
çıxışdan sonra bizi hamı necə deyərlər barmaqla göstərirdilər. Ona görə
ansambılımızın bütün çıxışları anşlaq olaraq keçirdi. Bunun nəticəsi idi ki, biz
də festivalın qaliblərindən biri kimi Vətənə döndük. Ansamblımızın isə çox
istedadlı üzvləri diplomlar və mükafatlar qazandılar. Ansamblımızın
konsertmeysteri III kurs tələbəsi Məcid Mahmudov idi. Göyçaydan olan Məcid
həm də Asəf Zeynallı adına musiqi texnikumunun vokal söbəsini bitirmişdi. O,
həm də böyük bəstəkarımız Tofıq Quliyevin mahnılarını, həm Azərbaycan
dilində, həm də Rus dilində oxuyurdu. İkinci müğənnimiz filologiya
fakültəsinin II kurs tələbəsi Ərəstun Əliyev (Ərəstun sonralar aspirantura bitirdi
və filologiya elmləri namizədi alimlik dərəcəsi aldı.) idi.Əsərtun Şirvan
bölgəsinin böyük sənətkarı Kalvalı Əlinin nəvəsi idi. Ərəstun türk mahnısı
"Bana-bana gəl, qaçma gözəl"i oxuyurdu. Bu mahnımız da böyük uğur qazandı.
II kurs tələbəsi Tamara Mirzəyevanın ifa etdiyi ukraina və rus mahnıları isə
bütün festival iştirakçılarını valeh etdi. Bizim festivalda uğurlu çıxışlarımıza
görə Zabit Məmmədov UİLKGİ-nin fəxri fərmanını verdilər. Həmin fəxri
fərman isə bizi səfər zamanı demək olar ki, xilas etdi. Yoxsa bütün uğurlarımız
alt-üst olacaqdı. Bəzən Zabiti məhz həmin xatirəyə görə daha tez-tez yad etməli
oluram. Hadisə belə olmuşdu:
Biz festivalm qalibi kimi çox bövük hörmət və ehtiramla Berdyanski
şəhərindən Kiyevə yola salındıq. Avtobusda olanlar bizimlə fəxr edirdilər.
Yolda onların xahişiylə çalıb-oxuyurduq. Kimi bizə hədiyyələr, kimi mer-
meyvə, kimi öz ünvanını verirdi. Nəhayət gəlib Kiyevdə düşdük. Bütün
sərnişinlər demək olar ki, bizdən ayrılmaq istəmirdilər. Nəhayət onlardan ayrılıb
dəmiryolu vağzalına gəldik. Çamadanlarımızı saxlama kamerasına verdik və
Bakıya bilet almağa getdik. Qayıdanda bizi o zamanki milislər həbs etdilər. Hər
birimizi ayrı-ayrı kameralara salıb istintaqa başladılar. Heç nə başa düşmür, heç
nə anlamırdıq. Guya biz kiminsə çamadanını oğurlamışıq. Əgər Zabitin
ümumittifaq komsomol komitəsindəki tanışları olmasaydı bizi həbsxanaya
salacaqdılar. Bəs, səbəb nə imiş? Sən demə rəhmətlik Ərəstun Əliyevin
çamadanına oxşar (özü də olduğu kimi çox oxşar) bir çamadan bizim
çamadanlara qatışaraq gəlib. Kimsə onu Ərəstunun çamadanı bilərək götürüb və
həmin çamadan bizim əşyalara qatışıb. Çamadanın sahibi elə başa düşüb ki,
bizlərdən kimsə onun çamadanını oğurlayıb. Ona görə şikayət edib. Bizim hər
birimizə ayrı-ayrılıqda çamadanları göstərib soruşanda ki, bunlardan hansı sizin
Ərəstun Əliyevin çamadanıdır. Biz də ayıra bilmədik. Hətta çamadan yiyəsi
hirsli-hirsli gəlsə də öz çamadanını düzgün seçməkdə çətinlik çəkdi. Sonra
Dostları ilə paylaş: |