64
Fəxrəddin Yusifov,
ədəbiyyat və onun tədrisi
metodikası kafedrasının dosenti,
pedaqogika üzrə fəlsəfə doktoru
O BELƏ ĠNSAN ĠDĠ..
Mən onu əvvəllər tanımırdım. Pedaqoji universitetə aspirant kimi daxil
olmuşdum. Filologiya fakültəsində ədəbiyyatın tədrisi metodikası kafedrasında
istehsalatdan ayrılmaqla təhsil alırdım. Gəncədə təhsil aldığım üçün buradakı abı-
hava, mühit mənə tamamilə yeni idi. Bəzən doğma divarlarımız üçün də
darıxırdım.
Belə bir mühitdə mənə dəstək olan insanlar da var idi. Həmin dövrlərdə laborant
kimi fəaliyyət göstərən Mamed müəllim(ona fars Məmməd də deyirdilər, fars dili
mütəxəssisi idi), Təyyar müəllim(kabinet müdiri idi), İsmayıl İsmayılov(laborant
kimi çalışırdı), dispetçer Cəfər, Əziz Əmrahov və davranışı, sadəliyi ilə seçilən
Zabit Məmmədov (allah onların hamısına rəhmət eləsin) bu cür insanlardan idilər.
O vaxtlar müəllimlər laborantlara çox da qayğı göstərmir, onlarla maraqlanmır, adi
bir işçi kimi qəbul edirdilər. Bu vəziyyət laborantlar arasında tez-tez müzakirə
mövzusu olurdu. Mən boş vaxtlarımda Zabit müəllimin yanında olurdum. Zabit
müəllim o müəllimlərdən tamamən fərqli xasiyyətə malik idi. O tez-tez bizimlə
görüşür, yarızarafat, yarıciddi hərəyə bir söz atırdı, öyüd-nəsihət edirdi. Mən onu
bu yoldaşlarla necə ünsiyyət qurmasından, onlara necə diqqət yetirməsindən sonra
tanımağa başladım. Sonralar bildim ki, Zabit müəllim fakültəmizin həmkarlar
təşkilatının sədridir. Bu vəzifə ona necə layiq idi... O, sözün əsl mənasında, həmkar
idi.
Onun hərəkət və davranışları, sadəliyi, xeyirxahlığı, ehtiyacı olan insanlara,
laborantlara əl tutması bir an da olsa nəzərimdən silinə bilməz. O, hamıya eyni cür
səmimi münasibət bəsləyər, bir adamı başqasından fərqləndirməzdi. Nitqində çox
işlətdiyi sözlərdən biri "İsi(İsmaıyla belə deyərdi) bala, necəsən", "Fəxi(mənə
belə deyərdi) bala, işlərin necədir?" olardı.
Adi bir sıxıntımızın səbəbini bilər, təbii ki bu sıxıntımız daha çox maddi
cəhətdən olurdu, çox həssaslıqla duyar, bizə xəlvəti yardımlar edər və onu heç
kəsə hiss də etdirməzdi. Laborantları bir yerdə görəndə onlardan birinə bir əllilik
və ya yüzlük bəxş edər, "bütün günü kitabın arxasında qalmışınız, gedin bir gəzin,
görün, həyatda nə var, nə yoxdur" deyərdi.
Zabit müəllim hərənin yaddaşında bir cür qalıb. Mənim yaddaşımda isə o
daha çox "sadə", "yetim-yesirə çörək verən", səmimi və qayğıkeş bir insan kimi
qalmışdır. Insanlara qayğı ilə yanaşmaq, sadəlik və səmimilik Zabit müəllimdə
yüksək səviyyədə idi və onun həyat amalına çevrilmişdi. Onun bu nəcibliyi və
xeyirxahlığına görə təsadüfi deyildi ki, mətbuat səhifələrində 60 illik yubileyi
münasibəti ilə ən səmimi sözlərimi ifadə etmişdim.
66
Allahverdi Hacıyev
ADPU-nun Azərbaycan dili və onun tədrisi
metodikası kafedrasının dosenti
MƏNIM SEVIMLI HƏMKARIM
Mən Zabit müəllimi 1967-ci ildən ADPU-nun filologiya fakültəsinə daxil
olandan tanıyırdım. O həmin dövrdə institut Komsomol Komitəsinin Katibi idi.
Zahirən çox sağlam, arıq cüssəli, həssas və təmkinli görünərdi. Həmişə tələblərin
içərisində olardı. Onların gündəlik tələbə həyatı ilə çox yaxından maraqlanardı. Bu
dediklərim onun haqqında ilk təssüratım idi. Yaxından, şəxsi əlaqəm yox idi. Tale
elə gətirdi ki, mən 1975-ci ildə ADPU-ya işə qəbul olandan sonra Zabit müəllimlə
daha yaxından tanış oldum. Demək olar ki, onunla gündəlik ünsiyyətimiz bizi daha
da yaxınlaşdırdı. O zaman mən institutun “Elmi əsərlərinin nəşri” ilə məşgul idim.
Mərhum professor Əli Fərəcov elmi əsərlərin məsul katibi idi. O, Zabit müəlimin
də xətrini çox istəyirdi. O mənə tapşırırdı ki, Zabit müəllim yaxşı insandır. Onun
verdiyi məqalələrin nəşrinə diqqət yetir. Bu minvalla mənim Zabit müəllimlə çox
yaxın münasibətlərimiz yaranmışdır. Bizi biri-birimizə yaxınlaşdıran həm də
gənclik dostum, hal-hazırda İsmayıllı rayonunda yaşayan fotoqraf Ənvər olmuşdur.
Onunla rastlaşdıqda həmişə məndən Zabit müəllimi soruşardı. Zabit müəllim də
Ənvəri soruşardı. Onlar
biri-birilə həmyerli, həm də Ənvərin qayınlarının kirvəsidi.
Mən 2001-ci ildən Pedoqoqika və Psixologiya fakültəsinin dekanı vəzifəsinə
təyin olunanda ən çox sevinənlərdən biri Zabit müəllim olmuşdur. O da Pedoqoji
fakültəsinin qiyabi şöbəsi üzrə dekan müavini işləyirdi.. Hər ikimiz işə tezdən
gələrdik. Həmişə o məni Universitetin 2 saylə korpusunun qabağında səhər tezdən
qarşılayırdı. Dərs başlayana kimi söhbətləşirdik. Söhbətlərimiz də çox şirin
keçərdi. Dunyagörüşlərimizdə, həyata, insanlara münasibətlərimizdə bir uyğunluq
var idi. O işinə, vəzifəsinə qarşı çox məsuliyyətli idi. Mənə də elə olmağı tövsiyyə
edirdi. Onun həyat amalı az danışıb, faydalı iş görmək, insanların yaxşı
keyfiyyətlərini düzgün qiymətləndirmək, insanlara həmişə xeyirxaqlıq göstərmək,
sözü üzə demək, başqasının dalınça danışmamaq və s.idi.
Zabit müəllimlə məni birləşdirən bir amil də hər ikimizin ADPU-nun
Azərbaycan dill və onun tədris metodikası kafedranın üzvü olmağımız idi.
Kafedranın keçmiş müdiri mərhum professor Hsəsn Balıyev hər ikimizi görəndə
deyərdi ki, vəzifənizdə məsuluyytəli olun, işlədyiniz dekanlaqların işini daima
qabağa aparın, amma bununla belə kafedranın işini də unutmayın. Zabit müəllimlə
Həsən müəllim arasında bir ata-oğul münasibəti vardı. Yay tətili vaxtı Zabit
müəllim Həsən Balıyevi İsmayıllının Diyallı kəndinə qonaq aparardı. Oradan
gələndən sonra Həsən müəllim bir müddət Zabit müəllimin qonağlığından, ona çox
böyük hörmət və diqqət göstərməyindən danışardı. İsmayıllının bənzərsiz təbiəti, o
zonanın qonaqpərvəliyi, insanlarının saf, təmiz mehriban olmağıHəsən müəllimə
ləzzət verirdi. O həmiºə deyirdi ki İsmayıllını mənə sevdirən Zabit müəllim
olmuşdur.