60
milli QHT olmaqla, 578 qeyri-hökumət təşkilatlarıdırlar
BMT QAK Parlamentlərarası İttifaqla (PAİ) da, parlament üzvlərinin
vətəndaşsızlığa dair beynəlxalq hüquq normaları sahəsində
məlumatlılığını artırmaq və onları vətəndaşsızlığın qarşısını almağa
kömək edən çoxsaylı tövsiyələr və faydalı təcrübə ilə tanış etmək
məqsədi ilə yaxından əməkdaşlıq edir. BMT QAK parlament üzvlərinə
vətəndaşsızlığı aradan qaldırmağa kömək edən, eyni zamanda
vətəndaşlığından məhrum edilmiş şəxslərin vətəndaşlıq hüqu-
qunu təmin edəcək vətəndaşlıq sahəsində qanunvericiliyi qəbul
etmələrinə, həmçinin, vətəndaşsızlıq problemini yaratmadan ikili və ya
çoxvətəndaşlılıq problemini həll edən müqavilələrin bağlanması üçün
imkanlar yaradır.
61
Daxili İşlər Nazirliyi və İmmiqrasiya İdarəsinin Müfəttişi tərəfindən
hazırlanmış inzibati prosedurlar sadə, qısa və ədalətlidirlər.
Vətəndaşlığı olmayan şəxslər üçün iki fərqli prosedur nəzərdə
tutulub:
- de facto vətəndaşlığı olmayan şəxslər (adətən Hindistanın 1982-
ci il bəyanatından sonra qüvvəsini itirmiş hindistan pasportu olan
şəxslər) Şri-Lanka vətəndaşlığını könüllü olaraq almaq niyyətlərini
bəyan etməlidirlər. Bu adətən ailə başçısı tərəfindən edilir. Sonra
müvafiq ərizə İmmiqrasiya idarəsi tərəfindən imzalanır. Ərizə təsdiq
edildikdən sonra bütün ailə üzvlərinə vətəndaşlıq verilir.
- de jure vətəndaşlığı olmayan şəxslər yazılı ərizə verməli deyillər,
lakin onlara xüsusi bəyannamə formasını doldurmaq tövsiyə edilir.
Dövlət məmurları tərəfindən imzalandıqdan sonra bu bəyannamə
gələcəkdə şəxsiyyəti təsdiq edən sənədlərin alınması prosedurunu
asanlaşdıracaq.
Prosedurların hər ikisi pulsuzdur, onlar üçün müddətlər müəyyən
edilməmişdir.
2003-cü ilin dekabr ayında BMT QAK və Seylon İşçilərinin Konqresi
eyni zamanda 500 könüllü üçün seminar keçirmişdilər. Bu könüllülər
sonradan bütün çay plantasiyaları regionu üzrə 50 səyyar mərkəzdə
işləyirdilər. Tədris prosesində könüllülər vətəndaşsızlıq problemi ilə
əlaqədar əsas faktlar, bu problemlə bağlı 1948-ci ildən sonra qəbul
edilmiş müxtəlif qanunlar, yeni qanun və onun meyarları barədə
məlumat alırdılar.
2003-cü il dekabr ayında 10 gün ərzində səyyar mərkəzlərin
əməkdaşları vətəndaşlığın alınmasına dair müraciətlər qəbul edirdilər.
BMT QAK bu kampaniyanı maliyyələşdirirdi və müraciətçilərin
yüksək məlumatlılığını və qərarların könüllü olaraq qəbul edilməsini
təmin etmək məqsədi ilə prosesin monitorinqini həyata keçirirdi.
Ayın sonunda 190 minə yaxın ailə başçısı Şri-Lanka vətəndaşlığını
almışdı. Bunlarda 80 minə yaxış şəxslərin əvvəl Hindistan pasportu
olub, qalanları isə de jure vətəndaşlığı olmayan şəxslər olub.
2004-cü ilin iyul və avqust aylarında ölkənin şimal-şərqində analoji
kampaniya keçirilmişdir. 2000-dən artıq insan vətəndaşlıq almaq üçün
ərizə ilə müraciət edib və onlara vətəndaşlıq verilmişdir. Daha sonra
tamillərin bir hissəsi öz dairələrində hökumət nümayəndəsi vasitəsi
ilə müraciət edərək və ya paytaxt Kolomboda İctimai Təhlükəsizlik,
Qanunçuluq və Asayiş Nazirliyinin Vətəndaşlıq Məsələləri üzrə
Şöbəsinə birbaşa müraciət edərək vətəndaşlıq almışdılar.
62
BMT QAK-ın fəaliyətini kim maliyyələşdirir?
BMT QAK, fəaliyyətinin demək olar ki, əksər hissəsinin könüllü ianələr
hesabına maliyyələşən nadir təşkilatlardan biridir. BMT QAK-ın illik
büdcəsinin təqribən iki faizi BMT-nin mütəmadi büdcəsindən ayrılır, qa-
lan hissəsi isə hökumətlər, fərdlər və özəl şirkətlər tərəfindən könüllü
olaraq ianə edilir.
2007-ci ilin sonuna əsasən BMT QAK-ın səlahiyyətində 31,7 mln insan
vardı. BMT-QAK-ın büdcəsi həmin il 1,5 mlrd ABŞ dolları təşkil edirdi.
2007-ci ildə BMT QAK-ın maliyyəsinin 74 faizi on donor Dövlət tərəfindən
ayrılmışdı. Bundan əlavə, 34,1 mln ABŞ dollarından artıq vəsait əsasən
Avropa, Avstraliya, Yaponiya və ABŞ-ın özəl biznes şirkətlərindən
alınmışdı. QHT-lər BMT QAK-ın illik büdcəsinə onun sifarişi ilə ayrı-ayrı
proqramlar üçün müxtəlif yardım kampaniyaları keçirməklə tövhələrini
verirlər. Son zamanlar özəl sektorun və QHT-lərin tövhəsi radio, televi-
zi-ya, mətbuat və s. KİV-lər vasitəsilə ictimaiyyətin məlumatlandırılması
üzrə məqsədyönlü səylər nəticəsində olduqca artmışdır.
63
V FƏSİL
Parlament üzvləri necə köməklik edə bilər
Parlament üzvləri onlara həm vətəndaşsızlıq hallarının azaldılmasında,
həm də vətəndaşlığı olmayan şəxslərin beynəlxalq hüquqda nəzərdə
tutulmuş hüquq və vəzifələrinin təmin edilməsinə kömək etmək imkanı
yaradan nadir vəziyyətdədirlər. Buna müxtəlif vasitələrlə nail olmaq olar:
milli qanunvericiliyə yenidən baxılması və onun beynəlxalq standartlara
uyğunluğunun təmin edilməsi ilə, vətəndaşsızlığa dair 1954 və 1961-
ci il Konvensiyalarına qoşulmaya dəstək olmaqla, vətəndaşsızlığın
azaldılması və ya aradan qaldırılması və vətəndaşlığı olmayan şəxslərin
qarşılaşdıqları problemlərin həlli naminə mübarizə ilə.
Vətəndaşsızlıq haqqında milli qanunvericiliyin təhlili zamanı parlament
üzvləri nəyə diqqət yetirməlidirlər.?
- Müəyyən ölkənin üzv olduğu müvafiq beynəlxalq və regional müqavi-
lələri təhlil etmək lazımdır. Bundan əlavə, Dövlətin milli qanunvericiliyində
istinad edilən müqavilə, konvensiya və deklarasiyaları təhlil etmək
lazımdır, bu da öz növbəsində milli hüquq bazasına şərh verilməsinə
kömək edəcək.
- Bir çox dövlətlər vətəndaşlıq haqqında müddəaları bir neçə müxtəlif
hüquqi sənədlərə daxil etdiyindən, Konstitusiyanı və vətəndaşlıq
haqqında qanunları, fərmanları və vətəndaşlıq haqqında qanunvericiliyə
və qanunun şərhinə aydınlıq gətirə biləcək milli hüququn bütün
mənbələrini təhlil etmək lazımdır.
- Dövlətin varis olduğu hallarda, ikitərəfli və çoxtərəfli sazişləri təhlil
etmək lazımdır.
- Daxili hüquq sisteminin təhlili zamanı Dövlətin, vətəndaşlıqdan məhrum
etmə, imtina və ya itirilməsi nəticəsində yaranan, vətəndaşsızlıqdan
müdafiə tədbirlərinin görülməsini və sistematik tətbiqini təmin edib
etməməyini müəyyənləşdirmək lazımdır.
Milli hüquq sisteminin təhlili zamanı aşağıdakı suallara cavab vermək
lazımdır:
Vətəndaşlığın ALINMASINA dair
- Uşaq anasının vətəndaşlığını ala bilərmi? Xüsusilə, atasının
vətəndaşlığı yoxdursa və ya atası yoxdursa?
Dostları ilə paylaş: |