57
nümayəndələri daxildir). İcraçı Komitənin vətəndaşsızlıq məsələlərinə
dair 1995-ci il Rəyi “QAK-ı apatridlərin maraqlarına uyğun fəaliyyətlərini
davam etməyə çağırır” və “QAK-ın dövlətlərin Vətəndaşlığı olmayan
şəxslərin statusuna dair 1954-cü il Konvensiyasına qoşulmalarında
fəal dəstək verməsini xahiş edir”. İcraçı Komitənin Rəyi, həmçinin,
vətəndaşsızlığın qarşısının alınmasını və azaldılmasını məlumatın
yayılması və əməkdaşların və məmurların peşəkar tədrisi vasitəsi
ilə fəal dəstəkləməsini, və digər maraqlı təşkilatlarla əməkdaşlığın
genişləndirilməsini” xahiş edir.
1996-cı ildə BMT-nin Baş Məclisi, həmçinin Ali Komissarı vətəndaşlığı
olmayan şəxslərin maraqlarına uyğun işi davam etməyə, 1954 və 1961-
ci il Konvensiyalarına riayət edilməsinə və yeni üzvlərin qoşulmasına
dəstək verməyə çağıran qətnaməni (A/RES/50/152) qəbul etmişdir.
Qətnamə, həmçinin, BMT QAK-dan “maraqlı Dövlətlərə vətəndaşlıq
barədə qanunvericiliyin hazırlanması və həyata keçirilməsi ilə əlaqədar
texniki və məsləhətçi xidmətlərinin göstərilməsini” xahiş edir.
Həmin Qətnamədə Baş Məclis “Dövlətləri vətəndaşsızlığın azaldılması
və qabaqcadan vətəndaşlıq alınmadan vətəndaşlıqdan və ya onun
verilməsindən imtina etmək imkanını yaradan müddəaların çıxarılması
məqsədi ilə, beynəlxalq hüququn əsas prinsiplərinə uyğun olaraq,
vətəndaşlıq haqqında qanunlar qəbul etməyə, eyni zamanda Dövlətin
vətəndaşlığın verilməsini, ondan imtina və itirilməsini nizamlayan
qanunlarını qurmaq hüquqlarını tanımağa çağırır”.
BMT QAK-ın İcraçı Komitəsi tərəfindən (Rəy № 92 [LIII] a) təqdir
edilən və 2002-ci ildə BMT Baş Məclisi tərəfindən dəstəklənən Müdafiə
Proqramında vətəndaşlıqsız şəxslərin köçürülməsinin və qaçqınların
yaranmasının səbəblərindən biri olduğu qəbul edilir. BMT QAK tərəfindən
keçirilən beynəlxalq müdafiə üzrə Qlobal məsləhətləşmələrin nəticəsi
olan Müdafiə proqramına məqsəd və vəzifələrin müəyyən edilməsi və
qaçqınların beynəlxalq müdafiəsinin gücləndirilməsi üçün tələb olunan
fəaliyyətlərin siyahısı daxildir. Bu sənəd, Dövlətlərin, hökumətlərarası
və qeyri-hökumət təşkilatlarının geniş əndişə və təklif sahələrini əks
etdirir və konkret hərəkətlər üçün rəhbərdir. Vətəndaşsızlıq problemini
həlli burada şəxslərin məcburi köçürülməsinin qarşısının alınmasının və
onların vətəndaşlıq hüququnun həyata keçirilməsinin əsas yollarından
biri kimi göstərilir.
İşçilərinin uzun illər ərzində hərəkətsiz qalan apatridlərin yolverilməz
böyük sayı barədə narahatçılığı bildirərək İcraçı Komitə 2004-cü ildə
BMT QAK-ı yaranan vəziyyətdə həll yollarının axtarılması üçün müvafiq
Dövlətlərlə iş üzrə daha fəal rol oynamağa çağırır. İcraçı Komitə
58
həmçinin, BMT QAK tərəfindən Dövlətlərə texniki və operativ köməyin
göstərilməsinin zəruriliyini təsdiq etdi.
Daha sonra, 2005-ci ildə qəbul olunmuş insan hüquqları və
vətəndaşlıqdan əsassız məhrum etməyə dair Qətnamədə (E/CN.4/2005/
L.58), BMT-nin İnsan hüquqları üzrə Komissiyası BMT QAK-ı bu məsələ
üzrə məlumat toplamağı davam etməyə və həm hesabatlarında, həm
də yerlərdə fəaliyyətində vətəndaşlıqdan məhrum etmə probleminin
həlli yollarını təklif etməyə çağırır.
BMT QAK vətəndaşsızlıq problemini həll etmək üçün nə edir?
BMT QAK hökumətlərə vətəndaşlıq haqqında qanunvericiliyin
hazırlanması və həyata keçirilməsində köməklik edir və hökumət
orqanları əməkdaşlarının tədrisini həyata keçirir. 2003-cü ildən 2005-
ci ilədək müddətdə BMT QAK 40-dan çox Dövlətə vətəndaşlıq
haqqında yeni qanunların tətbiqində və köhnə qanunvericiliyə yenidən
baxılmasında köməklik etmişdir. BMT QAK vətəndaşlıq haqqında
qanunvericiliklərin konstitusion müddəalarına dair şərhlərini əhalisinin
əksər hissəsi vətəndaşlığı olmayan və vətəndaşlığı müəyyən edilməmiş
şəxslərdən ibarət olan Dövlətlərə təklif edirdi.
BMT QAK vətəndaşlıq haqqında qanunvericiliyin əhalinin köçürülməsinə
gətirməməsi və orada vətəndaşsızlıq yarada biləcək müddəaların
olmamasını təmin etmək məqsədi ilə parlamentlərlə işləyir. (Bax Əlavə
4, BMT QAK-ın bütün dünya üzrə nümayəndəliklərinin siyahısı).
Müdafiə Planına əsasən BMT QAK vətəndaşsızlığın azaldılması və
vətəndaşlığı olmayan şəxslərin hüquqlarının təmin edilməsinə dair BMT-
nin üzv Dövlətlərinin həyata keçirdiyi tədbirlərin ilkin araşdırılmasına
başlamışdır. Araşdırma göstərdi ki, vətəndaşsızlıq dünyanın bütün
regionlarında mövcuddur və həm beynəlxalq həm də milli səviyyədə
qanunvericilikdə və siyasi təcrübədə ciddi problemlər qalmaqdadır.
BMT QAK 74 Dövlətin cavabları əsasında, geniş məsələlər dairəsi üzrə
rəhbər müddəalar hazırlamışdır.
BMT QAK, həmçinin, ərazilərində uzun müddət yaşayan apatridlərə
vətəndaşlığın verilməsi sahəsində Dövlətlər tərəfindən vətəndaşlığın
verilməsi üzrə həyata keçirilən kampaniyaları dəstəkləyirdi.
BMT QAK həmçinin, vətəndaşlığı olmayan şəxslərə də müvafiq
Dövlətlərlə ayrı-ayrı apatridlərin və ya onların qrupları üçün həll
yollarının axtarılması məqsədi ilə məsləhətləşmələr keçirməklə birbaşa
dəstək verir. BMT QAK, əks təqdirdə şəxslərin apatrid olacaqları hal-
59
larda, Dövlətləri müvafiq şəxsin hüquqi statusunun müəyyən edilməsinə
və Dövlət və şəxs və ya qrup arasında qanuni əlaqələrin tanınmasına
çağırır.
Vətəndaşlığın verilməsi barədə qərarı gözləmə müddətində apatridlər
yaşadıqları ölkədə minimal hüquqlardan istifadə edə bilərlər. BMT
QAK vətəndaşlığı olmayan şəxslərə minimal hüquq və vəzifələr
müəyyən edən Vətəndaşlığı olmayan şəxslərin statusuna dair 1954-
cü il Konvensiyasına riayət etməyə çağırır və Dövlətlərə, vətəndaşlığı
olmayan şəxslərin müdafiəsi və onlara köməyin göstərilməsi sahəsində
proqramların keçirilməsində - zərurət yarandıqda və imkan daxilində
- dəstək verir.
Digər hansı təşkilatlar BMT QAK-la əməkdaşlıq edir?
BMT Agentliklərindən vətəndaşsızlıq problemlərinin həlli sahəsində BMT
QAK-la əsasən, BMT-nin İnsan hüquqları üzrə Ali Komissarının İdarəsi,
BMT Uşaq Fondu (UNİCEF) və BMT-nin Qadınlar üçün İnkişaf Fondu
(UNİFEM) əməkdaşlıq edir. Vətəndaşsızlıq problemlərinin uzunmüddətli
həlli zamanı, bəzi hallarda BMT QAK yaşayış yerinin, təhsilin və gəlir
gətirəcək məşğuliyyət növlərinin təmin edilməsi sahəsində təcrid edilmiş
icmaların ölkənin həyatına inteqrasiyasına və re-inteqrasiyasına kömək
edən birgə proqramlar keçirməklə Beynəlxalq Əmək Təşkilatı (İLO),
BMT-nin İnkişaf Proqramı (UNDP) və Dünya Ərzaq Proqramı (WFP) ilə
əməkdaşlıq edir.
BMT-nin agentliklərindən əlavə, BMT QAK, həmçinin, BMT-nin
vətəndaşlıq hüququnu təmin edən müvafiq müqavilələr əsasında
yaradılmış İnsan Hüquqları üzrə Komitə, Uşaq Hüquqları üzrə Komitə,
İrqi Ayrı-seçkiliyin Aradan Qaldırılması üzrə Komitə və Qadınlara qarşı
Ayrı-seçkiliyin Aradan Qaldırılması üzrə Komitə kimi agentlikləri ilə də
yaxından əməkdaşlıq edir.
BMT QAK Avropa Şurası, Avropada Təhlükəsizlik və Əməkdaşlıq
Təşkilatı, Amerika Dövlətləri Təşkilatı, Ərəb Dövlətləri Liqası və İslam
Konfransı Təşkilatı kimi regional təşkilatlarla da əməkdaşlıq edir. BMT
QAK Avropa Şurasının Vətəndaşlıq üzrə Komitəsinin işində iştirak edir.
Bu Komitə Vətəndaşlıq haqqında Avropa Konvensiyası və Dövlətlərin
Varisliyi hallarında vətəndaşsızlığın qarşısının alınmasına dair Konven-
siya kimi standartları müəyyən edən sənədləri işləyib hazırlayır.
Qeyri-hökumət təşkilatları da, həmçinin, yerlərdə BMT QAK-ın
proqramlarını dəstəkləməklə və BMT-QAK-ın fəaliyyət planlarının
hazırlanmasında BMT QAK-la yaxından əməkdaşlıq edirlər. 2005-ci
ildə BMT QAK 770 partnyor təşkilatla saziş bağlayıb. Onlardan 424-ü
Dostları ilə paylaş: |