Körfəz Əməkdaşlıq Şurası ölkələrində daxili vəziyyət və perspektiv inkişafın ssenariləri
13
xarı palata ilə razılaşa bilmədiyindən,
səlahiyyətlərindən praktikada istifadə
edə bilmir. Küveytdə isə əksinə
antihökumət mövqeyinə görə tanınan
parlament səlahiyyətlərindən sui-istifadə
etməklə siyasi gərginliyə səbəb olur.
Bu iki ölkədə digər KƏŞ ölkələrindən
fərqli olaraq, siyasi arenada bir sıra qrup-
lar fəaliyyət göstərir. Eyni zamanda, bu
ölkələrdə islamçıların vəziyyəti Misirdən
fərqlidir. Belə ki, Misirin Müsəlman Qar-
daşları liderləri hərbi məhkəmələrə cəlb
olunarkən Küveytdə HADAS (Müsəlman
Qardaşlarının Küveyt qanadı) və
Bəhreyndə Minbər (Müsəlman Qardaş-
larının Bəhreyn qanadı), Sələfilərin Əl-
Asalə cəmiyyəti, şiə cəmiyyətinin aparıcı
siyasi partiyası olan Əl-Vifaq normal siya-
si həyata inteqrasiya ola biliblər.
Lakin son günlərdə Bəhreyndə baş verən
etiraz aksiyaları və hökumətin tutduğu möv-
qe bu ölkəni demokratiya yolunda geriyə
aparmaqdadır. Belə ki, Bəhreyndə fövqəladə
vəziyyətin elan edilməsi və bu ölkəyə KƏŞ
qüvvələrinin yeridilməsi daha əvvəl Şahzadə
Salmanın irəli sürdüyü siyasi dialoqu yarım-
çıq qoymuşdur. Hazırda, müxalifətə qarşı
olan təqiblər davam etməkdədir. Belə ki,
həkimlər və fəallar daxil olmaqla 400 nəfər
polis nəzarətində saxlanılmaqdadır. Fevral
ayından bəri 4-ü polis nəzarətində olmaq-
la ən azı 30 fəal öldürülübdür. Həmçinin
müxalifətdən olanların dövlət işlərindən
çıxarılması haqqında xəbərlər də yayıl-
maqdadır. Aprelin 28-də Bəhreyn hərbi
məhkəməsi iki polisin öldürülməsində gü-
nahkar bilinən dörd fəal iştirakçı haqqında
ölüm hökmü çıxarmışdır.
16
Hökumət şiələri
16 Four sentenced to death in Bahrain, http://gulfnews.
com/news/gulf/bahrain/four-sentenced-to-death-in-bah-
rain-1.800304, 28.04. 2011
Omanda etiraz aksiyası
Körfəz Əməkdaşlıq Şurası ölkələrində daxili vəziyyət və perspektiv inkişafın ssenariləri
14
təmsil edən Əl-Vifaq və İslam Fəaliyyəti
Cəmiyyətlərini qadağan etmək planlarını
isə ancaq rəsmi Vaşinqtonun tənqidindən
sonra təxirə salmışdır.
17
Küveyt KƏŞ-in ən demokratik siya-
si sistemə malik ölkəsi, onun parlamenti
isə ərəb dünyasının demokratik meyarları
ilə seçilən institutudur. Lakin Milli As-
sambleya (parlament) və hakim Əl-Sabah
ailəsi arasında beş ildir ki, siyasi dominant-
lıq uğrunda gedən mübarizə, deputatlar
tərəfindən Əl-Sabah ailəsinə qarşı kor-
rupsiya ittihamları, nazirləri parlamentdə
sorğuya çəkmək tələbləri (xüsusilə Baş
nazir Şeyx Nasir Əl-Məhəmməd Əl-
Sabaha qarşı) Küveyt siyasi sistemini
faktiki olaraq iflic vəziyyətinə salıbdır.
17 Bahrain backs off on closure of opposition group, http://
gulfnews.com/news/gulf/bahrain/bahrain-backs-off-on-clo-
sure-of-opposition-group-1.792901, 15.04. 2011
2006-cı ildən bəri üç dəfə növbədənkənar
parlament seçkilərindən heç biri icraedici
və qanunverici hakimiyyət arasındakı fikir
ayrılıqlarını yoluna qoya bilməyibdir.
18
2011-ci ilin aprel ayının əvvəllərində depu-
tatların parlamentdə bir neçə naziri sorğuya
çəkmək tələbi hökumətin yenidən buraxıl-
ması ilə nəticələnmişdir. Lakin deputatla-
rın bildirdiklərinə görə kabinetə yeni Baş
nazir və nazirlər təyin olunmayanadək on-
lar sorğu tələblərini davam etdirəcəklər.
19
Bu da o deməkdir ki, Küveytdə hökumət
böhranı davam edəcəkdir. Həm də par-
lamentin buraxılması və yenidən erkən
seçkilərin keçirilməsi haqqında xəbərlər
yayılıbdır. Hökumət böhranı 2010-cu ilin
18 Kenneth Katzman, Kuwait: Security, Reform, and U.S. Poli-
cy, CRS Report for Congress
http://www.fas.org/sgp/crs/mideast/RS21513.pdf,0 8.02.2011
19 MPs warn of reviving grilling against reappointed
ministers, http://www.kuwaittimes.net/read_news.
php?newsid=MTA0NjMwNjg1Nw==, 03.04. 2011
Bəhreyndə etiraz aksiyası
Körfəz Əməkdaşlıq Şurası ölkələrində daxili vəziyyət və perspektiv inkişafın ssenariləri
15
dekabrında və bu ilin martında olduğu
kimi, Əl-Sabah ailəsinin səlahiyyətlərinin
məhdudlaşdırılması tələbi ilə etiraz aksi-
yalarını yenidən canlandıra bilər.
Beləliklə, yuxarıda deyilənlərdən gö-
ründüyü kimi, KƏŞ ölkələrinin siyasi
sistemləri demokratik azadlıqlar və habelə
demokratiya tələbləri baxımından fərqlənir.
Səudiyyə Ərəbistanında dini institutların
güclü olması, cəmiyyətin mühafizəkarlığı
demokratik dəyərlərin bu ölkəyə hələ uzun
müddət gəlməyəcəyindən xəbər verir.
BƏƏ-də və Qətərdə isə ölkənin varidatın-
dan irəli gələn yüksək həyat səviyyəsi siyasi
laqeydliklə müşahidə olunmaqda davam
edə bilər. “Demokratiya dalğası” ən çox
Küveyt, Bəhreyn və son hadisələrdən son-
ra bəlli olduğu kimi Oman üçün də daha
təsirli ola bilər.
SİYASİ ELİTALAR: “YUXARIDAN
İNQİLAB” MÜMKÜNDÜRMÜ?
Regionda, xüsusilə Tunisdə və Misirdə
olan qarışıqlıq Yaxın Şərqdə siyasi elitala-
rın buna davam gətirməsi barədə sualları
ortaya çıxarıbdır. Lakin KƏŞ ölkələrinin
siyasi elitalarının inqilabın baş verdiyi
ölkələrin siyasi elitalarından bir neçə fərqi
vardır. Birincisi, bu ölkələrin siyasi elita-
ları əsasən ailə üzvlərindən ibarədir. Belə
ki, Bəhreyndə Əl-Xəlifə, Omanda Əl-Səid,
Küveytdə Əl-Sabah, Qətərdə Əl-Səni,
Səudiyyə Ərəbistanında Əl-Səud, BƏƏ-
də Əl-Nəhyan ailələri bu ölkələri bir neçə
əsrdir ki, idarə edirlər. İkincisi, bu ölkələrdə
Misirdən və Tunisdən fərqli olaraq,
hakimiyyətə əsas təhlükəni və müxalifəti
təkcə siyasi elitanın xaricində deyil, həm
Soldan: Küveyt Əmiri Sabah Əl-Əhməd Əl-Cabir Əl-Sabah, Qətər Əmiri Həməd bin Xəlifə
Əl-Sani, Oman Sultanı Qabus bin Səid Əl Səid, Səudiyyə Ərəbistanı Kralı Abdulla bin Əbdül-
Əziz Əl-Səud , Bəhreyn Kralı Həməd bin İsa Əl-Xəlifə, BƏƏ Əmiri Xəlifə bin Zeyid Əl-Nəhyan
Dostları ilə paylaş: |