Salatın Əhmədli
225
CİJİM YUXUMA GƏLMƏSƏYDİ...
(Anam Güləbatın Mustafaqızının xatirəsinə)
Çoxdandır bir şey yazmırdım. Elə bil qələmimin
ucu korşalmış, məni ağuşuna alıb dünyanı dolandıran
düşüncələrimin
selə
bənzər
axarı
kəsilmiş,
çiləkənləmişdi. Düşünürdüm ki, elə yəqin belə olar.
İlham pərisi qanadlanıb, yenə gələr. Məni yazı
stoluma qaytarar. Düşüncələrim də sellənib gələr.
Başlayaram təzədən yazmağa. Bir narahatlığım,
nigarançılığım da yox idi. Amma bir gün… cijim
yuxuma gəldi.
Sual dolu baxışlarla qarşımda dayanmışdı: - Nə
yatmısan, niyə yatmısan?
Dedim: «Ay ciji, axı yatmamışam, görürsən ki,
baxıram».
İstədim ki, əl-ayaq eləyəm, cijimin qulluğunda
duram. Qolundan tutub yuxarı başa çəkəm. Deyəm ki,
bu qarda, boranda necə gəlmisən? Hardan gəlmisən?
Nə yaxşı gəlmisən deyə bilməzdim. Axı cijilər üçün
törəmədə hər kəsin qəlbi onun evidir. İndi o hesabla
Salatın Əhmədli
226
cijimin evinin-eşiyinin sayı-hesabı yoxdur. İndi də
ürəyi istəyib mən tərəfə gəlib.
Deyəsən, təlaşımın səbəbini bildi. Məni qalxmağa
qoymadı. Elə mənimlə üzbəüz əyləşdi. Nədənsə mənə
elə gəldi ki, balaca ayaqlı oturacaq da cijimin əlinin
altındadır. Yaxına çəkdi. Göz-gözə baxışdıq.
Cijim çoxdanın adamıdır, az qala yüz il bundan
əvvəlin. Tanrı ona uzun ömür vermişdi. Uşaqlığını
kəndimizdə keçirmiş, kənd camaatının yaşadığı həyatı
yaşamışdı. Köç yanında yaylağa qalxmış, buz
bulaqların gözündən su içmişdi. Şəffaf, tərtəmiz
suların içində dərə boyu bitmiş qıjı yığmış, lilpar,
baldırğan, qazayağı onun əlləri ilə dərilmiş, yığdığı
göy-göyərti süfrələri bəzəmişdi.
Yayda dağ yamaclarında otlayan qoyunların
südündən
tutulmuş
qurud
yumrulanıb
sərilər,
qurudular, kök erkəklər kəsilib qovrular, öz yağında
basdırma edilərmiş. Cijim gözü ilə özündən əvvəlki
gəlinlərin, qızların, nənələrin elədiklərini görüb,
yaddaşına
yığmış,
zaman
gəlib
çatanda-qızlar
bulağından su içəndə, könlünü alana baxışları ilə «hə»
demişdi, bir halal-hümbət ailə qurmuşdu. Gəncliyi
həyatının gözəl çağları olub. Səhəri günəşdən qabaq
Salatın Əhmədli
227
oyanıb, axşamı günəşdən sonra yatıb. Bir-birinin
arxasınca övladları dünyaya gəlib, övladlarına da halal
südünü verib. Daha cijim düşünməyib ki, uşaq
əmizdirərəm bədənimin görkəmi pozular. Uşağının
səsinə «can» deyib. Mışıl-mışıl yuxularına tamaşa
edib, doyunca baxıb. Beləcə bir gənc ana ömrü
yaşayıb…
Birdən mənə elə gəldi ki, cijimin əvəzinə ötən
günlərimi görürəm. Günlərim sürətlə sıralanıb
gözlərimin
önündən
keçməyə
başladı.
Hansı
günlərimdən yaddaşımda nə qalıb? Axtarmağa
başladım. Kəndimizin arası ilə uca kölgəli ağacların
dibinə qaçan uşaqlığım tay-tuşlarını axtarırdı. Onlarla
birgə çay qırağına, bulaq üstünə, sonra da məktəbə…
qaçışdıq, yüyrüşdük, «Bənövşə, bəndə düşə» oynadıq.
Günlər bir-birilə bəhsə girdi. Məni… məni çağır,
ehey, mən sənin yadında deyiləm? Kol dibində bitən
bənövşələrə ötən günlərim adlanmadı. O günlərin
adlarını tapa bilmədim. Çağıra bilmədim. Günlərim
boynunu bükdü, incidi. Deyəsən, lap küsdülər
məndən. Amma arabir o küsən bənövşəli günlərimin
səslərini eşidirdim. Çağır… çağır… Bənövşə, bəndə
düşə, bizdən sizə kim düşə? Gülər gözlü, qıyıq baxışlı
Salatın Əhmədli
228
keçmişdə qalmış, balaca qızcığaza bənzər bir günümü
çağırdım. Gəl, gəl sizdən bizə sən düşə. Bilmirəm,
küsməyimdənmi, ya bəlkə mənim səsim gedib o
uzaqlığa çatmadı? Amma heç birisi qayıtmadı. Yığılıb
həftələr olan günlərim bir az böyümüşdü. Bir az da
ərkyana böyür-başımda fırlanırdılar. Daha əvvəlki
kimi hay-harayla, hay-küylə kənd arasına, bulaq
başına, kəndin ortasındakı hündür ağacların ortasına
qaçanı yox idi. Niyə dayanmışdılar? Nəyə başları
qarışmışdı? - tapa bilmirdim. Heç olmasa günlərimdən
bənövşələrə bənzər olanlarını dumanlı da olsa görə
bilirdim, amma həftələrdən heç nə görünmürdü…
Yuxumu gözlərimdən qovmaq, iki ovcumun
arxası ilə gözlərimi ovmaq istəyirdim. Bəlkə, o adını
bilmədiyim yaddaşımdan getmiş həftələrdən biri mənə
tanış gələr, adını, ünvanını taparam. Amma tapa
bilmirdim. Yox idi həftələr. İndi o günlərin, həftələrin
həsrətində qovrula-qovrula itirdiyim adları tapa
bilmədikdə kimi günahlandırmalıydım, bax, bunu
bilmirdim. Dayanıb, düşünməli oldum. Bəlkə də,
təzədən qayıda biləcəkdim həmin günlərə, ya bəlkə,
heç qayıda bilməyəcəkdim. Amma gözlərimin
qabağında
dayanıb,
gülümsər
çöhrəsini
yaxşı
Salatın Əhmədli
229
tanıdığım cijimi görəndə itirdiyim adları ondan
soruşmaq istədim. Hər halda bu, istək idi. Ancaq necə
istək idi? Mən onu cijimdən necə soruşum? Nəyi
istəyirəm, nəyi istəmirəm? Elə bil ki, cijim mənim
özümə də sirli görünən sualımı gözlərimdən oxudu.
- Ay qızım, sən nəyi istəyirsən, istəmirsən,
bilmirəm. Amma onu deyə bilərəm ki, insan üç şeyin
olmasını istəmir: xəstəliyin, qocalığın və ölümün.
Xəstəlik əzabdır, əziyyətdir, ağrıdır. Bunun da
günahını gərək özgə yerdə axtarmayasan. Xəstəliyin
mənbəyi həmin uşaqlıqda yaşadığın həyatın özüdür.
Doğrudur, uşaqlıq çağlarında gərək uşaq qayğı görsün,
qorunsun. Bəlalardan, başının
üstündən keçən
zavaldan qorunsun. Zaval bilirsən nədir? Biri yeri
şumlayır. Zəhmət çəkir, toxum səpir, torpağa səpilən
dənlər, cücərir, boy göstərir, Zəhmət sahibi də altdan-
altdan zəhmətinin bəhərinə baxır. Bağdırsa çiçəyinə,
gülünə, zəmidirsə sünbülünə, dəninə... Birdən göylər
guruldayır, buludlar toqquşur, şimşək çaxır. Xırıltılı
dolu gəlir. Zəhmətin bara-bəhərə, çiçəyə, gülə
çevrilmiş donunu döyür. Bircə saatın içində ayların
zəhməti heçə dönür. Ömrün uşaqlığı da belədir.
Ömrün uşaqlığını qorumaq böyüklərin işidir. Bitkidən,
Salatın Əhmədli
230
ağacdan fərqli olaraq uşağı beləcə zavaldan qorumaq
olar. Sağlam yaşanan uşaqlıq ömrünü odlu-alovlu
gəncliyə
verir.
Gənclik
cavanlıqda
yaşananın
özülüdür. Beyni qan olur gəncliyin. Uşaqlıq insanın
həyatının günləri də, gənclik həftələrinə bənzər. Necə
keçir, hardan keçir, heç özünün də xəbəri olmur.
Atanın, ananın göstərdiyi yol, özündən böyüklərin
həyat tərzi gəncliyin məktəbidir. O məktəbi gənclik
yaxşı oxusa, onda cavanlığa da hazır gələr.
Qayıdıram insanın istəmədiyi qocalığa. Biləsən
ki, o da ağır-ağır, asta-asta, yavaş-yavaş gəlir. Elə
gəlir ki, heç xəbərin də olmur, bir də görürsən ki,
tacını-taxtını qurub, əyləşib varlığında. İstəsən də,
istəməsən də ölümün də haqqı var. O da çəngəlini
çalıb, payını aparmalıdır. Nə qocalıqdan, nə də
ölümdən gərək qorxmayasan. Bunun üçün aylarını,
illərini yada sal. O ayları, illəri keçmisənmi? Necə
keçmisən? Bu dünyada olmadığın vaxtlarda, yaşa-
mağın haqqını ala bilmisənmi?
Cijimin söhbəti gözlərimi açdı. Təzədən özümə
baxdım, keçən günlərimə baxdım. Bəlkə də, cijimin
söhbəti olmasaydı ayların cavanlığa, illərin də
qocalığa bənzərliyini tapa bilməzdim. Cavanlıq
Dostları ilə paylaş: |