.
187
və mədəniyyət abidəiərinə ümumdünya, ölkə və yerli
(regional) səviyyədə mədəni dəyər statusu verilməklə on-
ların tamsiyahısının tərtib və təsdiq edilməsi, dövlət uço-
tuna alınması və pasportlaşdırılması, daşınmaz abidələrin
xəritəsinin hazırlanması, onlar üzərində miilkiyyət forma-
larının müəyyən edilməsi nəzərdətutulmuşdur.
Qanunda abidələrin bədii-estetik simasının dəyişdi-
rilməsinə və onların tamamilə və ya qismən dağılmasına
səbəb olan təmir, tikinti, təsərrüfat və ya digər növ işlərin
aparılmasının qadağan edilməsi də müsbət haldır.
Milli Arxiv Fondunun formalaşmasına və fəaliyyə-
tinə qoyulan yeni tələblər, dövlət və qeyri-dövlət arxiv
fondunun və onlardasaxlanılan sənədlərin mülkiyyət for-
malarının və hüquqlarının dəqiq müəyyən edilməsinin va-
cibliyi, habelə bu qədər böyük mənəvi sərvətin günün
tələblərinə müvafiq normativ-hüquqi əsaslarının olmaması
bu sahədə xüsusi qanunun hazırlanması və qəbul edilməsi
zəruriyyətini doğurmuşdur. “Milli Arxiv Fondu haqqında”
Qanun arxivlərin fəaliyyəti, Milli Arxiv Fondunun forma-
laşdırılması, mühafizəsi və istifadəsi ilə bağlı bütün müna-
sibətləri tənzimləyir, arxiv işçilərinin sosial müdafiəsini
xeyli gücləndirir.
Tarix və mədəniyyət abidələrinin mühafizəsi ilə bağ-
lı bütün problemlərin hüquqi cəhətdən tənzimlənməsi bey-
nəlxalq konvensiyalara, o cümlədən "Silahlı münaqişələr
zamanı mədəni dəyərlərin qorunması haqqında” (Haaqa,
1954), “Ümumdünya mədəni irsinin qorunması haqqında”
(Paris, 1970), “Mədəni dəyərlərin qeyri-qanuni aparılma-
sının, gətirilməsinin, onlara mülkiyyət hüququnun başqa-
sına verilməsinin qadağan edilməsinə və qarşısının alın-
masına yönəldilən tədbirlər haqqında” (Paris, 1970),
.
188
“Oğurlanmış və qeyri-qanuni aparılmış mədəni dəyərlər
haqqında” (1995) konvensiyalara, həmçinin YUNESKO-
nun və onun nəzdində fəaliyyət göstərən beynəlxalq
təşkilatların (İKOM, İKOMOS və İKKROM) və mədəni
dəyərlərin mühafizəsi məsələləri ilə geniş şəkildə məşğul
olan digər beynəlxalq qurumaların layihə və tövsiyələrinə
uyğun olaraq həll edilmişdir.
35
Sosial-iqtisadi və maliyyə üzrə təşkilatlar, mədəniy-
yət idarələri, hüquq mühafizə orqanları işçilərinin, göm-
rükçülərin mədəni dəyərləri qoruyub saxlamaq məsələləri
üzrə əməli fəaliyyəti müxtəlif hüquqi səviyyəli normativ
aktlarda tənzimlənir (konstitusiya, qanunlar, fərmanlar,
sərəncamlar və s.). Bu baxımdan ictimaiyyətlə əlaqələrdə
normativ-hüquqi sənədlərin əhəmiyyəti olduqca böyükdür.
Bu hər bir vətəndaşdan şəxsi məsuliyyət və cavabdehlik
tələb edir.
6.5. Dövlət siyasətində innovasiya prosesləri
Müasir dövrdə innovasiyalar (yeniliklər) milli özü-
nüdərk və mentalitetin formalaşmasında, İKT-nin tətbiqin-
də mühüm əhəmiyyətə malikdir. Belə ki, innovasiya pro-
sesləri hazırda qloballaşma və inteqrasiya prosesinin mü-
hüm tərkib hissəsini təşkil edir. Qloballaşma şəraitində in-
novasiyaların tətbiqi sosial-iqtisadi və mədəni inkişaf üçün
də əsas prioritetlərindən biri hesab edilir.
Çağdaş dövrümüz üçün prioritet istiqamətlərdən olan
innovasiya problemləri ictimaiyyətlə əlaqələrdə özünü
daha çox göstərir. Azərbaycan kimi Şərq və Qərb dəyərlə-
35
M.Həsənova, A.İsfəndiyarov. Mədəniyyət və incəsənət sahələrinin
menecmenti. Bakı 2012, səh 57.
.
189
rindən bəhrələnən, dinamik inkişaf edən ölkələrdə innova-
siyaların məhz sosial-iqtisadi və mədəni inkişaf konteks-
tində tətbiqi bu gün böyük maraq doğurmaqdadır. Ölkə-
mizdə böyük sosial-mədəni və iqtisadi layihələrin gerçək-
ləşməsi innovasiya proseslərini sürətləndirir.
Modernləşmə, inteqrasiya və qloballaşma, tolerant-
lıq, informasiya cəmiyyəti və s. proseslər bu gün innovasi-
yaların sosial-ictimai və mədəni xarakteri ilə əlaqədardır.
Belə ki, vətəndaş cəmiyyətinin formalaşması və mədəniy-
yətlərarası dialoqun və milli özünəməxsusluğun inkişafı
innovasiya prosesinə yeni paradiqmadan yanaşmağı ehtiva
edir. Hətta mədəni sahədə olan innovasiyalar özündə
iqtisadi-maliyyə və idarəçilik xüsusiyyətlərini də özündə
əks etdirmiş olur. Bu gün Azərbaycan iqtisadiyyatına olan
dövlət qayğısı, milli-mədəni dəyərlərimizin dünya miqya-
sında tətbiq olunması, turizm potensialının inkişaf etdiril-
məsi mədəniyyət sahəsindəki kulturoloji innovasiyaların
iqtisadiyyat və idarəçilikdəki mühüm təzahür formalarıdır.
Dövlətimizin reallaşdırdığı beynəlxalq mədəni layihələr
qloballaşma dövründə milli-mədəni dəyərlərimizin dünya
birliyinə daha yaxından tanıdılması üçün mühüm əməli
vasitədir.
Bu gün inkişafa və dəyişikliklərə olan meyl şəxsiy-
yətin və cəmiyyətin səciyyəvi cəhətləri sırasıdadır. Mədə-
niyyətdə yaradıcı ənənələrin, fərdiyyətçilik təzahürlərinin
varlığı, mədəni ənənənin tolerantlığı innovasiyaların ya-
ranmasına, davamlı inkişafına səbəb olur. Yeni axtarışlara,
yenilikçiliyə meylin zəif olduğu cəmiyyətlərdə adət-ənə-
nələr inkişafdan kənarda qalır, durğunluqla üzləşir. Belə
mədəniyyət ictimai həyatda baş verən dəyişiklikləri çətin-
liklə qəbul edir. Ənənəvi mədəniyyətin hər hansı yenilik-
Dostları ilə paylaş: |