160
Siklofosfamid – ilk növbədə aktiv qurdeşənəyi nefritinin və MSS-nin
ağır zədələnmələrinin müalicəsi zamanı sitostatik maddələr arasında ilk
seçim preparatı hesab olunur. Siklofosfamid alkilləşdirici maddələrə aid
olub, immunosupressiv təsirə malik, fibroblastların proliferasiyasını
yatırtmaqla fibrozun inkişafının qarşısını alır, iltihabın aktivliyin ə təsir edir.
Kliniki praktikada preparatın iki müxtəlif yeridilmə rejimi qeyd edilir:
1. Hər gün daxilə 1,0-2,5 mq/kq/sut qəbulu bir neçə ay ərzində
periferik qanda leykositlərin sayını 3,5-4,0*10/l qədər azaldır.
2. Puls-terapiya – siklofosfamid 6 ay müddətinə hər ay v/d damcı ilə
0,5-1,0 q/m² yeridilir.
Azatiopirin – antimetobolit qrupuna aid olub, sitostatik aktivliyə
malikdir. Tsiklofosfamidə nisbətən daha az effektlidir. Terapevtik dozası
1,0-3,0mq/kq/sut hesab olunur. 5-12 aya müalicənin effektini görmək olar.
Metotreksat – qurdeşənəyi artriti və dəri zədələnmələrində QKS-lə
refrakter monoterapiyaya zamanı istifadəsi daha məqsədə uyğundur. Dozası
peroral olaraq həftədə 1 dəfə 7,5-10,0mq/m² olmaqla 6 ay və daha çox
aparılır.
2. Sistem sklerodermiya zamanı böyrəklərin zədələnməsi
Sistem sklerodermiya – birləşdirici toxumanın diffuz xəstəliyi olub,
dərinin, dayaq-hərəkət aparatının, daxili orqanların proqressivləşən fibrozu
və yayılmış vazospastik pozğunluqlarla gedən obliterasiyaedici
endarteriolit (Reyno sindromu) tipli damar patalogiyasıdır. Bu x əstəliyə
əsasən cavan və orta yaşlı qadınlarda rast gəlinir.
Böyrəklərin zədələnməsi – iki formada müşahidə edilir:
1. Kəskin nefropatiya (həqiqi sklerodermik böyrək). Əsas kliniki
əlamətləri - oliqouriya, arterial hipertenziya, getdikcə artan
proteinemiya, mikrohematuriya, silindruriya, ensefalopatiya.
Kəskin nefropatiyanın əsasında böyrək arteriolalarının ümumi
zədələnməsi və kortikal nekrozun inkişafı durur ki, bu da kəskin
böyrək çatişmamazlıqına gətirir.
161
2. Xroniki nefropatiya - sistem sklerodermiya zamanı ən çox rast
gələn formadır.Bu formanın morfoloji substratının əsasını böyrək
damarlarının və yumaqcıqlarının, həmçinin kanalcıq və interstisial
toxumanın zədələnməsi təşkil edir. Xroniki sklerodermik
nefropatiya simptomlarına görə xroniki qlomerulonefritə oxşayır
(proteinuriya,
silindruriya,
mikrohematuriya,
yumaqcıq
filtrasiyasının azalması, arterial hipertenziya, XBÇ-nin inkişafı)
Laborator göstəricilər:
1. Qanın ümumi müayinəsi: bəzən hipoxrom anemiya, leykopeniya,
bir çox hallarda isə leykositoz, EÇS-nin artması.
2. Sidiyin müayinəsi: oksiprolin ekskresiyasının artması, proteinuriya.
3. Qanın biokimyəvi müayinəsi: prosesin aktivliyindən aslı olaraq –
hiperproteinemiya, α- və γ- qlobulinlərin, fibrin, seromukoid, SRP,
qaptaqlobin,
oksiprolin
səviyyəsinin
artması
(kollagen
metabolizminin pozulması).
4. Qanın immunoloji təhlili: xəstələrin 40-50%-də RF, 30-90%-də
antinuklear antitellər, 2-7%-də qurdeşənəyi hüceyrələri, xarakterik
olaraq endotelə qarşı antitellər, Scleroderma-70 antigeninə qarşı
antinuklear antitellər, T-limositlərin, xüsusilə T-supressorların
azalması, hiper- və disimmunoqlobulinemiya aşkar edilir.
3. Şeqren sindromu zamanı böyrəklərin zədələnməsi – sindromun
əsasında ekzokrin vəzilərin xroniki autoimmun iltihabı durur ki, bu da
onların sekretor çatmamazlığına gətirib çıxarır.
Böyrəklərin
zədələnməsi
kanalcıq
aparatının
reabsorbsion
çatmamazlığı şəklində müşahidə edilir. Bu zaman şəkərsiz diabetin klinik
əlamətləri, su-duz və elektrolit balansının pozulması qeyd edilir.
4. Düyünlü periarteriit (Kusmaul-Mayer xəstəliyi) zamanı
böyrəklərin zədələnməsi – böyrəklərin zədələnməsi xəstələrin 80%
müşahidə
edilir.
Təqribən
xəstələrin
30%-i
xroniki
böyrək
çatmamazlığından vəfat edir. Kilinik olaraq böyrəklərin zədələnməsi latent
162
tipli, hipertonik, daha az nefrotik variantda gedir. Tezproqressivləşən
qlomerulonefritin inkişafı da mümkündür. Morfoloji olaraq mezangio-
proliferativ, membranozproliferativ variantlar, yarımayparalı nefrit, daha az
isə fokal seqmentar qlomeruloskleroz, membranoz nefropatiya ilə
xarakterizə edilə bilər.
Kompleks immunosupresssiv terapiya aparılır.
5. Vegener qranulematozu zamanı böyrəklərin zədələnməsi –
böyrəklərin zədələnməsi Vegener qranulematozunun klassik triadasının tez-
tez rast gələn əlamətlərindən biri sayılır - digər iki əlamət yuxarı tənəffüs
yollarının və ağciyərlərin zədələnməsidir. Klinikada mikroskopik
hematuriyadan tutmuş tezproqressivləşən böyrək çatmamazlığına qədər
müşahidə etmək olar. Xəstələrin 95%-də antineytrofil sitoplazmatik
antitellər aşkar edilir. Böyrəklərin zədələnməsi xəstələrin 90%-də inkişaf
edir, hematuriya və proteinuriya ilə müşahidə edilir ki, bu zaman
tezproqressivləşən böyrək çatmamazlığı yaranır.
Müalicə. Amerika revmotoloqlar assosiasiyasının tövsiyəsinə əsasən
aparılır.
6. Revmatoid artrit zamanı böyrəklərin zədələnməsi – RA zamanı
böyrəklərin zədələnməsi qlomerulonefrit, amiloidoz və dərman nefropatiyası
formasında müşahidə edlir. Qlomerulonefrit daha çox xəstəliyin yüksək
aktivliyi, revmatoid vaskulit formaları zamanı rast gəlir. Onun
yaranmasında aparıcı mexanizm sirkulyasiya edən immun komplekslərə
ayrılır. Sidik sindromu mikrohematuriya ilə yanaşı gedən proteinuriyanın
izləri şəklində müşahidə edilir.
Amiloidoz – RA tez-tez rast gələn ağırlaşmalarından sayılır.
Böyrəklərin amiloid infiltrasiyası kliniki olaraq çox zaman heç bir əlamət
olmadan müşahidə edilir. Adətən xəstəliyin başlamasından amiloidozun
yaranmasına qədər on illərlə vaxt keçir. Xarakterik əlaməti mülayim
proteinuriyadır ki, bu da tədricən artaraq yüksək həddə (10 q/l və daha çox)
Dostları ilə paylaş: |