28
BMT-nin Beynəlxalq müqayisələr layihəsi çərçivəsində aparılan
tədqiqatlar göstərir ki, nisbətən zəif inkişaf etmiş ölkələrdə cari valyuta
məzənnələrindən istifadə olunması, ÜDM-nin həcmini 3 dəfəyədək və daha
çox azalda bilər. İnkişaf etməkdə olan ölkələrin ümumdünya məhsulundakı
payının azaldılması meyli də məhz bununla bağlıdır. Bu səbəbdən, inkişaf
etməkdə olan ölkələrin nisbətən az xüsusi çəki ilə götürülməsi, MDM-in
inkişaf templərinin cari valyuta məzənnələri ilə hesablanmasına təsir
göstərir.
MDM-in hesablanmasının alternativ variantlarından biri müxtəlif
ölkələrdə eyni mallardan ibarət toplu (səbət) əsasında müəyyən olunan
valyutaların alıcılıq qabiliyyəti əmsallarının müqayisəsinə istinad edir.
Müxtəlif ölkələrin ÜDM-nə şamil olunan orta nisbətlər, bu
göstəricinin xərclər üzrə hesablanması üçün istifadə olunan malların və
xidmətlərin müvafiq fərdi toplusunun ÜDM-də xüsusi çəkisi nəzərə
alınmaqla, orta qiymətləri əsasında müəyyən olunur. Valyutaların alıcılıq
qabiliyyətinin pariteti (AQP) üzrə hesablanan mübadilə məzənnəsi (S)
nəzərdən keçirilən ölkələrdə qiymətlər səviyyəsinin nisbətlərinə bərabərdir:
Burada: St-1 - cari valyuta məzənnəsi;
Pd - nəzərdən keçirilən ölkədə daxili qiymətlərin indeksi;
Pf - xarici ölkədə qiymətlərin indeksidir.
Bu cür yanaşma MDM-in mübadilə məzənnəsi üzrə adi dollardan
daha çox "beynəlxalq dollarla" qiymətləndirilməsini təmin edir.
ÜDM-in göstərdiyimiz metodlar əsasında hesablanan həcmləri bir-
birindən xeyli (1,2-1,4 dəfə) fərqlənir. AQP üzrə hesablama inkişaf etmiş
ölkələrdə ÜDM göstəricisini nisbətən aşağı salır. AQP həm rəqabət
qabiliyyəti olan, həm də olmayan malların və xidmətlər toplusu əsasında
hesablanır. İnkişaf etmiş ölkələrin toplusunda rəqabətqabiliyyətli, zəif
inkişaf etmiş ölkələrin toplusunda isə beynəlxalq bazarlarda tələbat az olan
mallar və xidmətlər üstünlük təşkil edir. Bunun nəticəsində, zəif inkişaf
etmiş ölkələrin ÜDM-in xarici valyutada ifadəsi əslində olduğundan
yüksəkdir. AQP üzrə qiymətləndirmə ölkələrin əsas qruplarının dünya
təsərrüfatında
tutduğu
mövqeləri
kökündən
dəyişir.
BVF-in
qiymətləndirməsinə görə, MDM-in 53,9%-i (cari valyuta məzənnələri üzrə -
71%-dən çoxu) inkişaf etmiş ölkələrin, 46,1%-i isə (cari valyuta məzənnələri
üzrə - 28,7%-i) bütün qalan ölkələrin payına düşür.
Hesablamanın bu metodu ayrı-ayrı ölkələrin ümumdünya
29
məhsulundakı payını əhəmiyyətli surətdə dəyişir. MDM-in istehsalında 1-ci
yeri ABŞ - 20,5% (cari valyuta məzənnəsi üzrə - 23,4%), sonrakı yerləri isə
ÇXR - 12,5% (7,1%), Yaponiya - 6,0% (8,1%), Hindistan - 5,1% (2,0%),
AFR - 4,0% (4,4%), onların ardınca Britaniya, Fransa, RF, Braziliya, İtaliya,
Meksika tutur (2009-cu ilin göstəriciləri).
Hesablamaların müxtəlif metodlarından istifadə olunması MDM-in
templərində nəzərəçarpacaq fərqlərə səbəb olur. Bu, inkişaf etməkdə olan
ölkələrin ÜDM-nin əksər hissəsinin yaradıldığı Asiya dövlətlərinin artım
tempinin dünyanın başqa ölkələrinə nisbətən daha sürətli və AQP üzrə
hesablandıqda, onların xüsusi çəkisinin cari valyuta məzənnələri əsasında
hesablamalarla müqayisədə yüksək olması ilə izah edilir. Bunun əsas səbəbi
nisbətən zəif inkişaf etmiş ölkələrdə əmək haqqının aşağı olması ilə
əlaqədar, malların və xidmətlərin qiymətlərinin azaldılması meylinin
mövcudluğudur. Buna görə də, həmin mallar və xidmətlər ümumi
qiymətlərlə yenidən hesablandıqda onların dəyəri (xüsusilə də, kiçik
ölkələrdə) 9-13% artır (şəkil 1.1.).
MDM-in qiymətləndirilməsindəki fərqlər ayrı-ayrı ölkələrdə iqtisadi
fəaliyyətin müxtəlif növlərini eyni qaydada nəzərə ala bilən vahid
göstəricinin mövcud olmadığını göstərir. Hesablamanın hansı metodundan
istifadə
olunması
təhlilin
məqsədlərindən
asılıdır.
MDM-in
qiymətləndirilməsində cari valyuta məzənnələrindən istifadə malların və
xidmətlərin beynəlxalq axınlarının müəyyən edilməsi, kapitalın ölkələr
arasında hərəkəti, xarici borclar və ödənişlərin səviyyələri haqqında faydalı
məlumatlar verir.
Şəkil 1.1. Valyuta məzənnələri və valyutaların alıcılıq qabiliyyəti
əsasında hesablandıqda MDM-in artım templəri
30
Mənbə: World Economic Outlook, May 1999, October 2009. IMF
ÜDM-in valyutaların alıcılıq qabiliyyəti əsasında hesablanması
ölkənin iqtisadi potensialı barədə daha dolğun təsəvvür yaradır.
ÜDM-in valyutaların alıcılıq qabiliyyəti əsasında hesablanmasından
BVF və İqtisadi Əməkdaşlıq və İnkişaf Təşkilatı (İƏİT) istifadə edir.
BMT-nin statistikasında ÜDM və MDM hesablanarkən qiymətlərin
dəyişməsi nəzərə alınmayan valyuta məzənnələrindən (müvafiq ilin
məzənnələri) istifadə olunur. Bu metod valyutaların məzənnələrinin və
qiymətlərin nisbi enib-qalxmalarını nəzərə almayan göstəricilər əldə etməyə
və hər bir ölkənin ümumdünya məhsulundakı payını daha dəqiq
qiymətləndirməyə imkan verir.
DB statistikası yuxarıda göstərilən iki üsulla hesablanan
makroiqtisadi göstəricilər verir.
Mövzu üzrə suallar:
1. Dünya təsərrüfatı məfhumunun başa düşülməsində
fərqlər mövcuddurmu? Onları izah edin.
2. Dünya təsərrüfatı sisteminin əsas əlamətlərini
xarakterizə edin.
3. Dünya iqtisadiyyatının əsas sahibkarlıq subyektlərinin
hər birini xarakterizə edin.
4. Dünya iqtisadiyyatının sahibkarlıq subyektlərinin
mövqeləri arasında ziddiyyətlər mövcuddurmu, onlar nədə
təzahür olunur?
5. Dünya iqtisadiyyatında altsistemlərin, ölkələr
qruplarının fərqləndirilməsinin əsas meyarlarını müəyyən edin.
6. MDM-in valyuta məzənnələri və valyutaların alıcılıq
qabiliyyətinin xarakterləri əsasında hesablanmasındakı fərqlər
nədən ibarətdir? Onlar niyə meydana çıxır?
Dostları ilə paylaş: |