26
3. İstehsal metodu ilə ÜDM ayrı-ayrı sahələrdə yaradılan əlavə dəyər
və şərti xalis məhsul üzrə hesablanır. Bu göstərici buraxılmış ümumi
məhsulun dəyəri ilə cari istehsal xərcləri, yəni istehsal prosesinin müxtəlif
mərhələlərində hazır məhsulun üzərinə keçirilən dəyər arasındakı fərqi ifadə
edir. Sonuncu məfhum məhsulun dəyərinin üzərinə keçirilən əsas fondların
amortizasiyasının, əmək haqqının, mənfəətin, vergilərin cari qiymətlər
nəzərə alınmaqla cəmini ifadə edir. Başqa sözlə, istehsal metodu əsasında
müəyyən olunan ÜDM aralıq xərclər (i) çıxılmaqla, rezidentlər tərəfindən
iqtisadi fəaliyyətin bütün sahələrində istehsal olunan əlavə dəyərin (O)
məbləğidir:
Y = [ ( O
1
+ O
2
+ ...O
n
) - (I
1
+ I
2
+ I
3
+...+ I
n
) ]
Milli hesabların ümumiləşdirici göstəricilərinə sahibkarlıqla məşğul
olanların fəaliyyətinin nəticələri ilə yanaşı dövlət aparatının, ordunun,
polisin və s. xidmətləri də daxil edilir. Bu göstəricilərə həmçinin pul forması
almayan məhsulun qiymətləndirildiyi "artırılmış", "öhdəliyə qoyulmuş"
kəmiyyətlər: fərdi evlərdə mənzil kirayəsinin sərti haqqı, kreditlər və borclar
üzrə şərti faizlər də daxil olunur. Bu "öhdəliyə qoyulmuş" kəmiyyətlərin
ümumi məbləği iqtisadi inkişafın səviyyəsindən və dövlətin xərclərindən
asılı olaraq, ölkələr üzrə fərqlənir. Məsələn, ABŞ-da bu göstərici ÜDM-in
8%-nə bərabərdir.
Milli hesablar sisteminə daxil olan və müxtəlif üsullarla hesablanan
ÜDM və digər göstəricilər bir-biri ilə əlaqələndirildiyi üçün, kəmiyyətləri
eynidir. Bununla bərabər qeyd olunmalıdır ki, bəzən milli göstəricilərdə 10-
30% civarında dürüstləşmə aparılır.
MDM-in hesablanması metodologiyasının təhlilindən göründüyü
kimi, bu göstərici dünyada və ayrı-ayrı ölkələrdə ümumi fəallığı ifadə edir.
Digər tərəfdən, onun tərkib hissələri iqtisadi inkişafın əsas sahələrini və
amillərini əhatə edir. Belə ki, MDM-dən istifadənin əsas istiqamətlər üzrə
nəzərdən keçirilməsi tələbatın əsas sektorları barədə təsəvvür yaradır, onun
istehsal üzrə təhlili isə həm təsərrüfatın strukturunda, həm də onun əsas
sahələrdə baş verən dəyişiklikləri nümayiş etdirir. MDM göstəricisi ölkənin
və regionların dünya iqtisadiyyatında tutduğu yeri, müxtəlif dövrlərdə
ictimai əməyin məhsuldarlığını müəyyən etməyə imkan versə də, istehsalın
ayrı-ayrı sahələrinin potensialının, texnologiyanın səviyyəsinin, yaxud
əhalinin rifahının göstəricisi qismində istifadə oluna bilməz.
27
_______________________________________
ÜDM-in və MDM-in hesablanması
Milli səviyyələrdə ÜDM-in həcmi hər hansı ilin cari və sabit
qiymətləri üzrə hesablanır. Bu hesablamalar arasındakı fərq çox böyük ola
bilər. Kəmiyyət MDM-i, yaxud cari qiymətlərlə hesablanan ÜDM, real
ÜDM, yaxud sabit qiymətlərlə hesablanan ÜDM-la müqayisədə daha sürətlə
artır. Artım templəri arasındakı fərq qiymətlərin dəyişməsi ilə əlaqədardır.
Sabit qiymətlərlə hesablama zamanı onların dəyişməsi amili aradan qaldırılır
(eliminasiya). İqtisadi artımın göstəricisi kimi, real ÜDM-in artımından daha
geniş istifadə olunur. Artımın yüksək templəri əksər hallarda milli
təsərrüfatın qüdrəti kimi qəbul olunur.
ÜDM-in ayrı-ayrı ölkələr və regionlar üzrə dəqiq müəyyən
ediləcəyinə zəmanət verməsə də, bu göstərici cari və sabit qiymətlərlə vahid
valyuta - ABŞ dolları ilə hesablanır. Çoxsaylı tədqiqatlar göstərir ki,
valyutaların mübadilə məzənnələri, beynəlxalq ticarət kanallarına daxil olan
malların və xidmətlərin qiymətləri ilə, onların müxtəlif ölkələrdəki
qiymətləri arasındakı faktiki nisbətə yaxındır. Lakin bilavasitə bazar
tərəfindən müəyyən olunmasına baxmayaraq, valyuta məzənnələri iqtisadi
vəziyyətdə real dəyişikliklər baş vermədiyi hallarda belə, qısamüddətli
tərəddüdlər yarada bilən beynəlxalq əməliyyatların, məsələn, xarici
investisiyaların, borcların, gəlirlərin və vəsaitlərin köçürülməsinin, uçot
dərəcəsinin hərəkətinin, maliyyə bazarlarında proqnozların və digər şərtlərin
təsirinə məruz qaldığına görə, beynəlxalq səviyyədə satılan malların və
xidmətlərin qiymətlərini yalnız nisbətlə əks etdirə bilir. Valyutaların
məzənnələrində orta və uzunmüddətli məzənnələrdən xeyli fərqlənən
qısamüddətli dəyişikliklərin baş verməsi, malların və xidmətlərin nisbi
dəyərlərində əhəmiyyətli fərqlərin yaranması dünyada istehsalın həcminin,
səviyyəsinin, MDM-in ölkələr və regionlar üzrə bölgüsünün vahid valyuta
əsasında hesablanmasının faydasını azaldır. Valyuta məzənnələrinin
dəyişməsi MDM göstəricisinin həcmində fərqlərin və bölgüsündə müvafiq
variantların meydana çıxması ilə nəticələnir.
İnkişaf səviyyəsi aşağı olan ölkələrdə qeyri-əmtəə sektorunun
(adətən nəzərə alınmayan, amma zəif inkişaf etmiş ölkələrin ÜDM-nin 40%-
ə çata bilən barter əməliyyatları, ev təsərrüfatları tərəfindən, yaşayış üçün
istehsal olunan məhsullar, qeyri-rəsmi sektor) miqyası böyük olduğuna görə,
müxtəlif ölkələrin ümumi məhsulunun bir pul vahidi, məsələn, ABŞ dolları
əsasında müqayisəsi onların istehsal etdiyi məhsulların dollarla ifadə olunan
həcmini azalda bilər. Uçotdan yayınma dərəcəsi mütəmadi qaydada təshih
edilmədiyinə görə, ÜDM-in və MDM-in müqayisəsi düzgün nəticələr
verməyə bilər.