1
İ
çəkinirlər. Odur ki, belə sahələri inkişaf etdirmək əsasən dövlətin
üzərinə düşür. Öz imkanı olmadığı hallarda dövlət bu sahəni inkişaf
etdirmək üçün çox zaman Dünya Bankından uzunmüddətli kreditlər
alır. Xüsusilə əhali miqrasiyasının qarşısının alınması, yeni ərazilərin
istifadəyə verilməsi ilə bağlı məsələlərin həllində infrastrukturun daha
sürətli inkişafı planlaşdırılır. Ölkədə infrastruktur iki qrupa bölünür:
a) istehsal infrastrukturu (bu, bilavasitə maddi istehsal sahələrinə
xidmət göstərir); b) sosial infrastruktur (buraya ümumi və peşə təhsili
və səhiyyə daxildir). İstehsal infrastrukturuna daxil olan sahələrin heç
biri məhsul istehsal etmir, lakin istehsal prosesini bunlarsız davam
etdirmək mümkün deyil. Yeni ərazilərin istifadə edilməsi, hər şeydən
əvvəl, istehsal infrastrukturunun yaranmasını tələb edir. Sosial
infrastruktur əhaliyə xidmət edən idarələr, qurğular sistemidir (məsələn,
sərnişin nəqliyyatı, əhaliyə məişət xidməti idarələri və s.). İqtisadiyyatın
inkişafının səmərəliliyi, əhalinin həyat şəraitinin yaxşılaşması bilavasitə
infrastrukturun inkişaf səviyyəsindən asılıdır. Beləliklə, ölkədə iqtisadi-
sosial inkişafın təmin edilməsində infrastruktur mühüm rol oynayır.
İnkişaf büdcəsi (development budget) – dövlət büdcəsi
vəsaitlərinin kapital xərclərinin formalaşması investisiya layihələrinin
maliyyələşdirilməsi və ya kreditləşdirilməsi məqsədlərinə istifadə
olunan hissəsidir.
İnkrementalizm nəzəriyyəsi (incrementalism theory) – bu nəzəriyyəyə
görə, ən yaxşı dövlət siyasəti “kiçik addımlar”a əsaslanır ki, bu da
mövcud dövlət siyasətində kiçik, diqqəti çox cəlb etməyən dəyişikliklər
edir. Başqa sözlə, bu nəzəriyyə mövcud dövlət siyasətinin birdən-birə
kəskin dəyişilməsini deyil, tədricən təkmilləşməsini zəruri sayır.
İnnovasiya (innovation) – a) bir proses kimi texnika və texnologiyanın
yeni nəslini təmin etmək üçün vəsaitlərin iqtisadiyyatda yerləşdirilməsi;
b) bir obyekt kimi elmi-texniki tərəqqinin nailiyyətləri olan yeni texnika
və texnologiya.
İnvestisiya (investment) – gəlir (mənfəət) və ya sosial səmərə əldə
etmək məqsədilə sahibkarlıq və digər fəaliyyət növləri obyektlərinə
qoyulan maliyyə vəsaitindən, habelə maddi və intellektual sərvətlərdən
ibarətdir. Bunlara pul vəsaiti, məqsədli bank əmanətləri, kreditlər,
paylar, səhmlər və digər qiymətli kağızlar və s. aiddir. İnvestisiya
fəaliyyəti investorların investisiya qoyuluşu və onun həyata keçirilməsi
ilə əlaqədar bütün hərəkətlərinin məcmusudur. Maliyyə aktivlərinə
investisiya qoyuluşu
qiymətli kağızlara və digər maliyyə aktivlərinə
(ssudalara, digər müəssisələrin nizamnamə fondlarına və s.) qoyuluşları
əks etdirir. Onlar ölkə və xarici maliyyə aktivlərinə investisiyaları
birləşdirir.
İ
İnvestisiya fondu (investment fund) – səhmlərinin buraxılması və açıq
yerləşdirilməsi vasitəsilə cəlb edilən pul vəsaitini qiymətli kağızlara
investisiya edən, habelə qiymətli kağızların alqı-satqısı üzrə fəaliyyəti
həyata keçirən və diversifikasiya edilmiş investisiya portfelinə sahib
olan açıq tipli səhmdar cəmiyyəti.
İnzibatçı (administrator) – rəsmi qanunvericiliyə əsasən, bankın
müşahidə şurasının, audit komitəsinin və idarə heyətinin üzvləri,
habelə bankın baş mühasibi (mühasibat xidmətinin rəhbəri), daxili audit
bölməsinin əməkdaşları, bank filialının, şöbəsinin və nümayəndəliyinin
rəhbərləri və baş mühasibləri.
İpoteka (hypothec or mortgage) – öhdəliyin icrasının təmin edilməsi
üsulu olaraq daşınmaz əşyaların və rəsmi reyestrdə üzərində mülkiyyət
hüquqları qeydə alınan daşınar əşyaların girovudur. İpoteka qoyan
ipoteka predmeti olan əşyanı girov qoyan şəxsdir. İpoteka qoyan həm
borclu, həm də üçüncü şəxs ola bilər.
İpoteka saxlayan ipoteka hüququ
olan və ipoteka qoyanın digər kreditorlarına nisbətən üstün qaydada
ipoteka predmeti hesabına əsas öhdəliyin icrasını tələb etmək hüququ
olan şəxsdir, o cümlədən ipoteka kağızının qanuni sahibidir.
İpoteka hüququ (mortgage interests) – borclu əsas öhdəliyi
icra etmədikdə ipoteka saxlayanın ipoteka predmetinə tutmanın
yönəldilməsi hüququdur.
İpoteka kağızı (hypothec paper) – ipoteka hüququnu təsbit edən
adlı qiymətli kağızdır. İpoteka kağızının qanuni sahibi ipoteka kağızı
üzərində sahiblik hüququ əldə edən şəxsdir.
İpoteka müqaviləsi (mortgage contract) – əsas öhdəliyin icrasının
təmin edilməsi üçün ipoteka saxlayan və ipoteka qoyan arasında
bağlanılan əqddir.
İpoteka predmeti (mortgage object) – ipoteka predmeti qanunamüvafiq
olaraq ipoteka qoyanın mülkiyyətində olan daşınmaz əşya, o cümlədən
tikintisi başa çatdırılmamış daşınmaz əşya və rəsmi reyestrdə üzərində
mülkiyyət hüquqları qeydə alınan daşınar əşya ola bilər.
İri korrupsiya (grand corruption) – siyasi qərarın sonunun qısaca və
dürüst ifadəsində baş verir. İri korrupsiyanı cəlb edən razılaşmaların
məbləği bürokratik korrupsiyadan böyük olur. İri korrupsiya bəzən
siyasi korrupsiyaya sinonim kimi işlədilir.
İ
İslah edilən büdcə (amending budget) – büdcə ili ərzində o ilin qəbul
edilmiş büdcə aspektlərini islah edən qəbul edilmiş alət.
İsrafçılıq (embezzlement) – agent və ya himayəçi kimi ona həvalə edilən
mövqedən istifadə edərək mülkiyyətin qanunsuz mənimsənilməsidir.
İstehlak büdcəsi (consumption budget) – ailənin gəlir və xərclərinin
balansı, yaxud ev təsərrüfatının orta statistik büdcəsidir. O, ayrı-ayrı
sosial qrupların həyat səviyyəsini xarakterizə edir. Ev təsərrüfatı
büdcələrinin seçmə müayinəsi əhalinin həyat səviyyəsinin öyrənilməsi
üzrə dövlət statistik müşahidəsi metodu hesab olunur və dövlət statistika
orqanları tərəfindən həyata keçirilir. İstehlak büdcəsini xarakterizə
edən göstəricilərdən ayrı-ayrı sosial normativlərin (məsələn, mövcud
sosial standartlar nəzərə alınmaqla minimum istehlak büdcəsi, bir
nəfərin yaşayış minimumu və s.) hesablanmasında istifadə olunur.
Ev təsərrüfatı gəlirlərinin heşablanması zamanı ailənin bütün gəlir
mənbələri – həm pul formasında gəlirləri (əməkhaqqı, sosial transferlər,
sahibkarlıq fəaliyyətindən və mülkiyyətdən gəlirlər və s.) və həm də
natura şəklində (güzəştlər, yardımlar, məhsullar və s.) daxilolmaların
dəyəri nəzərə alınır. Ailənin son istehlakına çəkilən xərclər ev
təsərrüfatının natural gəlirləri məbləğində istehlak xərcləridir. Ev
təsərrüfatının bütün pul xərcləri özündə istehlak xərclərini və istehlakla
bağlı olmayan xərcləri əks etdirir. İstehlak xərcləri ərzaq məhsullarının,
alkoqollu içkilərin, qeyri-ərzaq məhsullarının alınması, habelə əməyin
ödənilməsinə çəkilən xərcləri əhatə edir. İstehlakla bağlı olmayan
xərclər məcburi ödənişlərdən və müxtəlif üzvlük haqlarından (vergi
və yığımlar, sığorta üzrə ödənişlər, ictimai təşkilatlara ödənilən üzvlük
haqqı, pul köçürmələri, hədiyyələr və s.) ibarətdir. İstehlak büdcəsi
xərclərinə investisiya, xarici valyutaların və qiymətli kağızların alınması
xərcləri, bank hesabındakı vəsaitlər daxil deyil.
İstehlak zənbili (consumption basket) – il ərzində minimal zəruri
kaloriliyi təmin edəcək qida məhsullarının hesablanmış yekun
keyfiyyəti.
İstehsаlа digər vergilər (other production taxes) – məhsulа vergilər
istisnа оlmаqlа, istehsаldа iştirакı nəticəsində istehsаl vаhidlərindən
tutulаn bütün vergilərdir. Bu vergilər istehsаlın həcmindən və
rentаbelliyindən birbаşа аsılı deyil. Оnlаr institusiоnаl vаhidlərdən
аlınmış mənfəətə vergilər, yахud digər vergilərə аid deyil. İstehsаlа
digər vergilərə аiddir: təbii ehtiyаtlаrdаn istifаdəyə görə vergilər
(eкоlоgiyа vergisi), tоrpаğа görə ödəmələr (tоrpаq vergisi), pаtentə
görə ödəmələr, dövlət rüsumu və yığımlаr, müəssisə və təşкilаtlаrdаn
yığılаn dаşınmаz əmlака görə vergilər.
Dostları ilə paylaş: |