26
say 31 |
EcoVision
ƏSAS MÖVZU: Azərbaycanda idmanın inkişafi
Qonağımız Azərbaycan Respublikasının Gənclər və İdman
naziri Azad Rəhimovdur
"Oyunların mahiyyəti İslamın
dəyərlərini, sevgini, ehtiramı, insanlar
arasında bərabərliyi, digər millətlərə və
dinlərə sevgini dünyaya çatdırmaq idi"
Hörmətli cənab nazir, xahiş edi-
rik 4-cü İslam Həmrəyliyi Oyunları
haqqında məlumat verəsiniz.
A.R.
Bildiyiniz kimi, 4-cü İslam Həm-
rəyliyi Oyunları 12-22 may tarixlərində
Bakıda keçirildi və sevindirici məqam on-
dan ibarətdir ki, kifayət qədər ölkə gəldi,
federasiyaya üzv olan 57 ölkədən 54-ü
qatıldı. Əslində, ilkin mərhələdə bütün
ölkələrin qatılacağı haqqında məlumat
verilmişdi, lakin daha sonra 3 ölkə imtina
elədi və biz onların verdiyi qərara böyük
hörmətlə yanaşırıq, lakin onların Bakı-
ya gəlmələri və oyunda iştirak etmələri
üçün bütün hazırlıq işləri görülmüşdü.
Oyunlar, əslində, idman yarışı olsa da, bu
Oyunların çox böyük mahiyyəti var və
bu mahiyyət İslamın dəyərlərini, sevgini,
ehtiramı, insanlar arasında bərabərliyi,
digər millətlərə və dinlərə sevgini Oyun-
lar vasitəsilə dünyaya çatdırmaq idi. Çün-
ki bu gün dünyada İslama qəribə şəkildə
bir neqativ münasibət var və müstəqil-
liyinin 25 ilində olan gənc bir ölkədə bu
cür mötəbər Oyunlar keçirmək, sözün
əsl mənasında, böyük şücaət və cəsarət
idi. Qatılan ölkələrin hər biri çox razı şə-
kildə Azərbaycandan getdi. Bilirsiniz ki,
Oyunların Təşkilat Komitəsinin rəhbəri
Azərbaycanın birinci xanımı və Birinci
vitse-prezidenti Mehriban xanım Əliyeva
idi. Oyunlara hazırlıq prosesi çox ciddi
şəkildə aparılırdı, hər bir məqam, hər bir
detal çox ciddi şəkildə izlənilirdi. Qeyd
etməliyəm ki, “Baku 2015” Oyunları ilə
müqayisədə bu Oyunlara hazırlıq daha tez
şəkildə baş verdi, çünki o zaman vaxtında
yoluna qoyulmalı və təhvil verilməli iş id-
man arenaları idi, amma İslam Oyunların-
da yeni idman arenalarına ehtiyac yox idi,
çünki belə arenalar “Baku 2015” Avropa
Oyunlarından bizə miras qalmışdı. Təş-
kilati işlər vaxtlı-vaxtında tamamlandı.
3000-ə yaxın atlet, 1000-dən artıq rəsmi
heyət, 1000-dən çox texniki heyət qatıldı
bu Oyunlara. İdmançılar əsasən Atletlər
kəndində qalırdılar və Atletlər kəndi də
bizə 2015-dən miras qalmışdır. Atletlər
kəndində hər şey çox yüksək şəkildə tə-
min olunmuşdu. Oyunlar İslamla əlaqəli
idi, gələn idmançıların böyük əksəriyyə-
tinin namaz qılanlar olduğu nəzərə alın-
mışdı və həm Atletlər kəndində, həm də
idman arenalarında onların dua eləmələri
üçün hər bir şərait yaradılmışdı. Yemək
tamamilə halal idi, buna da xüsusi nəzarət
var idi. Oyunlardan öncə iclaslar keçirilir-
27
say 31 |
EcoVision
ƏSAS MÖVZU: Azərbaycanda idmanın inkişafi
di və bu iclaslarda hər bir detal – onların
hava limanında qarşılanmasından, istifa-
də edəcəkləri nəqliyyatdan tutmuş qala-
caqları məkana qədər hər şey öyrənilirdi
və son günə çalışıldı ki, heç kim narahat
və narazı qalmasın. Demək olar ki, Oyun-
lar yüksək səviyyədə başa vuruldu.
Demək olar ki, gözləntiləri aldınız?
A.R.
Bilirsiniz, idmanın incəliyi və özəl-
liyi ondadır ki, bəzən gözlədiyindən çox
alırsan, bəzən gözlədiyindən az alırsan.
İdmanda bəzi hallarda proqnozlar özünü
doğruldur, bəzi hallarda isə doğrultmur.
Təbii, nəzərə alsaq ki, idmançılarımız
Avropa Oyunlarında çox yüksək və yaxşı
nəticələr göstərdilər, nəzərə alsaq ki, Rio
Olimpiadasından idmançılarımız rekord
sayda – 18 medalla qayıtdılar vətənə,
proqnozlar onu göstərirdi ki, İslam Oyun-
larında da kifayət qədər çox medal əldə
edəcəyik. Biz İslam ölkələri arasında bi-
rinci, Avropa ölkələri arasında onluqda,
MDB ölkələri arasında isə üçlükdə olmu-
şuq. Bütün bunlar nəticələrin yaxşı olaca-
ğını proqnozlaşdırmağa əsas verirdi, lakin
nəticələr, təbii ki, gözlədiyimizdən də yük-
sək oldu.
Bu da onu göstərir ki, ölkəmizdə id-
man yüksək səviyyədə inkişaf edir.
A.R.
İdmanın inkişafı göz önündədir.
Azərbaycan Prezidenti cənab İlham Əliyev
bağlanış mərasimində belə bir fikir işlətdi
ki, siyasi arenada ölkə öz gücünü göstər-
mək üçün müəyyən addımlar atmalı olur.
Bizim ən böyük rəqibimiz Türkiyə idi, on-
28
say 31 |
EcoVision
ƏSAS MÖVZU: Azərbaycanda idmanın inkişafi
lar kifayət qədər güclü komanda ilə gəl-
mişdilər. Yarış zamanı da cədvəldə bizim
idmançılarla yerlərini dəyişirdilər, amma
sonda medal əyarına görə bizim koman-
da qalib oldu. Lakin onlar bir çox idman
növlərində idmançılarımızın bir nömrəli
rəqibləri idilər.
İndiyə kimi keçirilən idman tur-
nirlərindən hansını ən mötəbər he-
sab etmək olar?
A.R.
Heç bir beynəlxalq turniri bir-birin-
dən ayırmaq olmaz. Hər birinin özünə görə
nüfuzu, ölkə tanıtımında rolu var. Avropa
Oyunları isə ilk dəfə keçirilirdi və Avropa
miqyasında tanıtımda rol oynayıb. İslam
Oyunlarının 50-dən artıq ölkədə yayımlan-
ması, milyard yarım insanın izlədiyi Oyun-
lar isə bütün dünyaya bir mesaj idi. “For-
mula 1”in izləyiciləri tam başqadır. Onlar
tamamilə fərqli ab-havanı sevən insanlardır.
Bu cür mötəbər tədbirdə təhlükə-
sizlik belə yüksək səviyyədə necə
saxlanıldı?
A.R.
Hər bir ölkə belə nüfuzlu yarışlar
keçirməzdən öncə beynəlxalq federasi-
yalar qarşısında təqdimatlar keçirir və
müəyyən öhdəliklər götürür. Təhlükəsiz-
lik hər zaman ən öndə gedir, çünki əgər
gələn idmançı özünü təhlükəsiz və rahat
hiss etməyəcəksə, o yarışın nüfuzundan
danışmağın yeri yoxdur. İndi kompüter və
İT dünyasıdır, ölkəyə gələn hər bir adam
saytlara daxil olaraq ölkə haqqında mə-
lumatları və rəyləri oxuyur. Əgər təhlükə-
sizliklə bağlı hər hansı bir mənfi hala rast
gəlirsə, o insanda ölkə haqqında neqativ
fikirlər formalaşır və bunlar onun ölkəyə
gəlməsinə mane olur. Amma çox şükürlər
olsun ki, ölkəmizdəki yarışlarda təhlükə-
sizliklə bağlı heç bir problem yaranmayıb.
Beynəlxalq həcmli tədbirlər zəncirvarı
olaraq müxtəlif dövlət qurumları ilə birgə
işlənir və bu birliyin nəticəsidir ki, ölkə-
mizi tərk edən qonaqlar hər zaman iki
məsələyə aid şərh bildirirlər – təşkilati və
təhlükəsizlik məsələlərinin yüksək səviy-
yədə olmasına.
2017-ci ilin ikinci yarısı üçün
idmançılara nələr vəd etmək olar,
necə xarakterizə etmək olar?
A.R.
2017-də bizdə hələ qabaqda ya-
rışlar var, “Formula 1” bizi gözləyir, eyni
zamanda Voleybol üzrə Avropa çempi-
onatının final mərhələləri Bakıda keçi-
riləcək, Ümumdünya Skautlar Hərəkatı
Bakıda keçiriləcək, bu da çox böyük və
mötəbər bir tədbirdir. Ümumiyyətlə, hər
ilin sonunda idmanın xarakterizəsi olur,
mən deyərdim ki, bu il də fərəhverici və
qürurverici bir il olacaq.
Bəs yaradılmış bu təcrübələr yaxın
perspektiv üçün nələr vəd edir?
A.R.
Əslində, hər layihə, hər tədbir bir
təcrübədir. Əgər Avropa Oyunlarında per-
sonalın haradasa 60 faizi əcnəbilər idisə,
İslam Oyunlarında 90 faiz yerli mütəxəs-
sislər çalışırdı. 2000 nəfərdən 1600-ü yer-
li əməkdaşlar, 400-ü isə 16 ölkədən olan
əcnəbilərdi. Bu, artıq yetişmiş bir nəsildi,
bundan sonra gələcək yarışlarda bizim
hazır kadrlarımız olacaq. Bununla bərabər,
əgər Avropa Oyunlarında könüllülərlə ça-
lışanların çoxu əcnəbilər idisə, indi könül-
lülərlə Avropa Oyunlarında könüllü olmuş
bir sıra yerli gənclərimiz çalışırdı. Bu da
kadr potensialının inkişafı deməkdir. Və
təbii ki, Avropa Oyunlarından qalan infra-
struktur bu gün əhalinin xidmətindədir. Bu
il İslam Oyunları üçün heç bir yeni idman
arenası tikilmədi və heç bir yeni idman
arenası üçün əlavə maliyyə vəsaiti xərclən-
mədi. Bunların hər biri, təbii ki, mirasdı.
Könüllülərin seçimində Sizin də
əlaqəniz var, yoxsa komitələr özləri
seçirdilər?
A.R.
Yox, bu, birbaşa İslam Həmrəyliyi
Oyunlarının Əməliyyat Komitəsi tərəfindən
aparılırdı. Könüllülər bu Oyunların keçiril-
məsində çox böyük və müstəsna rol oynadı-
lar. Artıq noyabr ayından veb-saytda və sosi-
al şəbəkələrdə könüllülərin seçimi ilə bağlı
elan verildi. Proqnozlar yanvar ayına qədər
idi, biz düşünürdük ki, yanvar ayına qədər
bizə 12 min könüllü bəs edəcək, amma elə
oldu ki, dekabr ayı sona çatmamış təxminən
12500 nəfər saytda könüllü formasını dol-
durdu və biz ay yarım öncədən bu prosesi
dayandırmalı olduq. Əməliyyat Komitəsi
qərar vermişdi ki, könüllülərin seçimi son
mərhələyə saxlanılmasın, könüllü sənədi
təqdim edən gün ADBTİA Universitetinin
ofislərində müsahibəyə çağırılsın. Müsahibə
təxminən 15 dəqiqə çəkirdi. 8000 könüllü
lazım idi, onlar iki hissəyə bölünmüşdülər,
əməliyyat könüllüləri və mərasim könül-
lüləri. Əməliyyat könüllülərinin sayı 6500
nəfər idi, mərasim könüllüləri isə sırf açılış
və bağlanış mərasimlərinə cavabdeh idilər.
Onlara daha sonra təlimlər başlandı, onlara
din bilgiləri, ölkə və İslam Oyunları ilə bağlı
məlumatlar verildi. Sonra onlara e-mail va-
sitəsilə rollar təklif olundu və hər bir gənc öz
istəyinə görə məkan seçdi. Daha sonra onla-
ra məkan təlimləri keçirildi ki, hansı sahədə
çalışacaqlarsa, həmin sahəni mükəmməl bil-
sinlər. Gördüyünüz kimi, ölkəmizdə yüksək
səviyyədə bir könüllü hərəkatı var. Onlarla
hər zaman əlaqə saxlanılır. Onların zəhməti
böyükdür, müstəsnadır. Yadınızdadırsa, Av-
ropa Oyunlarında da İlham Əliyevin və Meh-
riban Əliyevanın sərəncamı ilə könüllülərə
xüsusi sertifikatlar təqdim olundu.
Bizə zaman ayırdığınız üçün çox
təşəkkür edirəm.