106
tərəflərdən ona nəzər salmağı bacarır. Yazılarında mənəviyyat, tərbiyə
məsələlərinə həmişə geniş yer verən C.Hacıbəyli bu işdə də maddi yardımla
kifayətlənməməyi tövsiyə edir. Müəllifin qənaətinə görə zərərçəkənlərə mənəvi
cəhətdən mütləq yardım göstərməlidir. Bundan başqa, Ceyhun bəy Qars qaçqınları
ilə işin çox mühüm bir hissəsi kimi statistika ilə məşğul olmağın vacibliyini qeyd
edir. İllər keçəcək, yaralar sağalacaq, lakin tarixin unudulmaması, hadisələrinin
izinin silinməməsi üçün statistik müşahidələr aparmaq zəruridir.
Görkəmli publisist adamlara təsir etmək, onların hisslərinə toxunmaq, onları
hərəkətə gətirmək üçün sözün qüvvəsindən çox məharətlə istifadə edirdi: «Bizim
üçün adət və ənənələrimiz nə qədər əziz olsa da, real həyatda baş verən təzahürlərə
göz yuma bilmərik və göz yummamalıyıq». Bu sitat Novruz bayramı ərəfəsində
Ceyhun bəyin qələmə aldığı «Qarşıdan gələn bayram haqqında» adlı məqaləsindən
götürülmüşdür («Kaspi» qəzeti, 1915-ci il, 4 mart, № 50). Məqalənin müəllifi yazır
ki, «öz uşaqlarımıza və qonaqlara müxtəlif şirniyyat, bayram hədiyyələri üçün
xeyli pul xərcləyəndə digər övladlarımızı şirniyyat üçün yox, bir tikə çörək üçün
göz yaşı axıdan balalarımızı unuda bilərikmi? Öz ailə üzvlərimizə təzə, təmiz, isti
paltar geyindirəndə, qar və şaxtada çılpaq bədənlərini cındırla belə örtmək
iqtidarında olmayan arvadları, körpələri unuda bilərikmi? Biz qonaqlarımızı zəngin
bayram süfrəsi arxasında əyləndirərək, rütubətli torpaqda, mağarlarda acından
ölən, zarıyan, inləyən qardaşlarımızı unuda bilərikmi? Çoxsaylı qadın və uşaq
harayına, ah-naləsinə biganə qalıb şən musiqiyə qulaq asa bilərikmi? On minlərlə
qaçqına yeni ilə çıxmaq nəsib olmayacağı təqdirdə biz qapı-qapı gəzib dost-
tanışlarımızı yeni il münasibəti ilə təbrik etməliyikmi?»
Yeri gəldikcə Ceyhun bəy ritorik suallarla oxuculara müraciət edir və onları
Qars qaçqınlarına ianə toplanması məqsədilə martın 8-də görüləcək tədbirə çağırır.
«Aldanılmış gözləmə» məqaləsində yenidən bu mövzuya qayıdan müəllif Qars
qaçqınlarına yardım niyyəti ilə nəzərdə tutulan tədbirə işarə vuraraq təəssüflə
yazırdı: «Bizim tədbir baş tutmadı. Bu acı həqiqəti etiraf etməliyik» («Kaspi»
qəzeti, 1915-ci il, 13 mart, № 58). 80 minlik müsəlman əhalisi olan şəhərdə cəmi 5
107
min rubl toplanmışdı. Buraya digər xalqların nümayəndələrinin verdiyi vəsait də
daxildir. Müəllif yazır ki, istər-istəməz düşünməli olursan: ah-zar edən, əzab-
əziyyət çəkən, fəryad qoparan, acından ölən bizim qardaşlarımız deyilmi? Fayton
v
ə avtomobillərin səsi, şənlik edən adamların qəhqəhəsi, xoş musiqi sədaları… bir
sözlə, adi Novruz bayramlarından biri. C.Hacıbəyli bütün bunlardan belə nəticə
çıxarır: «Bu, ümumi iş naminə bizim hazırlıqsızlığımızı, təşkilatlanmağı
bacarmamağımızı bir daha üzə çıxardı». Tədbirdən sonra bir çoxu özünə bəraət
qazandırmaq istəyir. Bizim xəbərimiz olmayıb. Belə söyləyənlərin dediklərində də
bir həqiqət var, axı qəzetlər yazmamış, adamlar tədbirə əvvəlcədən
hazırlanmamışlar.
Zəngin qələm və həyat təcrübəsinə sahib C.Hacıbəylinin toxunduğu
mövzuları, onun publisistikasını maraqlı edən cəhətlərdən biri də faktları,
hadisələri müqayisələrlə təqdim etməsidir. Bu, bir tərəfdən yazını oxunaqlı edir,
digər tərəfdən oxucunu inandırır. «Biz nə etməliyik» adlı məqaləsinin dördüncü
hissəsində Ceyhun Hacıbəyli hiddətlə yazır ki, Qarsın 200 minlik müsəlman
əhalisinə baş verən faciə rus mətbuatında özünə yer tapmadı, halbuki onlar
ermənilərin, polyakların, yunanların, asurların əzablarına böyük canfəşanlıqla öz
səhifələrində tez-tez yer ayırırlar («Kaspi» qəzeti, 1915-ci il, 28 mart, № 67).
«Digər xalqlar həyatın bütün elementlərini ölçüb-biçir, müəyyən proqramlar
əsasında hərəkət edir, bizsə özümüzü həyatın axarına tabe etdiririk. Ətrafda
möhkəm, dözümlü dayaq tapmadan gözümüzü yumub güclü axına atılırıq.
Təşkilatlanmaq mədəniyyətimiz aşağıdır». Ceyhun bəyin 80 il bundan əvvəl təsvir
etdiyi mənzərə bu gün nə qədər tanışdır və problem bu gün nə qədər aktual
səslənir! Böyük publisist yazılarında Petroqraddakı və Rusiyanın digər
şəhərlərindəki müsəlman ziyalılarını, Rusiya Dumasındakı müsəlman fraksiyasının
üzvlərini də fəal olmağa səsləyirdi.
Novatorluğu və zənginliyi ilə fərqlənən C.Hacıbəylinin publisistikasını
cəsarətlə ideyalar publisistikası da adlandırmaq olar. Onun qələmə aldığı elə bir
mövzu, toxunduğu elə bir problem yoxdur ki, müəllif təklifsiz keçinsin. Elə «Biz
108
nə etməliyik» məqaləsinin beşinci hissəsində C.Hacıbəyli Petroqradda
müsəlmanların mənafeyini müdafiə edən qəzetin nəşrə başlamasının əhəmiyyətini
dönə-dönə təkrarlayır və yazırdı: «Təkrar edirəm, əgər nə vaxtsa belə bir qəzetin
nəşri yalnız arzu olunurdusa, bu gün bu, zəruridir». «Qadın qaçqınların məsələsi
haqqında» məqaləsi («Kaspi» qəzeti, 1915-ci il, 18 aprel, № 85) müəllifin bu
mövzunu nə qədər dərindən mənimsədiyinə, qaçqınların problemlərinə nə qədər
məsuliyyətlə yanaşdığına parlaq misaldır. C.Hacıbəyli qadın qaçqınlara xüsusi
diqqətlə yanaşmağın, onların yerləşdirilməsində ehtiyatlı tərpənməyin vacibliyini
qeyd edir.
«Nəhayət, nə vaxt?» adlı məqalə isə tənqidi ruhda qələmə alınmışdır. Bakı
xeyriyyə cəmiyyətlərinin Qars zərərçəkənlərinə yardım etmək üçün rəsmi icazə
aldığı vaxtdan 2 ay keçir («Kaspi» qəzeti, 1915-ci il, 9 may, № 102). C.Hacıbəyli
həmin müddət ərzində görülən işlərə nəzər salır və bu yardımın son dərəcə cüzi
olduğuna işarə vuraraq yazır: «Təkcə moskvalı ermənilər öz qaçqınları üçün
120.000 rubl toplamışlar. Başqa sözlə, bütün Rusiya müsəlmanlarının öz
zərərçəkənlərinə topladıqlarından 2 dəfə çox!» Müəllif qeyd edir ki, 15 nəfər
petroqradlı yəhudi öz qaçqınları üçün nə az, nə çox 265.000 rubl toplamışlar.
Ceyhun bəy bizdəki acınacaqlı vəziyyəti məyus halda bildirir və nə üçün belə
olduğunu araşdırmağa çalışır. Göstərir ki, bizimkilər - «Biz də toplayırıq, 60 min
rubl toplamışıq» - deyə hay-küy qaldırırlar. Digər millətin nümayəndələri pul
haqqında yox, düçar olduqları fəlakətdən, bəladan elə kədərlə danışırlar ki, bizim
heç mərsiyəxanlarımız belə bacarmazlar. C.Hacıbəyli məqalənin sonunda qeyd
edir ki, iki aydan çoxdur ki, zərərçəkənlərə yardım üçün hesab açılmışdır. Yardıma
ehtiyacı olanların gözü hələ yoldadır. Pessimistlər yardımdan əl üzmüşlər,
optimistlər isə varlıların, xeyriyyəçilərin böhran anında hərəkətə gələcəkləri ümidi
ilə yaşayırlar. Amma nə vaxtadək?
Maraqlı və təqdirəlayiqdir ki, C.Hacıbəyli eyni mövzuya nə qədər müraciət
edir etsin, oxucunu yormur. Təsvir, ifadə, ona yanaşma tərzi rəngarəng, müxtəlif
olduğundan, məqalə oxucunu cəlb edir. Bu mənada qaçqınlara yardım mövzusuna
Dostları ilə paylaş: |