63
təqdim edilmiş mallar gömrük orqanlarının icazəsi olmadan təqdim
edildiyi yerdən çıxarıla bilməz.
Gömrük ərazisinə gətirilərək, gömrük orqanlarına təqdim edilən
mallar müvafiq gömrük proseduru altında yerləşdirilməlidir. Bəyan-
naməçi malları mənşə ölkəsindən, xassələrindən, miqdarından asılı
olmayaraq, istənilən gömrük proseduru altında yerləşdirə bilər.
Malların dərhal digər xüsusi gömrük proseduru altında və ya
sərbəst zonada yerləşdirildiyi hallar istisna olmaqla, gömrük orqan-
larına təqdim edilmiş xarici mallar Gömrük Məcəlləsinin 178-ci
maddəsinə uyğun olaraq müvəqqəti saxlanc xüsusi gömrük prosedu-
ru altında yerləşdirilmiş hesab edilir. Gömrük orqanlarına təqdim
edilmiş xarici mallar üzrə qısa idxal bəyannaməsinin verilmədiyi
müəyyənləşdirildikdə, onların sahibi bu bəyannaməni dərhal
gömrük orqanlarına təqdim etməlidir.
Gömrük ərazisindən aparılması nəzərdə tutulan mallar həmin
ərazidən aparılmazdan əvvəl bəyan edilməlidir. Bəyanetmə
aşağıdakı formalarda ola bilər: 1. gömrük ərazisindən aparılan mal-
lar gömrük bəyannaməsi tələb olunan gömrük proseduru altında
yerləşdirildikdə, müvafiq gömrük bəyannaməsi;
•
Gömrük Məcəlləsinin 128-ci maddəsində nəzərdə tutulan
təkrar ixrac bildirişi; 3. gömrük bəyannaməsi və təkrar ixrac bildirişi
tələb olunmadığı hallarda.
Mallar gömrük ərazisindən aparılmazdan əvvəl təqdim olunan
gömrük bəyannaməsində ən azı qısa ixrac bəyannaməsi üçün tələb
olunan məlumatlar əks olunmalıdır. Gömrük bəyannaməsi, təkrar
ixrac bildirişi və ya qısa ixrac bəyannaməsi gömrük ərazisindən
aparılması nəzərdə tutulan mallar gömrük sərhədinə çatmamışdan
əvvəl də kağız üzərində yazılı və ya elektron formada gömrük orqa-
nına təqdim edilə bilər. Mallar gömrük ərazisindən aparılmazdan
əvvəl bəyan edilməsinin qaydasını müvafiq icra hakimiyyəti orqanı
müəyyən edir.
Gömrük ərazisindən aparılan mallar Gömrük Məcəlləsinin 83-
cü maddəsində nəzərdə tutulmuş müddətdə gömrük nəzarəti altında
olur və onlara bu Məcəllənin 92.2-ci maddəsi ilə müəyyən edilmiş
gömrük nəzarəti formaları tətbiq edilir. Qanunvericilikdə nəzərdə
64
tutulmuş hallarda, gömrük ərazisindən aparılan malların gömrük
rəsmiləşdirilməsi aşağıdakılar tətbiq olunmaqla həyata keçirilir:
1. ixrac gömrük rüsumlarının tutulması;
2. milli təhlükəsizliyin, ictimai asayişin, əhalinin mənəviyyatı-
nın, insanların həyat və sağlamlığının, mülkiyyət hüququnun, o
cümlədən əqli mülkiyyət hüquqları obyektlərinin, heyvanların və
bitkilərin, ətraf mühitin, xalqların mədəni, tarixi və arxeoloji
sərvətlərinin qorunması baxımından müəyyən edilmiş qadağalar.
3. Malların aparılmasına o şərtlə icazə verilir ki, aparılan mallar
Gömrük Məcəllənin 125.3-cü maddəsində nəzərdə tutulmuş gömrük
bəyannaməsinin, təkrar ixrac bildirişinin və ya qısa ixrac
bəyannaməsinin gömrük orqanları tərəfindən təsdiq edildiyi zaman
olduğu vəziyyətdədir.
Azərbaycan Respublikasının Nazirlər Kabineti «Gömrük rəsmi-
ləşdirilməsi başa çatmamış mallardan və nəqliyyat vasitələrindən
istifadə edilməsi və onlar barəsində sərəncam verilməsinə dair
Şərtlər və məhdudiyyətlər»in təsdiq edilməsi haqqında 24 dekabr
2012-ci il 316 №li Qərarı ilə gömrük rəsmiləşdirilməsi başa çatma-
mış mallardan və nəqliyyat vasitələrindən istifadə edilməsinə və
onlar barəsində sərəncam verilməsinə dair şərtləri və məhdu-
diyyətləri müəyyən edir.
Gömrük orqanına təqdim edilmiş malların və nəqliyyat
vasitələrinin həmin mallar və nəqliyyat vasitələri üzərində gömrük
rəsmiləşdirilməsi başa çatmadan istifadə edilməsi və onlar barəsində
sərəncam verilməsi aşağıda göstərilmiş şərtlərə tam əməl edilməklə
gömrük orqanının icazəsi ilə həyata keçirilir:
1. mallar üzərində gömrük nəzarətinin həyata keçirilməsi
mümkün olduqda;
2. mallara və nəqliyyat vasitələrinə dair gömrük ödənişləri
ödənildikdə və ya onlara görə gömrük borcunun yarandığı və yarana
biləcəyi hallarda həmin borcun ödənilməsinə təminat verildikdə;
3. mallara və nəqliyyat vasitələrinə dair Azərbaycan
Respublikasının qanunvericiliyinə əsasən tələb olunan hallarda
müvafiq icazə sənədi və ya xüsusi razılıq (lisenziya) mövcud
olduqda.
65
Gömrük rəsmiləşdirilməsi başa çatmamış mallardan istifadə
edilməsi üçün mallara dair səlahiyyətli şəxs rəsmiləşdirilmənin başa
çatdırılmaması səbəblərini və istifadənin təyinatını göstərməklə,
gömrük orqanına ərizə ilə müraciət etməlidir. Gömrük orqanlarına
təqdim edilmiş ərizəyə gömrük orqanları tərəfindən 3 (üç) iş
günündən artıq olmayan müddətdə baxılır. Gömrük orqanları
gömrük rəsmiləşdirilməsi başa çatmamış mallardan və nəqliyyat
vasitələrindən istifadə edilməsinə və onlar barəsində sərəncam
verilməsinə dair hər bir hal üzrə ayrı-ayrılıqda qərar qəbul edir.
Gömrük rəsmiləşdirilməsi başa çatmamış mallardan və
nəqliyyat vasitələrindən istifadə edilməsinə və onlar barəsində
sərəncam verilməsinə yalnız yerləşdirildiyi gömrük prosedurunun
tələblərinə uyğun olaraq yol verilir. Gömrük rəsmiləşdirilməsi başa
çatmamış mallar və nəqliyyat vasitələri üzərində istifadə hüququna
malik olan şəxsdən başqa həmin mallardan və nəqliyyat
vasitələrindən istifadə və sərəncam hüququ digər şəxsə verilə
bilməz. Bəyannaməçi gömrük rəsmiləşdirilməsinin başa çatdırılması
üçün gömrük bəyannaməsini Azərbaycan Respublikasının Gömrük
Məcəlləsi ilə müəyyən edilmiş müddətdə gömrük orqanlarına
təqdim etməlidir. Gömrük rəsmiləşdirilməsi başa çatdırılmış
mallardan və nəqliyyat vasitələrindən istifadə edilməsi və onlar
barəsində sərəncam verilməsi seçilmiş gömrük proseduruna uyğun
həyata keçirilir.
Azərbaycan Respublikasının Nazirlər Kabineti qərar "Tərkibin-
də əqli mülkiyyət hüquqlarının obyektləri olan malların reyestrinin
aparılması Qaydaları"nın təsdiq edilməsi haqqında 28 dekabr 2012-
ci il, 323
№ li qərarina əsasən "Azərbaycan Respublikası Gömrük
Məcəlləsinin təsdiq edilməsi haqqında" Azərbaycan Respublikası
Qanununun tətbiqi barədə" Azərbaycan Respublikası Prezidentinin
2011-ci il 15 sentyabr tarixli 499 nömrəli fərmanının 1.3.15-ci
yarımbəndinin icrasını təmin etmək məqsədi ilə Azərbaycan
Respublikasının Nazirlər Kabineti qərara alir: "Tərkibində əqli
mülkiyyət hüquqlarının obyektləri olan malların reyestrinin
aparılması qaydaları" təsdiq edilsin.
Dostları ilə paylaş: |