M. M. Aslanova Elmi redaktor
Yüklə 1,01 Mb. Pdf görüntüsü
|
- Bu səhifədəki naviqasiya:
- Ev tapşırığı
53 Ev tapşırığı: 1. Malların və nəqliyyat vasitələrinin gömrük nəzarətindən keçirilməsinin ümumi müddəaları hansılardır? 2. Malların və nəqliyyat vasitələrinin gömrük nəzarəti altında olma müddəti nə qədərdir? 3. Gömrük nəzarətinin müəyyən formalarından azadetmə necə müəyyən olunur? 4. Gömrük nəzarəti zamanı texniki nəzarət vasitələrindən istifadə qaydalarının əsas müddəalarını şərh edin. 5. Azərbaycan Respublikasının Nazirlər Kabinetinin «Gömrük nəzarətinin həyata keçirilməsi Qaydaları»nın təsdiq edilməsi haqqında 18 yanvar 2013 cü il, 7 № Qərarinın əsas müddəalarını şərh edin. Ədəbiyyat siyahısı 1. Gömrük Məcəlləsi . IV bölmə. 2011. "Hüquq ədəbiyyatı" 2016 2. ARNazirlərKabinetinin «Gömrüknəzarətindənkeçməliolanmallarınyoxlanılmasınınsürətlənd irilməsi, gömrük nəzarətinin səmərəliliyinin artırılması və həyata keçirilmə müddətinin azaldılması məqsədiilə gömrük orqanları tərəfindənistifadə olunan texniki vasitələrin siyahısı və onlardan istifadə Qaydaları»nın təsdiq edilməsi haqqında , 27 avqust 2012-ciil 186№liQərari 3. AR Nazirlər Kabinetinin «Gömrük nəzarətinin həyata keçirilməsi Qaydaları»nın təsdiq edilməsi haqqında 18 yanvar 2013 cü il, 7 №li Qərari 4. A.Ş.Şəkərəliyev ―Xarici itisadi fəaliyyətin gomrük-tarif tənzimlənməsi‖ Bakı 2006 5. A.M.Məhərrəmov Milli sahibkarlığın və xarici əlaqələrin inkişafında gömrük orqanlarının rolu. ―Bakı Universitetinin 54 xəbərləri‖ jurnalı. Sosial-siyasi elmlər seriyası. № 3. 2005-ci il. S.111-117 6. M.Y.Yadulla. Azərbaycan Respublikasının xarici iqtisadi fəaliyyətini tənzimləyən əsas beynəlxalq normalar. BDU. Xəbərlər.2015 7. M.M.Aslanova.Azad iqtisadi zonalar Azərbaycanın dünya iqtisadiyyatında inteqrasiya üsulu kimi. Müasir beynəlxalq münasibətlərin formalaşmasının müasir iqtisadiyyata təsir mexanizmləri. Elmi praktiki konfrans. Bakı-2011 55 Mövzu 3. Gömrük rəsmiləşdirilməsi 1. Gömrük rəsmiləşdirilməsinə dair əsas müddəalar 2. Gömrük rəsmiləşdirilməsinin həyata keçirilməsinin xüsusiyyətləri 3. Gömrük rəsmiləşdirilməsinin başlanması və başa çatması 4. Səlahiyyətli şəxslərin və onların nümayəndələrinin gömrük rəsmiləşdirilməsində iştirakı 5. Yardım yükləri Gömrük rəsmiləşdirilməsi Gömrük Məcəlləsi və gömrük işi üzrə digər qanunvericilik aktları ilə müəyyən edilmiş qaydada aparılır. Gömrük rəsmiləşdirilməsinin sadələşdirilməsi və sürətləndirilməsi məqsədi ilə bağlanılan beynəlxalq müqavilələrə uyğun olaraq, bir sıra dövlətlərdə gömrük rəsmiləşdirilməsi üçün nəzərdə tutulan gömrük sənədlərindən istifadə edilə bilər. Ayrı-ayrı gömrük əməliyyatı və ya gömrük proseduru ilə bağlı gömrük orqanının icazəsi tələb olunursa, həmin icazə onun alınması üçün müəyyən edilmiş şərtlərin yerinə yetirilməsindən dərhal sonra verilməlidir. Ayrı-ayrı gömrük əməliyyatı və ya gömrük proseduru ilə bağlı gömrük orqanının icazəsinin verilməsi qaydalarını müvafiq icra hakimiyyəti orqanı müəyyən edir. Gömrük rəsmiləşdirilməsinin həyata keçirilməsinin xüsusiyyət- ləri aşağıdakılardan asılı olaraq fərqləndirilir: 1. gömrük sərhədindən keçirilən malların kateqoriyasına görə; 2. gömrük sərhədindən keçirilmə üçün istifadə olunan nəqliyyat vasitəsinin növünə görə; 3. malları keçirən şəxsə görə. Malların mənşəyindən, göndərilmə və təyinat ölkəsindən asılı olmayaraq, gömrük rəsmiləşdirilməsi eyni qaydada həyata keçirilir. Gömrük rəsmiləşdirilməsi bəyannaməçinin gömrük orqanına konkret malların və nəqliyyat vasitələrinin gömrük rəsmiləşdirilməsi ilə bağlı bəyannamə və ya müvafiq sənədləri təqdim etdiyi, yaxud Gömrük Məcəlləsində nəzərdə tutulmuş hallarda gömrük rəsmiləşdirilməsini həyata keçirmək barədə niyyətini şifahi formada 56 gömrük orqanına bildirdiyi vaxtdan başlanır. Malların müvafiq gömrük proseduru altında yerləşdirilməsinə dair tələblərə uyğun olaraq zəruri gömrük əməliyyatları yerinə yetirildikdən və gömrük ödənişləri ödənildikdən sonra gömrük rəsmiləşdirilməsi başa çatır. Gömrük Məcəlləsində və gömrük işi üzrə digər qanunvericilik aktlarında nəzərdə tutulmuş hallar istisna olmaqla, gömrük rəsmiləş- dirilməsi başa çatmamış mallardan və nəqliyyat vasitələrindən istifadə edilə, habelə onlar barəsində sərəncam verilə bilməz. Müvafiq icra hakimiyyəti orqanı gömrük rəsmiləşdirilməsi başa çatmamış mallardan və nəqliyyat vasitələrindən istifadə edilməsi və onlar barəsində sərəncam verilməsinə dair şərtlər və məhdudiyyətlər müəyyən edir. Gömrük rəsmiləşdirilməsi malları ixrac və ya idxal edənin, yaxud onların struktur bölmələrinin yerləşdiyi ərazi üzrə gömrük orqanlarının fəaliyyət zonasında, bu məqsədlər üçün ayrılmış yerlərdə aparılır. Gömrük orqanları tərəfindən gömrük rəsmiləşdiril- məsinin aparıldığı iş vaxtını müvafiq icra hakimiyyəti orqanı müəyyən edir. Gömrük orqanlarının icazəsi ilə gömrük rəsmiləş- dirilməsi başqa yerlərdə və iş vaxtından kənar saatlarda aparıla bilər. Müvafiq icra hakimiyyəti orqanı malların və nəqliyyat vasitələrinin ayrı-ayrı kateqoriyalarının gömrük rəsmiləşdirilməsinin aparılmasını müəyyən gömrük orqanlarına həvalə edə bilər. Gömrük rəsmiləşdi- rilməsinin operativliyini və şəffaflığını artırmaq məqsədi ilə müra- ciət edən şəxslərin qəbul edilməsi ardıcıllığının müəyyən olunması üçün elektron idarəetmə sistemi («elektron növbə») tətbiq edilir. Mallar və nəqliyyat vasitələri barəsində səlahiyyəti olan şəxslər və ya onların nümayəndələri öz təşəbbüsləri ilə gömrük rəsmiləşdirilməsində iştirak edə bilərlər. Gömrük orqanları tələb etdikdə, Gömrük Məcəlləsinin 107.1-ci maddəsində göstərilən şəxslər və ya onların nümayəndələri gömrük rəsmiləşdirilməsində iştirak etməli və bu işdə gömrük orqanlarının vəzifəli şəxslərinə yardım göstərməlidirlər. Gömrük sərhədindən malları keçirən şəxs, daşıyıcı, anbar sahibi, mallar və nəqliyyat vasitələri barəsində səlahiyyəti olan digər şəxslər və ya onların nümayəndələri gömrük orqanının tələbi ilə gömrük Yüklə 1,01 Mb. Dostları ilə paylaş:
|