29
dələr ən gözlənilməz nəticələr verə bilər. Bu qanun təbiətlə qarşılıqlı təsirdə
son dərəcə ehtiyatlı oımağa çağırır. Adamın bədənində ürəyin yerini bilmə-
dən cərrahlıq etmək mümkün olmadığı kimi, təbiəti bilmədən də onu
dəyişmək mümkün deyil.
Dördüncü qanun: hər şey üçün ödəmək lazımdır – heç nə havayı
verilmir. Bu qanun insan ilə biosfer arasındakı qarşılıqlı əlaqəni əks etdirir.
İnsanın təbiətdən götürdüyü hər şeyin gec - tez əvəzi çıxmalıdır. Həqiqətən
də maddələrin qlobal ekoloji dövranı qapalı xarakter daşıyır. Belə ki, qlobal
ekosistem vahid bütövdür, onun çərçivəsi daxilində heç nə udula və itirilə
bilməz. Kommonerin yazdığı kimi bu venselə görə ödəmədən qaçmaq
olmaz, o yalnız gecikə bilər.
Öyrənilən qanuna görə istənilən texnoloji proses ekosisteminin hər
hansı həlqəsinin pozulmasına səbəb olmamalıdır. Əgər pozulma baş versə
kənarlaşdırılmalıdır. Ekosistemdə pozulmaların ən çox sayı elə istehsala
gətirib çıxarır ki, hansı ki, yüksək qapalılıq dərəcəsinə malikdir. Oxşar
istehsalatlarda tullantıları miniumuma çatdırırlar. Material axını isə təbii
sistemlərdəki qapalı maddələr dövranına yaxınlaşdırılır.
1.3.3. Orqanizmlərin həyatında suyun rolu
Su canlı orqanizmlərin faliyyətində mühüm əhəmiyyətə malikdir. O,
biokimyəvi reaksiyalar üçün əsas mühit, protoplazmanın vacib tərkib hissə-
sidir. Orqanizmin mühitlə su mübadiləsi bir-birinə əks olan iki prosesdən
ibarətdir: orqanizmə suyun daxil olması və onun ətraf mühitə verilməsi. Su
mübadiləsində suyun yalnız 5%-i fotosintezə, qalanı isə buxarlanmanın
kompensasiyasına və turqorun saxlanmasıına sərf olunur.
Bitkilər suya olan tələbatına görə bir neçə qrupa bölünür: hiqrofitlər
– olduqca rütubətli torpaqlarda bitənlər, hidrofitlər – bütün həyatını suda
yaşayanlar, reofitlər – iti axan çaylarda bitənlər, mezofitlər – orta dərəcədə
rütubət sevənlər, kserofitlər – rütubətə az tələkar olanlar. Kserofitlər aşağı-
dakı ekoloji-fizioloji qrupları əhatə edirlər: sukkulentlər - ətli yarpağı və ya
gövdəsi olan, istiyə davamlı, lakin susuzluğa dözümsüz bitkilər. Hemik-
serofitlər – kök sistemi qrunt suyuna çatan, quraqlığa davamlı, lakin uzun
müddət susuzluğa dözməyən, tarnspirasiya və maddələr mübadiləsi intensiv
gedən bitkilər.
Evkserofitlər – kök sistemi yaxşı budaqlanan, lakin çox dərinə getmə-
yən, susuzluğa və istiyə davamlı, maddələr mübadiləsi yavaş gedən bitkilər,
məs. yovşan.
Noykilokserofitlər – su çatışmadıqda anabioz hala keçən, lakin tənəf-
füs tam mühafizə olduğu üçün hüceyrə strukturu pozulmayan bitkilər.
Sklerofitlər – morfoloji əlamətlərinə və su balansı saxlamaq prinsipinə
30
görə sukkulentlərə ziddir. Sklerofitlər dehidrotasiyaya qarşı möhkəm toxu-
malarının olması ilə seçilur. Onlar 25% su itirdikdə belə heç bir pataloji
nəticəyə məruz qalmır.
Halofitlər – duzlu şəraitdə bitən, xlorlu, kükürdlü duzlarla döymuş
torpaq məhlulundan istifadə etməyə uyğunlaşan bitkilərdir. Suya olan
tələbatına görə heyvanlar hiqrofillərə və kserofillərə ayrılırlar.
Dünya okenının ekoloji zonaları su qatı – pelagial və suyun dibi –
bental hissədən ibarətdir. Dərinlikdən asılı olaraq bental – litoral, batial və
abissal zonaya bölünür. Litoral zona suyun daim hərəkətli hissəsidir, 50 sm
–dən 200 m -ə qədər dəyişən sahilboyu ekoloji zonadır. Abissal sahə okean
dibinin 2500 m -dən dərin olan sahəsidir. 6000-7000 m-ə qədər ola bilər. Bu
sahə daim qaranlıq olub, temperatur aşağı və sabit, yüksək təzyiq altında
olur. Abissalın bitkisi bəzi bakteriyalardan və bir neçə növ saprofit yo-
sunlardan ibarətdir, heyvanları ya gözsüzdür, ya da böyük gözlərə malikdir.
Bir çox orqanizmlər özlərindən işıq verirlər. Okean dibinin bütün sakinləri
bentos adlanır.
1.4. Demekologiya - populyasiyaların ekologiyası
1.4.1. Populyasiya termini
Elmə 1903-cü ildə Danimarka alimi V.İohansen tərəfindən gətirilib.
O, genetik cəhətdən müxtəlif olan, eyni növə məxsus fərdlərin cəmini qrup-
laşdırmaq üçün bu termindən istifadə edib. Sonralar bu anlayışdan müəyyən
ərazini tutan növün tərkibini xarakterizə etmək üçün istifadə olundu.
B.A.Bıkovun fikrincə (fransızcadan ―popylation‖ - sakin) populyasiya
- öz-özünü yaradan, sərbəst cütləşmə yolu ilə müəyyən saya malik olan və
coğrafi ərazidə yaşayan, müxtəlif mexenizmlərlə təcrid olunan eyni növ
daxilində fərdlər qrupudur. Məhz populyasiyalarda yenidənqurma baş verir,
sonra bütün biosenozlara yayılır. Q.A.Novikov populyasiyanın daha ətraflı
izahını verib. Onun fikrincə ekoloji populyasiya – təbii və ya insanların tə-
sirindən yaranan, ümumi birləşmiş, az və ya çox ərazi tutan, genetik
qohumluğu olan bir və ya bir neçə biogeosenoza məxsus olan növün fərd-
lərinin cəmidir.
Populyasiyanın təsnifatı. Populyasiyalar fərqli göstəricilərə görə
müxtəlif keyfiyyətli ola bilər: çoxalma üsuluna görə, morfoloji, fizioloji,
davranışa, ölçülərinə və s. Q.X.Şapoşnikov onların daha tam təsnifatını
verib: çoxalma üsuluna görə - panmiktik, klonal, klonal-panmiktik popul-
yasiyalar; sərbəst çoxalma və sərbəst təkamülünə görə - permanent (sər-
bəst, yarımsərbəst) və temporal (müəyyən vaxta qədər asılı olan) popul-
yasiyalar; quruluşuna görə - eynicinsli populyasiyalar; yaşama şəraitinə və