53
ilk məhsuldarlıq adlanır. Praktikada tənəffüs tezliyi və təmiz ilk məhsul-
darlıq ayrı-ayrılıqda öyrənilir. Sonra onları birləşdirib ümumi ilk məhsul-
darlıq hesablanır. Nəticəsi q/m
2
.sutka; kq/m
2
.il; ton/ha.il və s. hesabı ilə
göstərilir. İkinci məhsuldarlıq – üzvi maddələrin konsumentlərdə toplan-
ması sürətidir. Bitkilərdə ümumi ilk məhsulun yaranması prosesi heyvanlar-
da assimilyasiya adlanır. Ekosistemin ikinci məhsulu onun ilk məhsulundan
həmişə az olur. Ona görə ki, enerji bir qənimət səviyyəsindən digərinə
keçdikdə termodinamikanın ikinci qanununa əsasən istiliyə çevrilib ətrafa
yayılır, yəni sistemdən çıxır.
Məhsuldarlığın biokütləyə nisbəti mühüm ekoloji göstəricidir. Təsər
rüfat sahələrində bu göstərici yüksək olur. Lakin buna səbəb ekosistemin
cavanlığı, böyüməkdə olması və kənardan enerji almasıdır. Təsərrüfat sahə-
lərində torpağın vaxtaşırı işlənməsi, ona gübrə verilməsi, xəstəliklərinə, zi-
yanvericilərinə və alaq otlarına qarşı mübarizə aparılması hesabına biokütlə
çoxalır. Belə ekosistemlər ona edilən qulluqdan asılı olaraq heç vaxt sabitlik
mexanizmi qazana bilmir.
İnkişaf etmiş ölkələrdə kənd təsərrüfatının yüksək məhsuldarlığı
böyük enerji ehtiyatları və seleksiya işləri hesabına saxlanılır. Enerjinin bu
köməkçi axını enerji subsidiyası adlanır. Əgər XIX əsrdə dünya ölkələri
inkişaf etmiş ölkələrə bölünürdüsə, XX əsrdə yeni situasiya yarandı, ölkə nə
qədər inkişaf etmiş hesab olunursa, onun kənd təsərrüfatı məhsuldarlığı bir o
qədər yüksək olmalıdır. Məhz inkişaf etmiş ölkələr kənd təsərrüfatında
münasib enerji subsidiyalarını özünə rəva görə bilər.
Enerji və materiya davranışında prinsipial fərqlər var. Materiya sis-
temdə sirkulyasiya edir; canlının tərkibində olan elementlər və maddələr öz
tsikllərinə və dövranına malikdir. Ekosistemin istifadə etdiyi enerji istiliyə
çevrilir və sistem üçün sərf olunur.
1.7.4. Qida zəncirləri və qida şəbəkələri
Maddə və enerjinin onun mənbəyindən – yaşıl bitkilərdən – bir sıra
orqanizmlərdən keçərək bir istehlakçı həlqəsindən digərinə daşınması qida
və ya trofik zəncir adlanır. Trofik zəncirin həlqələrinin rasional davranışı
qidanın tapılmasının effektliyi ilə deyil, mötədilliyi (orta qiyməti) ilə təyin
olunur. Buna görə də ekosistemdə yalnız o növlər qalır ki, onlar öz bioloji
funksiyalarını – yaşayır və başqalarına yaşamağa imkan verir – yaxşı yerinə
yetirir. Trofik zəncir fotosintez orqanizmlərilə başlayırsa, o otluq zənciri və
ya istehlak zənciri adlanır. Ölmüş qalıqlar ilə başlayan zəncir isə parça-
lanmanın detrit zənciri adlanır. Trofik zəncirlər biri digərindən izolyasiya
olunmayıb, əksinə sıx bağlıdırlar və ümumi trofik zəncir yaradırlar. Qida-
54
lanmanın trofik zənciri termodinamikanın ikinci qanununa əsaslanır. Bu
qanuna görə enerjinin bir hissəsi həmişə istilik enerjisi kimi ətrafa yayılır.
Trofik zəncirdə bioloji növ kimi insanın əhəmiyyəti aşağıdakılardan
ibarətdir:
● insan hər şey yeyir, buna görə də gah bu, gah da digər trofik
zəncirin həlqələri hesabına yaşaya bilir; bu onun üzərindən mötədillik
yüyənini çıxarır;
● o resursları özünə yaxınlaşdıra bilər (mədəni bitkilər və ev hey-
vanları) və ya onları bir yerdən başqa yerə daşıya bilər;
● insan onun tərəfindən pozulmuş trofik zəncirdən çıxıb, başqasına
gedə bilir. Bu insana azadlıq hissi verir, lakin bu azadlıq dərhal cavab təsirin
dən və nəsillər qarşısındakı məsuliyyətdən azadlıqdır.
Ekosistemin trofik strukturu bir sıra paralel və çarpazlaşan qida
zəncirlərindən ibarətdir və qida və ya trofik şəbəkə adlanır.
1.7.5. Metabolizm və fərdlərin ölçüləri
ida zəncirində dəyişməyən enerji axınında daha kiçik orqanizmlər
daha yüksək mübadilə intensivliyinə malikdirlər – daha yüksək xüsusi
metabolizm (1 kq kütlə hesabında metabolizm), nəinki iri orqanizmlər. Bu
zaman xırda orqanizmlər nisbətən az biokütlə yaradırlar, nəinki iri orqa-
nizmlər. Belə ki, hazırda ekosistemdə olan bakteriyaların biokütləsi məmə-
lilərin biokütləsindən dəfələrlə azdır. Bu qanunauyğunluq Odum qanunu
adlanır. Bu qanun xüsusi diqqətə layiqdir, belə ki, təbiətin antropogen
pozulmasından orqanizmlərin xırdalanması baş verir, hansı ki, anında məh-
suldarlığın ümumi azalmasına və ekosistemdə nizamsızlığa səbəb olur.
Ekosistemin trofik zəncirini ekoloji piramidalar kimi təsəvvür edirlər
– çox vaxt buna Elton piramidası da deyilir. Piramida qaydasına görə qida
zəncirinin hər sonrakı həlqəsində ümumi biokütlə azalır. Piramidanın üç
əsas tipini müəyyənləşdiriblər: say, biokütlə və enerji piramidaları.
Fərdlərin xırdalanması zamanı sahə vahidindən biokütlə çıxımı gücün-
dədir, məkanın daha sıx məskunlaşması yüksəlir. Fillər sahə vahidindən o
qədər biokütlə və məhsuldarlıq vermir, nəinki çəyirtgələr. Bu xüsusi
məhsuldarlıq qanunudur.
Belə ki, kiçik müəssisələr və fermalar birlikdə daha böyük həcmdə
təsərrüfat məhsulları yaradırlar, nəinki irilər və daha nəhəglər.
İri fərdlərlə təmsil olunan növlərin itməsi ekosistemin strukturunu
dəyişir. Bu zaman bir trofik qrupun orqanizmləri bir-birinə qarışırlar. Yəni
dırnaqlıları çöl və savannalarda gəmiricilər, bir çox hallarda isə bitkiyeyən