55
həşaratlar əvəz edirlər. Bu - ekoloji ikiləşmə (surətini çıxarma) prinsipidir.
Trofik zəncir üzrə enerji daşınarkən enerji itirilməsi və metabolizmin
fərdlərin ölçüsü ilə bağlı olması kimi faktorlardan asılı olması nəticəsində,
hər bir ekosistem müəyyən trofik struktura malikdir. Onu ekoloji piramida
kimi təsəvvür etmək olar. Əgər qəbul etsək ki, canlının bədəninə onun qəbul
etdiyi qidanın enerjisinin orta hesabla 10%-i daxil olur, onda 1 t bitki kütlə-
sindən 100 kq otyeyən heyvanın kütləsi yarana bilər, sonuncunun hesabına
isə 10 kq yırtıcı kütləsi yarana bilər.
1.8. Biogeosenologiya – biogeosenozların ekologiyası
1.8.1.
Biogeosenoz anlayışını elmə ilk dəfə 1942-ci ildə akademik
V.N.Sukaçev daxil etmişdir
O, yazır ki, biogeosenoz Yer səthində müəyyən ərazidəki oxşar təbii
hadisələrin (atmosfer, dağ suxurları, torpaq, bitki, heyvan, mikroorqanizm
və hidroloji şərait) cəmi olub, onun komponentləri daxili ziddiyyətli vəhdət
təşkil edən qarşılıqlı əlaqələrlə öz aralarında və ətraf mühitlə maddə və
enerji mübadiləsinin xüsusi tipinə əsasən birləşirlər, daimi hərəkət və inkişaf
edirlər. Ekosistem konsepsiyası ilə paralel olaraq biogeosenoz konsepsiyası
da inkişaf edir. Ekosistem və biogeosenoz – mahiyyətcə bir-birinə yaxındır,
lakin sinonim deyil. Əgər ekosistem istənilən səviyyədə (həm quruda, həm
də suda) maddələr dövranını təmin edirsə, biogeosenozda yalnız qurunun
fitosenozlarla əhatə olunmuş konkret ərazilərində baş verir.
Biogeosenozun təyinatı altına ekosistem düşmür, belə ki, ona bu
təyinatın bəzi əlamətləri (məsələn, ərazi məhdudiyyətləri) xarakterik deyil.
Əksinə ekosistem bir neçə biogeosenozu əhatə edə bilər, başqa sözlə desək,
―ekosistem‖ anlayışı ―biogeosenoz‖ anlayışından geniş məvhumdur. Belə-
liklə, istənilən biogeosenoz ekoloji sistemdir, lakin hər ekosistem biogeo-
senoz hesab oluna bilməz. Biogeosenozlar dəqiq sərhədləri olan yerüstü
formalaşmalardır.
Biogeosenozu öyrənən biogeosenologiya elmi Yer səthinə qonşuluq
edən biogeosenozlar şəbəkəsi kimi baxır, dağ suxurları, relyef, torpağın
xassəsi, bitkilər, heyvanlar, mikroorqanizmlər, eləcə də maddələrin miqra-
siyası ilə onların öz aralarındakı əlaqədən asılı olaraq, landşaftın konkret
şəraitində onların funksiyalaşmasını öyrənir. Hər iki konsepsiya – ekosistem
və biogeosenoz – biosenoz və onları əhatə edən qeyri-üzvi mühitin müxtəlif
aspektlərdən və müxtəlif nöqteyi-nəzərlərdən funksional əlaqələrinə bax-
mağa imkan verərək, bir-birini tamamlayır və zənginləşdirir.
56
1.8.2. Biogeosenozun strukturu
Fitosenoz biogeosenozun struktur elementlərinin və onun törəmələri-
nin məkanca yerləşməsinin struktur əsasıdır.
Biogeosenozun bir neçə əsas əlamətini dərindən dərk etmək vacibdir.
1.
Biogeosenozun Yer səthində müəyyən sahə (ərazi) ilə əlaqəsi, yəni
onun bioxoroloji kateqoriyası. Yer kürəsinin biocoğrafi vilayətləri: 1– holar-
ktika vilayəti, 2–neotropika vilayəti, 3–efiopiya vilayəti, 4– indomalay
vilayəti, 5–avstraliya vilayəti, 6– polineziya vilayəti, 7– antarktika vilayəti.
Biocoğrafi vilayətlərin hər birini təkraredilməz ekosistemlər səciyyələndirir.
2.
Biogeosenozun tərkibinin canlı hissədən, yəni bitki, heyvan və
mikroorqanizmlərdən, cansızdan (dağ suxurları) və biokos hissədən, yəni
torpaqdan ibarət olması. Yer kürəsinin quru ərazisində bitki örtüyünə görə
əsas formasiyalar: tundura, mülayim meşə, çöllər, buzlaqlar, tayqa, seyrək
meşə, ekvator meşəsi, savanna, səhra, yüksək dağlar.
3.
Biogeosenozdakı maddə və enerji mübadiləsinin ətraf
mühitlə və
onun öz komponentlərilə əlaqəli getməsi.
4.
Biogeosenozun biokos hissə ilə dinamik vəhdəti, daimi hərəkəti və
inkişafı.
Biogeosenozun əsas əlamətləri göstərir ki, o, Yerin qabığının elə bir
hissəsinə (ərazi və akvatoriya) deyilir ki, onu təkcə biosenoloji xüsusiyyətlər
deyil, həm də hidroloji, geomorfoloji, geokimyəvi, mikroiqlim və torpaq
xüsusiyyətləri sərhədləndirir.
Biogeosenozun biosferlə ümumi əlaqəsini qavramaq çox vacibdir.
Biogeosenoz biosferin əsas bioxoroloji vahididir (―xoros‖ – sahə deməkdir).
Biogeosenozlar biosferi təşkil edən bloklardır, bu bloklardan canlılar vasi-
təsilə maddələr mübadiləsi gedir və onlar (bloklar) birləşib biosfer səviyyəli
- qlobal maddələr və enerji dğvranı yaradır.
―Ekosistem‖ anlayışı ―biotop‖ anlyışından ayrılmaz surətdə bağlıdır.
Biotop şəraiti yekcinsolan müxtəlif ölçülü və ya həcmli coğrafi rayondur.
Biotop və ya ekotop eyni relyef, iqlim, torpaq və digər abiotik amillərə
malik olan su hövzəsində və ya quruda müəyyən biosenozun məskən saldığı
sahədir. Aşağıdakı biotoplar ayrılır: polipedop, yəni torpaq sudibi məskəni;
klimatop – fitosenozun yerüstü hissəsi məskəni; hidrotop – su dibinin üst
hissəsi məskəni. Bunlardan asılı olmayaraq müxtəlif mikropopulyasiyalar
məskən salan mikrotoplar da ayırırlar. Biotop bəzən üzvi təbiətli (para-
zitlərdə) ola bilər.