Magistrantların XVIII Respublika Elmi konfransı, 17-18 may 2018-ci il
142
İnteqrasiya termini XX əsrin sonundan istifadə olunmağa başlasa da, onun ifadə etdiyi mahiyyət
zəngin tarixə malikdir. İnteqrasiya anlayışı əsrlər boyu təhsilin məzmununda birləşmə, bağlılıq, sintez
mənasını verən müxtəlif terminlərlə adlandırılmışdı. “İnteqrasiya” anlayışı ilk dəfə ingilis alimi Q.Spenser
tərəfindən söylənmiş və elmdə istifadə edilməsi təklifi irəli sürülmüşdür. İnteqrasiynın mahiyyətini bir çox
lüğətlər açıqlayır. Belə ki, qısa psixoloji lüğətdə inteqrasiya qrupdaxili proseslər sisteminin uyğunluğu,
ardıcıllığı və sabitliyi kimi dəyərləndirilir.
Biologiyanın tədrisində fənlərarası inteqrasiya bir neçə istiqamətdə, müxtəlif metod və yollarla həyata
keçirilə bilər. Birinci istiqamət məzmun xətlər üzrə inteqrasiyanın təşkili yollarıdır. Məzmun xətləri üzrə
fənlərarası inteqrasiya təlim nəticələrinə dair ümumi orta və tam orta təhsil səviyyələri daxilində aparılır.
Eyni zamanda təhsil səviyyələri arasında fəndaxili inteqrasiya həyata keçirilir. Məzmun xətlərinin təlim
nəticələri əsasında siniflər arasında fənlərarası inteqrasiya yaradılır. Məzmun xətləri üzrə aparılan fənlərarası
inteqrasiya bilik və bacarıqların şagirdlər üçün aydın olmasına, bilikləri müstəqil əldə etməsinə, uzun müddət
yadda saxlanmasına, vərdişə çevrilməsinə təminat verir. Məzmun xətləri üzrə fənlərarası inteqrasiyanın
yaradılması bir sıra metodlardan, forma və yollardan istifadə edilməsini tələb edir.
Dərslərdə fəal təlim metodlarının tətbiqi fənlərarası inteqrasiyanın yaradılmasına geniş imkanlar açır.
Klaster üsulundan istifadə edərkən müəllim istər-istəməz şagirdlərin keçmiş bilikləri ilə inteqrasiya
yaradılmasını həyata keçirir. Məsələn, VIII sinifdə “Xordalılar tipi. Kəlləsizlər yarım tipi. Başıxordalılar
sinfi” mövzusunun tədrisində klaster tətbiq etdikdə müəllim şagirdlərə tanıdıqları heyvanların adlarını
deməyə və klasterin şaxələrində qeyd etməyi təklif edir. Şagirdlər müxtəlif heyvanların adını çəkir, qeyd
edir, müəllim onları sistemləşdirərkən xordalıları ayırır. Onların xüsusiyyətlərini aydınlaşdırır. Şagirdlər
indiyə qədər öyrəndikləri heyvanları yada salmaqla fənlərarası inteqrasiyanı yaratmış olurlar.
Beləliklə, Orta məktəbdə biologiya fənninin tədrisinin keyfiyyətinin yüksəldilməsində, şagirdlərin
təfəkkür qabiliyyətinin inkişafında fənlərarası əlaqədən istifadənin yolu mühümdür və bu problem həmişə
diqqət mərkəzində olmalıdır.
AZƏRBAYCANIN QƏDĠM VƏ PRIMĠTĠV HƏġƏRAT QRUPLARININ
(ƏQRƏBMĠLÇƏKLƏR VƏ DƏVƏCĠKLƏR) TƏDQĠQĠNƏ DAĠR
Qurbanova X.V.
AMEA Zoologiya institutu Quru onurğasızları laboratoriyası
Əqrəbmilçəklər (Mecoptera) və dəvəciklər (Raphidioptera) qədim və primitiv həşərat qrupuna
aiddirlər. Əqrəbmilçəklərin (Mecoptera) dünya faunasında 681, dəvəciklərin isə 271 növü məlumdur.
Azərbaycanda A.V.Boqaçov tərəfindən əqrəbmilçəklərin Panorpidae fəsiləsinə aid 3 növün (Panorpa
communis Linnaeus, 1758,
P.connexa MacLachlan, 1869) və Bittacidae fəsiləsindən 1 növün (
Bittacus
tipularius (Fabricius, 1775)) yayıldığı qeyd edilir. N.H.Səmədov tərəfindən bu siyahıya
Panorpa caucasica
MacLachlan, 1869 növü də əlavə edilmişdir. Lakin hər iki fəsiləyə aid kolleksiya bizim günlərədək
saxlanmamışdır. Tezisdə İ.Q.Kərimovanın 2002-2012-ci illər ərzində topladığı, lakin işlənməmiş materiallar
analiz edilmişdir.
Material Azərbaycanın Balakən, Şamaxı, İsmayıllı, Siyəzən və Lənkəran rayonlarının müxtəlif
kəndlərindən entomologiyada qəbul olunmuş ümumi metodlardan istifadə edilməklə toplanmışdır.
Əqrəbmilçəklərin və dəvəciklərin imaqolarının səhər və gündüz saatlarında fəal, günün ikinci yarısında isə
passiv olduğu müşahidə edilmişdir. Buna görə də günün birinci yarısında imaqolar yüngül qaz materialından
hazırlanmış entomoloji tor vasitəsilə bitkilər üzərindən çalma yolu ilə, günün ikinci yarısında isə oturduqları
kolların budaqlarının silkələnməsi ilə, ağ rəngli parçadan hazırlanmış və budaqların altına sərilmiş “yapon
çətiri”nin üzərinə düşən fərdlər toplanmışdır. Toplanmış materiallar 95%-li spirtə yığılmış və üzərində
toplanma yeri və vaxtı qeyd edilmiş etiketlə təmin edilmişdir.
Yuxarıda adları çəkilən əqrəbmilçəklərin ikisi, əsil əqrəbmilçəklər (Panorpidae) fəsiləsinə aid olan
P.communis əsasən Böyük Qafqaz təbii vilayətində (1♂, 1♀, Balakən, Cicixana k-di, meşədə kolların
üzərindən, 25.05.2012, H 244m, N 41.67492, E 046.46249; 1♂, 1♀, Şamaxı, Dəmirçi k-di, su hövzələri
yaxınlığında bitən bitkilər üzərindən, 07.07.2017, H 1613m, N 40°50'31.88", E 48°33'48.12"; 1♀, Siyəzən,
Səadan k-di, meşədə ağaclar üzərindən, pıtraq birkisinin (Xanthium sp.) yarpaqlarının altından, 20.05.2013,
H 518m; N41° 3'23.50"; E 49° 3'9.95") və Lənkəran təbii vilayətində (1♂, Lənkəran, Bürcəli k-di, meşədə
kollar üzərindən, 15.04.2002, Н 3m, N 38°40'34.90", E 48°48'0.05"), P.connexa isə yalnız Böyük Qafqaz
Magistrantların XVIII Respublika Elmi konfransı, 17-18 may 2018-ci il
143
təbii vilayətində (1♂, Balakən, Cicixana k-di, meşədə kolların üzərindən, 25.05.2012, H 244m, N 41.67492,
E 046.46249) qeydə alınmışdır. Dəvəciklərdən əsil dəvəciklər (Raphidiidae) fəsiləsinə aid olan Xanthostigma
sp. Böyük Qafqaz təbii vilayətində (1♀, Balakən, Cicixana k-di, meşədə kolların üzərindən, 25.05.2012, H
244m, N 41.67492, E 046.46249), Phaeostigma sp. isə Orta Araz təbii vilayətində (10♀, 15♂, Naxçıvan
MR, Ordubad, Ağdərə, 07-13.VI.2017, H 1919, N 39
0
05´38.3´´, E 045
0
54´42,6) toplanmışdır. Xanthostigma
sp. – nin Balakəndə tək-tək rast gəlindiyi halda, Naxçıvan MR-da Phaeostigma sp.-nin stabil
populyasiyasına rast gəlinmişdir. Bu növ əsas etibarilə qanqal (Carduus sp.) bitkisinin üzərində təsadüf
edilmişdir. Əqrəbmilçəklər əasən su hövzələri yaxınlığında, kölgədə, rütubətin yüksək olduğu yerlərdə bitən
bitkilər üzərindən, dəvəciklər isə meşələrdə ağac və kolların üzərindən və ya çəmənliklərdə ot bitkilərinin
üzərindən toplanmışdır. Demək olar ki, materialın toplandığı ərazilərin heç birində əqrəbmilçəklərin çoxsaylı
populyasiyasına rast gəlinməmişdir.
Mecoptera və Raphidioptera nümayəndələri Azərbaycanda azsaylıdırlar. Bu dəstələr üzərində ətraflı
tədqiqat işi aparılmadığından onların qorunması üçün hələlik heç bir tədbir görülməmişdir.
BĠOTEXNOLOGIYA FƏNNĠNĠN ALĠ TƏHSĠL MÜƏSSĠSƏLƏRĠNDƏ LABORATORĠYA
MƏġĞƏLƏLƏRĠNĠN TƏġKĠLĠ VƏ TƏDRĠSĠNDƏ VACĠB OLAN ÜMUMĠ MÜDDƏALAR
Maliyeva S.İ.
Odlar Yurdu Universiteti
Biotexnologiya fənnini laboratoriya dərslərində biotibbi cihazlarda işləməyə aşağıdakı tələbələr
buraxılır: texniki təhlükəsizlik və istesalat sanitariyası təlimatını keçənlər, yanğın təhlükəsizliyi təlimatını
keçənlər, bu tip işləri görməyə tibbi əks göstəricisi olmayanlar. Təhlükəsiz iş metodlarını təmin etmək,
istehsalat zədələrinin, yanğın təhlükəli hadisələrin və peşə xəstəliklərinin qarşısını almaq məqsədilə
tələbələrə mühazirələr oxunmalı, təlimatlar keçirilməlidir.
Əmək təhlükəsizliyi təlimatı, əməyin mühafizəsi və texniki təhlükəsizlik öyrətmələri , yanğına qarşı
təhlükəsizlik üsulları, istehsalat sanitariya qaydaları müxtəlif vasitələrlə aparılır.
Texniki təhlükəsizlik və yanğına qarşı təhlükəsizlik qaydalarını pozan tələbələr həmən laboratoriyadan
çıxarılırlar.
Məşğələ rəhbəri iş yerində əməyin mühafizəsi, texniki təhlükəsizlik, yanğın təhlükəsizliyi təlimatlarını
keçirmək və bu haqda həm texniki təhlükəsizlik, həm də yanğın təhlükəsizliyi jurnallarında qeydlər etməli,
dərs vaxtı laboratoriyada olmalı, tələbələrin işinə nəzarət etməli, inventarın və cihazların korlanmasına yol
verməməli, dərsdən əvvəl və dərsin sonunda sinifin texniki vəziyyəti haqqında müvafiq jurnalda qeydlər
etməlidir. Laboratoriya işinin hesabatında birinci səhifənin yuxarısında laboratoriya işinin adı və sıra sayı
göstərilir. Sonra bütün zəruri məlumat əlaqəli mətnlə yazılır. Səhifələrin, şəkillərin, cədvəllərin, ədəbiyyatın
sıra sayı hər bir hesabatda ayrıca göstərilir. Hesabat Times New Roman şriftilə, 14 ölçüdə, 1,5 interval ilə,
soldan 3 sm, qalan yerlərdən 2 sm sahə ilə çap edilir.
Ədəbiyyata müraciət mətndə kvadrat mötərizələrdə - həmin ədəbiyyatın hesabatın sonunda göstərilən
istifadə olunmuş ədəbiyyat siyahısındakı sıra sayı göstərilir. Ədəbiyyat siyahısı müvafiq qaydalara uyğun
yazılmalıdır.Jurnal materiallarından istifadə edərkən məqalə müəllifinin soyadını, inisiallarını, məqalənin
adını, jurnalın adını, nəşr ilini, səhifənin nömrəsini göstərmək lazımdır. Kitablara müraciət edərkən soyadı və
inisiallar, kitabın adı, çap olunduğu şəhər, nəşr olunduğu il, səhifə göstərilməlidir. Kollektiv monoqrafiya və
məqalələr toplusu üçün redaktor, məqalələr toplusu üçün həm də ilk üç müəllif göstərilir.
İnternet materiallarına müraciət edərkən biblioqrafik materialların çapına qoyulan tələblərə tam əməl
etmək, internet materialının tam ünvanını, o cümlədən saytın adını göstərməli.
Qanunvericilik aktlarına müraciət edildikdə onun rəsmi adı və rəsmi mənbəyi göstərilməlidir. Hesabat
tələbənin özü tərəfindən yazılmalı, internetdən olduğu kimi köçürülməməli və ya kompyuterdə bu metodik
göstərişdən mətn kimi yığılmamalıdır. Haradansa olduğu kimi götürülən material dırnaq arasında
göstərilməlidir.
Məlumdur ki, “ köhnə “ yazılara xas olan stil aşağı kurs tələbələrinin yazı stilindən çox fərqlənir. Ona
görə də müəllim çətinlik çəkmədən başqasından köçürülən materialı təyin edə bilir. Bundan əlavə internetin
köməyilə “şübhəli” mətndən hər hansı bir söz yazmaqla “mənbəni” tapmaq olur. Həm də bu yoxlamanı
həyata keçirən xüsusi sayt mövcuddur www.antiplagiat.ru .