60
Qeyd edək ki, iqtisadi nəzəriyyə elmində ən geniş yayılan problemlərdən biri
də istehsalın üç amili – əmək, torpaq, kapital nəzəriyyəsidir. Sonralar bu
nəzəriyyəyə iki amil də – sahibkarlıq bacarığı və elmi-texniki tərəqqi (informasiya)
– əlavə olundu.
Faktiki olaraq göstərdiyimiz amillər bizə tanışdır və bunlar iqtisadi
resurslardır. Iqtisadi artımın amilləri bir-biri ilə qarşılıqlı asılılıqda olan və bir-
birilə çulğalasan amillərdir.
Bu amillər içərisində əmək daha aktiv və daha məhsuldardır. Istehsalı yüksək
səviyyədə təşkil edən sahibkarın bacarığı altında əmək müasir avadanlıq və
materiallardan istifadə edərək rəqabətə dözümlü, keyfiyyatli məhsul istehsal edir.
Məhz buna görə də bazar mexanizmi daxilində iqtisadi artımın bu amillərinin
hansının payının daha çox və az olmasını, hansının daha çox aktiv və passiv
olmasını müəyyən etmək iqtisadi nəzəriyyə elmində ən çətin, ən qəliz
problemlərindən biridir.
Bütün qeyd etdiklərimizlə yanaşı, göstərə bilərik ki, bu amillər iri
problemlərdir. Onları ayrı-ayrı xırda elementlərə (iqtisadi nəzəriyyənin təhlil
metodundan istifadə etməklə) ayırmaq olar. Bunun nəticəsində amilləri
qruplaşdırmaq imkanı əldə edə bilərik.
Belə ki, iqtisadi elementləri daxili və xarici amillərə də ayıra bilərik. Burada
biz ölkəyə kənardan daxil olan kapitalı, ölkə daxilindən səfərbər edilən kaptalı,
xaricdən ölkəyə gətirilən kapitalı və s. nəzərdə tuturuq.
Belə bir məsələ üzərində dayana bilərik ki, artım qabiliyyətini və real artım
anlayışını bir-birindən ayırmaq lazımdır. Burada iki məsələni qeyd etmək
məqsədəuyğun olardı. Birinci, artım tələb amillərindən asılıdır. Daima artın
istehsal potensialını reallaşdırmaq məqsədi ilə ölkənin iqtisadiyyatı resurslatının
daima artan həcmində istifadə etməlidir. Bu məqsədə nail olmaq üçün məcmu
resursların səviyyəsinin artması tələb olunur. Ikinci, iqtisadi artıma bölgü
münasibətləri də təsir edir. Istehsal potensialından məqsədyönlü istifadə etmək
üçün resursları iqtisadi dövriyyəyə cəlb etməklə yanaşı, istifadə olunmuş
resursların utulləşdirilməsindən səmərəli istifadə etmək lazımdır.
61
Qeyd edək ki, məhsul istehslaını artırmaq təkcə istehsalın genişləndirilməsi
ilə əlaqələndirmək düzgün olmazdı. Burada söhbət resursların mövcud həcmindən
istifadə etməklə maksimum dərəcə faydalı və keyfiyyətli məhsul əldə etməkdən
gedir.
Iqtisadi ədəbiyyatda iqtisadi tipli artımın iki tipini qəbul edirlər. Iqtisadi
artımın hər iki tipi maliyyə münasibətləri ilə əlaqədardır. Istər ekstensiv, istərsə də
intensiv iqtisadi artım müəyyən kapital qoyuluşunu tələb edir və bu da öz
növbəsində maliyyə resurlarının səfərbərliyə alınması deməkdir. Məsələn,
ekstensiv tipi iqtisadi artımın mahiyyəti ondan ibarətdir ki, əmtəələr və xidmətlərin
istehsalı istehsal amillərinin hesabına artırılır. Burada yeni torpaq sahələrinin
mənimsənilməsi, daydalı qazıntıların çıxarılması, yeni tikinti sahələrinin
investisiyalaşdırılması nəzərdə tutulur. Belə ki, ekstensiv iqtisadi artıma
aşağıdakılarlı aid etmək olar; a)texnikanın mövcud səviyyəsini saxlamaqla
investisiyanın həcminin artırılması; b)əmtəələr və xidmətlər istehsalı sahəsində
məşğul olan işçilərin sayının artırılması; c)dövriyyə kapitalının ünsürlərinin, o
cümlədən istehlak olunacaq xammalın, materialların, yanacağın və sairənin
həcminin artırılması;
Intensiv iqtisadi artım isə məhsul buraxılışı üçün tələb olunan istehsal
amillərinin elmi-texniki tərəqqi əsasında keyfiyyət baxımından təkmilləşdirilmə-
sini tələb edir. Intensiv iqtisadi inkişafa aşağıdakı amillər aid edilir:
a. Elmi-texniki tərəqqinin sürətləndirilməsi (yeni texnika və texnologiyanın
tətbiqi nəticəsində əsas fondların yeniləşdirilməsi və s.);
b. Işçilərin ixtisasının artırılması;
c. Əsas fondlardan və dövriyyə vəsaitlərindən istifadənin yaxşılaşdırılması;
d. Iqtisadi
fəaliyyət daha səmərəli
təşkil etməklə təsərrüfatçılığın
faydalılığının artırılması.
Intensiv və ekstensiv iqtisadi artımın hamısının üstün olmasının müəyyən
edilməsində və onların bir-birindən fərqləndirilməsində vaxt amili əsas rol oynayır.
Bu və ya digər tipin hansının üstünlük təşkil etdiyini iqtisadiyyatın tarixi inkişaf
mərhələlərilə müəyyən olunur. Başqa sözlə desək, müəyyən bir vaxt ərzində
62
istehsal amilləri intensiv artım üçün xarakterik xüsusiyyət kəsb edirsə, bu günkü
ekstensiv iqtisadi artım üçün bu amillərdən istifadə daha səmərəlidir. Qeyd edək ki,
hər hansı bir texnika və texnologiyanın eyni bir vaxtda istehsala tətbiqi iqtisadi
artımı intensivləşdirilərsə də, sonralı inkişaf (mərhələ) üçün həmin texnika və
texnologiya nisbətən, “mənəvi baxımdan” köhnəlmiş hesab olunur, çünki elmi-
texniki tərəqqi nəticəsində mövcud texnika və texnologiya ilə müqayisədə daha
məhsuldar texnika və texnologiya istehsal olunur və onlar istehsala tətbiq edilirlər.
Ekstensiv və intensiv amillərin iqtisadi artıma təsiri və onların bir-birilə
müqayisəli təhlili göstərir ki, hər iki artım tipi istehsalın strukturu ilə sıx surətdə
bağlıdır. Ekstensiv və intensiv amillərin nisbətinə müxtəlif istehsal sahələrinin
proporsional inkişafı da təsir göstərir.
Təkrar istehsal prosesində ekstensiv və intensiv iqtisadi artımın müəyyən
edilməsi aşağıdakı amillərlə bağlıdır: istehsal amillərinin strukturu baxımından
istehsal olunan son məhsulda ifadə olunan fond tutumu, material tutumu, enerji
tutumu və əmək tutumu göstəriciləri; fond tutumu, məşğul olan bir nəfər işçinin
payına düşən xammal və materialların xüsusi çəkisini özündə əks etdirən
göstəricilərin idarəçilik və informasiya baxımından istehsalın təmin olunmasının
qarşılıqlı təsiri; istehsal amillərinin keyfiyyət baxışından; ixtisaslaşdırılmış işçi
qüvvəsinin, tətbiq edilən xammalın, materialların və maşınların keyfiyyəti; istehsal
prosesinin ekoloji baxımından təmizlik dərəcəsi.
Iqtisadiyyat bütövlükdə bir-biri ilə sıx əlaqədə olan mürəkkəb makroiqtisadi
amillərin məcmuundan ibarətdir. Bu elementlər arasında olan mütənasiblik həmin
iqtisadi
sistemi,
iqtisadi
strukturu
təşkil
edir.
Iqtisadi
inkişafın
balanslaşdırılmasında, onun səmərəli və sabit artımında iqtisadi strukturlar mühüm
əhəmiyyət kəsb edirlər. Məsələn, göstərək ki, qərb ölkələrinin bir çoxunda qitisadi
artıma nail olunması iqtisadi strukturların dərindən, köklü surətdə dəyişdirilməsi və
bunun nəticəsində istehsalda ümumi dinamizm və s. müsbət keyfiyyət dəyişikləri
baş verməsilə əlaqədardır.
Iqtisadi nəzəriyyə iqtisadi strukturların müsbət baxımdan dəyişməsini nəzərə
alaraq “səmərəli struktur” anlarını formalaşdırmışdır. Səmərəli strktur iqtisadi
Dostları ilə paylaş: |