Əsasən aşağıdakı qaydalarda həyata keçirilir.
Tükənən illik borc ödənməsi üsulu:
– Adından da göründüyü kimi, burada həm borc, həm də faiz dərəcələrinin
ödənilməsi müəyyənləşdirilmiş bir tarixdə tükənən istiqamətdə həyata keçirilir.
Bu üsul kreditor maraqları ilə üst-üstə düşmür, çünki məbləğ tədricən ödənilir.
Bu da hər hansı işi reallaşdırmaq üçün sərfəli deyildir.
Artan ödənməsi üsulu:
- Burada borclar üzrə ödənişin artan istiqamətdə getməsi müşahidə edilir. Bu
borc alan nöqteyi nəzərindən əlverişli hesab edilir. Çünki, belə olduğu təqdirdə
borclu subyekt əldə etdiyi vəsaiti öz işi üzrə sərf edirsə (investisiya layihələri üzrə),
bu zaman gəlirlərin əldə edilməsi (aydındır ki, onun gəlirləri artan istiqamət
müşahidə ediləcəkdir) prosesi borcların ödənilməsi variantı ilə üst-üstə düşəcəkdir.
Nəticədə borc alanın gəlirləri borcların ödənilməsi ilə əlaqədar olaraq borc müddəti
bitənə qədər artımı müşahidə edilməsə də, daha sonrakı gəlirlərinin artımı və borc
məbləğindən azad olması müşahidə ediləcəkdir.
– Məcburi ödəniş formalarından biri də faizlərin hissə-hissə, əsas məbləğin
birdəfəlik ödəndiyi formadır. Belə ki, qiymətli kağızın və ya istiqrazın nə vaxt
ödənilməsini göstərən faiz kuponu vardır. Müddətin bitdiyi zaman bu kuponlar
kəsilir və faizi ödəməklə lazımi kassalara təqdim olunur. Bu yolla qiymətli
kağızların faizi ödənilir. Bura yalnız veksellər, istiqrazlar kimi borc öhdəlikləri
aid edilir. Birbaşa kreditlərin əksəriyyətində də faiz ödənişləri hissə-hissə həyata
keçirilir. Belə ödəniş forması həm kreditlərin, həm də borc alan subyektin
maraqları baxımından əlverişli hesab edilir.
Könüllü ödəniş forması ilə kredit müqaviləsində nəzərdə tutulan müddət başa
çatmamışdan, borclu subyekt tərəfindən borcların ödənilməsi ilə müşayət olunur.
Könüllü ödəniş forması aşağıdakı qruplardan ibarətdir:
– Əbədi borcların könüllü olaraq ödənilməsi. Bildiyimiz kimi, əbədi borcların
qaytarılma tarixini müəyyən etmək hüququnu dövlət öz əlində saxlayır və borc verən
öz borcunun faizindən savayı heç nə tələb edə bilmir. Aydın görünür ki, burada
dövlət yalnız borclara görə faizləri vaxtı-vaxtında ödəməyə borcludur. Lakin dövlətin
gəlirlərinin artıqlığı şəraitində könüllü olaraq əsas məbləği ödəyə bilər. Bu zaman
dövlət avtomatik olaraq faizlərə görə ödənişlərə də son qoymuş olacaqdır. Bu həm də
kreditor üçün sərfəli olacaqdır ki, onun əlində müəyyən qədər sərbəst pul vəsaiti
qalacaqdır.
– Vaxtı çatmamış borcların könüllü ödənilməsi prosesi dövlətin gəlirlərinin
artıqlığı vəziyyətlərində həyata keçirilir. Əlbəttə ki, bu təqdirdə dövlətin əvvəlki
borclar üzrə ödəniş vaxtı keçmiş borc öhdəliklərinin olmaması zəruri şərtdir. Eyni
zamanda dövlət vaxtı çatmamış borclarını könüllü ödədiyi zaman kapital bazarında
öz kredit reytinqini də artırmış olur. Dövlət könüllü ödəniş formasını ağır şərtlərlə
səciyyələnən borc vəsaiti cəlb etdiyi zamanlarda da həyata keçirir. Belə ki, bu
vəziyyətdən dövlət əlavə yüngül şərtlərlə borc vəsaiti cəlb etmə nəticəsində bu
borcları əvəzləyir. Könüllü ödənilmə prosesində dövlət qiymətli kağızlar üzrə dövlət
borclarını ödənilməsi vaxtı çatmamış qiymətli kağızların dövlət tərəfində birjadan
satın alınaraq, məhv edilməsi ilə həyata keçirilir. Bunun əsasən dövlət qiymətli
kağızları üzrə qiymətlərin aşağı düşdüyü vaxtlarda dövlət tərəfindən həyata
keçirilməsi müşahidə edilir və bu daha məqsədəuyğundur. Dövlət qiymətli kağızlar
üzrə könüllü ödənişi həyata keçirdiyi zaman, vaxtı çatmamış faiz ödəmələrinə də son
qoymuş olur. Birbaşa kredit münasibətlərində isə çox vaxtlarda belə hal müşahidə
edilmədiyindən borclu tərəf könüllü ödənişi həyata keçirməkdən imtina etmək
məcburiyyətində qalır. Çünki, bu məbləği əvvəlcədən ödədikdə borc alan subyekt,
həmin məbləği perspektivli sahəyə investisiya kimi yönəltməkdən az xeyir götürmüş
olur.
Dövlət kredit münasibətlərinə girərək öz ehtiyaclarını ödəmək baxımından
maliyyə vəsaitləri əldə edir. Bu vəsaitləri lazımı şəkildə yerləşdirdikdən sonra,
ödənişin müddəti çatdıqda bunları ödəməyə məcbur olur. Dünya praktikasında dövlət
borclarının ödənilməsi mənbəyi kimi aşağıdakılar çıxış edir:
– Dövlət büdcəsi hesabına dövlət borclarının ödənilməsi dövlət büdcəsinin
xərclərində öz əksini tapır. Belə ki, «Büdcə sistemi haqqında» qanun layihəsinin 25-
ci maddəsinin III bəndinə əsasən, büdcə ili ərzində alınan dövlət borcunun məbləği,
onun istifadəsi, dövlət borcuna xidmət göstərilməsi ilə bağlı xərclər dövlət
büdcəsində əks etdirilir. Eyni zamanda həmin maddənin IV bəndində göstərildiyi
kimi, büdcə gəlirlərinin həcmindən və ayırmaların səviyyəsindən asılı olmayaraq
dövlət borcu üzrə xidmətlər (əsas borc, faiz) tam və vaxtında həyata keçirilməlidir.
Faizlər və borclar kredit müqaviləsinə, yaxud dövlət qiymətli kağızlarının şərtlərinə
əsasən vaxtında ödənilməlidir. Dövlət büdcəsindən ödənilmənin özünə məxsus
üstünlükləri vardır. Əgər dövlət büdcə hesabına dövlət borcunu ödəyirsə, bu zaman o
əlverişli olmayan maliyyə mənbələrindən istifadənin qarşısını alır. Eyni zamanda
dövlət büdcəsindən ödənişlə hissə-hissə həyata keçirilir ki, bu da borca xidmət yükü
baxımından əlverişli hesab edilir.
–
Yönəldiyi mənbə hesabına dövlət borclarının ödənilməsi iqtisadi
baxımdan ən əlverişli hesab edilir. Belə ki, bu zaman heç bir əlavə maliyyə
mənbələrinin axtarılması məcburiyyəti yaranmır, həm də digər məcburi xərclərdən
dövlət azad edilir. Dövlət borclarının yönəldiyi mənbə hesabına ödənilməsi ilk
növbədə uğurlu və səmərəli şəkildə hazırlanmış dövlət borcu planlaşdırılmasından,
daha sonra onun həmin plana əsasən məqsədyönlü şəkildə idarə edilməsi ilə (nə
dərəcədə istifadə edilməsi) xarakterizə olunur. Çünki, borcların qaytarılması
bilavasitə səmərəli istifadə edilməsi ilə bağlıdır. Səmərəli istifadənin yüksək
göstəricisi isə onun yönəldiyi mənbə hesabına vaxtında lazımı öhdəliklərin yerinə
yetirilməsi deməkdir. Yönəldiyi mənbə hesabına dövlət borclarının ödənilməsi daha
çox investisiya layihələrinin maliyyələşdirilməsi və büdcə ehtiyaclarının ödənilməsi
məqsədi ilə səfərbər edilən dövlət borcu münasibətləri zamanı müşahidə edilir.
–
Dövlət borclarının infilyasiya vasitəsi ilə ödənilməsi də danılmaz bir
faktdır. Biz bilirik ki, infilyasiya əhalinin alıcılıq qabiliyyətinin aşağı düşməsi, eyni
zamanda milli pul vahidinin dəyər itirməsi ilə xarakterizə edilir. Lakin milli pul
vahidi dəyər itirdiyi zaman dövlət timsalında onun Maliyyə Nazirliyi bu vəziyyətdən
istifadə edərək dövlət borclarına xidmət baxımından xeyli gəlir əldə edir. Belə ki,
belə olduğu təqdirdə (infilyasiya) dövlət daxili bazarda qiymətli kağızların milli pul
Dostları ilə paylaş: |