63
olması idi. Bunun qarşısını almaq üçün 1983-cü ildə bəzi kotirovka şərtləri
yüngülləşdirilmişdir. Hal-hazırda Yaponiyanın 2-ci dərəcəli fond bazarlarında
kotirovka şərtləri ilə ABŞ-dakılar demək olar ki, eynidir. Yalnız bir fərq var ki,
Yaponiyada səhmlərini satmaq istəyən şirkətlərin mənfəətli olması şərti var.
Çin. Çində vençur maliyyələşdirmənin əsası 1980-ci illərin ortalarında
qoyulmuşdur. Hökumət elə fikirləşirdi ki, bu qərar yerli yüksək texnologiyalar
sahəsinin inkişafına şərait yaradacaq. Ancaq vençur şirkətlərin və dövlətin bu
sahədə təcrübəsizliyi və informasiya azlığı müsbət nəticələrin alınmasını
əngəlləyirdi.
Bununla belə, özəl sektorun və dövlətin bu istiqamətdə davamlı dəstəyi
nəticəsində, 1999-2000-ci illərdə Çində vençur fondların fəaliyyətinin sürətlə
inkişafına nail olunmuşdur. Artıq 2000-ci ildə təxminən 120 vençur şirkət var idi
və Pekin, Şanxay və Şenjen şəhərləri vençur maliyyələşdirmənin mərkəzlərinə
çevrilmişdilər. Hal-hazırda dünyada vençur kapitalın həcminə görə Çin ABŞ-dan
sonra 2-ci yerdə durur.
ġəkil 2.5.
Çində 2006-2015-ci illər ərzində vençur kapitalın həcmi (mlrd. dollar)
Mənbə: AVCJ and PwC Analysis
2,5
3,9
5
2,8
6,1
6,5
5
4,8
15,5
48,8
2006
2007
2008
2009
2010
2011
2012
2013
2014
2015
64
Çin şirkətlərinin vençur maliyyələşdirilməsində xarici kapitalistlərin böyük
rolu vardır. Ancaq bu kapitalistlər Çində müəyyən fərqliliklərlə qarşılaşırlar. Bu
fərqlilikləri aşağıdakı kimi qruplaşdıra bilərik:
-
Tənzimləmə sistemi və kapital bazarının strukturu. ABŞ-da və digər qərb
ölkələrində kapital bazarının strukturunda fond bazarları əhəmiyyətli yerə sahib
olduqları halda, Çində kapital bazarının əsasını banklar təşkil edir. Çin bankları
yerli şirkətlərin səhmlərinin çox hissəsinə sahibdirlər və idarə heyətində təmsil
olunurlar. İqtisadiyyatın tənzimlənməsi sistemi bankları vençur investisiya
istiqamətində həvəsləndirir və fond bazarlarına çox az dəstək olur.
-
Çin mədəniyyəti. Bir xarici ölkədə iş qurmaq istəyirsənsə, əvvəlcə o ölkənin
mədəniyyəti ilə tanış olmalısan. Çin öz mədəniyyəti digər ölkələrəndən fərqlənir.
Çindəki vençur kapitalistlər şəxslərarası münasibətlərə qazanılcaq gəlirlərdən daha
çox üstünlük verirlər. Belə ki, ABŞ-da vençur kapitalistlər maliyyələşdirdikləri
şirkətlərin yalnız CEO-su ilə əlaqə qurduğu halda, Çində vençur kapitalistlər
şirkətin həm CEO-su, həm də digər aşağı və yuxarı səviyyəli menecerləri ilə sıx
münasibətlər yaradırlar.
-
Maliyyələşdiriləcək şirkətlərin seçilməsi. Qərb ölkələrində kapital
qoyulacaq şirkətlərin seçilməsində biznes-planın qiymətləndirilməsi əsas rol
oynadığı halda, Çindəki vençur kapitalistlər üçün bu istiqamətdə biznes-plandan
əlavə şirkətin ilkin görünüşü, maliyyə və mühasibat hesabatları, tələb olunan
çalışqanlıq, sahibkarın indiyənə kimi olan fəaliyyəti və s. kimi göstəricilərin
dəyərləndirilməsi daha vacibdir.
-
Təcridetmə. Çin şirkətləri yerli vençur kapitalistlərin dəstəyindən daha çox
istifadə edirlər. Xarici vençur investorların maliyyələşdirməsindən istifadə etdikləri
zaman, onlarla soyuq, skeptik və daha təmkinli davranırlar ki, bu da xarici
investorlarla yerli sahibkarlar arasında kooperativliyin azalmasına səbəb olur.
-
Kapital mənbələrinin azlığı. Çində fəaliyyət göstərən vençur kapitalın əsas
hissəsini dövlət verir. Təkcə onu qeyd etmək lazımdır ki, Çin Vençur Kapital
İnstitutunun araşdırmalarına görə 2003-cü ildə Çindəki bütün vençur
65
maliyyələşdirmənin 48%-i dövlət kapitalı hesabına həyata keçirilmişdir. Digər qər
ölkələrindən fərqli olaraq, burada sığorta və sosial müdafiə fondlarının vençur
investisiyalara cəlb edilməsinə icazə verilmir. Bunun nəticəsidir ki, Çin firmaları
start-up kapitalın tapılmasında çətinliklərlə qarşılaşırlar.
-
İntellektual mülkiyyət hüquqlarının zəif qorunması. Vençur kapitalistlərin
Çində vençur fəaliyyətlə məşğul olmasında ciddi problem yaradacaq nüanslardan
biri də, burada intellektual mülkiyyət hüquqlarının qorunması sahəsində olan
boşluqlardır. Çin hökumətinin bu istiqamətdə gördüyü işlər, qəbul etdiyi qanunlar
da intellektual mükiyyətin qorunmasında elə də uğurlu nəticələr verməmişdir. (29,
səh. 713-714)
İllər keçdikcə, Çin hökuməti vençur kapital sahəsində bir sıra qanunlar,
tənzimləmələr həyata keçirdi. Bu tənzimləmələrdən biri də vençur şirkətlərin son
mərhələdə kapitaldan çıxış əməliyyatlarını həyata keçirmək üçün lazım olan
kapital bazarlarının yaradılması idi. Bunun üçün 2009-cu ildə Çində, eynilə,
NASDAQ-ın funksiyalarını daşıyan ChiNext birjası yaradılmışdır. ChiNext birjası
fond bazarlarında kotirovka şərtlərini ödəyə bilməyən şirkətlər üçün səhm
satışlarını həyata keçirə biləcəyi kapital bazarı funksiyasını daşıyır. Fəaliyyətə
başladığı ilk ilindəcə, bu birjada yüksək gəlirliliyə malik (ortalama qoyulan
kapitalın 66 misli) 100-dən artıq şirkət öz səhmlərini satışa çıxarmışdır. (37, səh.2)
2001-ci ildə Çin hökumətinin xarici investorların yerli valyuta ilə vençur
fəaliyyətini dəstəkləyən qanunu qəbul etməsi bu istiqamətdə mühüm irəliləyişlərə
nail olmağa imkan yaratdı. Əlavə olaraq, hökumətin vençur fondlar üçün lazım
olan minimum həddin 100 mln. dollardan 10 mln. dollara endirməsi xarici
investorların Çin vençur kapital bazarında iştirakına böyük stimul yaratdı. (38,
səh.47)