72
Ölkədə investisiya fəaliyyətini stimullaşdırılması istiqamətində atılan
addımlardan biri də Azərbaycan İnvestisiya Şirkəti (AİŞ), Azərbaycan İxracın və
İnvestisiyaların Təşviqi Fondu (AZPROMO) kimi qurumların yaradılması
olmuşdur.
Nizamnamə kapitalı Dövlət Neft Fondu vəsaitləri hesabına formalaşan
Azərbaycan İnvestisiya Şirkəti Açıq Səhmdar Cəmiyyəti 2006-cı ilin martından
etibarən ayrı-ayrı layihələrə investisiyalar qoymağa başlayıb. Bu, faktiki olaraq
ölkədə neft gəlirlərindən istifadənin yeni mexanizminin tətbiqinə başlanması
deməkdir. Çünki Prezidentin 30 mart 2006-ci il şirkətin yaradılmasına dair verdiyi
sərəncama əsasən, AİŞ bilavasitə Azərbaycanda “Neft və qaz gəlirlərinin idarə
olunması üzrə uzunmüddətli strategiya”ya uyğun olaraq iqtisadiyyatın qeyri-neft
sahələrinin inkişafına, bu sahələrdə mövcud müəssisələrin maddi və texnoloji
bazasının yeniləşdirilməsinə investisiya qoyuluşunun təşviqi məqsədi ilə yaradılıb.
Şirkətin investisiya fəaliyyətinin məqsədini, əsasən, ölkə iqtisadiyyatının qeyri-neft
sahələrində fəaliyyət göstərən səhmdar cəmiyyətlərinin və digər kommersiya
təşkilatlarının nizamnamə kapitalındakı iştirak payını, o cümlədən, səhmlərini
almaqla müddətli investisiya qoyuluşunun həyata keçirilməsi təşkil edir. (43)
Azərbaycan İxracın və İnvestisiyaların Təşviqi Fondu (AZPROMO) 2003-cü
ildə yerli istehsalın inkişafı ilə ölkənin ixrac qabiliyyətinin artırılması və
investisiyaların cəlb edilməsini həvəsləndirmək məqsədilə yaradılmışdır. Fond
investorlar, yerli istehsalçılar və hökumət arasında körpü rolunu oynamaqla dövlət-
özəl sektor dialoqunda əhəmiyyətli işlər görür. AZPROMO xarici investorlara öz
investisiya layihələrini həyata keçirmək üçün sahələrin müəyyənləşdirilməsində,
yerli bürokratiya ilə mübarizə aparmaqda və onların Azərbaycana gəlməsini
asanlaşdırmaqda yardım edir. Yerli müəssisələr də AZPROMO-nun məsləhət
xidmətləri və xarici bazar tədqiqatlarından faydalanırlar. (44)
Azərbaycanda
texnologiyaların transferi də inkişaf etdirilməlidir.
Texnologiyaların transfer mexanizmi dedikdə, dövlət sektorunda işlənib
hazırlanmış texnologiyaların sahibkarlıq sektoruna verilməsi nəzərdə tutulur. Belə
bir mexanizmin vacibliyi onunla əlaqədardır ki, çoxlu kəşflər və vacib texniki
73
qərarlar
dövlət
elmi-tədqiqat
institutlarında
alınır.
Lakin,
onların
kommersiyalaşdırılması üçün əlavə xərclərə ehtiyac duylur. Həmin xərclər öz
həcminə görə tədqiqat mərhələsində həyata keçirilmiş qoyuluşları xeyli ötüb keçir.
Belə ki, dövlət innovasiya tətbiqi bazasının maliyyələşdirilməsi üçün kifayət qədər
vəsaitlərə malik olmurlar. Onda həmin innovasiya tədqiqatlarının istehsalda
istifadə imkanlarının sahibkarlıq strukturlarına verilməsi məqsədəuyğun hesab
edilir.
Respublikada “beyin axını”nın olması, kommersiyalaşmış texnologiyalar
bazarının inkişaf etməməsi, texnologiyalara tələbin olmaması elmi-texniki
potensialın azalmasına gətirir çıxarır ki, bu da vençur biznesin mövcudluğu şərtinə
ziddir. Elmi-texniki potensialı inkişaf etdirmək, müəssisələrin innovasiya
aktivliyini artırmaq lazımdır. Bunun üçün həvəsləndirmə tədbirləri görülməlidir.
İnnovasiya aktiv şirkətlərinin stimullaşdırılması üzrə qanunçuluq inkişaf
etdirilməlidir. Rəqabətədavamlı texnologiyaların tətbiqi mexanizmi Azərbaycanda
yerli kapitalın dəstəklənməsidir. Belə ki, Azərbaycanda yüksək ixtisaslı menecerlər
var. Xarici şirkətlərdə yerli menecerlərin işləməsi buna sübutdur. Yerli investorlar
öz menecerlərimizə inanmalı, onların potensialından geniş istifadə etməyə
başlamalıdırlar.
Vençur biznesinin üçüncü əsas şərtlərindən biri də milli kapitaldır. Əgər
Azərbaycan biznesi deyilirsə, onda yerli kapital da var. Bu gün iqtisadiyyatımıza
investisiyalar cəlb edilməlidir. Müasir texnologiyalara vençur cəlb edilməsi üçün
imkanlar genişdir. Lakin bir çox inkişafda olan ölkələrin milli biznesləri qarşısında
duran problemlər Azərbaycanda da mövcuddur:
- Azərbaycanda vençur kapitalın xüsusi fəaliyyətini tənzimləyən normativ-
hüquqi baza yoxdur. Ona görə də vençur biznesi inkişaf etmiş ölkələrdə olduğu
kimi, bu mexanizmlərdə dövlət dəstəklənməsi tədbirləri nəzərə alınmayıb;
- Azərbaycanda qiymətli kağızlar bazarının inkişaf etməməsi;
- siyasi sabitliyin olmaması;
- milli innovasiya sisteminin formalaşma mərhələsində olması;
74
- Vençur kapitalının çıxışının müxtəlif strategiyası proseduru işlənməyib. Bu
da vençur biznesinin səmərəliliyinə maneçilik törədir. Ona görə də fond bazarının
aktivləşməsi və bu prosesin dəstəklənməsi çox vacibdir. Bu, kapitalın
yaradılmasını və texnologiyanın mükəmməlləşməsini təmin edir, maliyyə riskinin
səviyyəsinin azalmasına səbəb olur və vençur biznesinin investorlar tərəfindən
cəlbediciliyini artırır.
3.2. Azərbaycanda vençur fondların
fəaliyyətinin yüksəldilməsi
perspektivləri.
Müasir dövrdə dünyada postindustrial cəmiyyətdən informasiya cəmiyyətinə
keçid şəraitində qloballaşan iqtisadiyyatın hər şeydən öncə innovasiya iqtisadiyyatı
kimi xarakterizə edilməsi fikrinə sövq edir. Burada əsas sferalar istehsalın
səmərəliliyinin yüksəldilməsini stimullaşdıran, bazarda rəqabət üstünlüklərinin
əldə edilməsinə şərait yaradan, əmtəələrin və xidmətlərin keyfiyyət
xüsusiyyətlərinin
təkmilləşdirilməsinə
xidmət
edən
yeni
informasiya
kommunikasiya texnologiyalarının tətbiqidir. Qeyd etdiyimiz bu prosesdə əsas rol
dövlət tənzimlənməsinə və
müəssisələrin innovasiyon
təşəbbüslərinin
dəstəklənməsinə məxsusdur. Sözügedən tənzimlənmənin istiqamətləri çox
cəhətlidir və müvafiq olaraq, təhsil sahəsindən vençur biznesi sferasına qədər
institusional islahatların həyata keçirilməsi tələb olunur. Yeni texnologiyaların
inkişaf etdirilməsi ilə cəmiyyətin iqtisadi həyatında prinsipial dəyişikliklərin baş
verməsi labüddür.
Bu gün Azərbaycanda vençur fondlarının yaradılması və onların
fəaliyyətlərinin xüsusiyyətləri innovasiya iqtisadiyyatının formalaşmasında böyük
rolu ola bilər. Vençur fondlarının inkişaf etməsi üçün birinci şərt ─ investisiya
mənbələrinə çıxışın əldə olunmasıdır. Bu gün qüvvədə olan qanunvericiliyə əsasən
nə fiziki şəxslər, nə də ki institusional investorlar (investisiya fondları) vençur