94
Azərbaycan məişətində ənənəvi xalça məmulatlarından (məfrəş, xurcun, heybə, qaşlıq, çul, yəhərüstü,
çuval, duzqabı, xaral, örkən, yolama, qaşıqqabı, çömçədan, ləmiqabağı, corab) geniş istifadə olunurdu.
Ayrı-ayrı əyalətlərin xalçaçıları özlərinə məxsus kompozisiya, müxtəlif spesifik naxışlar əlavə etməklə
sumaxları fərqləndirmişlər.
Sadə xovsuz xalça toxunuşundan ağır xovlu xalça toxunuşuna keçilməsinin başlıca səbəbi iqlim şəraiti ilə
əlaqədar olmuşdur. Bununla belə bədiilik hissi, gözəllik duyğuları, insanın
həyatda, yaratdığı hər bir əşyada əbədiliyi görmək istəyi xalq ustalarını
naxışların zərif nüanslarını verməyə imkan yaradan, təbiətin zəngin boyalarını,
rəng çalarlarını canlandırmağa qadir olan, əşyaya davamlılıq keyfiyyəti gətirən
toxunuş üslubu axtarıb tapmağa məcbur etmişdir. Müəyyən tətbiq sahəsi olan
müxtəlif xalçalar da belə toxunmuşdur. Bunlardan "Xalça", "Gəbə", "Dəst xalı
(xalı-gəbə)", "Puştu", "Namazlıq" kimi döşəmə və divar xalçalarını və
müxtəlif məişət təyinatlı xalça növlərini fərqləndirmək olar. Sonunculardan
pərdə, taxtüstü (yataq örtüyü) və s. kimi istifadə olunan xalçalar qeyd oluna
bilər.
Xalça - orta ölçülü, uzunluğu, adətən, 2-2,5 m, eni isə 1-1,5 m olur.
Azərbaycanın, demək olar ki, bütün xalçaçılıq mərkəzlərində toxunmuşdur.
Gəbə böyük ölçülü, hündür xovlu, qalın, uzunsov xalçadır. Uzunluğu,
adətən, 2,5-3,5 m, eni isə 1,5-2,5 m olur. Muğan, Qarabağ, Gəncə, Qazax,
Göyçə və s. bölgələrdə toxunur.
Puştu (90x90 sm) kiçik ölçülü xovlu divar xalçasıdır. Azərbaycanın
bütün xalçaçılıq mərkəzlərində toxunan puştular divara vurulur və yerdə
oturub divara söykənən adamın kürəyini soyuqdan və rütubətdən qoruyur.
Namazlıq dini ayinlə əlaqədar meydana gəlmiş ibadət xalçası olub,
üstündə namaz qılmaq üçün istifadə edilmişdir (100x150 sm). "Mehrablı", "Tağı", "Canamaz", "Səccadə" və s.
adlarla da yayılmışdır. Namazlıqlar, adətən, bir adamın, bəzi hallarda isə 2-3 və daha çox adamın eyni vaxtda
ibadət etməsi məqsədilə toxunurdu. Namazlığın kompozisiyasının əsasını mehrab - kiçik tağ qurşağı yaradır,
bununla yanaşı kompozisiyaya Qurandan ayələr daxil edilir. Namazlıqların ilk nümunələri XVI əsrdə Təbrizdə
toxunmuş və sonradan bütün müsəlman aləminə yayılmışdır.
Dəst xalı (xalı-gəbə) böyük otaqlarda döşəməni örtmək üçün nəzərdə tutulmuş xüsusi xalça dəstidir. Dəst
üç, dörd, yaxud beş xalçadan ibarət olur: mərkəzi xalı (150x600 sm), iki
yan gəbə (100x600 sm), başlıq xalça (100x350 sm) və ayaq-altı
(100x350 sm). Bu xalçaların naxışları eyni olur, yalnız ölçülərinə görə
bir-birindən fərqlənir.
Azərbaycanda xalçaçılığın çoxəsrlik inkişafı ərzində Quba,
Şirvan, Bakı, Gəncə, Qazax, Borçalı, Göyçə, Qarabağ, Şuşa, Cəbrayıl,
Naxçıvan, Zəngəzur, Təbriz, Ərdəbil, Zəncan, Xalxal, Urmiya,
Qaradağ, Mərənd, Marağa kimi sabit xalçaçılıq mərkəzləri
formalaşmışdır. Bu mərkəzlərin inkişafı bir sıra təbii-coğrafi, tarixi,
iqtisadi amillərlə, xüsusən də xalçaçılığın əsas xammal bazası olan
qoyunçuluqla bağlıdır ki, bunlar da tarixən heyvandarlığın geniş
yayıldığı ərazilər olmuşdur.
Hər bir mərkəzin xalçaları özünəməxsus, fərdi, bədii və texniki
xüsusiyyətləri ilə seçilmiş və bunlar təsərrüfat, məişət və sosial
amillərlə müəyyənləşmişdir. Onların estetik əsasını isə daim bu
ərazilərdə təşəkkül tapmış qədim toxuculuq ənənələri təşkil etmişdir.
Xalça mərkəzlərinin xüsusiyyətləri və adları Azərbaycanın
məşhur xalça məktəblərinin elmi təsnifatının əsasını təşkil edir. Bu
məktəblər milli naxışların ümumi prinsiplərini, ənənəvi elementlərini
və xalça motivlərini saxlamaqla özünəməxsus kompozisiya, rəng
həllini, adları bəlli olmayan sənətkarların dəstxəttini xalçaçılıq
sənətinə gətirmişlər. Bu amillər isə Azərbaycan xalçasına orijinallıq və özünəməxsusluq verən rəng, ornament,
kompozisiya çoxvariantlılığını təmin edir.
Məzmun dərinliyi və forma rəngarəngliyi, təsvirin müstəvi həlli ideyası, ritmik cizgi rəsmi, gözəlliyi,
mərkəzi hissənin və haşiyənin ənənəvi ayrıntıları, ətraf mühit elementlərinin lakonik boyalarla, nəbati və
həndəsi formalarla ifadəsi Azərbaycan xalçalarının estetik prinsiplərinin əsasını təşkil edir.
Quba xalça məktəbinə Quba, Dəvəçi, Qonaqkənd və b. yerlərdə toxunan və Quba xalçaları kimi tanınan
xalçalar aiddir. Bu xalçalar 1 dm
2
-də 50x50 ilmə sıxlığı, dekor zərifliyi, kolorit incəliyi ilə səciyyələnir. Həndəsi
95
naxışlardan ibarət ornamentlər, əsasən, stilizə edilmiş bitki, bəzən isə heyvan motivləri üslubundadır.
Medalyonvarı kompozisiyalar geniş yayılmışdır. Quba xalçalarının ən parlaq kompozisiyaları "Qədim Minarə",
"Qımıl", "Pirəbədil", bölgə üçün səciyyəvi kompozisiyalar isə "Alpan", "Quba", "Hacıqayıb" və s.-dir. Burada
tək xalçalar, xalı-gəbə dəstləri və bir çox xovsuz xalçalar (sumaxlar, palazlar) və xalça məmulatları da istehsal
edilir.
Şirvan xalça məktəbinə Şamaxı, Mərəzə, Ağsu, Kürdəmir, Qazıməmməd və s. yerlərdə toxunan və
Şirvan xalçaları adlandırılan xalçalar aiddir. Bu xalçalar bədii naxış zənginliyi, 1 dm
2
-də 45x45-50x50 ilmə
sıxlığı, xüsusi parlaqlığı ilə fərqlənir. Bu məktəbin xalçaların ən məşhur kompozisiyaları aşağıdakılardır:
"Qobustan", "Şamaxı", "Şirvan", "Qəşəd", "Ərciman", "Cəmcəmli", "Qarxun", "Hacıqabul", "Qəbələ", "Salyan"
və s. Şirvan həmçinin özünün xovsuz xalçaları - palaz və kilimləri ilə,
qədim dövrlərdə isə sumaxları ilə məşhur olmuşdur. Paşalı və Udulu
kəndlərində toxunan xovsuz xalçalar dünya şöhrəti qazanmışdır.
Şirvan qədimdən həm də özünün müxtəlif xalça məmulatları - çuval,
xurcun, məfrəş, çul və s. ilə məşhur olmuşdur.
Orta əsr ərəb tarixçisi Əbu Cəfər Məhəmməd Təbəri (IX-X
əsrlər) öz əsərlərində göstərirdi ki, Azərbaycanının şimal -şərqində,
yəni Şirvanda çox yaxşı xalçalar toxunur. XII-XIII əsrlərdə Şirvanda
toxunmuş xalça nümunələri İstanbulda "Türk və İslam əsərləri"
muzeyində saxlanılır.
Bakı xalça məktəbinə Bakıda, Abşeron və Xızı bölgələrində
toxunan, Bakı xalçaları kimi tanınan xalçalar aiddir. Bu xalçalar daha
yumşaq olması, 1 dm
2
-də 40x40 ilmə sıxlığı, rəng intensivliyi, bədii
orijinallığı və naxış incəliyi ilə seçilir. Bakı xalçalarının səciyyəvi
cəhətini son dərəcə stilizə edilmiş bitki elementləri olan həndəsi
motivli medalyonlar və simmetrik kompozisiyalar təşkil edir. Burada
"Bakı", "Suraxanı", "Göradil", "Fındığan", "Xilə-Əfşan", "Xilə-Buta",
"Abşeron" kompozisiyaları daha geniş yayılmışdır.
Gəncə xalça məktəbinə Gəncə, Gədəbəy, Qasım İsmayılov
(Goranboy) və s. yerlərdə toxunan və Gəncə xalçaları adlandırılan
xalçalar aiddir. Bu xalçalar 1 dm
2
-də 25x25-40x40 ilmə sıxlığı,
qırmızı, göy, sarı rənglərin üstünlüyü, həndəsi motivlərin çoxluğu ilə
səciyyələnir. Onların arasında "Gəncə", "Köhnə Gəncə",
"Gədəbəy", "Çıraqlı", "Samux", "Çaylı", "Şadlı", "Faxralı"
kompozisiyaları seçilir. Orta əsrlərdə, xüsusən X-XI əsrlərdə
Gəncədə toxunmuş ipək xalçalar böyük şöhrət qazanmış və geniş
yayılmışdı.
Qazax xalça məktəbinə Qazaxda, Borçalıda, Göyçədə
toxunan və Qazax xalçaları, Borçalı xalçaları, Göyçə xalçaları
kimi tanınan xalçalar aid edilir. Bu xalçalar 1 dm
2
-də 25x25-
40x40 ilmə sıxlığı, orta ölçülü olması, möhkəm, qalın toxunması,
rənglərinin intensivliyi, ornamentlərini, əsasən, iri ölçülü həndəsi
elementlərin təşkil etməsi və s. ilə xarakterizə olunur.
Qazax xalçaları arasında ən geniş yayılanları "Şıxlı",
"Dəmirçilər", "Öysüzlü", "Borçalı", "Qazax", "Qaraçöp",
"Qarayazı", "Salahlı", "Qaçağan", "Kəmərli", "Qaraqoyunlu",
"Qaymaqlı", "Göyçəli" kompozisiyalarıdır.
Borçalı xalçalarına "Borçalı", "Çobankərə", "Fərəhli",
"Qurbağalı",
"Qurbağaoğlu",
"Qarayazı",
"Qaraçöp",
"Zeyvənişan", "Ziynətnişan" və s. kompozisiyalı xalçalar aiddir.
Göyçə xalçalarına "Burma buynuz", "Düyməniçək",
"Qaraqoyunlu", "Sinigöllü" kimi kompozisiyalar aiddir. Bu
xalçaları xarakterizə edən əsas bədii-texniki cəhətlər ilmə
sıxlığının aşağı, xovunun hündür olmasıdır.
Qarabağ xalça məktəbinə Qarabağ xalçaları, Şuşa
xalçaları, Cəbrayıl xalçaları, Naxçıvan xalçaları, Zəngəzur xalçaları kimi tanınan xalçalar aiddir. Bu xalçalar 1
dm
2
-də 30x30-40x40 ilmə sıxlığı, kompozisiyaların müxtəlifliyi, rənglərinin əlvanlığı, ornamentlərinin əsasən
nəbati motivli olması, əksərinin dəst halda toxunması və s. ilə xarakterizə olunur.
Dostları ilə paylaş: |