ALLAHIN XƏLQ ETDİKLƏRİNDƏN BİR ŞEY
XAHİŞ ETMƏK ÜÇÜN ALLAHDAN VASİTƏÇİ
KİMİ İSTİFADƏ ETMƏYİN QADAĞAN
OLMASI HAQQINDA FƏSİL
übeyr ibn Müt’imin (Allah ondan razı olsun!)
belə dediyi rəvayət olunur: “Bir bədəvi Pey‐
ğəmbərin (s.s) yanına gəlib dedi: – Susuzluqdan zəiflə‐
yib taqətdən düşmüşük, arvad‐uşağımız acından ölür,
mal‐qaramız həlak olub, öz Rəbbindən xahiş et ki, bizə
yağış yağdırsın. Biz səndən bir şey xahiş etmək üçün
şəfaət (vasitəçilik) etməyi Allahdan xahiş edirik,
Allahdan bir şey istəmək üçün isə şəfaət etməyi səndən
xahiş edirik. Peyğəmbər (s.s) bunu eşidib: – Sübhan‐
allah! Sübhanallah! – deməyə başladı. O, Allahın adını
o qədər zikr etdi ki, əshabələrin üzündə təəccüb əla‐
məti göründü, sonra əlavə etdi: – Ay yazıq, heç bilirsən
Allah nə olan şeydir? Allahın şan‐şövkəti sənin bildi‐
yindən çox‐çox böyükdür; heç kəsdən xahiş etmək
üçün Allahın vasitəçilik etməsi istənilə bilməz”. Bu
hədisi Əbu Davudun rəvayət etdiyi qeyd olunur.
C
Bu fəsildə aşağıdakı məsələlər əhatə olunmuşdur:
1. Peyğəmbərin (s.s) “Biz səndən bir şey xahiş etmək
üçün vasitəçilik etməyi Allahdan xahiş edirik” deyən‐
ləri inkar etməsi;
2. Bu kəlmənin Peyğəmbərin (s.s) qəlbində əmələ
gətirdiyi dəyişikliyin (həyəcanın – Ə.Ə.) onun əshabə‐
lərinin üzlərindən bilinməsi;
= 123 =
3. Peyğəmbərin (s.s) həmin bədəvinin “Allahdan bir
şey istəmək üçün isə şəfaət etməyi səndən xahiş edirik”
sözünü inkar etməməsi;
4. “Sübhanallah” ifadəsinin burada təəccüb, həyə‐
can bildirmək üçün istifadə olunması;
5. Müsəlmanlarda yağış yağdırmaq üçün Allaha və
Onun Peyğəmbərinə (s.s) müraciət etmək adətinin
olması.
PEYĞƏMBƏRİN (s.s) TÖVHİDİN
TOXUNULMAZLIĞININ KEŞİYİNDƏ
DURMASI VƏ ŞİRKİN YOLLARINI
BAĞLAMASI HAQQINDA FƏSİL
bdulla ibn Şixxirin (Allah ondan razı olsun!)
belə dediyi rəvayət olunur: “Bir dəfə Bəni
Amir qəbiləsinin nümayəndəliyinin tərkibində Rəsu‐
lullahın (s.s) yanına gəlmişdim. Biz ona: “Ey bizim
ağamız (mətndə: seyid – Ə.Ə.)!” – deyə müraciət
edəndə o buna e’tiraz edib dedi: “Seyid Allah‐təbarəkə
və təalanın Özüdür!” Onda biz sözümüzü dəyişib
dedik: “Ey adamların ən fəzilətlisi və qüdrətlisi!”
Peyğəmbər yenə də e’tirazını bildirdi və dedi: “Şeytan
sizi özündən vəkil etməsin (yə’ni mənə şeytanın sizə
öyrətdiyi sözlərlə müraciət etməyin – Ə.Ə.)”. Bu hədisi
Əbu Davud (4806) ə’la bir isnadla rəvayət etmişdir.
A
Ənəsdən (Allah ondan razı olsun!) rəvayət olunur
ki, adamlar Peyğəmbərə: “Ya Rəsulullah, ey adamların
ən yaxşısı və ən yaxşısının oğlu, bizim seyidimiz və
seyidimizin oğlu!” – deyə müraciət edəndə o deyərdi:
= 124 =
“Məni özünüz bildiyiniz kimi çağırın, şeytan sizi
özündən vəkil etməsin! Mən Allahın qulu və Rəsulu
Məhəmmədəm. İstəmirəm ki, siz məni Qüdrət və Cəlal
sahibi Allahın layiq bildiyi yerdən (səviyyədən – Ə.Ə.)
yuxarı qaldırasınız”. Bu hədisi Nəsai ə’la bir isnadla
rəvayət etmişdir.
Bu fəsildə aşağıdakı məsələlər əhatə olunmuşdur:
1. Adamların həddindən artıq tə’rif yağdırmaqdan
çəkindirilməsi;
2. Bir adama “Ey bizim ağamız (seyidimiz – Ə.Ə.)” –
deyə müraciət edildikdə onun verməli olduğu cavab;
3. Adamların Peyğəmbəri (s.s) bu sözlərlə adlandır‐
maqda haqlı olduqlarına belə baxmayaraq, Peyğəm‐
bərin (s.s) onlara “Şeytan sizi özündən vəkil etməsin!”
deməsi;
4. Peyğəmbərin “Mən istəmirəm ki, siz məni...
yerimdən yuxarı qaldırasınız” deməsi.
ƏZ‐ZÜMƏR SURƏSİNİN 67‐Cİ AYƏSİNƏ
DAİR FƏSİL
“Onlar Allahı qədərincə qiymətləndirməmişlər.
Qiyamət günü Yer bütünlüklə Onun ovcuna sığacaq,
səmalar Onun sağ əli ilə bükülüb yığılacaq; O bütün
nöqsanlardan azad, müşriklərin Ona şərik qoşduqları
hər şeydən ucadır” (əz‐Zümər, 67).
İbn Məs’uddan (Allah ondan razı olsun!) rəvayət
olunur: “Bir dəfə kahinlərdən biri Rəsulullahın (s.s)
yanına gəlib deyir: “Ya Məhəmməd, bizdə belə deyirlər
ki, Allah (Qiyamət günü – Ə.Ə.) səmaları bir barmağı
= 125 =
= 126 =
ilə, suyu bir barmağı ilə, torpağı bir barmağı ilə, başqa
məxluqları bir barmağı ilə götürüb deyəcək: “Hökmdar
Mənəm!”. Peyğəmbər (s.s) bunu eşidəndə kahinin, axır
ki, bunu öz dili ilə deməsinə elə güldü ki, azı dişləri gö‐
ründü, sonra bu ayəni oxudu: “Onlar Allahı qədərincə
qiymətləndirməmişlər. Qiyamət günü Yer bütünlükdə
onun ovcuna sığacaq...” (əz‐Zümər, 67).
Bu haqda Müslimin rəvayət etdiyi bir hədisdə isə
deyilir: “Dağları və ağacları isə bir barmağı ilə götürüb
silkələyəcək və deyəcək: “Hökmdar Mənəm, Allah
Mənəm!”.
Buxarinin rəvayət etdiyi bir hədisdə isə bu belə
göstərilir: “Səmaları bir barmağı ilə, suyu və torpağı
bir barmağı ilə, digər məxluqları bir barmağı ilə
götürəcək...”
Bu hədis Buxarinin və Müslimin hədis kitablarında
var.
Müslimin İbn Ömərdən rəvayət etdiyi bir hədisdə
deyilir: “Qiyamət günü Allah səmaları qatlayıb yığa‐
caq, sonra onları sağ əlinə götürüb deyəcək: “Hökmdar
Mənəm! Özlərini qüdrətli sayan zalım hökmdarlar
haradadırlar? Təkəbbür edənlər haradadırlar?” Sonra
yeddi təbəqə yeri qatlayıb sol əlinə götürəcək və
deyəcək: “Hökmdar Mənəm! Özlərini qüdrətli sayan
zalım hökmdarlar haradadırlar? Təkəbbür edənlər
haradadırlar?”
İbn Abbasdan belə rəvayət olunmuşdur: “Yeddi qat
səma və yeddi qat yer Rəhmanın ovcunda, olsa‐olsa,
sizin birinizin əlinin içində xardal dənəsi görünən kimi
görünər” (“İsfahan tarixi”, 2/205).
= 127 =
İbn Cərir demişdir: “Yunis mənə danışmışdır ki, İbn
Vəhb bizə (Yunisə və başqalarına – Ə.Ə.) İbn Zeydin
belə dediyini xəbər vermişdir: “Atam mənə Rəsulul‐
lahın (s.s) belə dediyi haqqında hədis danışmışdır:
“Yeddi qat səma Kürsinin içərisində qalxanın içərisinə
atılmış yeddi dirhəmə bənzəyir”.
Əbuzər (Allah ondan razı olsun!) demişdir: “Mən
bir dəfə Rəsulullahdan (s.s) belə eşitmişəm: “Ərşdə
Kürsini axtarmaq bir nəfərin ucsuz‐bucaqsız səhrada
gözünü yumub arxasına atdığı bir dəmir halqanı axtar‐
masına (ot tayasında iynə axtarmağa – Ə.Ə.) bənzəyir”
(“Əl‐Bidayə və ən‐nihayə”, 1/13).
İbn Məs’udun belə dediyi rəvayət olunur: “Ən
yaxın səma ilə ondan üstdəki arasında beş yüz illik
məsafə var. Hər bir səma ilə özündən sonrakı səma
arasında da beş yüz illik məsafə var. Yeddinci səma ilə
Kürsi arasında beş yüz illik, Kürsi ilə su arasında beş
yüz illik məsafə var. Ərş suyun üstündədir, Allah isə
Ərşin üstündə; sizin əməllərinizdən heç biri ondan
gizli deyil”. Bu hədisi İbn Mehdi Həmmad ibn Səlmə‐
dən, Həmmad ibn Səlmə Asimdən, Asim Zirrdən, Zirr
Abdulladan nəql etmişlər (Tirmizi – 3320). Həmin bu
hədisi buna yaxın bir şəkildə Məs’ud Asimdən, Asim
Əbu Vaildən, Əbu Vail isə Abdulladan rəvayət etmiş‐
lər. Hafiz Zəhəbi (Allah‐təala ona rəhmət eləsin!) bu
hədis haqqında demişdir ki, onun müxtəlif variantları
var (“Əd‐Dürr əl‐mənsur”, 1/43).
Abbas ibn Əbdülmüttəlib (Allah ondan razı olsun!)
demişdir: “Bir dəfə Rəsulullah (s.s) bizdən soruşdu:
“Siz səma ilə yer arasında nə qədər məsafə olduğunu
bilirsinizmi? Biz cavab verdik: “Bunu Allah və Onun
= 128 =
Rəsulu hamıdan yaxşı bilirlər”. Belə olduqda o dedi:
“Onların arasında beş yüz illik piyada getməli məsafə
var; hər bir səma ilə o biri səmanın arası da beş yüz
illik məsafədir; hər bir səmanın qalınlığı da beş yüz
illik məsafədir; yeddinci səma ilə Ərş arasında bir
dəniz var, bu dənizin dibi ilə səthi arasındakı məsafə
səma ilə yer arasındakı məsafə qədərdir; Allah‐təala
bunların hamısından yuxarıdadır; Adəm övladının
əməllərindən heç nə ondan gizli deyil”. Bu hədisi Əbu
Davud və başqaları (Əhməd – 1/206) nəql etmişlər.
Bu fəsildə aşağıdakı məsələlər əhatə olunmuşdur:
1. Allah‐təalanın “Yer bütünlüklə Onun ovcuna
sığacaq...” kəlamının təfsiri;
2. Bu fəsildə haqqında söhbət gedən və onlara bən‐
zər biliklərin Peyğəmbərin (s.s) zamanında yaşayan
yəhudilərə mə’lum olması və o zaman yəhudilərin bu
bilikləri inkar etmədikləri və istədikləri kimi izah
etmədikləri;
3. Kahin Peyğəmbərin (s.s) yanında Allahın sifətlə‐
rini zikr edərkən bunu təsdiq edən Qur’an ayəsinin
nazil olması;
4. Kahin bu əzəmətli elmi öz dili ilə zikr edəndə
Peyğəmbərin (s.s) gülməsi;
5. Allahın iki əlinin olması və səmaların Onun sağ
əlində, yerlərin o biri əlində olmasının bildirilməsi;
6. O biri əlin sol əl adlandırılması;
7. Bu zaman özünü qüdrətli sayan zalım hökm‐
darların və təkəbbürlü adamların adlarının çəkilməsi;
8. Peyğəmbərin “Yeddi qat səma və yeddi qat yer
Rəhmanın ovcunda, olsa‐olsa, sizin birinizin əlinin
içində xardal dənəsi görünən kimi görünər” kəlamı;
= 129 =
9. Kürsinin səmaya nisbətən çox böyük olması;
10. Ərşin Kürsiyə nisbətən çox böyük olması;
11. Ərşin Kürsidən və sudan (dənizdən – Ə.Ə.) ayrı
bir şey olması;
12. Hər bir səmadan o birisinədək olan məsafə;
13. Yeddinci səma (səmanın yeddinci qatı – Ə.Ə.) ilə
Kürsi arasındaı məsafə;
14. Kürsi və su arasındakı məsafə;
15. Ərşin sudan yuxarıda olması;
16. Allahın Ərşdən yuxarıda olması;
17. Səma ilə Yer arasındakı məsafə;
18. Səmanın hər qatının beş yüz illik məsafə olması;
19. Səmaların üstündəki dənizin səthi ilə dibi ara‐
sında beş yüz illik məsafə olması.
Bütün nöqsanlardan azad olan Allah hər şeydən ucadır
və hər şeyi hamıdan yaxşı bilir. Aləmlərin ağası (rəbbi –
Ə.Ə.) Allaha həmd, bizim ağamız (seyidimiz – Ə.Ə.)
Məhəmmədə, onun ailəsinə və bütün əshabələrinə Allahın
salavatı (xeyir‐duası – Ə.Ə.) və salamı olsun!
KİTABIN İÇİNDƏKİLƏR
Ön söz ...........................................................................................3
Tövhid kitabı ................................................................................9
Tövhidin fəziləti və onun hansı günahları yuması
haqqında fəsli ....................................................................12
Tövhidi yerinə yetirənlərin Cənnətə haqq‐hesabsız
daxil olacaqları haqda fəsil ..............................................15
Şirkdən çəkinmək haqqında fəsil ............................................18
Başqalarını ʺLa ilahə illəllahʺ şəhadətinə dəʹvət etmək
haqqında fəsil ....................................................................19
Tövhidin və ʺLa ilahə illəllahʺ şəhadətinin təfsiri ................23
Bəlanın qarşısının alınması və ya uzaqlaşdırılması
üçün qolbağ taxmağın, ip bağlamağın və bunun
kimi başqa işlərin şirk olması haqqında fəsil ................25
Ovsun və tilsimə dair fəsil .......................................................27
Ağacdan, daşdan və bu kimi şeylərdən xeyir‐dua istə‐
yənlər haqqında fəsil ........................................................30
Allahdan qeyrisinin yolunda qurban kəsmək haq‐
qında fəsil ...........................................................................33
Allahdan qeyrisi üçün qurban kəsilən yerdə Allah
üçün qurban kəsməyin qadağan olunması haq‐
qında fəsil ..........................................................................35
Allahdan qeyrisinə nəzir deməyin şirk olması barədə
fəsil.......................................................................................36
Allahdan başqasına pənah aparmağın şirk olması ba‐
rədə fəsil .............................................................................37
Allahdan başqasını köməyə çağırmağın və ondan baş‐
qasına dua etməyin şirk olması barədə fəsil .................38
əl‐Ə’raf surəsinin 191‐192‐ci və Fatir surəsinin 13‐cü
ayələrinə dair fəsil ............................................................40
Səba surəsinin 23‐cü ayəsinə dair fəsil ...................................42
= 130 =
= 131 =
Şəfaət (vasitəçilik) haqqında fəsil ...........................................45
əl‐Qəsəs surəsinin 56‐cı ayəsinə dair fəsil...............................47
Bəni Adəmin (insanların) əməlisaleh adamlar barədə
ifrata varmasının onların kafirliyinə və dinlərini
tərk etmələrinə səbəb olması barədə fəsil .....................50
Nəinki bir əməlisaleh adamın qəbrinə, habelə onun
qəbri üstündə Allaha ibadət edənlərə ciddi xə‐
bərdarlıq fəsli ....................................................................53
Əməlisaleh adamların qəbirlərinə həddən artıq ehti‐
ram göstərilməsinin bu qəbirləri Allahdan qeyri
ibadət olunan bütlərə çevirməsi haqqında fəsil ...........56
Allahın seçmə Peyğəmbəri Məhəmmədin (s.s) tövhi‐
din şərəfini qoruması və şirkə aparan hər bir yolu
bağlaması haqqında fəsil .................................................58
Bu ümmətdən bə’zilərinin bütlərə ibadət etməsi haq‐
qında fəsil ..........................................................................59
Sehr haqqında fəsil ....................................................................63
Sehrin növlərindən bə’zilərinin bəyanı fəsli .........................65
Kahinlər və bu qəbildən olan adamlar haqqında fəsil .........67
Nüşrə (sehr‐cadunun açılması) haqqında fəsil .....................69
Tətəyyür (sınaq, işin nəhs gətirməsi) haqqında fəsil ............70
Astrologiya (ulduz falı) haqqında fəsil ..................................72
Ulduz bürclərindən yağmur diləyənlərə dair fəsil................73
əl‐Bəqərə surəsinin 165‐ci və ət‐Tövbə surəsinin 24‐cü
ayələrinə dair fəsil ............................................................75
Ali‐İmran surəsinin 175‐ci, ət‐Tövbə surəsinin 18‐ci və
əl‐Ənkəbut surəsinin 10‐cu ayələrinə dair fəsil ............78
əl‐Maidə surəsinin 23‐cü, əl‐Ənfal surəsinin 2‐ci və 64‐
cü, ət‐Təlaq surəsinin 3‐cü ayələrinə dair fəsil .............79
əl‐Ə’raf surəsinin 99‐cu və əl‐Hicr surəsinin 56‐cı ayə‐
lərinə dair fəsil ..................................................................80
Allahın qəza‐qədərinə səbr etməyin Allaha imandan
olması haqqında fəsil .......................................................81
Riyakarlıq haqqında fəsil .........................................................82
= 132 =
İnsanın öz əməli müqabilində dünya malını istəmə‐
sinin şirk olması haqqında fəsil ......................................84
Allahın halal buyurduğunu haram və haram buyur‐
duğunu halal bilməkdə alimlərə və hökmdarlara
itaət edənlərin həmin alimləri və hökmdarları
özlərinə tanrı etdikləri haqqında fəsil ............................85
ən‐Nisa surəsinin 60‐cı, əl‐Bəqərə surəsinin 11‐ci, əl‐
Ə’raf surəsinin 56‐cı və əl‐Maidə surəsinin 50‐ci
ayələrinə dair fəsil ............................................................87
Allahın adlarından və sifətlərindən hər hansı birini
inkar edənlər haqqında fəsil ............................................89
ən‐Nəhl surəsinin 83‐cü ayəsinə dair fəsil .............................90
əl‐Bəqərə surəsinin 22‐ci ayəsinə dair fəsil ............................91
Allaha and içməklə qane olmayan adamlar haqqında
fəsil.......................................................................................93
“Allah istəyən (deyən) və sən istəyən kimi olsun” ifa‐
dəsi haqqında fəsil ............................................................93
Zəmanəni söyən adamın Allaha əziyyət verməsi
barədə fəsil..........................................................................95
Adamlara “qazilər qazisi” və bu qəbildən olan adların
verilməsinə dair fəsil ........................................................96
Allah‐təalanın adlarına ehtiram göstərilməsi və bunun
xatirinə insanın öz adını dəyişdirməsinin vacib‐
liyi barədə fəsil ..................................................................97
Allahın, yaxud Qur’anın, Peyğəmbərin (s.s) adının
çəkildiyi bir şeyi lağa qoyanlar haqqında fəsil .............98
Füssilət surəsinin 50‐ci ayəsinə dair fəsil..............................100
əl‐Ə’raf surəsinin 190‐cı ayəsinə dair fəsil............................102
əl‐Ə’raf surəsinin 180‐ci ayəsinə dair fəsil ...........................104
Nə üçün “Allaha salam olsun!” deyilməməsi barədə
fəsil.....................................................................................105
“İlahi, istəyirsən, məni bağışla” ifadəsi haqqında fəsil ......106
“Mənim qulum”, “mənim kənizim” ifadələrinin işlə‐
dilməsinin qadağan olması haqqında fəsil .................106
= 133 =
Allahın adını tutub bir şey istəyənin rədd olunmaması
haqqında fəsil ..................................................................107
Allahın üzünə müraciətlə Cənnətdən başqa bir şeyin
istənməsinin qadağan olması haqqında fəsil ..............108
“Əgər” sözü haqqında fəsil ...................................................109
Küləyi söyməyin qadağan olmasına dair fəsil ....................110
Ali‐İmran surəsinin 154‐cü və əl‐Fəth surəsinin 6‐cı
ayələrinə dair fəsil ..........................................................111
Qədəri inkar edənlər haqqında fəsil .....................................113
Surət yaradanlar haqqında fəsil ............................................115
Çox and içməyin qadağan olması haqqında fəsil ...............117
Allahın və Onun Peyğəmbərinin (s.s) himayəsində
olmaq məsələsi haqqında fəsil ......................................119
Allah adından and içməyin nəticəsi haqqında fəsil ...........122
Allahın xəlq etdiklərindən bir şey xahiş etmək üçün
Allahdan vasitəçi kimi istifadə etməyin qadağan
olması haqqında fəsil ......................................................123
Peyğəmbərin (s.s) tövhidin toxunulmazlığının keşi‐
yində durması və şirkin yollarını bağlaması haq‐
qında fəsil .........................................................................124
əz‐Zümər surəsinin 67‐ci ayəsinə dair fəsil .........................125
Dostları ilə paylaş: |