Mehman Süleymanov
574
ləqəblər yazıldı - padşahın xüsusi lütfünə sahib olaraq almazlarla bəzə-
dilmiş xəncər, bıçağa və qılınca, şal libasa, layiq görülmüş” ( 101)
Mirzə Əbülhəsən xanın Rusiyaya elçi təyin edilməsi haqqında Fətəli
şahın xüsusi fərmanı vardır. Həmin fərmanda yuxarıdakı ləqəblər
sadalanmışdır. Əlavə olaraq Mirzə Əbülhəsən xanın almazlarla bəzədil-
miş at yarağı ilə mükafatlandırıldığı da bildirilmişdir. Çox güman ki,
Mirzə Əbülhəsən xanın Rusiya sarayına elçi təyin edilməsi Gülüstan
müqaviləsinin imzalanmasından əvvəl baş vermişdi və sonra şah
fərmanında olan ləqəblər və mükafatlar Gülüstan müqaviləsinin girişinə
də əlavə edilmişdi. Girişdə Mirzə Əbülhəsən xanın Türkiyə və İngiltərə
sarayında elçi olması da xatırlanmışdır. Bəzi farsdilli tarixi ədəbiyyatda
Mirzə Əbülhəsən xanın Rusiya və İngiltərə sarayında elçi olması göstə-
rilmişdir. Mətnin farsca variantında “Rum və İngiltərə” göstərilmişdir ki,
burada “Rum” Osmanlı Türkiyəsinə işarədir. Rusiyada isə Mirzə
Əbülhəsən xan Gülüstan müqaviləsinin imzalanmasından sonra elçi kimi
olmuşdur. Bütünlükdə isə, Mirzə Əbülhəsən xanın Gülüstan müqa-
viləsindən əvvəl İngiltərədə, sonra isə Rusiya və Fransada elçi olması
haqqında geniş məlumatlar vardır. Osmanlı Türkiyəsində isə ola bilsin ki,
qısa müddətli səfərdə olmuşdur və ona görə də tarixi ədəbiyyatda bu
səfərə xüsusi yer ayrılmamışdır.
Birinci maddə - Bu müqavilə ilə indiyə kimi Rusiya imperiyası ilə
İran dövləti arasında mövcud olmuş düşmənçiliyə və ədavətə son
qoyulur. Qoy əlahəzrət ümumrusiya hökmdarı ilə əlahəzrət İran şahı,
onların vəliəhdləri və taxt-tac varisləri və onların ali dövlətləri arasında
əbədi sülh, dostluq və möhkəm anlaşma olsun.
Müqavilənin ilk maddəsində müqavilənin bağlanması ilə tərəflərin
qarşısına qoyduğu məqsəd açıqlanır. Burada bildirilir ki, əvvəllər iki
dövlət arasında mövcud olmuş düşmənçiliyə və ədavətə son qoyulur.
Müqavilədə iki dövlət arasında möhkəm sülhün olması niyyəti ifadə
olunmuşdur. Bu niyyətlə bağlı bir daha yuxarıda söylənilən fikrə
qayıtmaq olar ki, tərəflər sülhə müxtəlif səviyyələrdən yanaşırdılar. Bu-
nunla belə, birinci maddə müqavilənin az maddələrindəndir ki, tərəflərin
xüsusi iradları ilə qarşılaşmadı və fikir ixtilafı olmadan qəbul edildi.
Bu maddədə diqqəti çəkən başqa bir məqam bir daha İran şahının və
onun varislərinin statusunun təsbit edilməsidir. Məlumdur ki, müqa-
vilənin imzalandığı vaxt ölkə şahı Fətəli şah idi və onun vəliəhdi və taxt-
tac varisi də Abbas Mirzə idi. Gülüstan müqaviləsi imzalanan kimi
Rusiya hələ də Fətəli şahı şah kimi və Abbas Mirzəni də onun vəliəhdi
kimi tanımamışdı. Gülüstan müqaviləsinin birinci maddəsi ilə Rusiya
dolayısı yolla Fətəli şahın dövlət başçısı olmasını qəbul etməli olmuşdu.
Gülüstan müqaviləsi
575
İkinci maddə - İki ali dövlət arasındakı ilkin təmaslarla qarşılıqlı
razılaşmaya görə sülhün status-qvo and presentem əsasında qurulması
qərara alındı. Yəni, tərəflər hazırda onların tam ixtiyarında olan
ərazilərin, xanlıqların və mülklərin sahibi olaraq qalırlar. Ona görə
Ümumrusiya imperiyası ilə İran dövləti arasında sərhəd bu gündən
başlayaraq aşağıdakı xətt olacaqdır: Adınabazar adlanan yerdən başla-
yaraq düz xəttlə Muğan düzündən keçməklə Araz çayının Yeddibulaq
keçidinə qədər, oradan da üzü yuxarı Kəpənək çayının Araza qovuşduğu
yerədək, sonra da Kəpənək çayının sağ tərəfi ilə Mehri sıra dağ-
larınadək, oradan isə sərhəd xanlıqlar arasından davam edəcək:
Qarabağ və Naxçıvan xanlıqları arasından, Alagöz sıra dağlarından,
Qarabağ, Naxçıvan və İrəvan xanlıqlarının Yelizavetpolun (keçmiş
Gəncə xanlığı)bir hissəsinin qovuşduğu Dərələyəz yaylasından, oradan
da İrəvan xanlığını Yelizavetpol dairəsindən, Qazax və Şəmşəddili isə
Eşşəkmeydan yaylasından ayıran xətt üzrə, oradan da dağlar silsiləsi ilə
Həmzəçəmən çayının axarının və yolunun sağ tərəfi ilə, Pəmbək sıra
dağları ilə Şuragölü ayıran döngəyə qədər, həmin döngədən qarlı Alagöz
dağının zirvəsi ilə, oradan Mastaras və Artik arası Şuragöl sıra dağları
ilə Arpaçayadək. Talış vilayəti müharibə gedişində əldən ələ keçdiyinə
görə bu xanlığın sərhədi Ənzəli və Ərdəbil tərəfdən daha böyük
düzgünlük üçün bu müqavilənin qəbulu və təsdiqindən sonra qarşılıqlı
razılaşma əsasında hər iki tərəfdən seçilmiş komissarlar hər iki tərəfin
baş komandanlarının rəhbərliyi altında hazırda tərəflərin tam ixtiyarında
olan torpaqların, kəndlərin, dərələrin, çayların, dağların, göllərin,
düzlərin doğru və mükəmməl təsvirini hazırlayacaq. Onda Talış
xanlığının status-quo presentem əsasında sərhəd hüdudları müəyyənləşə-
cək ki, tərəflər ixtiyarında olan ərazidə qalsınlar. Eləcə də yuxarıda
xatırlanan sərhəddə nə isə bu və ya digər tərəfə aşarsa ali dövlətlərin
komissarlarının araşdırması zamanı tərəflər status-qvo presentum
əsasında razılaşacaqlar.
Bu maddənin razılaşdırılması üzərində iş xeyli vaxt apardı və bunu
general Rtişşev də etiraf edirdi. Bu maddə əslində Gülüstan sülhünün
mahiyyətini təşkil edirdi və onun təsdiqlənməsi ilə İrəvan və Naxçıvan
xanlıqları istisna olmaqla Azərbaycan xanlıqlarının Rusiya tərəfindən
işğalı rəsmiləşdirirdi. Eyni zamanda bu maddənin təsdiqlənməsi ilə
Qacarlar dövləti də Arazın şimalında olan Azərbaycan xanlıqlarına və
Gürcüstana olan iddialarından əl çəkməli olurdu. Bu maddədə iki dövlət
arasındakı sərhəd xəttinin haradan keçməsi təsbit olunmalı idi. General
Rtişşevə görə, bu maddənin razılaşdırılmasındakı çətinliyin bir səbəbi
Mirzə Əbülhəsən xanın xəritə ilə işləmək təcrübəsinin olmaması və