Mehman Süleymanov
578
xan bu fikrini şah sarayından aldığı təlimata əsasən söyləyirdi. Çünki
Mirzə Əbülhəsən xan müqavilənin digər maddələrindən fərqli olaraq 4-
cü maddəsinin məhz onun dediyi kimi təsbit olunmasını istəyirdi və qarşı
tərəfin bu məsələ ilə bağlı heç bir təklifini və izahatını qəbul etmədi.
Mirzə Əbülhəsən xanın inadkarlığı general Rtişşevin narazılığı ilə
qarşılaşsa da rus general sülh müqaviləsinin bağlanması naminə şah
elçisinin təklifini qəbul etmək məcburiyyətində qaldı. 4-cü maddədə
konkret ad çəkilmədən Fətəli şahın övladlarından birinin vəliəhdliyi ta-
nındı və zərurət yarananda vəliəhdə silahlı kömək göstərilməsi vəd
olundu. Müqavilədə şahın vəliəhdi kimi konkret olaraq Abbas Mirzəinin
adının çəkilməməsinin də öz səbəbi var idi. Mirzə Əbülhəsən xan general
Rtişşevin nəzərinə çatdırırdı ki, Fətəli şah çoxdandır ki, Abbas Mİrzəni
taxt-tac varisi elan etmişdir və bu gün də bu qərar qüvvədədir. Lakin
Fətəli şahın oğlan övladları çox idi. Farsdilli tarixçilər öz əsərlərində
onlardan 60-nın adlarını sadalamışlar və bildirilir ki, bu siyahı heç də tam
deyildir. Abbas Mirzə şahın 4-cü oğlan övladı idi. Onun özündən böyük
qardaşları bunlar idilər – Məhəmmədəli Mirzə, Məhəmmədqulu Mirzə və
Məhəmmədvəli Mirzə. Bu qardaşların arasında yaş fərqi elə də böyük
deyildi. Məsələn, Məhəmmədəli Mirzə cəmi 7 ay Abbas Mirzədən böyük
idi. Bununla belə irsi hakimiyyətə böyük qardaş daha çox haqlı sayılırdı.
Abbas Mirzənin vəliəhd elan edilməsi bir tərəfdən onun savadlı və ba-
carıqlı olması ilə əlaqələndirilir, bir tərəfdən də Ağa Məhəmməd şah
Qacarın vəziyyəti ilə. Deyilənə görə o, Fətəli şaha vəsiyyət edibmiş ki,
taxt-tac vəliəhdi valideynlərinin hər ikisi Qacar tayfasına aid olan övlad
elan edilsin (104). Fətəli şahın Qacar tayfasından olan xanımından
doğulan ilk oğlan övladı Abbas Mirzə idi və Fətəli şah da hakimiyyətin
bütünlüklə Qacar qanına məxsus övladında qalması üçün Abbas Mirzəni
vəliəhd elan etdi. Bu isə istər-istəməz digər qardaşlar arasında müəyyən
narazılıqlara səbəb oldu. Qacar sarayı ehtiyat edirdi ki, Abbas Mirzənin
taxt-tac varisi kimi hər hansı bir rəsmi sənəddə təsbit olunması
qardaşların narazılığının artmasına səbəb ola bilər. Güman edilirdi ki, bu
narazılıq da Fətəli şah xanədanı daxilində və o cümlədən də ölkə
daxilində sabitliyi poza bilər. Vəliəhdin adının müqavilədə çəkilmə-
məsinə general Rtişşev heç də etiraz etmədi. Çünki əslində Rusiya tərəfi
üçün vəlihədin kim olacağı elə də mühüm deyildi. General Rtişşev
yazırdı ki, Fətəli şahdan sonra hakimiyyətə iddia edənlər çox olacaqdır.
Amma kimin gücü və iti qılıncı varsa hakimiyyətə də o yiyələnəcəkdir.
Belə bir şəraitdə Rusiya isə onun üçün daha münasib olan şahzadələrdən
birini müdafiə edər və ona hərbi yardım göstərər. Fətəli şahın sağlığında
Gülüstan müqaviləsi
579
qanuni vəliəhd təyin edildiyi təqdirdə isə bu
hadisələr baş verməyə də
bilərdi (105).
Qeyd etmək lazımdır ki, Abbas Mirzə Qacar şahı tərəfindən ölkə taxt-
tacının vəliəhdi kimi elan edilsə də, Rusiya tərəfindən onun vəliəhdliyi
bir də 1819-cu ildə tanındı (106). Müqavilədə Abbas Mirzənin rəsmi
vəliəhd kimi xatırlanması İran tərəfindən məqsədəuyğun bilinməsə də,
onun Rusiya tərəfindən belə gec tanınması Rusiyanın Abbas Mirzəyə
müəyyən təzyiq vasitələrinin saxlamaq cəhdi ilə əlaqələndirilir. İran
tarixçilərinin fikrincə, bu maddənin qəbul edilməsi ilə Rusiya İranın
daxili işlərinə qarışmaq üçün özünə bir yol da saxlamışdı. Yəni, xarici
düşmənin İran sarayının daxili işlərinə qarışmasının qarşısının alınması
bəhanəsi ilə Rusiya İran ərazisinə hərbi qüvvələrini yeritməyə bir əsas da
yaratmışdı ( 107).
Beşinci maddə - Rus ticarət gəmilərinin əvvəlki qayda üzrə Xəzər
dənizi sahilləri boyunca üzmək və sahilə yan almaq hüququ verilir. Özü
də gəmi qəzaları zamanı İran tərəfindən dostluq köməyi göstərilməlidir.
Belə bir hüquq İran ticarət gəmilərinə də şamil olunur - əvvəlki qayda ilə
Xəzər dənizində üzsün və Rusiya sərhədlərinə yan alsın. Gəmi qəzaları
zamanı isə qarşılıqlı olaraq iranlılara hər cürə kömək göstəriləcək.
Hərbi gəmilərə gəldikdə isə, müharibədən əvvəl olduğu kimi sülh dövrün-
də və hər zaman rus hərbi bayrağı Xəzər dənizində tək mövcud olmuşdur.
Ona görə indi də ona təklikdə əvvəlki ixtiyar verilir ki, Rusiya
dövlətindən başqa heç bir dövlət Xəzər dənizində hərbi donanmaya malik
ola bilməz.
Bu maddə Xəzər dənizində gəmilərin üzməsinə təminat verilməsi ilə
bağlı idi. Burada əsas məqam Xəzər dənizində hərbi gəmilər saxlamaq
üçün müstəsna hüququn Rusiyaya verilməsi idi. General Rtişşev bu
barədə də israrla təklif etdi ki, əvvəllər olduğu kimi yenə də Xəzər
dənizində yalnız Rusiya hərbi gəmilər saxlaya bilər. Bununla Rusiya
Xəzər dənizini həm bütünlükdə nəzarət altına alırdı, həm də İran
tərəfindən ehtimal edilən təhlükə önlənirdi. Çünki Qacar dövləti Xəzər
dənizinə hərbi gəmilər çıxarsaydı bu gəmilərdən istifadə etməklə
Xəzəryanı əraziləri təhlükə altında saxlayar və bu ərazilərə dənizdən hü-
cumlar təşkil edə bilərdilər. Mirzə Əbülhəsən xan da Qacar dövlətinin
Xəzər dənizində hərbi donanma saxlamaq hüququnu müqavilədə təsbit
etməyə çalışdı. Əvəzində general Rtişşev bildirdi ki, Rusiyanın təklifi
qəbul edilməzsə onda müzakirələri və barışıq anlaşmasının icrasını
dayandıracaqdır. Bu tələbin müqavilədə əks etdirilməsinin çətinliklə-
rindən biri iki dövlət arasında əvvəllər imzalanmış sənədlərdə Rusiyanın
Xəzər dənizində hərbi hegemonluğunun rəsmi şəkildə öz əksini