217
hələsində torpaqda duz məhlullarının və uducu komplekslərin
sıxışdırılıb çıxarılması və ya dəyişkən natrium və maqneziu-
mun udulması, gips və karbonat turşusunun hesabına sulfatların
və bikarbonatların yeni əmələgəlmələri ilə mübadilə reaksiyaları baş
verir.
Qrunt suları yer səthinə yaxın yerləşdikdə (1-2 m), onların ka-
pillyarlarla yuxarı qalxması hesabına torpaq alt qatlardakı duzları
mənimsəyir - duzların alt qatlara doğru axınının qarşısı alınır. İsti
hava şəraitində buxarlanmanın təsirindən torpağın üst qatlarında
duzlar bərpa olunur.
Şorlaşmaya məruz qalmış torpaqda kənd təsərrüfatı bit-
kilərinin becərilməsi təcrübəsi göstərmişdir ki, bu torpaqlarda
duzadavamlı bitkilərin əkilməsi iqtisadi cəhətdən sərfəlidir və həm də
torpaqların meliorasiyasını təmin edir.
Şorlaşmış torpaqların meliorasiyası dövründə kənd təsərrüfatı
bitkilərinin becərilməsi arzuolunandır. Çünki bitkilər meliora-
siyanın aparılmasını asanlaşdırır, onların məhsulu isə çox vaxt meli-
orasiyaya çəkilən xərci ödəyir. Bitkilərin hər il becərilməsində vacib
olan şumun aparılması faydalıdır, belə ki,o torpağın üst qatının
yumşalmasına səbəb olur və müvəqqəti də olsa torpağın sukeçirmə
qabiliyyətini artırır.
Suvarılan torpaqların şorlaşması ilə mübarizə məqsədi ilə
aparılan təcrübə işlərinin nəticəsi göstərmişdir ki, torpaqların bir
yuma mövsümündə duzsuzlaşdırılmasının mümkün olmadığı hallar-
da, xüsusi duz mənimsəyici bitkilərin əkilməsi məqsədəuyğundur. Bu,
hətta yüksək dərəcədə şorlaşmış torpaqların duzsuzlaşma prosesinin
davam etməsinə imkan verir, təkrar şorlaşma təhlükəsini aradan
qaldırır, yüksək qələviliyi kənarlaşdırır, torpaqların strukturunu
yaxşılaşdırır.
Yuma nəticəsində duzların miqdarı azaldıqdan sonra, tor-
paqda onların sonrakı azalmasına nail olmaq üçün duzadavamlı
bitkilərin becərilməsinə keçid əlverişlidir. Yuma xarakterli suvar-
malar aparmaqla torpaqların meliorativ vəziyyətinin yaxşılaşdı-
rılmasına nail olmaq olar. Bunun ardınca qışda, torpağın bitkidən
218
azad olduğu dövrdə arat və ya cari yuma aparılmalı, sahə əkinə
hazırlanmalıdır.
Təsərrüfatlarda bitkilərin bir-birini əvəz etməsi həm melio-
rasiya, həm də aqrotexniki cəhətdən məqsədəuyğundur. Araşdırmalar
göstərmişdir ki, bir tarlada eyni bitki uzun müddət beçərilərsə, onun
məhsuldarlığı getdikcə azalır. Məsələn, şəkər çuğunduru, yonca və s.
bitkilərin məhsuldarlığının getdikcə azalması məlumdur. Dənli
bitkilər orta mövqe tutur. Pambıq, qarğıdalı, kartof və başqa kənd
təsərrüfatı bitkiləri dəyişdirilməyə zəif həssasdır və bitkilər yüksək
aqrotexniki səviyyədə və düzgün qulluq olunduqda bir neçə il ardıcıl
becərilə bilər. Respublika ərazisində suvarılan torpaq sahəsində üzvi
və mineral gübrələrin tətbiqi ilə növbəli əkində pambıq bir tarlada
4-6 il ardıcıl əkilə bilər.
Növbəli əkində bitkilərin bir-birini düzgün əvəz etməsinin va-
cibliyi əsas 3 aqrotexniki tələbatdan irəli gəlir: bitkilərin yerləşdiyi
torpaqların fiziki xassələrinə təsir xüsusiyyətləri; bitkilərin qida-
lanma xüsusiyyətləri; kənd təsərrüfatı bitkilərinin alaq otlarına,
ziyanverici və xəstəliklərə qarşı müxtəlif münasibəti.
Kənd təsərrüfatı bitkilərinin qida maddələrinə olan tələbatı
əsasən bitkinin növündən və məhsuldarlığından asılıdır. Eyni
bitki bir tarlada uzun muddət beçərildikdə, munasib gübrələnmə
sistemi tətbiq edilməzsə, torpağın qida rejimi əlverişli olmur.
Bitkilərin bir-birini əvəz etməsi zəruriliyinin birinci səbəbi
bitkilərin kök sisteminin dərinliyi və gücü, kök sisteminin qida mad-
dələrini çətin həll olunan birləşmələrdən mənimsəmə qabiliyyəti və
bitkilərin torpaq muhitinə munasibəti ilə müəyyən edilir.
Paxlalı bitkilər özlərindən sonra torpaqda başqa bitkilərə
xeyirli olmayan zəngin azot saxlamaq qabiliyyətinə malikdir. Mə-
lumdur ki, bitkilər özlərindən sonra torpaqda müəyyən miqdarda
öz köklərinin qalıqları halında üzvi maddələr saxlayır, torpağı qida
maddələri ilə zənginləşdirir, torpağın su-fiziki xassələrini yaxşılaş-
dırır. Alaq otları, ziyanvericilər və xəstəliklərlə mubarizədə kənd
təsərrüfatı bitkilərinin əkin dövriyyəsinin, bitkilərin bir-birini əvəz
etməsinin tətbiqinin əhəmiyyəti böyükdür. Dəyişdirilmədən uzun
219
muddət ərzində eyni bitkinin bir tarlada becərilməsi davam etdi-
rilərsə, tarladakı torpaq sahəsində becərilən bitkiyə xas olan alaq
otları bitir. Yazlıq dənli bitkilər alaq otlarına daha çox məruz qalır
və bu səbəbdən məhsuldarlığı aşağı düşür. Alaq otları ilə müba-
rizədə ən səmərəli usul cərgələrarası bitkilərin aralarındakı torpaq
sahələrinin aqrotexniki müddətdə beçərilməsi və digər beçərmə
sisteminin tətbiqidir. Torpağın aqrotexniki fonu yüksək olduqca
kənd təsərrüfatı bitkilərinin sələfləri üzrə məhsuldarlığında nizam-
lama bir o qədər asan olur.
Payızlıq buğdanın və payızlıq çovdarın yaxşı sələfləri -
noxud, paxlalı bitkilərdən yemlik paxlalılar, erkən kartof və
yoncadır. Onları arpadan sonra da becərmək olar. İstehsalat
təcrübələri göstərmişdir ki, payızlıq bitkiləri siderat və təmiz
herikli sahələrdə əkmək iqtisadi cəhətdən əlverişli deyildir. Pa-
yızlıq buğdanı və arpanı növbəli əkində qarğıdalı, şəkər çuğun-
duru, kartof və başqa bitkilərdən sonra əkirlər.
Növbəli əkində cərgələr arası şumlanan bitkilərin (qarğıdalı,
şəkər çuğunduru, kartof, pambıq və s.) əkilməsinə xüsusi diqqət
yetirilir. Qarğıdalı bitkisi torpaq şəraitinə və aqrotexnikaya öz
sələflərindən daha çox tələbkar hesab edilir. Buna baxmayaraq,
qarğıdalı növbəli əkində yaxşı sələfli bitkilərə - cərgələrarası
şumlanan bitkilərə aid edilir. Qarğıdalını yüksək aqrotexniki
şəraitdə bir yerdə bir neçə il ardıcıl beçərmək mümkündür. Pam-
bığın ən yaxşı sələflərinə yoncanı, cərgələrarası şumlananları,
taxıl-paxlalıları, taxıl altında sideral bitkiləri aid etmək olar. Şəkər
çuğundurunu növbəli əkində qarğıdalı, payızlıqlar, paxlalılar,
kartof, payzlıq buğda və arpadan sonra, kartofu - payızlıqlar,
yonca, taxıl, paxlalılar və yazlıq taxıl bitkilərindən sonra, noxud
və paxlalıları isə – cərgələrarası şumlanan, payızlıqlar, yazlıq
buğda və arpadan sonra əkmək tövsiyə olunur.
Tərəvəz növbəli əkində aşağıdakı bitkilərin bir-birini əvəz
etməsi qəbul edilmişdir: 1)paxlalılar; 2)kələm; 3) xiyar və pomi-
dor; 4) erkən kartof; 5) soğan və sarımsaq; 6) çuğundur və kök.
Dostları ilə paylaş: |