Filologiya
məsələləri, №4, 2017
35
Bu prosesi təşkil edən fərdi hissələr heç də hər zaman eyni formada
birləşdirilmir, onlar fərqli formalarda fərqli zamanlarda tətbiq olunur.
İmhofun(2004, S. 3) fikrincə səriştəli dinləyici dinləmə zamanı
müxtəlif fərqli bacarıqları tətbiq etməlidir. O məlumat qəbulu zamanı diq-
qətini maksiumum cəmləməyi bacarmalı, danışanın dilini anlamalı, məz-
munu tam dərk etməli və situativ məzmunla bağlılıq yaratmalıdır. Dinləmə
zamanı belə bir hal baş verə bilər, dinləyən danışanın dilini çox gözəl
anlayır, eşitmədə problemi və narahatçılığı yoxdur və diqqətini maksimum
cəmləyə bilir. Lakin danışanın haqqında bəhs etdiyi mövzu dinləyiciyə
tamamilə yaddır, o həmin mövzu haqqında heç bir fon biliyinə və məlumata
malik deyil. Bu hala ən çox elmi terminlərin istifadə edildiyi mövzularda rast
gəlinir. Ancaq bele olduqda bunun üçün psixoloji cəhətdən hazır olmaq
lazımdır. Hər hansı bir sahə haqqında olan elmi terminləri bilməyə bilərik,
ancaq həmin sahəni dərhal oxşarlığı olan və bizə tanış olan digər sahələrlə
müqayisə edərək və fon biliyimizi maksimum çalışdıraraq verilən məlumatın
müəyyən hissəsini mənimsəyə bilərik.
İmhof eşidib anlamaya nəzərən dinləyiciyə aşağıdakı tələbləri qoyur:
• Şagirdlər müxtəlif şifahi mətnləri fərqləndirməyi və dinləmə
zamanı buna diqqət yetirməyi bacarırlar.
• Şagirdlər onların qarşısına qoyulan və müxtəlif dinləmə tapşırıqları
ilə bağlı olan tələbləri tanıyır və əməl edirlər.
• Şagirdlər dinləyənin və danışanın niyyətinin şifahi ifadəyə birbaşa
təsir etdiyini bilirlər.
“Səriştəili dinləməni” tətbiq etmək üçün bir tərəfdən dil biliyi,
məzmun və prosedual biliklər, digər tərəfdən isə “özünü idarəetmə bacarığı”
zəruridir.
Eşitmədən anlamaya
Eşitmə orqanı ana bətnində 4 ay yarımdan sonra tam inkişaf etmiş olan
yeganə orqandır. Canlı anasının bətnində olarkən artıq anası ilə bərabər
dinləyir. Uşaq dünyaya gəldikdən sonra isə məktəbdə oxumağı yazmağı
öyrəndiyi kimi eşidib dinləmə qabiliyyətini də inkişaf etdirir. Kommunika-
siyanın baş tutması üçün insan üçün ilkin vacib şərt eşidib dinləmədir
(Wermke, 1998, S. 3). Günterin (2008, S. 66, 68) fikrincə eşitmə və anlama
uğurlu söhbət üçün əsas şərtdir və çox insan bu bacarığa malik deyil.
Cəmiyyətdə danışmaya yəni şifahi nitqə dinləmədən çox üstünlük verilir, bu
o deməkdir ki, insanların əksəriyyəti cavab vermək, fikir bildirmək üçün
dinləyir. Dinləmə gündəlik həyat üçün vacib olduğu üçün hər kəs tərəfində
əsaslı şəkildə öyrənilməli və əməl edilməlidir.
Eşitmək, qulaq asmaq, dinləmək və eşidib anlama şəxsin sahib olduğu
qabiliyyətlərdir, bunu tətbiq etmək isə tamamlilə avtomatik şəkildə baş tutur.
Filologiya məsələləri, №4, 2017
36
İlk öncə sadəcə dinləmək lazımdır, Dinləmə danışma kimi təməl qabiliy-
yətlərdir, ancaq danışmanı öyrənmək, məşq etmək lazımdır.
Son dövrlərdə dinləmə mövzusunda daha geniş araşdırma işləri
aparılmış və publikasiyaya təqdim edilmişdir, buna baxmayaraq bu sahədə
uyğun ədəbiyyat və araşdırma işlərində çatışmazlıq müşahidə olunmaqdadır.
Buna səbəb isə ötən dövr alimlərinin dinləməni bir qabiliyyət olaraq ayrıca
tədqiq etməyə ehtiyac olmadığını, onun yazılı və şifahi kommunikasiya üçün
yalnız bir vasitə olduğunu düşünmələridir. Alman dili dərsliyi
kitabında(Lange, Neumann & Ziesenis, 1994, S. 416) bir bölmə ”eşitmə
formaları və növləri ” mövzusuna həsr olunmuşdur, ancaq təəssüf ki, həmin
bölmənin həcmi üç səhifə ilə məhdudlaşır. Həmin materialda da eşitməyə bir
qabiliyyət olaraq az dəyər verildiyini görmək olar.
Deyiləni başa düşmək üçün səs dalğaları qəbul edilməli və beyində
işləniləmlidir. Danışılan konsepsiyada şəxsi maraqların və həvəsin olması
onun daha uğurlu alınmasını təmin edir. Anlama mövzusunda auditiv və
akustik anlayışlarını bir birindən fərqləndirmək lazımdır.
İlk öncə akustik anlamda bir nəzər salaq. Akustika mexaniki dalğaların
qatı, maye və qaz mühitində yayılmasını, xüsusiyyətlərini, olduqları şəraitlə
uyğunlaşmaları, canlılar üzərindəki fizioloji və psixoloji təsirlərini araşdıran
elm sahəsidir. Akustik yanaşmaya nəzər saldıqda görürük ki, səs dalğaları
fiziki kriteriyalar əsasında, məsələn MP3 musiqi cihazında qəbul edilir.
Məsələn suyun şırıltısı, söhbət edən insanlar, göy gurultusunu sadəcə eşidilir
və konkret hər hansı bir informasiya anlaşılmır və qəbul edilmir. Auditiv
anlamda isə bir addım da irəli gedilərək eşidilən məlumat analiz edilir,
işlənilir və informasiyanı anlamaq mümkün olur. Bu səbəbdən məlumatların
auditiv işlənilməsi və analiz edilməsinin bir sahə olaraq araşdırılmağa
ehtiyacı vardır.
Barthes (2006, S. 76f) və Spiegel (2009, S. 189)dinləməni üç fərqli
qruplara bölürlər:
• İlkin eşitmə
• Ikinci eşitmə
• Üçüncü eşitmə
• İlkin eşitmə qabiliyyətinə bütün canlılar malikdirlər. Bu psixoloji
eşitmə olaraq indikatorlara istiqamətlənir. Körpə anasının səsini eşitdikdə
ağlamağı dayandırır, pişik səs eşitdikdə başını qaldırır.
• Ikinci eşitmə dinləmə xarakteri daşıyır və bir addım daha da öndə
olur. Bu mərhələdə eşidilən informasiyanın “şifrəsi açılır” və təsnifləşdirilir.
Eşidib anlama ikinci mərhələdə artıq eşidilib qəbul edilən informasiyanın
icrasına yönəlir.