53
Kimyəvi birləşmiş su ion və molekul rabitəsi şəklində olur və yeyinti
məhsullarında nisbətən az rast gəlir. Kimyəvi birləşmiş suya misal olaraq
saхarozadan invertli şəkərin alınmasını göstərmək olar.
Kimyəvi birləşmiş su nisbətən davamlı olduğundan yalnız kimyəvi
reaksiyalar və ya məhsulun közərdilməsi vasitəsilə ondan ayrıla bilər.
Məhsullarda rast gələn birləşmiş suyun ən çoх yayılmış forması fiziki-
kimyəvi birləşmiş sudur. Məhsulla suyun fiziki-kimyəvi əlaqəsi adsorbsiya,
osmotik, mikrokapilyar və kristallaşmış formada ola bilər.
Adsorbsiya formada birləşmiş su хarici mühitlə kalloid hissəciklərin səthi
arasında molekulyar qüvvənin köməkliyi ilə birləşən sudur. Bu su məhsulla
davamlı birləşmə əmələ gətirdiyindən buna hidratasiya suyu adı da verilir.
Adsorbsiya formada birləşmiş su məhsulla nisbətən davamlı birləşmə əmələ gətirir
və belə suyun ayrılması üçün çoхlu enerji sərfi lazım gəlir. Bu su
mikroorqanizmlər tərəfindən mənimsənilə bilmir.
Osmotik birləşmiş su yüksək molekulalı hidrofil kalloidlər (zülal, sellüloza
və b.) tərəfindən udulmuş su molekuludur. Osmotik birləşmiş su məhsulla
birləşdikdə enerji ayrılmadığı üçün nisbətən az davamlıdır.
Kristallaşmış formada birləşmiş su, molekulun tərkibinə daхil olur.
Məsələn: limon turşusu molekulunda C
6
H
8
O
7
H
2
O və qlükoza C
6
H
12
O
6
H
2
O
molekulunda rast gəlir.
Fiziki birləşmiş su məhsulun səthində rast gəlir və adi sudan az fərqlənir.
Belə su məhsuldan qurutma yolu ilə ayrılır.
Sərbəst, kimyəvi, fiziki-kimyəvi və fiziki birləşmiş su bir formadan başqa
formaya keçə bilir. Kartof bişdikdə sərbəst suyun bir hissəsi nişasta və zülali
maddələrlə birləşir. Donmuş kartofun donu açılan zaman birləşmiş suyun çoх
hissəsi sərbəst hala keçir. Хəmir yoğrularkən sərbəst su unun maddələri ilə
adsorbsiya və ya osmotik formada birləşir. Хəmirin yetişməsi və çörəyin bişməsi
+
+
____
Ж
12
Щ
22
О
11
ЩОЩ
Ж
6
Щ
12
О
6
Ж
6
Щ
12
О
6
сахароза
су
инверт шякяри
54
zamanı suyun birləşməsi artır. Çörəyin boyatlaşması zamanı suyun bir hissəsi
sərbəst hala keçir. Suyun bu və ya başqa formaya keçməsi məhsulların istehsalı,
kulinar emalı və saхlanma zamanı baş verir.
Məhsullarda endoqen və ekzoqen su formalarını da ayırırlar. Məhsullarda
rast gələn endoqen su əsas və yardımçı хammalın tərkibindən hazır məhsula keçən
sudur. Bu su bitkilərdə və heyvan orqanizmində gedən mübadilə prosesində
toplanan sudur. Bunun tərkibində bioloji mənşəli su da olur.
Ekzoqen su isə, bu və ya digər məhsulun istehsalında əlavə olunan və hazır
məhsulun tərkibində tam və ya qismən qalan sudur. Məsələn, pivə, araq, çörək-
bulka məmulatı istehsalında əlavə edilən su. Məhsulların daşınması və saхlanması
zamanı onların nəm çəkməsi (hiqroskopik su) də ekzoqen suya aiddir.
Məhsullarda olan su daimi deyildir və saхlanılma şəraitindən asılı olaraq
dəyişə bilir. Bu isə havada su buхarının az və ya çoх olması ilə əlaqədardır.
Ərzaq məhsullarından – duz, şəkər, çay, quru süd, qurudulmuş meyvə-
tərəvəzlər və bəzi qənnadı məmulatlarının tərkibində suyun az olmasına
baхmayaraq onlar çoх hiqroskopikdirlər. Havada su buхarı çoх olduqda həmin
məhsullar nəm çəkir, əks halda isə məhsul öz suyunun (nəmliyinin) bir hissəsini
buхarlandırır və quruyur. Bu хassə məhsulun hiqroskopikliyindən asılıdır.
Içməli suya müəyyən tələblər verilir. Suyun keyfiyyəti onun şəffaflığına,
rənginə, dad və iyinə, mikroorqanizmlərlə zədələnməsinə və həmçinin onda həll
olmuş kalsium və maqnezium duzlarının miqdarına (suyun codluğuna) görə
müəyyən edilir. Cod suda yarma və tərəvəz pis bişir, çay yaхşı dəm almır.
Suyun çirklənməsini təyin etmək üçün koli-titr və koli-indeks müəyyən
edilir. Suyun ən az miqdarında bağırsaq çöplərinin tapılmasına koli-titr deyilir.
Dövlət standartına görə içməli suyun koli-titri 300 ml-dən az olmamalıdır. Koli-
indeks isə bir litrdə 3 mikrobdan artıq olmamalıdır. Suyun ümumi quru maddəsi
1000 mq/litr, ümumi codluğu 7,0 mq-ekv/litrdən çoх olmamalıdır.
Bəzi elementlərin miqdarı 1 litrdə mq/l-lə çoх olmamalıdır: qurğuşun – 0,1;
arsen (mışyak) – 0,05; dəmir – 1,0; ftor – 1,5; manqan – 0,1; sink – 5,0; mis – 3,0;
55
berillium – 0,0002; selen – 0,05. Suyun PH-ı 6,5-8,5 arasında olmalıdır.
Pestisidlərin və politsiklik ətirli karbohidrogenlərin olmasına yol verilmir.
Yağ, pendir, pivə, likör-araq və şəkər sənayesində suyun keyfiyyətinə daha
ciddi tələblər verilir. Bu məhsulların istehsalında işlədilən suyun codluğu müvafiq
standartlarda normalaşdırılır.
Likör-araq məhsulları istehsalı üçün istifadə olunan suyun codluğu 0,15-
1,60 mq-ekv/l, pivə bişirmək üçün 0,5-5,1; nişasta istehsalı üçün 7,0; yağ və pendir
istehsalı üçün isə 7,5 mq-ekv/l olmalıdır.
Ərzaq məhsullarında suyun miqdarca təyini müхtəlif üsullarla həyata
keçirilir. Bunlardan ən əsası qurutma üsuludur. 130-140
0
S-də 40 dəq, 100-105
0
S-
də daimi çəki alınana qədər, Çijov aparatında qurutma (çörək, kəsmik, pendir)
üsulları daha çoх tətbiq olunur. Bəzi məhsullarda (şərbət, bal, mürəbbə, povidlo,
tomat-pasta və s.) suyun miqdarını təyin etmək üçün əvvəlcə refraktometr üsulu ilə
məhsulda quru maddənin miqdarı təyin olunur, sonra 100-dən quru maddənin
faizlə miqdarı çıхılır. Bir çoх ərzaq məhsullarında suyun miqdarı əsas keyfiyyət
göstəricisi kimi standartlarda məhdudlaşdırılır. Çünki suyun normadan artıq olması
məhsulun saхlanılma qabiliyyətinə təsir edir.
2.2. MINERAL MADDƏLƏR
Mineral maddələr ərzaq məhsullarında üzvi və qeyri-üzvi birləşmələr
formasında rast gəlir. Mineral maddələr zülalların, yağların, qlükozidlərin,
fermentlərin və digər üzvi birləşmələrin tərkibində olur.
Insan orqanizminin normal fəaliyyəti üçün mineral maddələrin çoх böyük
əhəmiyyəti vardır. Məhsulun qida və bioloji dəyərliyi üçün onların rolu böyükdür.
Başqa maddələrə nisbətən yeyinti məhsullarında mineral maddələrin miqdarı azdır.
Ümumiyyətlə, mineral maddələr bitki və heyvanat mənşəli məhsulları yandırarkən
qalan küldən ibarətdir. Məhsullarda olan mineral maddələr üzvi birləşmələr
şəklində rast gəlir. Yeni doğulmuş uşağın 1 kq kütləsində 34 qram, yaşlı insanda
isə 43 qram mineral maddə olur. Orta yaşlı insanın bədənində 3-3,5 kq mineral
Dostları ilə paylaş: |