Microsoft Word 2230 ifrs fs amrahBank at 31 Dec 2006 az
Yüklə 0,58 Mb. Pdf görüntüsü
|
- Bu səhifədəki naviqasiya:
- “ƏMRAHBANK” AÇIQ SƏHMDAR KOMMERSİYA BANKI 31 DEKABR 2006-CI İL TARİXİNƏ BİTƏN İL ÜZRƏ (Davamı) MALİYYƏ HESABATLARINA QEYDLƏR
- Banklardan və müştərilərdən alınmış depozitlər
“ƏMRAHBANK” AÇIQ SƏHMDAR KOMMERSİYA BANKI 31 DEKABR 2006-CI İL TARİXİNƏ BİTƏN İL ÜZRƏ (Davamı) MALİYYƏ HESABATLARINA QEYDLƏR (Yeni Azərbaycan Manatı ilə)
14 Əsas vəsaitlər və qeyri-maddi aktivlər Əsas vəsaitlər və qeyri-maddi aktivlər ilkin dəyərdən yığılmış köhnəlmə və amortizasiya və hər hansı tanınmış qiymətdən düşmə zərərini çıxmaqla tanınır. Başa çatdırılmamış və istismara buraxılmamış aktivlərin köhnəlməsi aktivin nəzərdə tutulan istifadəyə hazır olduğu tarixdən hesablanır.
Əsas vəsaitlərin köhnəlməsi və qeyri-maddi aktivlərin amortizasiyası onların ilkin dəyərindən çıxılır və aktivlərin istismar müddətləri üzrə silinməsini nəzərdə tutur. Amortizasiya aşağıdakı illik faiz dərəcələrində bərabər hissələrə bölünməklə köhnəlmə metodunu istifadə etməklə hesablanır:
Kompüterlər və avadanlıq 25% Mebel və qurğular 25% Nəqliyyat vasitələri 25% Digər əsas vəsaitlər 25% Qeyri-maddi aktivlər 10%
İcarəyə götürülən əmlakın əsaslı təmiri icarəyə alınan müvafiq aktivin faydalı istismar müddəti üzrə amortizasiya edilir. Təmir və yeniləşdirmə ilə bağlı xərclər kapitallaşmaya aid olmadıqda baş verdiyi zaman tutulur və əməliyyat xərclərinə daxil edilir.
Əsas vəsaitlərin və qeyri-maddi aktivlərin balans dəyərlərinin onların bərpa dəyərlərindən artıq dəyərdə uçota alınıb-alınmadığını ölçmək üçün hər balans hesabatı tarixində onlar nəzərdən keçirilir. Balans dəyəri bərpa dəyərindən artıq olduğu halda, aktivlərin dəyəri bərpa dəyəri səviyyəsinədək aşağı salınır.
Qiymətdən düşmə zərəri müvafiq dövrdə qeydə alınır və əməliyyat xərclərinə daxil edilir. Qiymətdən düşmə zərəri qeydə alındıqdan sonra əsas vəsaitlərin köhnəlmə xərcləri, ondan qalıq dəyərini çıxmaqla (əgər varsa), aktivlərin düzəliş olunmuş balans dəyərini sistemli şəkildə qalan iqtisadi faydalı dövrünə bölüşdürmək məqsədilə gələcək dövrlərə uyğunlaşdırılır.
Xidmətlərin göstərilməsi ilə bağlı inzibati məqsədlər üçün saxlanılan binalar balans tarixində yığılmış köhnəlmə və hər hansı ehtimal olunan zərərlər üçün ehtiyatlar çıxılmaqla peşəkar qiymətləndiricilər tərəfindən bazar dəyərlərinə əsaslanmaqla müəyyən edilmiş yenidən qiymətləndirmə tarixindəki ədalətli dəyəri əks etdirən yenidən qiymətləndirmə dəyəri ilə göstərilir. Yenidən qiymətləndirmə kifayət qədər tez-tez aparılır ki, balans dəyəri balans tarixinə ədalətli dəyəri istifadə etməklə hesablanmış dəyərdən əhəmiyyətli dərəcədə fərqlənməsin.
Binaların yenidən qiymətləndirilməsindən yaranan hər hansı yenidən qiymətləndirmə artımı əsas vəsaitlərin yenidən qiymətləndirmə ehtiyatının kreditinə yazılır lakin, əvvəllər xərc kimi tanınmış eyni aktiv üzrə yenidən qiymətləndirmə azalmasını bərpa etdiyi hal istisna təşkil edir, bu halda artım əvvəllər hesablanmış azalma həcmində mənfəət və zərər haqqında hesabatın kreditinə yazılır. Binaların yenidən qiymətləndirilməsi nəticəsində balans hesabatında yaranan azalma qalıqdan, əgər varsa, artıq olduğu həcmdə xərc kimi tutulur və həmin aktivin əvvəlki yenidən qiymətləndirməsi ilə bağlı əmlakın yenidən qiymətləndirmə ehtiyatında saxlanılır.
Yenidən qiymətləndirilən binalar üzrə köhnəlmə gəlir hesabında qeyd olunur. Yenidən qiymətləndirilən əmlakın daha sonra satışı və ya istismardan çıxması zamanı əmlakın yenidən qiymətləndirmə ehtiyatında qalan müvafiq yenidən qiymətləndirmə qalığı birbaşa bölüşdürülməmiş mənfəət hesabına köçürülür.
“ƏMRAHBANK” AÇIQ SƏHMDAR KOMMERSİYA BANKI 31 DEKABR 2006-CI İL TARİXİNƏ BİTƏN İL ÜZRƏ (Davamı) MALİYYƏ HESABATLARINA QEYDLƏR (Yeni Azərbaycan Manatı ilə)
15 Vergi sistemi Mənfəət vergisi xərcləri cari və təxirə salınmış vergi xərclərinin cəmini ifadə edir.
Cari vergi xərcləri il üzrə vergiyə cəlb olunan mənfəətə əsaslanır. Vergiyə cəlb olunan mənfəət mənfəət və zərər haqqında hesabatda göstərilən xalis mənfəətdən fərqlənir, çünki vergiyə cəlb olunan mənfəətə digər illərdə vergiyə cəlb olunan və ya tutulan gəlir və xərc maddələri daxil deyil, bundan əlavə o, heç vaxt vergiyə cəlb olunmayan və vergi tutulmayan maddələri özündə birləşdirmir. Bankın cari vergi xərcləri qüvvədə olan və ya əsasən balans hesabatı tarixinə qüvvədə olan vergi dərəcələrini istifadə etməklə hesablanır.
Təxirə salınmış vergilər - maliyyə hesabatlarındakı aktiv və öhdəliklərin balans dəyərləri ilə vergiyə cəlb olunan mənfəətin hesablanmasında istifadə olunan müvafiq vergi bazaları arasında yaranan fərqlərdən bərpa edilməsi və ya ödənilməsi gözlənilən vergilərdir və bu növ vergilər balans hesabatının öhdəlik metodu əsasında uçota alınır. Təxirə salınmış vergi öhdəlikləri adətən bütün vergiyə cəlb olunan müvəqqəti fərqlər üçün tanınır, təxirə salınmış vergi aktivləri isə istifadə edilən tutulmalı müvəqqəti fərqlərə qarşı yaranması ehtimal edilən vergiyə cəlb olunan mənfəətin həcmində tanınır. Əgər müvəqqəti fərq nə vergiyə cəlb olunan mənfəətə, nə də maliyyə mənfəətinə təsir etməyən əməliyyat üzrə sair aktiv və öhdəliklərin ilkin tanınmasından yaranırsa, bu cür aktivlər və öhdəliklər tanınmır.
Təxirə salınmış vergi aktivlərinin balans dəyəri hər balans hesabatı tarixində nəzərdən keçirilir və aktivlərin bütün hissəsini və ya müəyyən hissəsini bərpa etməsi üçün kifayət qədər vergiyə cəlb olunan mənfəətin mövcudluğu ehtimal edilməyən həcmdə azaldılır.
Təxirə salınmış vergi - öhdəliklər üzrə hesablaşmanın aparıldığı və ya aktivlərin realizə olunduğu dövrdə tətbiq edilməsi gözlənilən vergi dərəcələri ilə hesablanır. Təxirə salınmış vergi mənfəət və zərər haqqında hesabatda xərc maddəsi kimi göstərilir və ya hesabatın kredit balansına yazılır, lakin təxirə salınmış verginin birbaşa kapitala və hesabatın kredit balansına yazıldığı hallar istisna təşkil edir, belə ki, bu halda təxirə salınmış vergi səhmdar kapitalı ilə bağlı olur.
Azərbaycanda Bankın fəaliyyətinə şamil ediləcək müxtəlif başqa vergi növləri də mövcuddur. Bu vergilər əməliyyat xərcləri kimi mənfəət və zərər haqqında hesabata daxil edilir.
Banklardan və müştərilərdən alınmış depozitlər ədalətli dəyəri ilə qeyd edilir. Nəticədə bu məbləğlər amortizasiya edilən dəyərlə göstərilir və xalis mədaxil ilə alına bilən məbləğ arasındakı fərq mənfəət və zərər haqqında hesabatda effektiv faiz dərəcələri metodundan istifadə etməklə borc müddətləri üzrə qeyd olunur.
Ehtiyatlar Bank keçmiş hadisələr nəticəsində cari hüquqi və ya əsaslanmış öhdəliyə malik olduqda, öhdəliyin yerinə yetirilməsi üçün iqtisadi səmərə yaradan ehtiyatların azalma ehtimalı olduqda və öhdəlik məbləği etibarlı qiymətləndirildikdə uçota alınır.
Yüklə 0,58 Mb. Dostları ilə paylaş:
|