Microsoft Word 2230 ifrs fs amrahBank at 31 Dec 2006 az
Yüklə 0,58 Mb. Pdf görüntüsü
|
- Bu səhifədəki naviqasiya:
- “ƏMRAHBANK” AÇIQ SƏHMDAR KOMMERSİYA BANKI 31 DEKABR 2006-CI İL TARİXİNƏ BİTƏN İL ÜZRƏ (Davamı) MALİYYƏ HESABATLARINA QEYDLƏR
- Gəlir və xərclərin tanınması
- Xarici valyuta əməliyyatları
- Xarici valyuta məzənnələri
“ƏMRAHBANK” AÇIQ SƏHMDAR KOMMERSİYA BANKI 31 DEKABR 2006-CI İL TARİXİNƏ BİTƏN İL ÜZRƏ (Davamı) MALİYYƏ HESABATLARINA QEYDLƏR (Yeni Azərbaycan Manatı ilə)
16 Səhmdar kapitalı Səhmdar kapitalı ilkin dəyərlə tanınır. Səhmdar kapitalına nağd formadan başqa aktivlər formasında edilən əlavələr, həmin əlavələrin edildiyi tarixə ədalətli dəyərlə tanınır.
Biznesin birləşməsindən fərqli olaraq, yeni səhmlərin buraxılmasına birbaşa aid olan kənar xərclər aidiyyatı gəlir vergiləri tutulduqdan sonra kapitaldan çıxılır.
Adi səhmlər üzrə dividendlər kapitalda elan olunduqları dövr üzrə azalma kimi tanınır. Balans hesabatı tarixindən sonra elan olunan dividendlər “Balans hesabatı tarixindən sonrakı hadisələr” haqqındakı 10 saylı Mühasibat Uçotunun Beynəlxalq Standartına (“MUBS”) uyğun olaraq balans hesabatından sonrakı hadisələr kimi uçota alınır və müvafiq qaydada açıqlanır.
Azərbaycan Respublikasının qanunvericiliyinə uyğun olaraq, Bank işçilərin əmək haqlarından məcburi dövlət sosial sığorta haqları tutur və onları dövlət pensiya fonduna köçürür. Bundan əlavə, bu cür təqaüd sistemi işəgötürən tərəfindən cari ödənişlərin heyət üzrə ümumi xərclərin faizi hesablanmasını təmin edir. Belə xərclər müvafiq əmək haqlarının qazanıldığı dövrdə çıxılır. Təqaüdə çıxdıqda təqaüdlə bağlı bütün ödənişlər dövlət pensiya fondu tərəfindən yerinə yetirilir. Bank, işə götürən tərəfindən cari məcmu əmək haqqı ödənişlərinin faizi kimi hesablanmış cari ödənişlərin həyata keçirilməsini tələb edən Azərbaycan Respublikasının dövlət pensiya sistemindən başqa hər hansı pensiya sisteminə malik deyildir. Bundan başqa, Bankda yığılması tələb olunan təqaüd sonrası müavinətlər və ya kompensasiya edilən digər mühüm müavinətlər mövcud deyildir.
Faiz gəliri və xərci hesablama metodu ilə effektiv faiz metodundan istifadə etməklə tanınır. Effektiv faiz metodu maliyyə aktivinin və ya maliyyə öhdəliyinin (və ya maliyyə aktivləri və ya maliyyə öhdəlikləri qruplarının) amortizasiya dəyərinin hesablanması və müvafiq dövr üzrə faiz gəlirinin və faiz xərclərinin bölüşdürülməsi metodudur. Effektiv faiz dərəcəsi hesablanmış gələcək nağd pul ödənişlərini və ya qəbzləri maliyyə alətinin gözlənilən faydalı istismar müddəti üzrə və ya müvafiq olduqda, daha qısa müddətdə maliyyə aktivinin və ya maliyyə öhdəliyinin xalis balans dəyərinə dəqiq diskontlaşdıran dərəcədir.
Qiymətdən düşmə zərəri nəticəsində maliyyə aktivi və ya oxşar maliyyə alətləri qrupu (qismən silindikdə) silindikdə, faiz gəliri qiymətdən düşmə zərərini müəyyən etmək məqsədilə gələcək nağd pul vəsaitlərini diskontlaşdırmaq üçün istifadə olunan faiz dərəcəsi əsasında tanınır.
Faiz gəlirinə həmçinin qiymətli kağızlara qoyulan investisiyalardan əldə olunan gəlirlər daxildir. Sair gəlirlər aidiyyatı əməliyyatlar başa çatdıqda mənfəət və zərər haqqında hesabatın kreditinə yazılır. Kreditin ayrılması haqları (aidiyyatı birbaşa xərclərlə birlikdə) təxirə salınır və kreditin effektiv faiz dərəcəsinə düzəliş kimi qeydə alınır. Komissiya gəlirləri və xərcləri hesablama metodu əsasında tanınır.
“ƏMRAHBANK” AÇIQ SƏHMDAR KOMMERSİYA BANKI 31 DEKABR 2006-CI İL TARİXİNƏ BİTƏN İL ÜZRƏ (Davamı) MALİYYƏ HESABATLARINA QEYDLƏR (Yeni Azərbaycan Manatı ilə)
17 Haqq və komissiya gəlirləri
Haqq və komissiya gəlirlərinə kreditin ayrılması haqları, kreditlər bağlı öhdəliklər üzrə komisyon haqlar, kredit üzrə xidmət haqları, kredit sindikasiya haqları daxildir. Kreditin ayrılması haqları aidiyyatı birbaşa xərclərlə birlikdə təxirə salınır və kreditin effektiv faiz dərəcəsinə düzəliş kimi qeydə alınır. Kredit öhdəliyinin xüsusi borc müqaviləsi ilə nəticələnməsi mümkün olduğu hallarda, kredit öhdəliyi üzrə haqlar aidiyyatı birbaşa xərclərlə birlikdə təxirə salınır və yekun kreditin effektiv faiz dərəcəsinə düzəliş kimi tanınır. Kredit öhdəliyinin xüsusi borc müqaviləsi ilə nəticələnməsi mümkün olmadığı hallarda, kredit öhdəliyi üzrə haqlar kredit öhdəliyinin qalan müddəti üzrə mənfəət və zərər haqqında hesabatda tanınır. Kredit müqaviləsinin müddəti kredit alınmamış qurtardıqda, kredit öhdəliyi üzrə haqlar mənfəət və zərər hesabatında müddətin bitməsi üzrə tanınır. Kredit xidməti haqları xidmətlər yerinə yetirildikdə gəlir kimi tanınır. Kredit üzrə sindikat haqları sindikat yekunlaşdıqda mənfəət və zərər haqqında hesabatda tanınır. Kreditin sindikasiya haqları mənfəət və zərər haqqında hesabatda sindikasiya başa çatdıqda tanınır. Bütün digər komissiyalar xidmətlər yerinə yetirildikdə tanınır.
Xarici valyutada müəyyən edilmiş pul aktiv və öhdəlikləri balans tarixindəki alqı-satqı məzənnəsinə uyğun şəkildə Yeni Azərbaycan Manatına konvertasiya edilir. Xarici valyuta ilə aparılan əməliyyatlar əməliyyatın yerinə yetirildiyi günə qüvvədə olan valyuta məzənnəsi ilə hesablanır. Bu əməliyyatlardan yaranan gəlir və zərər xarici valyuta mübadiləsi üzrə xalis gəlir kimi qeyd edilir.
Bank ilin sonuna maliyyə hesabatlarının tərtib olunması üçün aşağıdakı xarici valyuta məzənnələrindən istifadə etmişdir:
31 dekabr 2005-ci il
1 ABŞ dolları = 0.8714 AZN 1 ABŞ dolları = 0.9186 AZN 1 AVRO = 1.1471 AZN 1 AVRO = 1.0918 AZN 1 Rus Rublu = 0.0331 AZN
1 Rus Rublu = 0.0319 AZN
Yüklə 0,58 Mb. Dostları ilə paylaş:
|