III INTERNATIONAL SCIENTIFIC CONFERENCE OF YOUNG RESEARCHERS
1455
Qafqaz University 17-18 April 2015, Baku, Azerbaijan
səhnələrə, əsasən, Qobustan və Kəlbəcər qayalarında rast gəlinir. Bu baxımdan Qobustanda
Yazılıtəpədəki 32 №li daşda qeydə alınmış biçin səhnəsi olduqca maraqlıdır. Burada iki əlini
yanlara doğru açmış, bir əlində isə oraq tutan insan təsvir olunur. Onun qarşısında taxıl
zəmisi, ayaqlarının yanında sünbül nəzərə çarpır. Biçin səhnəsindəki taxılın darı olduğu
güman edilir. Dizə qədər uzanan və beldən yığılma paltar geyinmiş insanın arxasında “gizlən-
miş” keçi, çox güman ki, məhsuldarlıq rəmzi kimi çıxış edir. Oxşar rəsmlərə Kəlbəcər qaya-
üstü təsvirlərində də rast gəlinir. Ümumiyyətlə, Kəlbəcər təsvirlərinin müəyyən qismi əkin-
çilik təsərrüfatı ilə əlaqədardır. Burada ayrı-ayrı daşlarda ibtidai şum alətləri ilə yerin şum-
lanması, taxılın biçilməsi və döyülməsi səhnələri, çiynində toxa tutmuş insanlar təsvir
edilmişdir. Bu səhnələrin qeydə alındığı əraziyə yaxın digər bir yerdə aşkar edilmiş qədim
yaşayış yerində arxeoloji qazıntılar zamanı əldə olunmuş tapıntılardan da bir qismi məhz,
əkinçilik təsərrüfatı ilə bağlıdır.
Göründüyü kimi, əcdadlarımızın təsərrüfat həyatının və onun inkişaf prosesinin izlənil-
məsində qayaüstü təsvirlərin rolu və əhəmiyyəti olduqca böyükdür. Belə ki, bu təsvirlərin etno-
qrafik tədqiqi qədim insan həyatının digər sahələrinin öyrənilməsinə də geniş imkanlar yaradır.
TARİXİ ƏLYAZMA KİTABLARIN MÜHAFİZƏSİ VƏ İSTİFADƏSİNİN
MÜASİR PROBLEMLƏRİ
Qutiyera CƏFƏROVA
Azərbaycan Milli Elmlər Akademiyası
M.Füzuli adına Əlyazmalar İnstitutu
AZƏRBAYCAN
XXI əsrin informasiya texnologiyalarının xarakterik inkişaf istiqamətləri içərisində
müxtəlif növlü, tipli və məzmunlu sənədləri mühafizə edən elektron informasiya daşıyıcıları-
nın hazırlanması, sistemləşdirilməsi, mühafizəsi və şəbəkə rejimində uzaq məsafədən istifa-
dəsi vacib yer tutur. Bütün bu istiqamətlər kompleks şəkildə elektron kitabxanaların yara-
dılmasında və elektron kitabxana-informasiya təminatının təşkilində ifadə olunur. Elektron
resurslardan istifadənin təşkilində elektron kitabxana anlayışı ilə yanaşı elektron kataloq ilkin
mərhələ kimi mühüm əhəmiyyətə malikdir.
Azərbaycan Milli Elmlər Akademiyası M.Füzuli adına Əlyazmar İnstitutunun zəngin
əlyazma və nadir nəşrlər fondu cəmiyyətin informasiyalaşmasında və onun yeni inkişaf mər-
hələsinə doğru irəliləməsində əsas faktorlardan biri kimi kommunikasiyanın texniki vasitələri
ilə birlikdə ölkənin bu sahədə əsas infrastrukturunu təşkil edir. Əlyazmalar fondundan istifadə
və onun mühafizəsi sahəsində yeni intellektual və texniki əsaslarla optimal fəaliyyətin düzgün
təşkili olmasa, respublikanın yeni informasiya birliyinə inteqrasiyası mümkün deyildir.
Əlyazmalar fondunda xalqın, həmçinin Azərbaycanla sosial-iqtisadi, mənəvi, mədəni,
coğrafi, tarixi əlaqələri olan dünya xalqlarının əsrlər boyu yığılan bilik və təcrübələri, milli-
mənəvi irsi toplanmışdır. Əlyzamar fondu bu sahədə informasiya resurslarının əsas mənbəyi-
dir. Cəmiyyətimiz gələcək nəsillər qarşısında dünya mədəni irsinin qorunub saxlanmasında
məsuliyyət daşıyır. Ona görə də bu problem olduqca aktualdır.
Ölkəmizin iqtisadi inkişaf mərhələsində cəmiyyətimiz mədəni irs sayılan əlyazmalar
fondunun qiymətsiz olduğunu dərk etməyə başlamışdır. Əlyazmalar fondunun mühafizəsini
çox vacib olan sənədlərin bərpası kimi dərk etmək olmaz. Bu problem əlyazmalar fondunun
mühafizəsinin sosioloji, kulturoloji və iqtisadi problemlərini əhatə edir.
Əlyazmalar fondunun mühafizəsinə kompleks şəkildə yanaşmaq lazımdır. Burada həm
profilaktik tədbirlər, həm bərpa tədbirləri nəzərdə tutulmalıdır. Bu məqsədlə “milli sərvət” sa-
yılan əlyazmalar fondunun tam şəkildə mühafizəsini təmin etmək üçün müvafiq layihə tərtib
III INTERNATIONAL SCIENTIFIC CONFERENCE OF YOUNG RESEARCHERS
1456
Qafqaz University 17-18 April 2015, Baku, Azerbaijan
edilmişdir. Layihəyə əsasən əlyazmalar fondunda aparılacaq işlər aşağıda qeyd olunan
aspektləri əhatə edəcəkdir:
1. Nadir və qiymətli nəşrlərin elektron kataloqunun yaradılması;
2. Nadir və qiymətli nəşrlərin sığorta fondlarının, yekunda nadir nəşrlərin elektron ki-
tabxanasının yaradılması;
3. Fondların mühafizə və bərpası ilə bağlı metodiki vəsaitlərin tərtibi;
Layihənin hər bir bəndini ətraflı nəzərdən keçirək.
Layihəyə əsasən yaradılacaq əlyazmalar fondunun elektron kataloqu Azərbaycan Elmlər
Akademiyasının M.Füzuli adına Əlyazmalar İnstitutunun fondlarında saxlanılan bütün qiy-
mətli nəşrlərin qeydiyyatını aparmağa imkan yaradacaq. “Mədəni sərvət” sayılan qiymətli
sənəd və kitabların qeydiyyatı aparılacaq. Bu elektron kataloqa kitabların biblioqrafik
təsvirindən başqa yerləşdiyi fondun adı qeyd olunacaq. Beləliklə, nadir və qiymətli nəşrlərin
mərkəzləşdirilmiş formada qeydiyyatı aparılacaq və nadir kitabların AMEA üzrə vahid
məlumat bazası yaradılacaq. Bu bazanın beynəlxalq biblioqrafik standartlara əsasən tərtib
edilməsi, vahid şəbəkə axtarışının aparılması da təmin ediləcək. Nadir və qiymətli nəşrlərin
elektron kataloquna ilk növbədə daxil olunucaq:
- əlyazma və yüksək poliqrafik səviyyədə hazırlanmış kitablar;
- poliqrafik cəhətdən nəfis şəkildə hazırlanmış digər növ nəşrlər (Azərbaycan və xarici),
habelə yüksək estetik və sənəd keyfiyyəti olan kitablar;
- xüsusi elmi, tarixi, mədəni əhəmiyyət kəsb edən kitablar;
- görkəmli şəxsiyyətlərin xüsusi qeydləri olan nüsxələr;
- dünya əhəmiyyətli kitab abidələri, yəni bəşəriyyətin təşəkkülü və inkişafı üçün universal
əhəmiyyət kəsb edən kitablar;
- ölkə əhəmiyyətli kitab abidələrinə, yəni müəyyən ölkənin, millətin tarixi-mədəni irsini
öyrənmək üçün mühüm əhəmiyyət kəsb edən kitablar;
- yerli əhəmiyyətli kitab abidələri, yəni bu və ya digər etnik qrupların kompakt halında
yaşadığı əraziləri əhatə edən regionlar üçün əhəmiyyət kəsb edən kitablar və s. sənədlər;
- vaxtı ilə çapı qadağan olunmuş xüsusi nəşrlər;
- qiymətli şəkillər, illüstrasiyalarla zəngin olan kitablar;
- köhnə dövri mətbuat nümunələri, nadir albomlar, notlar;
- ölçü və çəkisinə görə xüsusilə fərqlənən kitablar (miniatür və nəhəng kitablar).
Nadir nüsxələrin hər biri haqqında tam şəkildə məlumat olmadığından bu sənədlərin
saxlama və istifadə prosesində itirilməsi riskini çoxaldır. Hal-hazırda əlyazmalar fondunda
müxtəlif dövrlərə aid kitablar saxlanılır. Bu sənədlərdə çox qiymətli informasiya cəmləşir,
lakin çox zaman bu kitabların fiziki vəziyyəti heç də qənaətbəxş deyil. Onlardan bəziləri (düz-
gün istifadə, düzgün yerləşdirmə nəticəsində) ciddi mexaniki zədə, bəziləri saxlanma şəraiti-
nin standart göstəricilərə uyğun olmadığından bioloji zədə almış olurlar.
Layihəyə əsasən Nadir nəşrlərin toplu elektron kataloquna düşən sənədlərin kompleks
şəkildə mühafizəsi təmin olunacaq, yəni bu kitabların elektron versiyası yaradılacaq, lazım
gəldikdə, oxuculara təqdim olunacaq. Kitabın “orijinalı”, yəni əsli isə dezinfeksiya və bərpa-
dan sonra hazırlanmış mikroiqlimli konteynerlərə yerləşdirilərək öz kitabxana fondunda ör-
tülü şkaflarda mühafizə olunacaq. Nəticədə M.Füzuli adına Əlyazmalar İnstitutunda saxlanı-
lan çox qiymətli nadir nüsxələrin elektron kitabxanaları yaradılacaq və oxucuların istifadəsinə
veriləcək.
Müasir dövrdə informasiya texnologiyaları bəşəriyyət tərəfindən tarix boyu əldə edilmiş
informasiyanın geniş miqyaslı elektron formasına salınmasına imkan yaradır. Belə informasiya
resurslarının yeni forması - elektron kitabxanalardır. Bu cür informasiya mənbələrindən istifa-
dənin təşkili elmin və təhsilin informasiya xidmətinin əsas məsələlərindən biridir. Beləliklə,
milli elektron kitabxananın əsası qoyulur və elektron formada milli fond yaradılır. Milli elektron
kitabxananın əsasını ilk növbədə əlyazmalar, XVIII – XX əsrlərə aid olan kitablar təşkil edəcək.