Microsoft Word A. Cemil secilmis eserler temiz variant secilmis eserler 111. doc
Yüklə 1,18 Mb. Pdf görüntüsü
|
Сечилмиш ясярляри 81 ANASIZ EVİN UŞAQLARI Qapını açanda evin kişisi Gözünün içinə baxa bilmədim, Evinin içinə baxa bilmədim. Körpə uşaqları çıxdı qarşıma, Odlu qəhərimi boğa bilmədim. Danışdıq… danışdıq sükut diliylə, Gözümdə qalmışdı körpə gözləri, Bilmirdim onları necə ovudum; Tək bircə gecəlik, tək bircə udum Ana nəfəsini gəzirdi onlar. …Anasa qəfildən çıxıb getmişdi, Getmişdi ömrünün gəlin çağından, Getmişdi bu isti ər ocağından, Ayrıydı üç körpə oyuncağından. …Üç ana ölmüşdü bu evdə, bəli, Hər uşaq bir ana intizarında… Yayın istisində, qışın qarında «Ana! Ana!» deyə öyrəşib onlar Ağrılı-acılı anasızlığa… …Ata bişirdiyi xörəyi yeyib, Yuduğu paltarı geyibdi onlar. Arabir karıxıb uşaq diliylə Ataya «ana» da deyibdi onlar… Körpə gözündəki anasızlığa Boylana bilmədim, baxa bilmədim. Hər baxış bir çətin imtahan idi, Mən o imtahandan çıxa bilmədim. Qəfildən üşüdüm, yaman üşüdüm, Sonra da alışdım mən için-için, Darıxdım balamın anası üçün… Zaqatala, 1980 Адил Ъямил 82 AÇIL EY SƏHƏR! Ulduzlara boylanmaq xoş olsa da, Ürəyimin buludu boşalsa da, Eşitmək istəmirəm Qulağıma nəsə pıçıldayan bu zülmət gecəni, Açıl, ey səhər!.. Ulduzlar yanıb-sönür ötəri məhəbbət kimi, Uzanır gecə boş söhbət kimi. Görmək istəmirəm bu zülmət gecəni, Açıl, ey səhər! Bir səma ulduzu yığsan bir yerə Dəyərmi günəşin bir zərrəsinə?.. Ürəyim tablamır, gözüm alışmır Gecənin qaranlıq mənzərəsinə, Açıl, ey səhər!.. 1980 Сечилмиш ясярляри 83 BU YOXUŞU ÇIXASIYAM Yanıb-sönən ocaq gördüm, Boz külü közündən baha. Yüz bulaqlı bir dağ gördüm Dərəsi düzündən baha. Ömür verin gülcə mənə, Toxunmayın bircə mənə… Ürək istər bu çəmənə Qönçənin gözündən baxa! Su içində odam - gördüm, Od içində otam - gördüm. Neçə-neçə adam gördüm Paltarı özündən baha . Desəm yoxdur dərd duyanım, Demə dərdin dərddi, yanım? Mən görürəm bu dünyanın Astarı üzündən baha. Taleyimin çağasıyam, Ürəyimin ağasıyam. Bu yoxuşu çıxasıyam, Tutmayın dizimdən, bax ha… 1979 Адил Ъямил 84 KƏNDİMİZƏ GEDƏRKƏN Həsrət gilə-gilə tutsa qanımı Düşərəm yolların ağına bir gün. Alaram əlimə çamadanımı, Çıxaram Comərdin dağına bir gün. Baharın gürşadı yusa dağları Gedişim yamanca vaxtına düşər. Çıxar qabağıma kənd uşaqları, Muştuluq «qoçağın» baxtına düşər. Nənəm eşidəndə gəlir nəvəsi Zəif gözləriylə yolları gəzər. Çataram kəndimin astanasına; Üzümdə anamın isti nəfəsi, Boynumda həsrətli qolları gəzər. Yığılar başıma qonum-qonşular, Məni ürəyincə dindirər hərə. O gecə kəndimiz yuxusuz qalar, Gözünü qırpmadan çıxar səhərə. 1974 Сечилмиш ясярляри 85 LAYLA Bir həzin laylaya ehtiyacım var, Ana mehri üçün dağlar aşaram. Görsəm bir körpəyə layla çalırlar Özümü unudub uşaqlaşaram. Bir zaman qəm yağıb elə, obaya, Ana ürəyində kədər, kin olub. Nə qədər «körpələr» gedib davaya, Nə qədər laylalar didərgin olub… Gəlib bu günəcən, gəlib laylalar, Heyif ki, sozala-sozala gəlib. Laylanı duymayıb təzə «analar», Laylalar azala-azala gəlib. Bir layla gəzirəm məni isidə, Yüz qayğı bir ana mehrini verməz. Dünyanın ən gözəl musiqisi də Ana laylasının yerini verməz. Bir layla gəzirəm yandıra, yaxa, Təzədən tapışa ana balayla. İlbəil xalqımın yadından çıxan, Günbəgün azalan laylam, a layla… 1980 Адил Ъямил 86 *** Durula-durula axan bulağım, Aman ver, diz çöküm duruluğuna. Sən - bulaq, mən - bulaq, axıb durulaq, Yaşayaq bir ömrü yarılığına. Dağlardan qıjhaqıj gələn dağ çayım, Aman ver, ağappaq köpündən keçim, Körpü ver, yüyürüm körpündən keçim. Körpü də verməsən, tez ol, güman ver, Güman ver, lap saman çöpündən keçim… Uçuna-uçuna uçuşan quşlar, Gəlin, yaxın gəlin, verək səs-səsə, Dayanaq üz-üzə, nəfəs-nəfəsə, Bir nəğmə oxuyaq bu qəribliyə… Sizləri isidən yuva yoxdusa Soruşaq: bu meşə göyərib niyə? Gəlin, yaxın gəlin, sərçə balalar, Qanadı içində ətcə balalar, Nəğməniz qalmasın içinizdə qoy… 1981 Yüklə 1,18 Mb. Dostları ilə paylaş:
|