138
dissertasiya müdafiə edib, iqtisad elmləri namizədi alimlik
dərəcəsi almışdır.
1983-cü ildən Azərbaycan İnşaat Mühəndisləri
Uniiversitetinə dosent vəzifəsinə qəbul olunmuş, elmi
tədqiqat işləri ilə yanaşı, tədris metodiki işlərlə də məşğul
olmuşdur. O, yüksək elmi - metodiki səviyyədə Sahənin
iqtisadiyyatı, Su təsərrüfatı və hidrotexniki tikintilərin
iqtisadiyyatı fənlərindən mühazirə və məşğələ dərslərini
aparmış, tədrisin bir sıra digər məsələlərilə əlaqədar işlər
yerinə yetirmişdir.
Azərbaycan Memarlıq və İnşaat Universitetində
professor F.S.Adıgözolov elmi tədqiqat işləri ilə tədris
işlərini əlaqələndirməklə dərs vəsaitləri və metodik
göstərişlər hazırlamışdır, vermişdir.
F.S.Adıgözəlov Memarlıq və İnşaat Mühəndisləri
Universitctində işlədiyi müddət ərzində tələbələr üçün iki
dərs vəsaiti, həmçinin diplom və buraxılış işləri üzrə
layihələrin iqtisadi cəhətdən əsaslandırılmasına, məşğələ
dərslərinin aparılmasına dair çoxlu metodiki göstərişlər çap
etdirmiş, tədris etdiyi fənlərin əsas proqramlarını işləyib
hazırlamışdır.
F.S.Adıgözəlovun 1990-cı ildə Azərnəşr tərəfindən çap
etdirdiyi digər əsəri "Sudan istifadənin sosial-iqtisadi
səmərəliliyi problemlərinə həsr olunmuşdur. İqtisad elmləri
doktoru Nəbi Nəbiyevin "Azərbaycan xalq təsərrüfatı"
jurnalının 1990-cı il 10-cu nömrəsində "Su həyat və
istehsalın inkişafı deməkdir" başlıqlı rəyində müəllif
tərəfindən xalq təsərrüfatının müxtəlif sahələrində suya
iqtisadi bir kateqoriya kimi baxıldığı və onun səmərəlilik
139
göstəricilərinin elmi cəhətdən işləyib hazırladığı təsərrüfat
mexanizminin təkmilləşdirilməsinə dair verdiyi təkliflər
əsasında su itkisinin qarşısının alınması, sudan səmərəli
istifadənin əsaslandırılması göstərilir.
F.S.Adıgözəlov respublikamızda bir sıra institutların
ixtisaslaşdırılmış müdafiə və elmi şuralarının üzvü kimi də
fəaliyyət göstərmişdir. 1994-ci ildən Azərbaycan EA
Coğrafiya institutunun ixtisaslaşdırılmış doktorluq disserta-
siyası üzrə Müdafiə Şurasının, 1995-ci ildən isə Elmi-
Tədqiqat Kənd Təsərrüfatının İqtisadiyyatı və Təşkili
İnstitutunda namizədlik dissertasiyaları üzrə ixtisaslaş-
dırılmış elmi şuraların üzvü olmuşdur.
F.S.Adıgözəlov həmçinin 1991-1997-ci illərdə Elmi-
Tədqiqat Su Problemləri institutunun, 1994-cü ildən
(ömrünün sonuna) kimi isə Azərbaycan Elmi- Tədqiqat
Hidrotexnika və Meliorasiya İnstitutunun elmi şurasının
üzvü kimi su təsərrüfatı sahəsində bir çox elmi problemlərin
müzakirəsində yaxından iştirak etmişdir.
1995-1998-ci illərdə Respublika Təhsil Nazirliyinin
Tikinti və Memarlıq sahəsində Metodik Şuranın, 1994-1997-
ci illərdə isə Respublika Elm və Texnika Komitəsinin Tikinti
və Memarlıq sahəsində Ekspert Şurasının üzvü kimi də
tikinti işlərinə aid bir sıra problemlərə öz fikrini bildirmişdir.
F.S.Adıgözəlov uzun müddət apardığı tədqiqat işlərini
yekunlaşdıraraq, "Aqrar sənaye istehsalında su resursların-
dan istifadənin effektivliyi" mövzusunda doktorluq
dissertasiya işini başa çatdırıb, onu 1990-cı ildə Azərbaycan
EA İqtisadiyyat İnstitutunun Elmi Şurasında müvəffəqiy-
yətlə müdafiə etmişdir. SSRİ Ali Attestasiya Komissiyasının
140
ekspert şurası F.S.Adıgözəlovun doktorluq dissertasiyasına
yüksək qiymət vermiş və ona iqtisad elmləri doktoru elmi
dərəcəsi verilmişdir. F.S.Adıgözəlov V.K.Papisov,
E.İ.Uşakovdan sonra keçmiş ittifaqda su problemlərinin
iqtisadiyyatı sahəsində iqtisad elmləri doktoru dərəcəsi alan
üçüncü alim idi.
Məlum olduğu kimi, Milli Məclisin "Su Məcəlləsi
haqqında" qəbul etdiyi qanununda yeni istehsal münasibət-
ləri şəraitində bütün regional əhəmiyyətli yeraltı və yerüstü
su obyektlərində sudan istifadənin pullu həyata keçirilməsi
göstərilir. Ancaq hazırkı şəraitdə su istehlakçılarının,
xüsusilə fermerlərin kənd təsərrüfatı bitkilərinin suvarılması
üçün işlətdikləri suya haqq vermək imkanları məhdud
olduğundan, hazırda bu sahədə böyük çətinliklər yaran-
mışdır. Bu çətinliyi nəzərə alaraq, professor F.S.Adıgözəlov
əkin suyuna qiymətlərin hesablanmasına dair metodika
işləyib hazırlamış, həmçinin şoran torpaqların yuyulmasında,
su təchizatında və ayrı-ayrı bitkiçilik sahələrində istitadə
olunan suya qiymətlərin diferensiallaşmasının riyazi
modelini işləyib hazırlamışdır.
F.S.Adıgözəlov iqtisad elminin bir sıra digər problemləri
ilə də məşğul olmuşdur. Onun respublikamızın torpaq-
larından səmərəli istifadə olunması ilə əlaqədar apardığı
tədqiqatları, ayrı-ayrı iqtisadi rayonlar üzrə torpaq balansla-
rının tərtibi, perspektiv dövr üçün müxtəlif kateqoriyadan
olan torpaq istifadəçiləri arasında torpaq sahələrinin
transformasiyası, torpaqların münbitliyindən asılı olaraq bu
torpaqların iqtisadi qiymətləndirilməsi, həmçinin suvarılan
141
torpaqlarda istehsalın intensivləşməsinə dair apardığı
tədqiqatlar mühüm elmi-praktiki əhəmiyyətə malikdir.
Professor F.S.Adıgözəlovun tədqiqatları onun çap
olunmuş əsərlərində, o cümlədən monoqrafiyasında, çoxlu
dərs vəsaiti, metodiki göstərişləri və məqalələrində əks
olunmuşdur. Alimin respublikadan kənarlarda - xarici ölkə
jurnallarında məqalələri çap olunmuşdur. O, dəfələrlə
respublika, ittifaq və beynəlxalq konfranslarda məruzələrlə
çıxış etmişdir.
F.S.Adıgözəlovun əkin suyuna diferensial qiymətlər
qoyulması, su təsərrüfatı təşkilatlarının təsərrüfat fəaliyyətini
əks etdirən sistem göstəriciləri, investisiya qoyuluşlarının
effektivliyini təyin etmək məqsədilə mənimsəmə müddətinin
hesablanması metodikası üzrə tədqiqatlarından irəli gələn
digər təklif və tövsiyələri Azərbaycan Su Qurğularını
Layihələşdirmə İnstitutunda, Meliorasiya və Su Təsərrüfatı
Komitəsində, su təsərrüfatının tikintisi və istismarı
təşkilatlarının təsərrüfat fəaliyyətlərində, həmçinin müəllifin
tədris etdiyi fənlərin əsas və işçi proqramlarında da öz əksini
tapmışdır.
2000 – ci ildə dünyasını dəyişmişdir.
Dostları ilə paylaş: |