164
İttifaqın digər qəzet və jurnallarında nəşr etdirdiyi çörəyin
iqtisadi-mənəvi problemlərinə dair saysız-hesabsız oçerklər
geniş əks-səda doğurmuşdur.
Əbülfəz Bərəkətin son vaxtlar oxuculara təqdim etdiyi
"Sevən ürək, isti çörək" əsəri 20 Yanvar hadisələrinə həsr
edilmişdir. Əsərdə şəhidlərimizin nakam və saf
məhəbbətindən, pak və ülviliyindən söhbət gedir, onların
ruhu əzizlənir, xatirələri yad olunur.
"Dəyirmana gedən yollar" bədii-publisistik oçerki dünya
şöhrətli müğənni Lyüdmila Zıkinanın müşayiəti ilə radio-
kompozisiya vallara yazılaraq "Русский язык зарубежом"
jurnalının redaksiyasının təşəbbüsü ilə dünyanın səksən
ölkəsində səslənir. İndi həmin ölkələrin məktəblərində
şagirdlərə Azərbaycanın adət-ənənələri, qonaqpərvərliyi,
insanpərvərliyi barədə 13 sinif məşğələsi keçirilir.
Həmin oçerk istedadlı müğənnimiz Rəşid Behbudovun
müşayiəti ilə də səsləndirilmiş və geniş əks-səda
doğurmuşdur.
Beləliklə, professor Ə.Qasımovun iqtisadi təfəkkürü ilə
bədii təfəkkürü arasında yaranmış vəhdət ona elmi
axtarışlarında böyük uğurlar qazandırmışdır.
165
Qəhrəmanov Rüstəm Cəbrayıl oğlu
Qəhrəmanov Rüstəm Cəbrayıl oğlu
1910-cu ildə Qubadlı rayonunun
Kürdçalanlı kəndində anadan olub.
1931-ci ildə orta məktəbi bitirdikdən
sonra 1932-1935-ci illərdə Bakı
şəhərində Ali Kommunist məktəbinin
təşkilatçı aqronom şöbəsini, 1936-37-ci
illərdə Moskva şəhərində Sverdlov adına
Alt Kommunist Kənd Təsərrüfatı Məktəbinin və ÜİK (b)P
MK-nın nəzdindəki Marksizm-Leninizm Məktəbinin
dinləyicisi olmuşdur.
1937-ci ildə Moskva şəhərində təhsilini başa vurduqdan
sonra Bakı şəhərində Azərbaycan Torpaq Komissarlığında
Ali məktəblər və texnikumlar üzrə müfəttiş vəzifəsində
işləmişdir. Bir müddətdən sonra isə Naxçıvan MR Kənd
Təsərrüfatı naziri vəzifəsinə təyin edilmiş və 1947-ci ilə kimi
həmin vəzifədə işləmişdir. Rüstəm müəllim çox çətin
müharibə illərində Naxçıvanda kənd təsərrüfatı naziri
vəzifəsində işləyərkən Muxtar Respublikanın kənd
təsərrüfatının, onun iqtisadiyyatının inkişaf etdirilməsində
çox işlər görmüşdür. Ona görə də Muxtar Respublikanın
əhalisi, xüsusilə onunla işləyənlər Rüstəm Qəhrəmanovu
olduqca ciddi, həm də çox təvazökar bir adam kimi
xatırlayırlar.
R.Qəhrəmanov 1948-1949-cu illərdə Azərbaycan
Respublikası Kənd Təsərrüfatı Nazirliyində Bağçılıq və
üzümçülük idarəsinin rəisi vəzifəsində, 1950-1952-ci illərdə
166
isə Cəlilabad (o vaxtki Astraxanbazar) rayonunda partiya
komitəsinin birinci katibi vəzifəsində işləmişdir. Rayonun
abadlaşdırılması və sosial-iqtisadi inkişafı haqqında indi də
xatırlanan işlər görmüşdür. 1952-1958-ci illərdə Moskva
şəhərində Timiryazev adına Kənd Təsərrüfatı Akademiya-
sının “Aqronomluq” fakültəsində oxumuşdur. 1956-cı ildə
həmin akademiyada dissertasiya müdafiə edərək, iqtisad
elmləri namizədi alimlik dərəcəsi almışdır. 1972-ci ilin may
ayında R.Qəhrəmanov "Naxçıvan MR kənd təsərrüfatının
səmərəli yerləşdirilməsi və ixtisaslaşdırılması problemləri"
mövzusunda doktorluq dissertasiyasını müdafiə etmişdir.
1974-cü ildə ona professor elmi adı verilmişdir. 100-ə qədər
elmi məqalənin və dörd monoqrafiyanın müəllifidir. 1957-ci
ildən başlayaraq ömrünün axırına qədər elm sahəsində
çalışmışdır. 1957-1961-ci illərdə respublika Elmlər
Akademiyasında, 1962-ci ildən ömrünün sonuna kimi
Az.ETKTİ və Tİ-də şöbə müdiri vəzifəsində işləmişdir.
Kənd təsərrüfatı sahəsi üzrə elmi işlə məşğul olan
gənclər, orta yaşlı mütəxəssislər ondan elmi və praktik
məsləhətlər alırdılar. R.C.Qəhrəmanov uzun müddət
Azərbaycan EA İqtisadiyyat İnstitutunda, həm də Az.ETKTİ
və Tİ-də elmi şuranın üzvü olmuşdur.
Respublikada iqtisadçı kadrların hazırlanmasında və
formalaşmasında R.Qəhrəmanovun xidməti böyükdür.
R.Qəhrəmanovun rəhbərliyi ilə onlarla elmlər namizədi
yetişdirilmişdir. Onun həyat fəlsəfəsi xalqa xidmət etmək,
insanlara köməklik etmək idi. R.Qəhrəmanovun əməyi həm
xalq, həm də dövlət tərəfindən yüksək qiymətləndirilmişdir.
"Qafqazın müdafiəsi", Fədakar əməyə görə medalları,
167
"Qırmızı əmək bayrağı" ordeni ilə təltif edilmişdir. Respub-
lika Ali Sovetinin I və II çağırış seçkilərində iki dəfə xalq
deputatı seçilmişdir.
1979-cu ildə dünyasını dəyişmişdir.
168
Rüstəmov Ağarza Ağahəsən oğlu
Rüstəmov Ağarza Ağahəsən
oğlu
1952-ci ildə Şərur rayonunun
Qıvraq kəndində (indiki Kəngərli rayo-
nunun Qıvraq qəsəbəsində) dünyaya göz
açmış. 1969-cu ildə orta məktəbini
bitirmiş, həmin kənddə təsərrüfat
fəaliyyətinə başlamışdır.
1970 -ci ildə sənədlərini D.Bünyadzadə adına Xalq
Təsərrüfatı İnstitutuna (indiki ADİU) vermiş, “Mühasibat
uçotu və təsərrüfat fəaliyyətinin təhlili” ixtisasına qəbul
olunmuşdur. A.A.Rüstəmovun bir semestr ərzində təhsilə
olan marağını və müvəffəqiyyətlə oxuduğunu görən institut
rəhbərliyi, onu 1971-ci ilin yanvar ayında “Siyasi iqtisad
müəllimliyi” ixtisasına keçirmiş və o 1975-ci ildə institutu
həmin ixtisas üzrə bitirmiş, ona yeni yaranmış Naxçıvan
Dövlət Pedoqoji İnstitututuna təyinat verilmişdir.
Hərbi xidmətdən sonra, yenidən siyasi iqtisad müəl-
limliyinə qayıtmış. Bir an da belə elmi fəaliyyəti yadından
çıxarmayan A.A.Rüstəmov, onu maraqlandıran məsələlər
haqda artıq respublikada keçirilən elmi konfranslarda öz
məqalələri ilə çıxış etməyə başlamışdır. Belə ki, o 1981-ci
ildə “Texniki tərəqqi və kənd təsərrüfatında əsas istehsal
fondlarından istifadənin yaxşılaşdırılması yolları”, 1982-ci
ildə “Müasir dövrdə kənd təsərrüfatında əsas istehsal
fondlarından istifadənin xüsusiyyətləri” və s. məqalələrini
nəşr etdirmişdir.
Dostları ilə paylaş: |