190
səmərəliliyinin yüksəldilməsi sahəsində dəyərli təklif və
tövsiyələr hazırlamış, aidiyyəti təşkilatlara və müvafiq
təsərrüfatlara təqdim etmişdir.
Tağıyev T. 1959-cu ildən Azərbaycan Respublikası
“Bilik” cəmiyyətinin üzvü olmaqla, respublikanın bir çox
təsərrüfatlarında bitkiçilik və heyvandarlıq məhsulları
istehsalının artırılması və maya dəyərinin aşağı salınmasına
dair çoxlu sayda elmi mühazirələr oxumuş, təsərrüfatlara
yaxından elmi və praktiki köməklik göstərmişdir.
1969-cu ildən 2000-ci ilədək, Azərbaycan Elmi-Tədqiqat
Kənd Təsərrüfatının İqtisadiyyatı və Təşkili İnstitutunda baş
elmi işçi və aparıcı elmi işçi vəzifəsində işləmişdir. 2000-
2006-cı illərdə şöbə müdiri vəzifəsində işləmişdir.
İşlədiyi dövrdə aqrar sahədə kənd təsərrüfatı müəs-
sisələrinin iqtisadiyyatı və təşkilinə dair 60 elmi tədqiqat
işlərinin, 70-dən çox elmi məqalənin, 4 kitabça şəklində
çıxan tövsiyənin; 50-dən çox tövsiyə və təkliflərin müəllifi
olmaqla, 40-dan çox aspirant və dissertantların dissertasiya
işlərinə rəy və lazımi elmi məsləhətlər vermişdir.
Kənd Təsərrüfatı Nazirliyinin tapşırığına əsasən Ağdam,
Yevlax, Şəki,
Gədəbəy və Şəmkir rayonlarında bir neçə
təsərrüfatın təşkilat-təsərrüfat quruculuğu planını işləyib
hazırlamış və təsərrüfatlara təqdim etmişdir. Gədəbəy
rayonunda kartofçuluq üzrə 4 iri toxumçuluq təsərrüfatının
təşkil edilməsində fəal iştirak etmişdir.
Azərbaycan Respublikasının ən ucqar dağ rayonu olan
Lerik və Yardımlı rayonlarının zərərlə işləyən aşağı
rentabelli təsərrüfatlarında istehsalın iqtisadi səmərəliliyinin
yüksəldilməsi üzrə hazırladığı təkliflər və tövsiyələr
191
Azərbaycan SSRİ Dövlət Aqrar Sənaye Komitəsinin Elmi-
Texniki Şurasının, Sosial İqtisadi İnkişaf və İdarəetmənin
təkmilləşdirilməsi seksiyası tərəfindən müzakirə edilərək
bəyənilmiş və tətbiq olunmaq üçün təsərrüfatlara təqdim
edilmişdir.
T.Tağıyev Kənd Təsərrüfatı Nazirliyinin tapşırığı
əsasında Şəki-Zaqatala regionunun təsərrüfatlarında bitki-
çilik və heyvandarlıq məhsulları istehsalının mövcud
vəziyyətini araşdırmış, aşağı rentabelli və zərərlə işləyən
təsərrüfatların iqtisadiyyatının qaldırılmasına dair hazırladığı
tövsiyə nazirlik tərəfindən yüksək qiymətləndirilərək
respublikanın bütün zərərlə işləyən təsərrüfatlarında tətbiq
olunması
məqsədəmüvafiq hesab edilərək yerlərə
göndərilmişdir.
Gədəbəy rayonunun Şınıx zonasında Ermənistanın
torpaq iddiası ilə əlaqədar olaraq oranın sosial-iqtisadi
inkişafını möhkəmləndirmək üçün Kənd Təsərrüfatı
Nazirliyinin komissiyasına daxil edilərək, həmin zonaya
ezam olunmuş, oranın sosial-iqtisadi vəziyyətini daha da
möhkəmləndirilməsi üçün tələb olunan əsaslı təkliflər
hazırlayıb rəhbərliyə təqdim etmişdir.
T.M.Tağıyev 50 ildir ki, Azərbaycan Elmi-Tədqiqat
Kənd Təsərrüfatının İqtisadiyyatı və Təşkili İnstitutunda
fasiləsiz olaraq tədqiqatlar aparır.
Tağı Tağıyevin aşağıdakı məqalələri xüsusi əhəmiyyətə
malikdir. “Respublikada taxılçılığın inkişafı”; “Aqrar
bölmədə
sahibkarlıq fəaliyyətinin inkişafının əsas istiqamət-
ləri”; “Bazar iqtisadiyyatı şəraitində müxtəlif növ təsər-
rüfatçılıq formalarının inkişafı”; “Çoxukladlı təsərrüfatçılıq
192
şəraitində aqroservis xidmətinin inkişaf məsələləri”;
Gədəbəy rayonunda sahibkarlıq fəaliyyətinin müasir
vəziyyəti və inkişaf perspektivləri”; “Bazar iqtisadiyyatı
şəraitində müxtəlif təsərrüfatçılıq formalarında məhsul
istehsalının artırılması və iqtisadi səmərəliliyinin yüksəl-
dilməsi problemləri”; “Bazar iqtisadiyyatı şəraitində kənd
təsərrüfatı istehsalı infrastrukturunun formalaşmasında
başlıca problemlər”; “Kartofçuluq təsərrüfatlarının iqtisadi
səmərəliliyinin yüksəldilməsi”; “Dağ təsərrüfatlarında
maldarlıq məhsulları istehsalının artırılması”; “Bitkiçilik və
heyvandarlıqda məhsul istehsalının artırılmasında və iqtisadi
səmərəliliyinin yüksəldilməsində sahə quruluşunun rolu”;
“Azərbaycanda heyvandarlıq sahələrinin inkişaf səviyyəsi və
məhsul istehsalının artırılması ehtiyatları”; “Heyvandarlığın
yemə olan tələbatı və yem istehsalının möhkəmləndirilməsi
ehtiyatları”; “Dağ təsərrüfatlarında qoyunçuluğun inkişaf
ehtiyatları” və s.
Tağıyev Tağı Məsim oğlu rəhbərlik tərəfindən aşağıdakı
təltifərə layiq görülmüşdür:
1. 1974-cü ildə Azərbaycan Kənd Təsərrüfatı Nazirli-
yinin Kollegiyasının və Həmkarlar Komitəsinin birgə Qərarı
ilə “Sosializm Yarışının Qalibi” nişanı.
2. 1985-ci ildə Azərbaycan Kənd Təsərrüfatı Nazirli-
yinin Kollegiyasının və Həmkarlar Komitəsinin birgə Qərarı
ilə “XI Beşilliyin Qalibi” nişanı və pul mükafatı.
3. 1986cı ildə uzun müddət qüsursuz və fasiləsiz
işlədiyinə görə “Əmək Veteranı” medalı.
193
4. 1990-cı ildə Azərbaycan aqrar-iqtisadi elminin
inkişafında uzun illər səmərəli fəaliyyətinə görə Az.ETKTİ
və Tİ-nun “Fəxri Fərmanı”.
5. 1996-cı ildə Kənd Təsərrüfatı Nazirliyinin əmri ilə
Azərbaycan Respublikasının “Əmək Veteranı”.
6. 2001-ci ildə Azərbaycan Respublikası Kənd Təsərrü-
fatı Nazirliyi, Aqrar Elm Mərkəzi və Həmkarlar Komitəsinin
respublikamızın dağ rayonlarının iqtisadiyyatının
yüksəldilməsi və elmi fəaliyyətinə görə təbriki.
7. 2006-cı ildə aqrar elmin inkişafındakı xidmətlərinə və
elmi-istehsalat fəaliyyətinə görə Azərbaycan Respub-
likasının Kənd Təsərrüfatı Nazirliyinin “Fəxri Fərmanı” və
pul mükafatı.
8. 6 yanvar 2011-ci ildə çoxillik səmərəli əmək
fəaliyyəti və 80 illik yubileyi münasibəti ilə Azərbaycan
Elm-Tədqiqat Kənd Təsərrüfatının İqtisadiyyatı və Təşkili
İnstitutunun və Həmkarlar İttifaqı Komitəsinin “Fəxri
Fərmanı”.
9. 01 noyabr 2011-ci ildə Azərbaycan Respublikasının
Kənd Təsərrüfatı və Qida Sənayesi işçiləri Həmkarlar İttifaqı
Federasiyasının Fəxri Fərmanı və pul mükafatı.
T.M.Tağıyev öz elmi fəaliyyətini bu gün də böyük
həvəslə davam etdirir.
Hazırda “İstehsalın iqtisadi səmərəliliyinin artırılması və
sahibkarlığın inkişaf problemləri” şöbəsində aparıcı elmi işçi
vəzifəsində işləyir.
Dostları ilə paylaş: |