67
Qəbul imtahanı
Dəstə-dəstə, sıra-sıra adam düzəldərdilər, “partiya kitabçama and
olsun!” – deyirdilər.
Müştərilərinə zorla qiymət yazdırırdılar, “partiya kitabçama and
olsun!” – deyirdilər.
İmtahan vərəqələrini dəyişdirirdilər, “partiya kitabçama and
olsun!” – deyirdilər.
Adamsızları kəsirdilər, “partiya kitabçama and olsun!” – deyirdilər.
Obrazlı təlim
Estetika dərsində uşaqlara dedim:
– Əgər müasir üslublu rəssam dekan müavinimizin şəklini
çəkmək
istəsəydi, başsız adam şəkli çəkərdi, hər şey aydın olardı. Təfərrüata
ehtiyac qalmazdı.
Sevincim
– Müəllim, əleyhinizə məqalə yazıblar.
Sizi
idealist, revizionist və nihilist adlandırıblar.
Biz isə sizi sevirik!
“FİLOSOFLAR” ARASINDA
Nağıl
Biri vardı, biri yoxdu.
Məmləkətdə öz fikri olan filosoflar yaşayırdı.
Hörmətli, izzətli, qüdrətli!
Zəka seli aşıb-daşırdı.
Mənəviyyat bulağı qaynayırdı.
Biri vardı, biri yoxdu.
Şirin bir nağıl vardı.
68
Talelər
Rütbədən salınmışdı – filosof olmuşdu.
İnsanlığa yaramamışdı – filosof olmuşdu.
Əxlaqdan uzaqlaşmışdı – filosof olmuşdu.
Kələyə yaramışdı – filosof olmuşdu.
Naxırdan ayrılmışdı – filosof olmuşdu.
Arvadından qaçmışdı – filosof olmuşdu.
Qazan qalaylayırdı – filosof olmuşdu.
Soğan satırdı – filosof olmuşdu.
Rüşvətdə tutulmuşdu – filosof olmuşdu.
Ədəbiyyatı bilmirdi – filosof olmuşdu.
Riyaziyyatı bilmirdi – filosof olmuşdu.
Tarixi bilmirdi – filosof olmuşdu.
Dədəsini tanımırdı – filosof olmuşdu.
Beyni zədələnmişdi – filosof olmuşdu.
Hesabat
– Mən görkəmli mütəfəkkirin ardıcıl materialist olduğunu
qəti
surətdə sübut etmişəm.
– Mən kitabxanadan yeni əlyazması
kəşf eləmişəm.
–
Mən müntəxabat yaratmışam.
– Mən məxəzlərə enmişəm.
– Mən məişəti diriltmişəm.
– Mən nikah fəlsəfəsi yaratmışam.
– Mən fəlsəfəni şüarlaşdırmışam.
– Mən fəlsəfəni qəzet materiallarıyla zənginləşdirmişəm.
– Mən anketlər silsiləsi tərtib etmişəm.
– Mən zəngin biblioqrafiya
aşkar eləmişəm.
– Mən iclası fəlsəfələşdirmişəm.
Yazıq fəlsəfə.
71
İclasda dediklərim
– Kimə lazımsınız?
Oxucularınız varmı?
Şair –
filosofluq eləyə bilir, bəstəkar – filosofluq eləyə bilir, rəssam
–
filosofluq eləyə bilir, felyetonçu – filosofluq eləyə bilir, konferansye
– filosofluq eləyə bilir, filosof – filosofluq eləyə bilmir.
Sənətinizi dəyişin!
Sürücü olun, satıcı olun!
Fəlsəfəni özünüzdən xilas edin!
Vicdanınız olsun!
ƏDƏBİ GÜNLƏRİM
Böyük tənqidçi
Üç cild bəsit resenziya!
İki soyuq, sönük monoqrafiya!
100-ə qədər elmi əsər saydırılan payız yarpaqları vasitəsiylə
akademik seçildi!
Akademik olduğu üçün böyük tənqidçi sayıldı.
Sonra özünə carçı tapdı.
Tərifləndi.
Tərif inersiyasında böyüdü.
Təhlil qüdrəti heçə bərabər idi.
Filan yazıçı sosializm realizminə yiyələnib, filan yazıçı yox, filan
kollektivləşmədən yazıb, filan sənayeləşmədən!
Meydana girməzdi.
Kənarda dayanardı.
Meydandakılara moizə oxuyardı.
Yerişindəki mənəmlik misilsiz idi.
Sifətində ifadə görməzdim.
Özünü gizlətməyi bacarırdı.
72
“Bizə böyük tənqid gərək deyil” – deyirdi – “Gərək olsa paytaxtda
yaranardı”.
Mənə əvəzsiz xidmət göstərdi. Pis tənqidçi olduğunu öz
yaradıcılığıyla əyani sübut etdi.
Sağ olsun!
Fədakar şair
Vətəni üçün ölürdü. Ancaq öldürmürdülər.
Bəsləyirdilər, əzizləyirdilər, rütbələndirirdilər, vəzifələndirirdilər,
muzeyləşdirirdilər.
Əlverişli fədakarlıq idi vətənpərvərin fədakarlığı.
Ölürdü – firavanlığa yetişirdi.
Yeni şeir
Qafiyə lazım deyil!
Vəzn lazım deyil.
Fikir dumanlı olanda gözəldir.
Sərbəstlik – kamillikdir.
İdrakilik – hecaya sığmır, əruza sığmır.
Dünyaya üz tutmalıyıq.
Meridianlara, radiuslara sarılmalıyıq!
Atom əsrinə layiq olmalıyıq.
Başı aşağı, ayağı yuxarı gəzməliyik.
Qatar poeziyası, təyyarə poeziyası yaratmalıyıq.
İnanmadım intellektuallara, novatorlara.
Bayağı gəldi
mənə hay-həşirli manifestlər, mühakimələr.
İldırım sürətiylə dəyişən poeziya konsepsiyası mənə bayağı
göründü!
Səsimi ucaltdım, sözümü dedim.
Qılığa uymadım, hədədən qorxmadım.
Özümə sadiq qaldım.